လံာ်ယဃ့းစက့လး 26:11 - Sgaw Karen Common Bible

¹¹ အဝဲသ့ၣ်အပှၤဒိးကသ့ၣ်သုးဖိတဖၣ် ကလဲၤခီ ဂာ်နကျဲဘိတဖၣ်ဆူၣ်ဆူၣ်ချ့ချ့ဒီး မၤသံကွံာ်နပှၤဂီၢ်မုၢ် တဖၣ်လၢအဝဲသ့ၣ်အနးတဖၣ်န့ၣ်လီၤ. နတၢၣ်ထူၣ်တဖၣ်လၢအဂံၢ်ဆူၣ်ဘါဆူၣ်န့ၣ် ကဘၣ်တၢ်မၤလီၤဃံၤကွံာ်အီၤဆူ ဟီၣ်ခိၣ်လိၤန့ၣ်လီၤ.

လံာ်ယဃ့းစက့လး 26:11 Iomraidhean Croise

လံာ်ယၡါယၤ 26:5

အဝဲဒၣ်ဆီၣ်လီၤကွံာ်ပှၤလၢအပာ်ထီၣ်ထီအသးတဖၣ်လီၤ. အဝဲဒၣ်မၤဟးဂီၤကွံာ်ဝ့ၢ်အဂံၢ်ဆူၣ်အဘါဆူၣ်လၢအဝဲသ့ၣ် အိၣ်တ့ၢ်ဆိးတ့ၢ်ဝဲ, ဒီးမၤလီၤပှီၢ်လီၤကလဲကွံာ်အခိၣ်ဒူတဖၣ် ဆူဖၣ်ကမူၣ်ဖၣ်ဆါအပူၤန့ၣ်လီၤ.

လံာ်ယၡါယၤ 5:28

အပျၢ်တဖၣ်အကနၣ်အ့ၣ်ဝဲဒီးအချံၣ်တဖၣ်အိၣ်ကတဲာ်ကတီၤ အသးလၢကခးတၢ်အဂီၢ်လီၤ. အကသ့ၣ်တဖၣ်အခီၣ်မ့ၣ်ကိၤ ဝဲဒ်လၢၢ်မ့ၣ်အသိးဒီးအလ့ၣ်ကဟၣ်အလ့ၣ်ဖံဘၣ်တဖၣ်တရံးဝဲဒ် ကလံၤသဝံးအသိးလီၤ.

လံာ်ယံးရမံယၤ 43:13

အဝဲကမၤဟးဂီၤကွံာ်တၢ်သ့ၣ်နီၣ် အလၢၢ်စီဆှံတဖၣ်လၢ အအိၣ်ဖဲ ဝ့ၢ်ဟဲလံအီၣ်ဖိလံာ်လၢ ကီၢ်အဲၤကူပတူးအပူၤဒီး ကဒွဲၣ်အူထီၣ်ကွံာ် ပှၤအဲၤကူပတူးဖိ အကစၢ်တဖၣ် အတၢ်လုၢ်လီၢ်တဖၣ်န့ၣ်လီၤ.”

လံာ်ယံးရမံယၤ 51:27

ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.

လံာ်ဃဘးကူာ် 1:8

အကသ့ၣ်တဖၣ်ချ့န့ၢ်ဒံးခ့စံၣ်ပိၣ်တဖၣ်ဒီး လီၤပျံၤဒိၣ်န့ၢ်ဒံးထွံၣ်မံၤတဖၣ်လၢအသၣ်ဝံၤန့ၣ်လီၤ. အပှၤဒိးကသ့ၣ်တဖၣ်ဟဲဒိးကသ့ၣ်လၢကီၢ်အယံၤတဖၣ်, ဒီးအကသ့ၣ်တဖၣ်လဲၤသဖှိတၢ်လၢတၢ်ပာ်ကဖိအသးပူၤလီၤ. အဝဲသ့ၣ်လဲၤသဖှိဃီၤဒ်လံာ်ကြီကြာ်တဖၣ်ယူၤလီၤချ့ သဒံးဒီးစှီၤန့ၢ်အဆၣ်အီၣ်အသိးန့ၣ်လီၤ.