လံာ်ယဃ့းစက့လး 25:4 - Sgaw Karen Common Bible

⁴ မ့ၢ်လၢသုသူၣ်ဖှံသးညီအဃိ, ယကပျဲပှၤအဒူၣ်တဖၣ်လၢမုၢ်ထီၣ် ပှၢ်မုၢ်ကနၢတခီမၤနၢၤသုန့ၣ်လီၤ. အဝဲသ့ၣ်ကသူၣ်ထီၣ်အဒဲတဖၣ်လၢကီၢ်အပူၤဒီးသူၣ်လီၤအတၢ်အိၣ်တၢ် ဆိးအလီၢ်ဖဲန့ၣ်လီၤ. အဝဲသ့ၣ်ကအီၣ်တၤသူတၤသၣ်ဒီးကအီတၢ်နုၢ်ထံလၢအကြၢးမ့ၢ်သု တၢ်န့ၣ်လီၤ.

လံာ်ယဃ့းစက့လး 25:4 Iomraidhean Croise

လံာ်တၢ်ကဲထီၣ်အခီၣ်ထံး 29:1

ဒီးစီၤယၤကိာ်လဲၤဆူညါကွ့ၢ်ကွ့ၢ်ဒီးလဲၤဝဲလိၤလိၤဆူကီၢ် လၢမုၢ်ထီၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

လံာ်စီၤပၤအခီၣ်ထံးတဘ့ၣ် 4:30

စီၤၡလိၤမိၤကူၣ်သ့န့ၢ်ဒံးပှၤကူၣ်ဘၣ်ကူၣ်သ့တဖၣ်လၢကီၢ်မုၢ် ထီၣ်အပူၤမ့ၢ်ဂ့ၤ, ပှၤကူၣ်ဘၣ်ကူၣ်သ့တဖၣ်လၢကီၢ်အဲၤကူပတူးအပူၤမ့ၢ်ဂ့ၤန့ၣ်လီၤ.

လံာ်ယၡါယၤ 1:7

သုထံသုကီၢ်ဘၣ်တၢ်မၤဟးဂီၤမၤလီၤဃီအီၤ, ဒီးသုဝ့ၢ်တဖၣ်ဘၣ်တၢ်ဒွဲၣ်အူလီၤပှီၢ်အီၤန့ၣ်လီၤ. ဖဲသုကွၢ်ဒံးတၢ်န့ၣ်, ပှၤတခီဘီမုၢ်ဖိတဖၣ်ဟံး န့ၢ်ကွံာ်သုထံသုကီၢ်ဒီးမၤဟးဂီၤကွံာ် တၢ်ခဲလၢာ်န့ၣ်လီၤ.

လံာ်ယၡါယၤ 41:2

ပှၤလၢအဟဲက့ၤကိးစီၤပၤဖးဒိၣ်လၢမုၢ်ထီၣ်တခီန့ၣ်, မ့ၢ်မတၤတဂၤလဲၣ်. ပှၤလၢအဒုးကဲထီၣ်အီၤလၢအကမၤန့ၣ်မၤနၢၤတၢ်ဖဲအလဲၤတပူၤလၢ် လၢ်န့ၣ်မ့ၢ်မတၤလဲၣ်. မ့ၢ်မတၤဟ့ၣ်အီၤတၢ်မၤနၢၤလၢစီၤပၤတဖၣ်ဒီးပှၤကလုာ်တဖၣ်အဖီ ခိၣ်န့ၣ်လဲၣ်. အနးကျီလီၤကွံာ်အဝဲသ့ၣ်လီၤဂာ်မးဒ်အဝဲသ့ၣ်မ့ၢ်ဟီၣ်ခိၣ် ကမူၣ်အသိးလီၤ. အပျၢ်တဖၣ်မၤပြံမၤပြါအဝဲသ့ၣ်လီၤဂာ်ဒ်ဘုလီၢ်လၢကလံၤအူဘၣ် အီၤအသိးလီၤ.

လံာ်ယၡါယၤ 65:22

ယပှၤဂီၢ်မုၢ်ကအိၣ်မူတၢ်အိၣ်မူအိၣ်ကၢအိၣ်ခိးဒ်သ့ၣ်ထူၣ်တဖၣ် အသိးန့ၣ်လီၤ. အဝဲသ့ၣ်ကမုာ်လၤသးခုဘၣ်လၢလၢပှဲၤပှဲၤ လၢတၢ်လၢအဝဲသ့ၣ်မၤတ့ၢ်ဝဲတဖၣ်အဃိလီၤ.

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်ယဃ့းစက့လး 25:10

ယကပျဲပှၤအဒူၣ်တဖၣ်လၢမုၢ်ထီၣ်ပှၢ်မုၢ်ကနၢတခီ, မၤနၢၤကွံာ်ကီၢ်မိၤအးဃုာ်ဒီးကီၢ်ဧၣ်မိၣ်ဒ်သိးကီၢ်မိၤအး သုတမ့ၢ်လၢၤထံကီၢ်တဘ့ၣ်နီတစုတဂ့ၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:16

ယကစံၣ်ညီၣ်သုလီၤ. ယကဟဲစိာ်တၢ်နးတၢ်ဖှီၣ်လၢသုလိၤဒ်တၢ်ဆါလၢအဘျါတသ့, တၢ်လိၤကိၢ်လၢအကမၤဘျီၣ်သုမဲာ်, ဒီးဟံးထီၣ်ကွံာ်သုသးသမူန့ၣ်လီၤ. သုကသူၣ်လီၤဖျးလီၤဘုဧိၤဟုဧိၤဘၣ်ဆၣ်ကကဲထီၣ်တၢ်ကလီကလီလီၤ. အဂ့ၢ်ဒ်အံၤ, သုဒုၣ်သုဒါကမၤနၢၤသုဒီးအီၣ်ကွံာ်တၢ်လၢသုသူၣ်လီၤတဖၣ်န့ၣ်လီၤ.

လံာ်တၢ်ဂံၢ် 23:7

စီၤဘံးလၣ်ထုထီၣ်အတၢ်ကတိၤလၢဝံအကျိာ်စံးဝဲ, “ကီၢ်မိၤအးအစီၤပၤဘၤလးဟဲကိးန့ၢ်ယၤလၢကီၢ်စူၤရံအပူၤ, လၢမုၢ်ထီၣ်ကစၢၢ်ခိၣ်တဖၣ်ဒီးစံးဝဲ, ဟဲဒီးကတိၤတၢ်လၢယဂီၢ်တက့ၢ်. ပာ်လီၤတၢ်ဆိၣ်အၢတမံၤလၢကီၢ်အံၣ်စရ့လး အပှၤဂီၢ်မုၢ်အဖီခိၣ်တက့ၢ်.

လံာ်သိၣ်လီၤသီလီၤတၢ် 28:33

ပှၤကလုာ်တကလုာ်လၢထံဂၤကီၢ်ဂၤတခီကဟံးန့ၢ်ကွံာ်ကယဲၢ်တၢ်မုၢ် တၢ်ဘိတၤသူတၤသၣ်တဖၣ်လၢသုကျဲးစၢးမၤတ့ၢ်ဆူၣ်ဆူၣ်ဒီးသူၣ် လီၤဖျးလီၤအီၤ, ဖဲသုတဒိးန့ၢ်တၢ်နီတမံၤဘၣ်, မ့မ့ၢ်တခီသုဘၣ်တၢ်မၤနၢၤမၤပ့ၤ, မၤအၢမၤနးသုဆါဆါကလဲာ် တပယူာ်ဃီန့ၣ်လီၤ.

လံာ်သိၣ်လီၤသီလီၤတၢ် 28:51

အဝဲသ့ၣ်ကအီၣ်ကွံာ်သုဆၣ်ဖိကီၢ်ဖိလၢသုဘုၣ်အီၤတဖၣ်ဒီးသု တၢ်မုၢ်တၢ်ဘိ, တၤသူတၤသၣ်တဖၣ်, ဒီးသုကသၣ်ဝံၤလီၤဒိသံကွံာ်န့ၣ်လီၤ. အဝဲသ့ၣ်တပာ်တ့ၢ်န့ၢ်သုလၢဘုဧိၤဟုဧိၤ, စပံးထံ, သ့ၣ်စၤယံးအသိ, ဆၣ်ဖိကီၢ်ဖိလၢသုဘုၣ်အီၤမ့ၢ်ဂ့ၤ, သိမ့ၢ်ဂ့ၤနီတမံၤဘၣ်, ဒီးသုကဘၣ်သံန့ၣ်လီၤ.

လံာ်ပှၤစံၣ်ညီၣ်ကွီၢ် 6:33

ဒီးကယဲၢ်ပှၤမံးဒယၣ်ဖိခဲလၢာ်, ပှၤဧမၤလ့းဖိဒီးပှၤအဒူၣ်တဖၣ်လၢမဲးမုၢ်ခိၣ်ပာ်ဖှိၣ်ထီၣ်အသး, ဒီးခီဂာ်ထံကျိယၢ်ဒ့ၣ်ဒီးသူၣ်လီၤအဒဲဖဲ ယံးစရ့လးအတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:12

ဒီးပှၤမံးဒယၣ်ဖိ, ပှၤဧမၤလ့းဖိဒီးပှၤမဲးမုၢ်ခိၣ်အဒူၣ်တဖၣ် ရၤလီၤအသးလၢတၢ်ပျီပူၤဒ်ဒွဲၣ်ဧိၤတြၤဧိၤအဖုအဂီၢ်အသိး န့ၣ်လီၤ. အဝဲသ့ၣ်အိၣ်ဒီးကီၤလၤအူးအါမးဒ်မဲးဧိၤဟီၣ်ဧိၤလၢပီၣ် လဲၣ်ကၢၢ်နံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 8:10

စီၤစ့ဘၤဒီးစီၤစးလမူနၤအိၣ်ဝဲလၢဝ့ၢ်ကၢ်ကိၢ်ဃုာ်ဒီး အသုးမုၢ်သံၣ်ဘိတဖၣ်န့ၣ်လီၤ. လၢပှၤမဲးမုၢ်ခိၣ်အဒူၣ်အသုးမုၢ်သံၣ်ဘိဒီဖုညါအကျါန့ၣ် ပှၤအိၣ်တ့ၢ်ထဲအဂၤတကလးယဲၢ်ကထိဧိၤန့ၣ်လီၤ. ပှၤသုးဖိအဂၤတကလီၢ်ခံကလးန့ၣ်ဘၣ်တၢ်မၤသံတ့ၢ်လံအီၤန့ၣ်လီၤ.