လံာ်ယဃ့းစက့လး 26:17 - Sgaw Karen Common Bible

¹⁷ အဝဲသ့ၣ် ကသးဝံၣ်တၢ်သံအတၢ်သးဝံၣ်လၢနဂီၢ်န့ၣ်လီၤ. ဝ့ၢ်လၢအမံၤဟူသၣ်ဖျါန့ၣ်ဘၣ်တၢ်မၤဟးဂီၤကွံာ်အီၤလံ. ထံစိာ်ကွံာ် အဝဲအကဘီတဖၣ်လၢပီၣ်လဲၣ်တဖၣ်အပူၤလံ. ဝ့ၢ်အံၤအပှၤဂီၢ်မုၢ်, ပၢတ့ၢ်ပီၣ်လဲၣ်တဖၣ်ဒီး မၤပျံၤမၤဖုး ကယဲၢ်ပှၤတဖၣ်လၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ယဃ့းစက့လး 26:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:19

“လၢကီၢ်အံၣ်စရ့လးအတၢ်လူၢ်တဖၣ်အဖီခိၣ်န့ၣ်ပခိၣ်ပနၢ်တဖၣ်သံဝဲလံ. ပှၤအဒူကတၢၢ်လၢပပှၤသုးဖိတဖၣ်အကျါလီၤဃံၤကွံာ်ဝဲလံ.

လံာ်ယၡါယၤ 14:12

ဘၤဘူၤလိၣ်အစီၤပၤ, ဆၣ်တူၢ်ဂီၤကပြုၢ်ကပြီၤဧၢ, နလီၤ တဲာ်ကွံာ်လၢမူခိၣ်လံ. လၢအပူၤကွံာ်န့ၣ်, နမၤန့ၢ်မၤနၢၤပှၤကလုာ်တဖၣ် ဘၣ်ဆၣ်ဒီး, ခဲအံၤနဘၣ်တၢ်ကွံာ်လီၤနၤဆူဟီၣ်ခိၣ်လိၤလံ.

လံာ်ယၡါယၤ 23:4

ဝ့ၢ်စံဒိၣ်ဧၢ, နဘၣ်တၢ်မဲာ်ဆှးလီၤ. ပီၣ်လဲၣ်ဒီးပီၣ်လဲၣ်ဖးဒိၣ် အထံယိာ်တဖၣ်ညိကွံာ်နၤဒီးစံးဝဲ, “ယဖိတအိၣ်နီတဂၤ, နီတစုဘၣ်. ယတလုၢ်ဒိၣ်ထီၣ်ဘၣ်ဖိခွါတဖၣ်ဒီးဖိမုၣ်တဖၣ်နီ တဘျီဘၣ်.”

လံာ်ယၡါယၤ 23:8

ပှၤတဂၤလၢအကူၣ်ကျဲၤတၢ်ဒ်သိးတၢ်ခဲလၢာ်အံၤကလီၤဘၣ် လၢဝ့ၢ်ထါယၢၣ်, ဝ့ၢ်စိဒိၣ်ကမီၤထီလၢအပှၤပနံာ်တၢ်ကၤတၢ် တဖၣ်မ့ၢ်ပှၤဒိးဘၣ်တၢ်လၤတၢ်ကပီၤအဒိၣ်ကတၢၢ်လၢဟီၣ်ခိၣ် ချၢအံၤန့ၣ်မ့ၢ်မတၤတဂၤလဲၣ်.

လံာ်ယံးရမံယၤ 48:39

ဟီၣ်တၢ်ယၢၤတၢ်တက့ၢ်. ကီၢ်မိၤအးဘၣ်တၢ်မၤလီၤ ကလဲကွံာ်အီၤလံ. အိၣ်လၢတၢ်ဟးဂီၤအပူၤလံ. ဒီးပှၤ ကလုာ်အိၣ်ဝးတရံးအီၤတဖၣ် ကတိၤဒုၣ်ဒွဲၣ်အီၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:23

ကီၢ်ဘၤဘူၤလိၣ်တီၢ်ကၢ်တီၢ်လီၤကလဲဟီၣ်ခိၣ်ဒီးခဲကနံၣ်အံၤ အခံၣ်ခူၣ်န့ၣ်ဘၣ်တၢ်မၤလီၤကလဲအီၤလံ. ပှၤကလုာ်ခဲလၢာ်ကမၢကမၣ်ဝဲလၢ တၢ်လၢအမၤတ့ၢ်အသးဒီး ကီၢ်အဝဲန့ၣ်န့ၣ်လီၤ.

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်ယံးရမံယၤ 9:20

ယစံးတ့ၢ်ယဲ, “သုဝဲပိာ်မုၣ်သ့ၣ်ဧၢ, ဒိကနၣ်ယွၤ ဒီးပာ်သူၣ်ပာ်သးလၢအဝဲအတၢ်ကတိၤတဖၣ်န့ၣ်တက့ၢ်. သိၣ်လိသုဖိမုၣ်တဖၣ်လၢကဘၣ်ဟီၣ်ဝဲယၢၤဝဲဒ်လဲၣ်, ဒီးသုတံၤသကိးတဖၣ်လၢကဘၣ်သးဝံၣ်တၢ်သံအတၢ်သးဝံၣ်တယုၢ် ဒ်လဲၣ်န့ၣ်တက့ၢ်.

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်ယဃ့းစက့လး 19:1

ယွၤတဲဘၣ်ယၤလၢယကဘၣ်သးဝံၣ်တၢ်သူၣ်အုးသးအုး အတၢ်သးဝံၣ်အံၤလၢကီၢ်အံၣ်စရ့လးအစီၤပၤဖိခွါခံဂၤ အဂီၢ်န့ၣ်လီၤ.

လံာ်ယဃ့းစက့လး 19:14

စပံးမုၢ်အထူၣ်မ့ၣ်အူအီၣ်အီၤလီၤ. အဒ့ဒီးအသၣ်တဖၣ်မ့ၣ် အူအီၣ်ကွံာ်အီၤန့ၣ်လီၤ. အဒ့တဖၣ်အဂံၢ်တဆူၣ်ကဒီးလၢၤနီတစု ဘၣ်. တကဲထီၣ်လၢၤစီၤပၤအနီၣ်ထိးဘိတဖၣ်နီတစုလၢၤဘၣ်. အအံၤမ့ၢ်တၢ်သူၣ်အုးသးအုးအတၢ်သးဝံၣ်တယုၢ်န့ၣ်လီၤ. တၢ်အံၤဘၣ်တၢ်သးဝံၣ်အီၤတဘျီဘၣ်တဘျီန့ၣ်လီၤ.

လံာ်ယဃ့းစက့လး 32:16

တၢ်ဟ့ၣ်ပလီၢ်သမှံၤသပှၢ်တမံၤအံၤကကဲထီၣ်တၢ်သံအတၢ်သးဝံၣ် တယုၢ်န့ၣ်လီၤ. ပှၤကလုာ်တဖၣ်အပှၤပိာ်မုၣ်တဖၣ်ကသးဝံၣ်တၢ်လၢ တၢ်ဟီၣ်ဘၣ်ယၢၤဘၣ်တၢ်လၢကီၢ်အဲၤကူပတူးဒီးအပှၤဂီၢ်မုၢ်အဃိ န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ယဃ့းစက့လး 32:23

ဒီးအဝဲသ့ၣ်အသွၣ်ခိၣ်တဖၣ်အိၣ်ဝဲလၢတၢ်သံအကီၢ်အယိာ်ကတၢၢ် အလီၢ်န့ၣ်လီၤ. အဝဲအပှၤသုးဖိခဲလၢာ်လီၤဃံၤတ့ၢ်လၢတၢ်ဒုး အပူၤဒီးအဝဲသ့ၣ်အသွၣ်ခိၣ်တဖၣ်အိၣ်ဝးတရံးအဝဲအသွၣ်ခိၣ်အပူၤ န့ၣ်လီၤ. တဘျီန့ၣ်အဝဲသ့ၣ်မ့ၢ်ဒၣ်လဲာ်ပှၤလၢအမၤပျံၤမၤဖုး ပှၤမူတဖၣ်အကီၢ်န့ၣ်လီၤ.

လံာ်ယဃ့းစက့လး 32:27

အဝဲသ့ၣ်တဖၣ်တဘၣ်တၢ်ဟ့ၣ်အီၤလၢတၢ်မၤလၤကပီၤအတၢ်ခူၣ်လီၤ ဘျၢလီၤဒ်ပှၤဒူပှၤဃိၤလၢပျၢၤတဖၣ်အသိးလၢအလဲၤထီၣ်ဆူ တၢ်သံအကီၢ်ပူၤန့ၣ်ဘၣ်. ပှၤဒူပှၤဃိၤတဖၣ်န့ၣ်ကံာ်တူာ်အသး လၢလၢပှဲၤပှဲၤ, အဝဲသ့ၣ်အနးတဖၣ်ဘၣ်တၢ်ပာ်လီၤအီၤလၢအခိၣ် တဖၣ်အဖီလာ်ဒီးအကတီၤတဖၣ်လၢအမိၢ်ပှၢ်တဖၣ်အလိၤန့ၣ်လီၤ. ပှၤဒူပှၤဃိၤတဖၣ်အံၤတဘျီန့ၣ်အိၣ်ဒီးအစိကမီၤလၢလၢပှဲၤပှဲၤ လၢကမၤပျံၤပှၤမူတဖၣ်န့ၣ်လီၤ.

လံာ်ယိၤအ့လး 1:18

ဂီၤဘုၣ်ဂီၤဖံးတဖၣ်သူၣ်ကိၢ်သးဂီၤလၢအီၣ်ဆၣ် အလီၢ်တအိၣ်လၢအဝဲသ့ၣ်အဂီၢ်နီတပူၤအဃိန့ၣ်လီၤ. သိတဖၣ်တူၢ်ဘၣ်ခီၣ်ဘၣ်တၢ်စ့ၢ်ကီးန့ၣ်လီၤ.

လံာ်ဧိၤဘါဒယၤ 1:5

ဖဲတၢ်ဟုၣ်တၢ်ဘျၣ်တဖၣ်ဟဲဆူနအိၣ်, လၢမုၢ်နၤန့ၣ်, ကဟံးန့ၢ်ထဲတၢ်လၢအသးလီဝဲဧိၤန့ၣ်လီၤ. ဖဲပှၤထၢဖှိၣ်စပံးသၣ်တဖၣ်ဟဲဝဲန့ၣ် ထီဘိပာ်လီၤတဲာ်ဒံးတၤသၣ်အိၣ်ပြါ မ့မ့ၢ်နဒုၣ်နဒါတဖၣ်ကမၤဟးဂီၤနၤလၢာ်လၢာ်ဆ့ဆ့လီၤ.

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

လံာ်စီၤယိၤၡူ 19:29

ဝံၤဒီးကီၢ်ဆၢန့ၣ်တရံးအသးဆူရၤမါဒီးလဲၤတုၤလၢဝ့ၢ်ခၢၣ် သနၢၢ်ထါယၢၣ်န့ၣ်လီၤ. ဝံၤဒီးကီၢ်ဆၢန့ၣ်တရံးအသးဆူ ဃိစၤဒီးကတၢၢ်ဝဲဖဲပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်န့ၣ်လီၤ. တၢ်န့ၣ်ပၣ်ဃုာ်ဒီးမၤဃလၤ, အၤကစံာ်,