လံာ်ယဃ့းစက့လး 24:9 - Sgaw Karen Common Bible

⁹ တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ယနီၢ်ကစၢ်ဒၣ်ယဲယကပူၣ်ထီၣ်သ့ၣ်မုၣ်တဖၣ်န့ၣ်လီၤ.

လံာ်ယဃ့းစက့လး 24:9 Iomraidhean Croise

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 31:9

အဝဲသ့ၣ်အစီၤပၤကဃ့ၢ်ကွံာ်လၢတၢ်ပျံၤတၢ်ဖုးအပူၤ, ဒီးအမူဒါလီၢ်လၤခိၣ်တဖၣ်ကပျံၤတၢ်တုၤဒၣ်လဲာ်ကပာ်လီၤတဲာ် ကွံာ်အတၢ်ဒုးအနီၣ်တယၢ်တဖၣ်လီၤ. ယွၤကတိၤလံတၢ်လံ. မ့ၢ်ယွၤလၢအဘၣ်တၢ်ဘူၣ်ထီၣ်ဘါ ထီၣ်အီၤလၢဝ့ၢ်ယရူၤၡလ့ၣ်အပူၤဒီးယွၤလၢအမ့ၣ်အူ အီၣ်တၢ်ဖဲန့ၣ်လၢတၢ်လုၢ်ထီၣ်ပာ်ထီၣ်အဂီၢ်န့ၣ်လီၤ.”

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်ယဃ့းစက့လး 24:10

ဟဲစိာ်အါထီၣ်သ့ၣ်မုၣ်တက့ၢ်. ဝံၢ်ကဲၤထီၣ်မ့ၣ်အူတက့ၢ်. ဖီထီၣ်တၢ်ညၣ်တက့ၢ်. မၤကလာ်ထီၣ်တၢ်ညၣ်အကသူထံတက့ၢ်. ဆိၣ်ကဲၤထီၣ်တၢ်ဃံတဖၣ်တက့ၢ်.

လံာ်ယဃ့းစက့လး 24:5

သူသိအဂ့ၤကတၢၢ်အညၣ်တက့ၢ်. ဖှိၣ်ထီၣ်သ့ၣ်မုၣ်လၢသပၢၤအဖီလာ်တက့ၢ်. ပျဲထံချီကလာ်ထီၣ်တက့ၢ်. ချီတၢ်အဃံတဖၣ်ဒီးတၢ်ညၣ်တက့ၢ်.”

လံာ်ယဃ့းစက့လး 24:6

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ဝ့ၢ်န့ၣ်လီၤဂာ်ဒ်သပၢၤတဖျၢၣ်လၢအထီၣ်အ့ၣ်လၢတၢ်တမၤကဆှဲ ကဆှီထီၣ်အီၤနီတဘျီဘၣ်န့ၣ်လီၤ. တၢ်ညၣ်တကူာ်ဘၣ်တကူာ်ဘၣ်တၢ်ထုးထီၣ်ကွံာ်အီၤဒီးတအိၣ်လီၤ တဲာ်တ့ၢ်နီတကူာ်ဘၣ်.

လံာ်နၤဃူၣ် 3:1

တၢ်စံၣ်ညီၣ်ဃါမနၤကလီၤဘၣ်ဝ့ၢ်လၢအလီတၢ်, မၤသံမၤဝီတၢ်ဒီးအိၣ်ပှဲၤဝဲဒီးတၢ်ထူးတၢ်တီၤလၢကဘၣ်တၢ် ဂုာ်ဆူၣ်ပျီဆူၣ်အီၤဒီး မၤဟးဂီၤကွံာ်အီၤအဂီၢ်န့ၣ်လီၤ.

လံာ်ဃဘးကူာ် 2:12

ပှၤလၢအပာ်လီၤဝ့ၢ်တဖျၢၣ်အခီၣ်ထံးလၢတၢ်မၤသံမၤ ဝီဒီးသူၣ်ထီၣ်အီၤလၢတၢ်သရူးကမၣ်န့ၣ်, ကဘၣ်တၢ်စံၣ်ညီၣ် ဃါမနၤလီၤ.

၂ သ့းစၤလနံ 1:8

ဒီးဟဲလီၤလၢမ့ၣ်အူလၣ်အပူၤ, ဒ်သိးအကစံၣ်ညီၣ်ပှၤတဖၣ်လၢအတအၢၣ်လီၤအီလီၤ ကစၢ်ယွၤဒီးတတူၢ်လိာ်တၢ်သးခုကစီၣ်ဘၣ်ဃးပကစၢ် ယ့ၣ်ၡူးန့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်လီၣ်ဖျါ 14:20

စပံးသၣ်တဖၣ်ဘၣ်တၢ်ယီၢ်အီၤလၢကျိးပူၤဖဲဝ့ၢ်အချၢဒီး တၢ်သွံၣ်ဟဲထီၣ်လၢနီၣ်စံၢ်စပံးသၣ်အကျိးပူၤဒီးပုာ်ထီၣ် ယွၤလီၤဝဲအထီကဘၣ်အမံးလးခံကယၤဒီးအယိာ်ကဘၣ် သၢပျၢ်တထါန့ၣ်လီၤ.

လံာ်လီၣ်ဖျါ 16:19

ဝ့ၢ်ဖးဒိၣ်ဘၣ်တၢ်မၤဖးအီၤသၢပူဒီးထံကီၢ်ကိးဘ့ၣ်ဒဲး အဝ့ၢ်တဖၣ်ဘၣ်တၢ်မၤဟးဂီၤကွံာ်အီၤလီၤ. ကစၢ်ယွၤသ့ၣ်နီၣ်ထီၣ်က့ၤဘၤဘူၤလိၣ်ဖးဒိၣ်, ဒီးဒုးအီအီၤစပံးထံလၢအဝဲဒၣ်အလီခီပူၤ, အဝဲအတၢ်သးထီၣ်နးနးကလဲာ်အစပံးထံ န့ၣ်လီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”