လံာ်ယဃ့းစက့လး 26:15 - Sgaw Karen Common Bible

¹⁵ ယွၤ, ပၢဘၣ်တၢ်ခဲလၢာ် ကစၢ်အဲၣ်ဒိးစံးတၢ်အံၤဆူဝ့ၢ်ထါယၢၣ် န့ၣ်လီၤ. “ဖဲနဘၣ်တၢ်မၤနၢၤကွံာ်နၤန့ၣ်, ပှၤဂီၢ်မုၢ်လၢအအိၣ်လၢပီၣ်လဲၣ်နံၤတဖၣ်, ကဘၣ်ပျံၤဘၣ်ဖုးတၢ် လၢပှၤတဖၣ်လၢအဘၣ်တၢ်မၤသံအီၤ အတၢ်ကိးပသူအသီၣ်အဃိန့ၣ်လီၤ.

လံာ်ယဃ့းစက့လး 26:15 Iomraidhean Croise

လံာ်ယၡါယၤ 2:19

ပှၤကအိၣ်ခူသူၣ်လၢလၢၢ်ကအိပူၤလၢလၢၢ်ကစၢၢ်တဖၣ်အကျါ, မ့တမ့ၢ်, ခူၣ်လီၤတၢ်ပူၤတဖၣ်လၢဟီၣ်ခိၣ်အပူၤလၢတၢ်ကျဲးစၢး ဃ့ၢ်ပူၤဖျဲးကွံာ်အသးလၢယွၤအတၢ်သးဒိၣ်ထီၣ်ဒီးအိၣ်ခူသူၣ် လၢယွၤအစိကမီၤဒီးအလၤကပီၤဖဲအဟဲဝဲလၢကမၤဟူးဟီၣ်ခိၣ် အဂီၢ်လီၤ.

လံာ်ယၡါယၤ 41:5

ပှၤလၢထံကီၢ်အယံၤတဖၣ်ထံၣ်တ့ၢ်ဝဲတၢ်လၢယမၤတ့ၢ်တဖၣ်, ဒီးတၢ်ပျံၤလီၤဘၣ်အဝဲသ့ၣ်ဒီးကနိးကစုာ်လၢတၢ်ပျံၤတၢ်ဖုး အဃိလီၤ. လၢတၢ်န့ၣ်အဃိ, အဝဲသ့ၣ်ရိဖှိၣ်ထီၣ်အသးခဲ လၢာ်ဒီးဟဲဝဲလီၤ.

လံာ်ယံးရမံယၤ 49:21

ဖဲကီၢ်အဒိၣ်လီၤပှီၢ်န့ၣ်, တၢ်အသီၣ်ဖးဒိၣ်တမံၤ ကအိၣ်ထီၣ်ဝဲ တုၤဒၣ်လဲာ်ဟီၣ်ခိၣ်ဒီဘ့ၣ်ကဟူးဝဲ ဒီးတၢ်မၤဖုးမၤပျီၢ်အတၢ်ကိးထီၣ်တဖၣ် ကဘၣ်တၢ်နၢ် ဟူအီၤယံၤတုၤဝဲလၢ ပီၣ်လဲၣ်က့ၣ်ကျီၤအကၣ် ဘၣ်ဒၣ်လဲာ်န့ၣ်လီၤ.

လံာ်ယဃ့းစက့လး 26:10

ဖၣ်ဆါခုၣ်ထီၣ်ဒ် တၢ်အၢၣ်ခံးသူလၢအဝဲသ့ၣ်အကသ့ၣ်တဖၣ် ဒုးအိၣ်ထီၣ်ဝဲန့ၣ်ကလုၣ်ဘၢနၤလီၤ. အဝဲသ့ၣ်အကသ့ၣ်တဖၣ်တွံၢ်လ့ၣ်ကဟၣ်စိာ်တၢ်ပီးတၢ်လီတဖၣ်ဒီး လ့ၣ်ကဟၣ်ဒုးသုးတဖၣ်အသီၣ်န့ၣ်ကမၤသထြုးနခိၣ်ဒူတဖၣ်ဖဲ အဝဲသ့ၣ်လဲၤခီဂာ်ဝ့ၢ်လၢအဟးဂီၤအတြဲၤတဖၣ်အခါန့ၣ်လီၤ.

လံာ်ယဃ့းစက့လး 26:18

ခဲကနံၣ်အံၤဖဲမုၢ်တနံၤလၢ အဝဲလီၤပှီၢ်ကွံာ်ဝဲန့ၣ်, ကီးတဖၣ်ကနိးကစုာ်ဒီးအပှၤဂီၢ်မုၢ်တဖၣ် ပျံၤတၢ်ဖုးတၢ်ဒီးအသးလီၤကတုၤလၢတၢ်လီၤပှီၢ် အံၤအဃိန့ၣ်လီၤ.”

လံာ်ယဃ့းစက့လး 26:21

ယကဒုးကဲထီၣ်နၤတၢ်လီၤပျံၤလီၤဖုး အတၢ်ဒိတၢ်တဲာ်တမံၤဒီးတၢ်န့ၣ်ကမ့ၢ်တၢ်အကတၢၢ်လၢ နဂီၢ်န့ၣ်လီၤ. ပှၤဂီၢ်မုၢ်ကကွၢ်ဃုနၤဘၣ်ဆၣ်တၢ်တထံၣ်ဘၣ်နၤနီတစုလၢၤဘၣ်.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 27:28

ပှၤကဘီဖိလၢ အလီၤဘျၢတဖၣ်အတၢ်ကိးပသူထီၣ်န့ၣ်သီၣ်ထီၣ် ကဒါက့ၤဒၣ်လဲာ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ယဃ့းစက့လး 27:35

ပှၤကိးဂၤလၢ အအိၣ်လၢပီၣ်လဲၣ်နံၤန့ၣ်ပျံၤတၢ်ဖုးတၢ်ဒီးအသးလီၤ ကတုၤလၢ နတၢ်ဟဲဝံဟဲစိာ်အဃိန့ၣ်လီၤ. အဝဲသ့ၣ်စီၤပၤတဖၣ် ဒၣ်လဲာ်ပျံၤတၢ်ဖုးတၢ်, ဒီးအမဲာ်သၣ်တဖၣ် ပှဲၤဒီးတၢ်ပျံၤတၢ်ဖုး န့ၣ်လီၤ.

လံာ်ယဃ့းစက့လး 31:16

ဖဲယဆှၢလီၤအီၤဆူတၢ်သံအကီၢ်ပူၤန့ၣ်, အတၢ်လီၤပှီၢ်အတၢ်သီၣ် ကမၤကနိးကစုာ်ပှၤကလုာ်တဖၣ်န့ၣ်လီၤ. သ့ၣ်ခဲလၢာ်လၢဧ့ၤဒ့ၣ်, ဒီးသ့ၣ်အဂ့ၤကတၢၢ်တဖၣ်လၢအမၤန့ၢ်ထံဂ့ၤဂ့ၤလၢကီၢ်လဘၤနိၣ်, လၢအလဲၤလီၤဆူဟီၣ်ခိၣ်လာ်န့ၣ်ကသူၣ်ဖှံသးညီလၢအဝဲအတၢ်လီၤ ကွံာ်အဃိန့ၣ်လီၤ.

လံာ်ယဃ့းစက့လး 32:10

တၢ်လၢယမၤဘၣ်နၤတဖၣ်န့ၣ်ကမၤဖုးမၤပျီၢ်ပှၤကလုာ်တဖၣ် န့ၣ်လီၤ. ဖဲယမၤဟူးဝးထီၣ်ယနးန့ၣ်စီၤပၤတဖၣ်ကကနိးကစုာ် လၢတၢ်ပျံၤတၢ်ဖုးအပူၤန့ၣ်လီၤ. မုၢ်တနံၤလၢနလီၤကွံာ်န့ၣ်, အဝဲသ့ၣ်ခဲလၢာ်ကကနိးကစုာ်လၢတၢ်ပျံၤတၢ်ဖုးအပူၤလၢ အသးသမူဒၣ်ဝဲအဂီၢ်န့ၣ်လီၤ.”