လံာ်ယဃ့းစက့လး 26:19 - Sgaw Karen Common Bible

¹⁹ ယွၤပၢဘၣ်တၢ်ခဲလၢာ်ကစၢ်စံးတ့ၢ်အီၤ, “ယကဒုးအိၣ်လီၤဃီနၤ ဒ်ဝ့ၢ်တဖၣ်လၢအဟးဂီၤကွံာ်အသိးဖဲ ပှၤတအိၣ်ဆိးနီတဂၤဘၣ်န့ၣ် လီၤ. ယကလုၣ်ဘၢနၤဒီး ထံလၢပီၣ်လဲၣ်အတၢ်ယိာ်ပူၤတဖၣ်န့ၣ်လီၤ.

လံာ်ယဃ့းစက့လး 26:19 Iomraidhean Croise

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ယဃ့းစက့လး 27:26

ဖဲနပှၤဝၢ်နီၣ်ဝၢ်ဖိတဖၣ်ဆှၢဃီၤနၤဆူပီၣ်လဲၣ်ပူၤန့ၣ်, မုၢ်ထီၣ်အကလံၤမၤဟးဂီၤနၤ, ယံၤဝဲဒီးကၢၢ်ပၤနံၤန့ၣ်လီၤ.

လံာ်ယဃ့းစက့လး 37:3

အဝဲစံးဘၣ်ယၤ, “ပှၤကညီလၢအသံသ့ဧၢ, တၢ်ဃံတၢ်ကွဲ တဖၣ်အံၤမူထီၣ်ကဒါက့ၤဘၣ်ကသ့ဒံးဧါ.” ယစံးဆၢက့ၤအီၤ, ယွၤပၢဘၣ်တၢ်ခဲလၢာ်ကစၢ်ဧၢ, ထဲဒၣ်နၤတဂၤဧိၤနသ့ၣ်ညါနဲ လီၤ.”

လံာ်ဒၤနံးယ့လး 11:40

ဖဲကီၢ်စူၤရံအစီၤပၤအမုၢ်နံၤလၢခံကတၢၢ်ဘူးကတုၤဝဲန့ၣ်, ကီၢ်အဲၤကူပတူးအစီၤပၤကဟဲဒုးအီၤဒီးကီၢ်စူၤရံအစီၤပၤကဒုး ဆၢက့ၤအီၤလၢအဂံၢ်အဘါခဲလၢာ်, လၢလ့ၣ်ကဟၣ်ဒုးသုး, ကသ့ၣ်ဒီးကဘီတဖၣ်လီၤ. ဒီးအဝဲကဟဲနုာ်လီၤဒုးထံကီၢ်အါဘ့ၣ်ဒ်ထံအါလုၣ်ဘၢတၢ်အသိးန့ၣ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်လီၣ်ဖျါ 17:15

ကလူးန့ၣ်စံးဘၣ်စ့ၢ်ကီးယၤ, “ထံကျိအါဘိလၢနထံၣ်ဘၣ်အီၤ, လၢဃဲသဲမုၣ်ဆ့ၣ်နီၤဝဲလၢအဖီခိၣ်တဖၣ်န့ၣ်မ့ၢ်ဝဲထံကီၢ်တဖၣ်, ပှၤဟီၣ်ခိၣ်ဖိတဖၣ်, ပှၤကလုာ်တဖၣ်, ဒီးကျိာ်လၢအဘၣ်တၢ်ကတိၤအီၤတဖၣ်လီၤ.