လံာ်ယဃ့းစက့လး 24:6 - Sgaw Karen Common Bible

⁶ တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ဝ့ၢ်န့ၣ်လီၤဂာ်ဒ်သပၢၤတဖျၢၣ်လၢအထီၣ်အ့ၣ်လၢတၢ်တမၤကဆှဲ ကဆှီထီၣ်အီၤနီတဘျီဘၣ်န့ၣ်လီၤ. တၢ်ညၣ်တကူာ်ဘၣ်တကူာ်ဘၣ်တၢ်ထုးထီၣ်ကွံာ်အီၤဒီးတအိၣ်လီၤ တဲာ်တ့ၢ်နီတကူာ်ဘၣ်.

လံာ်ယဃ့းစက့လး 24:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:16

စီၤမနၤၡ့ၤမၤသံပှၤလၢအတၢ်ကမၣ်တအိၣ်ဘၣ်တဖၣ်အါဂၤတုၤဒၣ်လဲာ် ဝ့ၢ်ယရူၤၡလ့ၣ်အကျဲတဖၣ်, ယွၤဝဲဒီးတၢ်သွံၣ်န့ၣ်လီၤ. လၢတၢ်ဆှၢဃီၤကီၢ်ယူဒၤအပှၤဂီၢ်မုၢ်ဆူတၢ်ဘါထီၣ်တၢ်ဂီၤတၢ် ဖီၣ်အပူၤဒီးဒုးမၤအဝဲသ့ၣ်တၢ်ဒဲးဘးထီဒါယွၤ, အမဲာ်ညါန့ၣ်, အဝဲမၤအါထီၣ်တၢ်အံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:3

တုၤယွၤဟ့ၣ်လီၤအကလုၢ်တဘျီဃီန့ၣ်, တၢ်အံၤမၤအသးဒ်သိးကနီၣ် ထီၣ်ကွံာ်ကီၢ်ယူဒၤအပှၤဂီၢ်မုၢ်လၢအမဲာ်ညါမ့ၢ်လၢတၢ်ဒဲးဘး တဖၣ်လၢစီၤပၤမနၤၡ့ၤမၤတ့ၢ်ဝဲအဃိ,

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

လံာ်ယံးရမံယၤ 2:22

နမ့ၢ်သ့စီကွံာ်နသးလၢချါသိအဂ့ၤကတၢၢ်ဒၣ်လဲာ်, ယကထံၣ်ဒံးဒၣ်နတၢ်ကမၣ်အတၢ်ဘၣ်အၢဘၣ်သီန့ၣ်လီၤ.

လံာ်ယံးရမံယၤ 6:29

ဖၣ်ကွာ်အမ့ၣ်အူအီၣ်တၢ်ဆူၣ်ဆူၣ်, ဘၣ်ဆၣ်ဒီးတိၢ်ထးဒီးစ့အ အ့ၣ်တဖၣ်တပှံၢ်ထီၣ်ဒီးယွၤလီၤဘၣ်. ယပှၤဂီၢ်မုၢ်အံၤနပှံၢ်အီၤထဲလဲၣ်နာ်က့အဘျုးတအိၣ်လၢၤဘၣ်. အဂ့ၢ်ဒ်အံၤ, ပှၤလၢအအၢအသီတဖၣ်တၢ်တဟံးထီၣ်ကွံာ် အီၤဘၣ်အဃိလီၤ.

လံာ်ယဃ့းစက့လး 11:11

ဝ့ၢ်အံၤတဒီဒၣ်အိၣ်ပှိၤသုဒ်သပၢၤတဖျၢၣ်ဒီဒၣ်အိၣ်ပှိၤတၢ်ညၣ်လၢ အိၣ်လၢအပူၤအသိးန့ၣ်ဘၣ်. ယကစံၣ်ညီၣ်သုဖဲသုအိၣ်တပူၤဂ့ၤတပူၤဂ့ၤလၢကီၢ်အံၣ်စရ့လး အပူၤန့ၣ်လီၤ.

လံာ်ယဃ့းစက့လး 11:3

အဝဲသ့ၣ်စံးလၢ, တယံာ်လၢၤဘၣ်န့ၣ်ပကသူၣ်ထီၣ်ဘှီထီၣ်ကဒီးဟံၣ် တဖၣ်လီၤ. ဝ့ၢ်အံၤလီၤဂာ်ဒီးတၢ်ဖီအီၣ်တ့ၤအီၣ်သပၢၤတဖျၢၣ်, ဒီးပလီၤဂာ်ဒီးတၢ်ညၣ်အိၣ်လၢအပူၤ, ဘၣ်ဆၣ်ဒီးအစှၤကတၢၢ်န့ၣ် ပဘၣ်တၢ်ဒီဒၣ်ပှၤလၢမ့ၣ်အူကစီဒီန့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 22:3

တဲဘၣ်ဝ့ၢ်လၢတၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တ က့ၢ်. မ့ၢ်လၢနမၤသံတ့ၢ်နပှၤဂီၢ်မုၢ်ဒၣ်နဲအါအါဂီၢ်ဂီၢ်ဒီးနမၤဘၣ် အၢလီၤက့ၤနသးဒၣ်နဲလၢတၢ်ဘါတၢ်ဂီၤတၢ်ဖီၣ်တဖၣ်အဃိ, ဆၢကတီၢ်ဟဲလံဝဲလံ.

လံာ်ယဃ့းစက့လး 24:3

တဲဘၣ်ယပှၤဂီၢ်မုၢ်လၢအပူထီၣ်တၢ်လၢတၢ်ကတိၤဒိအံၤ, လၢယၤ, ယွၤပၢဘၣ်တၢ်ခဲလၢာ်ကစၢ်စံးလၢအဝဲသ့ၣ်အဂီၢ်န့ၣ်တက့ၢ်. ပာ်ထီၣ်သပၢၤတဖျၢၣ်လၢမ့ၣ်အူအဖီခိၣ်ဒီးမၤပှဲၤအီၤလၢထံတက့ၢ်.

လံာ်ယဃ့းစက့လး 24:9

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ယနီၢ်ကစၢ်ဒၣ်ယဲယကပူၣ်ထီၣ်သ့ၣ်မုၣ်တဖၣ်န့ၣ်လီၤ.

လံာ်ယိၤအ့လး 3:3

အဝဲသ့ၣ်ဖီၣ်တၢ်ဖးလၢ မတၤကမၤန့ၢ်ပှၤဘၣ်တၢ်စိာ်မၢကဲကုၢ်အီၤတဖၣ်လဲၣ်န့ၣ်လီၤ. အဝဲသ့ၣ်ဆါကွံာ်တ့ၢ်ဖိသၣ်ပိာ်ခွါဒီးဖိသၣ်ပိာ်မုၣ်တဖၣ်ဆူ ကုၢ်အလီၢ်ဒ်သိးကဟ့ၣ်တၢ်အပှ့ၤလၢပိာ်မုၣ်ဟးဂီၤတဖၣ် ဒီးစပံးထံအဂီၢ်န့ၣ်လီၤ.

လံာ်ဧိၤဘါဒယၤ 1:11

ဖဲဒုၣ်ဒါတဖၣ်စိာ်ကွံာ်ဝ့ၢ်ယရူၤၡလ့ၣ်အတၢ်ထူးတၢ်တီၤအမုၢ်နံၤ န့ၣ်နဆၢထၢၣ်စီၤစုၤလၢအယံၤ, ဖဲဒုၣ်ဒါတဖၣ်နုာ်လီၤဆူဝ့ၢ်ယရူၤၡလ့ၣ်အပဲတြီပူၤဒီးမၤတၢ် ဖးလၢအတၢ်ထူးတၢ်တီၤအမုၢ်နံၤန့ၣ်နမၤနသးအၢထဲသိးသိးဒီး အဝဲသ့ၣ်န့ၣ်လီၤ.

လံာ်ယိၤနါ 1:7

ပှၤကဘီဖိတဖၣ်စံးကတိၤသကိးလိာ်အသး, “ဟဲ, မ်ပကထုးတၢ်ဖးဒ်သိးပကသ့ၣ်ညါတၢ်မၤအသးဒီးပှၤဒ် အံၤမ့ၢ်လၢမတၤအဃိလဲၣ်န့ၣ်တက့ၢ်.” လၢတၢ်န့ၣ် အဃိအဝဲသ့ၣ်ထုးတၢ်ဖး, ဒီးတၢ်ဖးလီၤဘၣ်လၢစီၤယိၤနါအလိၤန့ၣ်လီၤ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်နၤဃူၣ် 3:1

တၢ်စံၣ်ညီၣ်ဃါမနၤကလီၤဘၣ်ဝ့ၢ်လၢအလီတၢ်, မၤသံမၤဝီတၢ်ဒီးအိၣ်ပှဲၤဝဲဒီးတၢ်ထူးတၢ်တီၤလၢကဘၣ်တၢ် ဂုာ်ဆူၣ်ပျီဆူၣ်အီၤဒီး မၤဟးဂီၤကွံာ်အီၤအဂီၢ်န့ၣ်လီၤ.

လံာ်နၤဃူၣ် 3:10

ဘၣ်ဆၣ်ဒီးပှၤဝ့ၢ်သံဘံးဖိတဖၣ်ဘၣ်တၢ်စိာ် ကွံာ်အီၤဆူတၢ်မၢကဲကုၢ်အလီၢ်န့ၣ်လီၤ. ဒီးလၢကျဲကိးဘိဒဲး အသနၢၣ်န့ၣ်အဖိသ့ၣ်တဖၣ်ဘၣ်တၢ်တီၢ်သံကွံာ်အီၤန့ၣ်လီၤ. အပှၤကဲခိၣ်ကဲနၢ်သ့ၣ်တဖၣ်ဘၣ်တၢ်စၢဃာ်ဒီးမိၤထီၣ်ကွံာ်အီၤလၢ ထးသွဲတဖၣ်, ဒီးဘၣ်တၢ်နီၤဖးလီၤအီၤဆူပှၤဖီၣ်န့ၢ်အီၤတဖၣ်အကျါလီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

လံာ်သိၣ်လီၤသီလီၤတၢ် 23:13

စိာ်ဃုာ်ဒီးနီၣ်က့တဘိဒ်တၢ်ပီးတၢ်လီအသိး, ဒ်သိးဖဲသုလဲၤတၢ်အဃၢဝံၤန့ၣ်သုခူၣ်တၢ်ပူၤကသ့ဝဲဒီးမၤ ဘၢအီၤကသ့အဂီၢ်တက့ၢ်.

လံာ်စီၤယိၤၡူ 10:22

အန့ၣ်ဒီးစီၤယိၤၡူစံးဝဲ, “အိးထီၣ်တၢ်ကအိပူၤအခိၣ်ထိးဒီးဟဲဆှၢထီၣ်စီၤပၤယဲၢ်ဂၤန့ၣ်ဆူ ယအိၣ်တက့ၢ်.”

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 18:24

ဝ့ၢ်ဘၤဘူၤလိၣ်ဘၣ်တၢ်စံၣ်ညီၣ်အီၤ, အဂ့ၢ်မ့ၢ်လၢဝံဒီးကစၢ်ယွၤအပှၤဂီၢ်မုၢ်တဖၣ်အသွံၣ်ဘၣ်တၢ်ထံၣ် န့ၢ်အီၤလၢဝ့ၢ်န့ၣ်အပူၤအဃိလီၤ. မ့ၢ်စဲဃဲၤလီၤ, မ့ၢ်ကယဲၢ်ပှၤလၢအဘၣ်တၢ်မၤသံတ့ၢ်အီၤလၢဟီၣ်ခိၣ်ချၢ တဖၣ်အသွံၣ်ဘၣ်တၢ်ထံၣ်န့ၢ်အီၤလၢဝ့ၢ်တဖျၢၣ်န့ၣ်အပူၤ အဃိလီၤ.