လံာ်ယဃ့းစက့လး 25:7 - Sgaw Karen Common Bible

⁷ မ့ၢ်လၢသုမၤတ့ၢ်တၢ်န့ၣ်အဃိ, ယကဟ့ၣ်လီၤကွံာ်သုဆူပှၤကလုာ် ဂၤတဖၣ်အစုပူၤလၢကဒုးသုဒီးဂုာ်ဆူၣ်ပျီဆူၣ်သုန့ၣ်လီၤ. ယကမၤဟးဂီၤကွံာ်သုစီဖ့ကလ့ၤ, တုၤဒၣ်လဲာ်သုတမ့ၢ်လၢၤဘၣ် ပှၤတကလုာ်မ့ၢ်ဂ့ၤ, သုတအိၣ်လၢၤဒီးသုထံသုကီၢ်ဒၣ်ဝဲမ့ၢ်ဂ့ၤလၢၤဘၣ်. အန့ၣ်ဒီးသုကသ့ၣ်ညါယမ့ၢ်ယွၤန့ၣ်လီၤ.”

လံာ်ယဃ့းစက့လး 25:7 Iomraidhean Croise

လံာ်ယၡါယၤ 33:4

တၢ်ဘၣ်ထွဲဘၣ်ဃးဒီးအဝဲသ့ၣ်တဖၣ်ဘၣ်တၢ်စံၣ်ပှီၤဒီးဟံးန့ၢ် အီၤဒ်တၢ်ဖိတၢ်လံၤလၢတၢ်ဂုာ်န့ၢ်အီၤအသိးလီၤ.

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်ယဃ့းစက့လး 14:9

ဝံတဂၤမ့ၢ်ဘၣ်တၢ်လီန့ၢ်အီၤလၢကဟ့ၣ်တၢ်စံးဆၢတမံၤလၢအတတီ ဘၣ်န့ၣ်ဒီး, တၢ်န့ၣ်မ့ၢ်တၢ်လၢယၤ, ယွၤ, လီန့ၢ်အီၤအဃိန့ၣ်လီၤ. ယကသုးကွံာ်အီၤလၢကီၢ်အံၣ်စရ့လးအပှၤဂီၢ်မုၢ်အကျါန့ၣ်လီၤ.

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်ယဃ့းစက့လး 21:32

သုကဘၣ်တၢ်မၤဟးဂီၤကွံာ်သုလၢမ့ၣ်အူန့ၣ်လီၤ. သုသွံၣ်ကဂၢ်လီၤအသးလၢသုထံသုကီၢ်ဒၣ်နဲအပူၤဒီးပှၤ တသ့ၣ်နီၣ်ထီၣ်လၢၤသုနီတဘျီလၢၤဘၣ်.” ယွၤကတိၤတ့ၢ်တၢ်လံ.

လံာ်ယဃ့းစက့လး 25:10

ယကပျဲပှၤအဒူၣ်တဖၣ်လၢမုၢ်ထီၣ်ပှၢ်မုၢ်ကနၢတခီ, မၤနၢၤကွံာ်ကီၢ်မိၤအးဃုာ်ဒီးကီၢ်ဧၣ်မိၣ်ဒ်သိးကီၢ်မိၤအး သုတမ့ၢ်လၢၤထံကီၢ်တဘ့ၣ်နီတစုတဂ့ၤန့ၣ်လီၤ.

လံာ်ယဃ့းစက့လး 25:13

ခဲကနံၣ်အံၤ, ယဘိးဘၣ်သ့ၣ်ညါလၢယကစံၣ်ညီၣ်ကီၢ်အဒိၣ်ဒီးမၤသံ ကွံာ်ကယဲၢ်ပှၤကညီဒီးဆၣ်ဖိကီၢ်ဖိခဲလၢာ်န့ၣ်လီၤ. ယကဒုးကဲထီၣ်အီၤလၢတၢ်အိၣ်သယုၢ်အလီၢ်တတီၤစးထီၣ်လၢဝ့ၢ်တ့ၤ မၣ်တုၤဆူဝ့ၢ်ဒံဒၣ်ဒီးပှၤဂီၢ်မုၢ်ကဘၣ်တၢ်မၤသံအီၤ လၢတၢ်ဒုးပျီပူၤန့ၣ်လီၤ.

လံာ်ယဃ့းစက့လး 25:16

ဒီးလၢတၢ်န့ၣ်အဃိ, ယဘိးဘၣ်သ့ၣ်ညါထီၣ်လၢယကဒုးပှၤဖလ့ၡသး ဖိတဖၣ်ဒီးတြူာ်ကွံာ်အဝဲသ့ၣ်ခဲလၢာ်လီၤ. ယကမၤဟးဂီၤကွံာ်ပှၤကိးဂၤဒဲးလၢအအိၣ်လီၤတဲာ်တ့ၢ်ဖဲန့ၣ်လၢ ပှၤဖလ့ၡသးဖိအတၢ်ပၢၤခိၣ်န့ၣ်လီၤ.

လံာ်ယဃ့းစက့လး 26:5

ပှၤမၤညၣ်ဖိတဖၣ်ကမၤဃ့ထီအပှာ်တဖၣ်လၢအဖီခိၣ်ဖဲန့ၣ်, ဖဲတၢ်လီၢ်လၢလၢၢ်န့ၣ်အိၣ်ထူၣ်ကလာ်လၢပီၣ်လဲၣ်ပူၤန့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ. ပှၤကလုာ်တဖၣ်ကဂုာ်ဆူၣ်ပျီဆူၣ်ကွံာ်ဝ့ၢ်ထါယၢၣ်,

လံာ်ယဃ့းစက့လး 35:3

တဲဘၣ်ပှၤဂီၢ်မုၢ်, တၢ်လၢယၤ, ယွၤပၢဘၣ်တၢ်ခဲလၢာ်ကစၢ် ကစံးဝဲန့ၣ်တက့ၢ်. ကီၢ်အဒိၣ်အကစၢၢ်ကလိသ့ၣ်ဧၢ, ယမ့ၢ်သုဒုၣ်သုဒါန့ၣ်လီၤ. ယကဒုးကဲထီၣ်သုလၢတၢ် လီၢ်အိၣ်သယုၢ်လီၤဃီတတီၤန့ၣ်လီၤ.

လံာ်ယဃ့းစက့လး 6:14

မ့ၢ်လီၤ. ယကယူာ်ထီၣ်ယစုဒီးမၤဟးဂီၤအဝဲသ့ၣ်အထံအကီၢ်န့ၣ်လီၤ. ယကဒုးကဲထီၣ်အီၤလၢတၢ်လီၢ်လီၤဟိတပူၤစးထီၣ်လၢကလံၤထံး မဲးမုၢ်ခိၣ်တုၤလီၤလၢဝ့ၢ်ဒံးဘလးလၢကလံၤစိးတခီ, ဒီးယတပျဲပူၤတၢ်လီၢ်နီတတီၤဖဲပှၤအံၣ်စရ့လးဖိတဖၣ်အိၣ်ဆိး ဝဲန့ၣ်ဘၣ်လီၤ. အန့ၣ်ဒီး, ပှၤခဲလၢာ်ကသ့ၣ်ညါလၢယမ့ၢ်ယွၤန့ၣ်လီၤ.

လံာ်စဖါနယၤ 1:4

ယကစံၣ်ညီၣ်ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကယဲၢ်ပှၤအိၣ်လၢကီၢ် ယူဒၤအပူၤခဲလၢာ်န့ၣ်လီၤ. ယကမၤဟးဂီၤကွံာ်ပှၤဘူၣ်ထီၣ်ဘါထီၣ် ဘဧၤလးဖဲန့ၣ်, တုၤလၢပှၤအိၣ်လီၤတဲာ်တ့ၢ်လၢခံကတၢၢ်တဂၤတစုလီၤ. ဒီးပှၤကသ့ၣ်နီၣ်ပှၤဘါတၢ်ဂီၤတၢ်ဖီၣ်အပှၤလုၢ်တၢ်အခိၣ်တဖၣ်လၢ အမၤဘဧၤလးအတၢ်တအိၣ်လၢၤဘၣ်နီတဂၤဒၣ်လဲာ်ဘၣ်.