လံာ်ယဃ့းစက့လး 26:12 - Sgaw Karen Common Bible

¹² သုဒုၣ်သုဒါတဖၣ်ကဟံးန့ၢ်ကွံာ်သုတၢ်ထူးတၢ်တီၤတဖၣ်ဒီး သုတၢ်ပနံၣ်တၢ်ကၤတၢ်တဖၣ်လၢ အကစၢ်ဒၣ်ဝဲအဂီၢ်န့ၣ်လီၤ. အဝဲသ့ၣ်ကမၤလီၤပှီၢ်ကွံာ်သု ဝ့ၢ်ခိၣ်ဒူတဖၣ်ဒီးကမၤလီၤ ကလဲကွံာ်သုဟံၣ်ဃံလၤကပြုၢ်ကပြီၤတဖၣ်လၢ သုပာ်အီၤဒ်ဟီၣ်ခိၣ်အတၢ်မုာ်တၢ်ပၢၤအလီၢ်န့ၣ်လီၤ. အဝဲသ့ၣ်ကစိာ်ထီၣ်ကွံာ်လၢၢ်တဖၣ်ဒီးသ့ၣ်ဒီးကယဲၢ်တၢ် အက့အခီအကမူၣ်ခဲလၢာ်, ဒီးကတ့ၢ်လီၤဖှိၣ်ကွံာ်ဝဲဆူ ပီၣ်လဲၣ်ပူၤန့ၣ်လီၤ.

လံာ်ယဃ့းစက့လး 26:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 32:27

စီၤပၤဃံးစကံယၤထူးထီၣ်တီၤထီၣ်ဝဲဒိၣ်မးဒီးပှၤကိးဂၤ ဒဲးပာ်လၤပာ်ကပီၤအီၤန့ၣ်လီၤ. အဝဲဘှီထီၣ်အတၢ်ပာ်ဖှိၣ်အဒၢးတဖၣ်လၢအထူ, စ့, လၢၢ်လုၢ်ပှ့ၤဒိၣ်တဖၣ်, တၢ်နၢမူတဖၣ်, ကတီၤတဖၣ်ဒီးတၢ်ပီးတၢ်လီလုၢ်ဒိၣ်ပှ့ၤဒိၣ်တဖၣ်အဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်ယၡါယၤ 23:11

ယွၤယူာ်ဃီၤအစုလၢပီၣ်လဲၣ်အဖီခိၣ်ဒီးမၤဃၣ်ကွံာ်ဘီမုၢ် တဖၣ်လီၤ. အဝဲခါလီၤအကလုၢ်လၢပှၤဖံၤနံက့ၤဖိအကူၣ် တၢ်ကၤတၢ်အလီၢ်ခၢၣ်သးတဖၣ်ကဘၣ်တၢ်မၤဟးဂီၤအီၤ အဂီၢ်လီၤ.

လံာ်ယၡါယၤ 23:8

ပှၤတဂၤလၢအကူၣ်ကျဲၤတၢ်ဒ်သိးတၢ်ခဲလၢာ်အံၤကလီၤဘၣ် လၢဝ့ၢ်ထါယၢၣ်, ဝ့ၢ်စိဒိၣ်ကမီၤထီလၢအပှၤပနံာ်တၢ်ကၤတၢ် တဖၣ်မ့ၢ်ပှၤဒိးဘၣ်တၢ်လၤတၢ်ကပီၤအဒိၣ်ကတၢၢ်လၢဟီၣ်ခိၣ် ချၢအံၤန့ၣ်မ့ၢ်မတၤတဂၤလဲၣ်.

လံာ်ယၡါယၤ 32:12

ဒဲလီၤသုသးနါပှၢ်တဖၣ်လၢတၢ်သူၣ်အုးသးအုး အပူၤတက့ၢ်. အဂ့ၢ်ဒ်အံၤ, စံာ်ပျီလၢဟီၣ်ခိၣ် ညၣ်ထ့ၣ်ဂ့ၤဝဲဒီးစပံးမုၢ်အလီၢ်တဖၣ်ဘၣ်တၢ်မၤ ဟးဂီၤကွံာ်အီၤလံ.

လံာ်ယံးရမံယၤ 25:34

သုဝဲပှၤခိၣ်ပှၤနၢ်သ့ၣ်ဧၢ, ဟီၣ်ပသူထီၣ်တက့ၢ်. သုဝဲယပှၤဂီၢ်မုၢ် အပှၤ ကွၢ်သိသ့ၣ်ဧၢ, ကိးပသူထီၣ်ဖးဒိၣ်တက့ၢ်. ဟီၣ်တၢ်ယၢၤတၢ်ဒီး က လိာ်ကနွၢ်သုသးလၢ ဖၣ်ဆါကျါတက့ၢ်. တၢ်ဆၢကတီၢ်တုၤလံဝဲလၢ တၢ်ကမၤသံသုအဂီၢ်ဒီး သုကဘၣ်တၢ်ကျီသု တကူာ်တကူာ်ဒ် တၢ်ကျီသိဖါတဖၣ်အသိးဒီး သ့ၣ်ဖးကွံာ်ဒ်သပၢၤ ဟီၣ်ခိၣ်လၢ အဂ့ၤအသိးန့ၣ်လီၤ.

လံာ်ယံးရမံယၤ 52:14

ဒီးအသုးဖိတဖၣ် မၤလီၤပှီၢ်ကွံာ် ဝ့ၢ်အခိၣ်ဒူတဖၣ်န့ၣ်လီၤ.

လံာ်ယဃ့းစက့လး 26:5

ပှၤမၤညၣ်ဖိတဖၣ်ကမၤဃ့ထီအပှာ်တဖၣ်လၢအဖီခိၣ်ဖဲန့ၣ်, ဖဲတၢ်လီၢ်လၢလၢၢ်န့ၣ်အိၣ်ထူၣ်ကလာ်လၢပီၣ်လဲၣ်ပူၤန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ. ပှၤကလုာ်တဖၣ်ကဂုာ်ဆူၣ်ပျီဆူၣ်ကွံာ်ဝ့ၢ်ထါယၢၣ်,

လံာ်ယဃ့းစက့လး 28:8

အဝဲသ့ၣ် ကမၤသံနၤဒီး ဆှၢနၤဆူတၢ်သွၣ်ခိၣ်တပူၤလၢအဘၣ်စီၣ်ဘၣ်သ့န့ၣ်လီၤ.

လံာ်ဒၤနံးယ့လး 11:8

ကဟဲစိာ်ကဒါက့ၤဝဲအကစၢ်တဖၣ်အက့ၢ်အဂီၤတဖၣ်, ထူဒီးစ့အပီးအလီတဖၣ်လၢတၢ်လုၢ်ထီၣ်တ့ၢ်အီၤဆူအကစၢ် တဖၣ်န့ၣ်, ဆူကီၢ်အဲၤကူပတူးလီၤ. ဒီးလၢတၢ်ဃူတၢ်မုာ်အိၣ်ဝဲတဘျုးနံၣ်အလီၢ်ခံ

လံာ်ဟိၤၡ့ 13:15

ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်ဧၤမိၣ် 5:11

သုမၤအၢမၤနးတ့ၢ်လံပှၤဖှီၣ်ဖိယာ်ဖိဒီးဂုာ် ဆူၣ်ပျီဆူၣ်အဘုဧိၤဟုဧိၤလီၤ. မၤသးဒ်န့ၣ်ဒီး, သုတအိၣ်ဘၣ်လၢဟံၣ်တဖၣ်လၢသုမၤအီၤလၢလၢၢ်ဂ့ၤ မ့ၢ်ဂ့ၤ, သုတအီဘၣ်စပံးထံဟဲလၢစပံးလီၢ်အဃံအလၤလၢသုသူၣ်လီၤဖျး လီၤမ့ၢ်ဂ့ၤန့ၣ်ဘၣ်.

လံာ်နၤဃူၣ် 2:9

ဂုာ်န့ၢ်စ့, ဂုာ်န့ၢ်ထူတက့ၢ်. ဝ့ၢ်အံၤပှဲၤဝဲဒီးတၢ်ထူးတၢ်တီၤလီၤ.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”