လံာ်ယဃ့းစက့လး 25:1 - Sgaw Karen Common Bible

^1-2 ယွၤကတိၤတၢ်ဒီးယၤလီၤ. အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢပှၤဧၣ်မိၣ်ဖိ အကီၢ်ဂ့ၤဘၣ်တၢ်စံၣ်ညီၣ်န့ၣ်တက့ၢ်.

လံာ်ယဃ့းစက့လး 25:1 Iomraidhean Croise

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်ယံးရမံယၤ 12:14

ယွၤစံးဝဲဒၣ်, “ယအိၣ်ဒီးတၢ်ဂ့ၢ်တနီၤလၢယကစံးဘၣ်တဲဘၣ်တၢ်ဘၣ်ဃးဒီးပှၤလၢ အံၣ်စရ့လးအဃၢၤတဖၣ်လၢအမၤဟးဂီၤ တ့ၢ်ထံကီၢ်လၢယဟ့ၣ်လီၤတ့ၢ်ယပှၤဂီၢ်မုၢ် အံၣ်စရ့လးန့ၣ်လီၤ. ယကဟံးထီၣ်ကွံာ်ပှၤအၢပှၤသီတဖၣ်န့ၣ် လၢအထံအကီၢ်တဖၣ်အပူၤလီၤဂာ်ဒ်တၢ်မုၢ်တၢ်ဘိ လၢအဘၣ်တၢ်ထဲးထီၣ်ကွံာ်အီၤအသိးဒီးယကမၤပူၤမၤဖျဲးကီၢ် ယူဒၤလၢအဝဲသ့ၣ်အစုပူၤန့ၣ်လီၤ.

လံာ်ယံးရမံယၤ 25:21

ပှၤဂီၢ်မုၢ်ခဲလၢာ်လၢ ကီၢ်အဒိၣ်, ကီၢ်မိၤအး, ဒီးကီၢ်ဧၣ်မိၣ်,

လံာ်ယံးရမံယၤ 27:3

အန့ၣ်ဝံၤဒီး ယွၤတဲဘၣ်ယၤလၢ ယကဆှၢလီၤတၢ်ကစီၣ် တမံၤဆူ စီၤပၤတဖၣ်လၢ ကီၢ်အဒိၣ်, ကီၢ်မိၤအး, ကီၢ်ဧၣ်မိၣ်, ဝ့ၢ်ထါယၢၣ်ဒီး ဝ့ၢ်စံဒိၣ်, ခီဖျိအဝဲသ့ၣ်အမီၣ်သီမီၣ်လါတဖၣ် လၢ အဟဲတ့ၢ်ဆူ ဝ့ၢ်ယရူၤရှလ့ၣ်ဒ်သိး ကထံၣ်စီၤပၤစံးဒကံယၤ အဂီၢ်န့ၣ်လီၤ.

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်သးသယုၢ်တၢ် 1:21

ဒိကနၣ်လၢ်ယတၢ်ကအုကစွါတက့ၢ်. ပှၤလၢကမၤမုာ်ထီၣ်ယၤတအိၣ်ဘၣ် နီတဂၤဘၣ်. ယဒုၣ်ယဒါတဖၣ်သးခုဝဲလၢနဟဲစိာ်တၢ်နးတၢ်ဖှီၣ်လၢယလိၤအဃိ လီၤ. ဟဲစိာ်မုၢ်တနံၤလၢနအၢၣ်လီၤအီလီၤတ့ၢ်ဒီးဒုးတူၢ်ဘၣ်ယဒုၣ် ယဒါတဖၣ်ဒ်ယတူၢ်ဘၣ်တၢ်အသိးတက့ၢ်.

လံာ်ယဃ့းစက့လး 24:27

လၢမုၢ်တနံၤဃီန့ၣ်, နကမၤန့ၢ်ကဒါက့ၤတၢ်သ့ကတိၤတၢ်လၢ အလီၤမၢ်တ့ၢ်လၢနအိၣ်, ဒီးနကကတိၤတၢ်ဒီးအီၤန့ၣ်လီၤ. လၢကျဲဒ်အံၤန့ၣ်နကကဲထီၣ်တၢ်ပနီၣ်တမံၤလၢပှၤဂီၢ်မုၢ်အဂီၢ်, ဒီးအဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်ယဃ့းစက့လး 32:29

ကီၢ်အဒိၣ်အိၣ်ဖဲန့ၣ်ဃုာ်ဒီးအစီၤပၤတဖၣ်ဒီးအပှၤပၢတၢ်တဖၣ် န့ၣ်လီၤ. အဝဲသ့ၣ်တဖၣ်မ့ၢ်သုးဖိအဂံၢ်ဆူၣ်ဘါဆူၣ်, ဘၣ်ဆၣ် ခဲအံၤအဝဲသ့ၣ်မံလီၤလၢပှၤသံတဖၣ်အကီၢ်ပူၤဃုာ်ဒီးပှၤတဖၣ်လၢ အတဒိးဘၣ်တၢ်ကူးတရံးလၢအဘၣ်တၢ်မၤသံလၢတၢ်ဒုးအပူၤ န့ၣ်လီၤ.

လံာ်ယဃ့းစက့လး 36:7

ယၤ, ယွၤပၢဘၣ်တၢ်ခဲလၢာ်ကစၢ်, အၢၣ်လီၤတၢ်သမှံၤသပှၢ် လၢပှၤကလုာ်အိၣ်ခိၣ်အိၣ်ဃၢၤတဖၣ်ကဘၣ်တၢ်ဆီၣ်လီၤကွံာ်အီၤ န့ၣ်လီၤ.

လံာ်ယိၤအ့လး 3:19

ကီၢ်အဲၤကူပတူးကကဲထီၣ်တၢ်ဃ့ထီအလီၢ်တတီၤ, ဒီးကီၢ်အဒိၣ်ကကဲထီၣ်တၢ်ဟးဂီၤအလီၢ်တပူၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ထီဒါကီၢ်ယူဒၤဒီးမၤသံ အပှၤဂီၢ်မုၢ်လၢအတၢ်ဒဲးဘးတအိၣ်ဘၣ်န့ၣ်လီၤ.

လံာ်ဧၤမိၣ် 1:13

ဒီးယွၤစံးဝဲဒၣ်, “ပှၤကီၢ်ဧၤမိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်န့ၣ်လီၤ. လၢအဝဲသ့ၣ်တၢ်ဒုးတၢ်ယၤတဖၣ်ဒ်သိးကမၤလဲၢ်ထီၣ်အကီၢ်အဃၢၤအဂီၢ် အပူၤန့ၣ်, ကွဲးသ့ၣ်ဖးဒၣ်လဲာ်ကီၢ်ကံးလဧးအပိာ်မုၣ်လၢအဒၢတဖၣ် အဟၢဖၢန့ၣ်လီၤ.

လံာ်ဃဘးကူာ် 1:17

မ့ၢ်အဝဲသ့ၣ်အကသူအနးတဖၣ်တထံၣ်ဃီဒီး မၤဟးဂီၤပှၤကလုာ်တဖၣ်လၢတၢ်သူၣ်ကညီၤသးကညီၤတအိၣ် အပူၤန့ၣ်တဘိယူာ်ဃီဧါ.

လံာ်စဖါနယၤ 2:8

ယွၤသ့တၢ်လၢာ်စံးဝဲ, “ယနၢ်ဟူတ့ၢ်လံပှၤမိၤအးဖိဒီးပှၤဧၣ်မိၣ်ဖိဒုၣ်ဒွဲၣ်ဒီး ကတိၤဆါယပှၤဂီၢ်မုၢ်ဒီးကတိၤဒိၣ်ကတိၤသွါအသးလၢကဂုာ်န့ၢ် ကွံာ်အဝဲသ့ၣ်အကီၢ်န့ၣ်လီၤ.

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”