လံာ်ယဃ့းစက့လး 26:20 - Sgaw Karen Common Bible

²⁰ ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 26:20 Iomraidhean Croise

စံးထီၣ်ပတြၢၤ 27:13

ယနာ်လၢယကအိၣ်မူထံၣ်ဘၣ်ယွၤအတၢ်ဂ့ၤတၢ်ဝါလၢပှၤ အမူတဖၣ်အကီၢ်အပူၤန့ၣ်လီၤ.

စံးထီၣ်ပတြၢၤ 28:1

ယွၤယလၢၢ်ဧၢ, ယကိးထီၣ်နၤလီၤ. ဒိကနၣ်ယတၢ်ကိးထီၣ်န့ၣ်တက့ၢ်. နမ့ၢ်တစံးဆၢယၤဘၣ်ဒီး, ယကလီၤဂာ်ဒီးပှၤလၢအလဲၤလီၤဆူ တၢ်သံကီၢ်ပူၤန့ၣ်လီၤ.

လံာ်ယၡါယၤ 14:10

အဝဲသ့ၣ်ခဲလၢာ်ကိးထီၣ်ဆူအဝဲအအိၣ်, ခဲအံၤနဂံၢ်စၢ်ဘါစၢ်ဒ်ပဝဲအသိးဒီး နမ့ၢ်ပှၤလၢပကျါတဂၤလီၤ.

လံာ်ယၡါယၤ 14:9

တၢ်သံအကီၢ်အိၣ်ကတဲာ်ကတီၤအသးလၢကတူၢ်လိာ်မုာ်ကီၢ် ဘၤဘူၤလိၣ်အစီၤပၤအဂီၢ်လီၤ. ပှၤတဖၣ်လၢအစိကမီၤ ဒိၣ်တ့ၢ်လၢဟီၣ်ခိၣ်ချၢအံၤအတဃၣ်တဖၣ်ဂဲၤဂီၤအသးဖဲအံၤ ဖဲနုၤန့ၣ်လီၤ. စီၤပၤတဖၣ်အတဃၣ်ဂဲၤဆၢ ထၢၣ်လၢအလီၢ်ပစိာ်တဖၣ်အဖီခိၣ်လီၤ.

လံာ်ယၡါယၤ 4:5

ဝံၤဒီးလၢကစၢၢ်စံယိၣ်အဖီခိၣ်ဒီးလၢပှၤလၢအပာ်ဖှိၣ်အသးဖဲ န့ၣ်ခဲလၢာ်အဖီခိၣ်န့ၣ်, ယွၤကဆှၢလီၤတၢ်အၢၣ်လၢမုၢ်ဆါ ဒီးမ့ၣ်အူလုၣ်ဒီးမ့ၣ်လၣ်ကဲၤကပီၤလၢမုၢ်နၤလီၤ. ယွၤအလၤကပီၤကကးဘၢဒီးဒီဒၣ်အိၣ်ပှိၤဝ့ၢ်ဒီဝ့ၢ်လီၤ.

လံာ်ယၡါယၤ 59:10

ဒီးပပုာ်ပလၢၢ်တၢ်ဒ်ပှၤဂီၢ်မုၢ်လၢအမဲာ်ဘျီၣ်အသိးန့ၣ်လီၤ. လၢမုၢ်ထူၣ်အကတီၢ်န့ၣ်ပခီၣ်ဘၣ်တိၢ်ဒ်ပှၤလဲၤတၢ်လၢမုၢ်နၤခီ အသိး, မၤသးဒ်ပအိၣ်လၢပှၤသံအကီၢ်လၢအခံးတဘ့ၣ်အပူၤ အသိးန့ၣ်လီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်သးသယုၢ်တၢ် 3:6

အဝဲမၤဆူၣ်မၤနၢၤယၤလၢယကအိၣ်မူလၢတၢ်သံ အတၢ်ခံးတၢ်နၤဂၢၢ်တပၢၢ်အပူၤန့ၣ်လီၤ.

လံာ်ယဃ့းစက့လး 31:14

ဒီးလၢတၢ်န့ၣ်အဃိ, စးထီၣ်ခဲအံၤဒီးဆူညါန့ၣ်, ထံမ့ၢ်ဂ့ၤထဲအံၤ ထဲနုၤနာ်သက့, သ့ၣ်လၢကဒိၣ်ထီၣ်ဒီးထီကဒီးထဲသိးန့ၣ်, ဒီးဖှိး ထီၣ်အသးဆူတၢ်အၢၣ်တဖၣ်အကျါတုၤအထီဝဲထဲသိးန့ၣ်, တအိၣ်ဘၣ်နီတထံးဘၣ်. အဝဲသ့ၣ်ခဲလၢာ်ဘၣ်တၢ်စံၣ်ညီၣ်သံ ဃါမနၤဒ်ပှၤကညီတဖၣ်လၢအသံသ့ဝဲအသိးန့ၣ်, ဘၣ်တၢ်စံၣ်ညီၣ် ဃါမနၤလၢကလဲၤသကိးဃုာ်ဒီးပှၤတဖၣ်လၢအလဲၤလီၤဆူ တၢ်သံအကီၢ်ပူၤန့ၣ်လီၤ.”

လံာ်ယဃ့းစက့လး 39:7

ယကမၤလီၤတံၢ်ဒ်သိးပှၤဂီၢ်မုၢ်အံၣ်စရ့လးကသ့ၣ်ညါယမံၤ စီဆှံဒီးယတပျဲယမံၤဘၣ်တၢ်မၤမဲာ်ဆှးအီၤနီတ ဘျီလၢၤဘၣ်. အန့ၣ်တစုပှၤကလုာ်တဖၣ်ကသ့ၣ်ညါဝဲလၢယၤ, ယွၤအံၤမ့ၢ်အံၣ်စရ့လးအတၢ်စီဆှံကစၢ်ယွၤန့ၣ်လီၤ.”

လံာ်ဧၤမိၣ် 9:2

အဝဲသ့ၣ်မ့ၢ်ခူၣ်လီၤဝဲအကျဲဆူပှၤသံအကီၢ်ပူၤဒၣ်လဲာ်ယကဖီၣ် န့ၢ်အီၤလီၤ. အဝဲသ့ၣ်မ့ၢ်ထီၣ်ဆူမူခိၣ်ဒၣ်လဲာ်ယကထုးလီၤအီၤလီၤ.

လံာ်ယိၤနါ 2:2

စံးဝဲဒၣ်, “လၢယဘၣ်တၢ်နးတၢ်ဖှီၣ်န့ၣ်ယကိးထီၣ်နၤ, ဒီးနစံးဆၢယၤလီၤ. ယကိးထီၣ်လၢတၢ်သံအတၢ်ယိာ်ပူၤဒီးနနၢ်ဟူ ယကလုၢ်လီၤ.

လံာ်ယိၤနါ 2:6

ယလဲၤလီၤဆူကစၢၢ်ဂံၢ်ထံး ကီၢ်လၢတြဲၤကးတံာ်ဃာ်အသးအစိၤစိၤ အဃၣ်ဃၣ်န့ၣ်လီၤ. ဘၣ်ဆၣ်နဲဒၣ်ယွၤယကစၢ်ဧၢ, နထုးထီၣ်ကွံာ်ယၤလၢတၢ်ယိာ်ပူၤဒီးမၤမူထီၣ်ယၤလီၤ.

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်တၢ်ဂံၢ် 16:30

ဘၣ်ဆၣ်ဒီးယွၤမ့ၢ်မၤတၢ်တမံၤမံၤလၢတၢ်တနၢ်ဟူဘၣ်တ့ၢ်နီတစု ဘၣ်ဒီးဟီၣ်ခိၣ်အိးထီၣ်အသးဒီးယူၢ်လီၤကွံာ်အဝဲသ့ၣ်ဃုာ်ဒီး ကယဲၢ်တၢ်လၢအအိၣ်ဒီးအီၤခဲလၢာ်, လၢအဝဲသ့ၣ်ကလဲၤလီၤဆူတၢ်သံအကီၢ်ပူၤမူဒံးန့ၣ်သုကသ့ၣ်ညါ လၢပှၤတဖၣ်အံၤညိကွံာ်လံယွၤလံန့ၣ်လီၤ.”

လံာ်တၢ်ဂံၢ် 16:33

မၤသးဒ်န့ၣ်ဒီး, အဝဲသ့ၣ်လဲၤလီၤဆူတၢ်သံအကီၢ်ပူၤမူဒံးဃုာ် ဒီးအတၢ်ဖိတၢ်လံၤခဲလၢာ်လီၤ. ဟီၣ်ခိၣ်ကးတံၢ်အသးလၢအဝဲသ့ၣ်အဖီခိၣ်ဒီးအဝဲသ့ၣ်ဟါမၢ်ကွံာ် ဝဲဒၣ်လီၤ.

လံာ်မးသဲ 11:23

နဲဒၣ်ဝ့ၢ်ကပ့းရနီၣ်ဧၢ, နအဲၣ်ဒိးဘၣ်တၢ်ပာ်ဒိၣ်ပာ်ထီနၤတုၤ လၢမူခိၣ်န့ၣ်ဧါ. ယွၤကတ့ၢ်လီၤကွံာ်နၤဆူလရာ်အပူၤလီၤ. တၢ်လီၤလးတဖၣ်လၢအဘၣ်တၢ်မၤအီၤလၢနပူၤန့ၣ် မ့ၢ်ဘၣ်တၢ်မၤတ့ၢ်အီၤလၢဝ့ၢ်စဒိၣ်အပူၤဒီး, ဝ့ၢ်အံၤကအိၣ်ဒံးတုၤမုၢ်မဆါတနံၤအံၤလီၤ.

လံာ်လူၤကၣ် 10:15

မ့မ့ၢ်နဲဒၣ်ဝ့ၢ်ကပ့းရနီၣ်ဧၢ, နသးအိၣ်ယူာ်ထီၣ်ထီနသးဆူမူခိၣ်, မ့ၢ်ဧါ. နကဘၣ်တၢ်တ့ၢ်လီၤနၤဆူလရာ်အပူၤလီၤ.”

၂ ပ့းတရူး 2:5

ကစၢ်ယွၤတပျၢ်ဖျဲးပှၤဟီၣ်ခိၣ်ဖိလၢပျၢၤလၢကစၢၤတဖၣ်ဘၣ်, ဒီးဒုးလုၣ်ဘၢကွံာ်ဟီၣ်ခိၣ်လၢအပှဲၤဒီးပှၤတယူးတယီၣ် ကစၢ်ယွၤလၢထံန့ၣ်လီၤ. ပှၤလၢအအုၣ်က့ၤခီၣ်က့ၤဝဲတဖၣ် မ့ၢ်ဒၣ်ထဲစီၤနိအၤလၢအစံၣ်တဲၤတဲလီၤတၢ်တီတၢ်လိၤ, ဒီးပှၤအဂၤနွံဂၤန့ၣ်လီၤ.