လံာ်ယဃ့းစက့လး 24:3 - Sgaw Karen Common Bible

³ တဲဘၣ်ယပှၤဂီၢ်မုၢ်လၢအပူထီၣ်တၢ်လၢတၢ်ကတိၤဒိအံၤ, လၢယၤ, ယွၤပၢဘၣ်တၢ်ခဲလၢာ်ကစၢ်စံးလၢအဝဲသ့ၣ်အဂီၢ်န့ၣ်တက့ၢ်. ပာ်ထီၣ်သပၢၤတဖျၢၣ်လၢမ့ၣ်အူအဖီခိၣ်ဒီးမၤပှဲၤအီၤလၢထံတက့ၢ်.

လံာ်ယဃ့းစက့လး 24:3 Iomraidhean Croise

လံာ်စီၤပၤခံဘ့ၣ်တဘ့ၣ် 4:38

ဘၣ်တဘျီ, ဖဲတၢ်သၣ်ဝံၤလီၤဒိတမံၤမၤအသးလၢထံကီၢ်ဒီဘ့ၣ် ညါအခါန့ၣ်, စီၤအလံၤၡါဟဲက့ၤကဒါက့ၤဆူဝ့ၢ်ကံးလကၤလးန့ၣ်လီၤ. ဖဲအဝဲသိၣ်လိဝံတဖၣ်အခါန့ၣ်အဝဲတဲဘၣ်အခ့အပှၤလၢကဒိထီၣ် သပၢၤဖးဒိၣ်တဖျၢၣ်လၢမ့ၣ်အူအဖီခိၣ်ဒီးဖီန့ၢ်အဝဲသ့ၣ်ကသူ ထံတကပၢၤန့ၣ်လီၤ.

စံးထီၣ်ပတြၢၤ 78:2

ယကအဲးထီၣ်ယထးခိၣ်လၢတၢ်ကူၣ်သ့အတၢ်ကတိၤ, ဒီးယကစံၣ်တဲၤတဲလီၤတၢ်ကတိၤခူသူၣ်လၢပျၢၤတဖၣ်,

လံာ်ယၡါယၤ 1:2

ယွၤစံးဝဲဒၣ်, “ဟီၣ်ခိၣ်ဒီးမူခိၣ်ဧၢ, ကနၣ်တၢ်လၢယကတိၤ အီၤတက့ၢ်. ဖိလၢယလုၢ်ဒိၣ်ထီၣ်အီၤတဖၣ်ပူထီၣ်တၢ်ထီဒါ တ့ၢ်ယၤလီၤ.

လံာ်ယၡါယၤ 29:2

အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

လံာ်ယၡါယၤ 30:1

ယွၤကတိၤလံတၢ်လံ. “ပှၤတဖၣ်လၢအပၢကီၢ်ယူဒၤန့ၣ် ကဘၣ်တၢ်စံၣ်ညီၣ်ဃါမနၤလၢတၢ်ပူထီၣ်ထီဒါယၤအဃိလီၤ. အဝဲသ့ၣ်ပိာ်ထွဲတၢ်တိာ်ကျဲၤတဖၣ်လၢယတမၤတ့ၢ်အီၤဒီး ဆဲးလီၤအမံၤလၢလံာ်ဃံၤဃာ်တဖၣ်အပူၤလၢအထီဒါတၢ်ဘၣ်ယသး, ဒီးပာ်ဖှိၣ်တၢ်ဒဲးဘးတမံၤလၢအဂၤတမံၤအဖီခိၣ်လီၤ.

လံာ်ယၡါယၤ 30:9

အဝဲသ့ၣ်ပူထီၣ်ထီဒါကစၢ်ယွၤထီဘိ, လီတၢ်ထီဘိဒီးဂ့ၢ်လိာ် လၢအကဒိကနၣ်ယွၤအတၢ်သိၣ်လိသီလိတဖၣ်ထီဘိန့ၣ်လီၤ.

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယံးရမံယၤ 1:13

အန့ၣ်ဒီး, ယွၤကတိၤကဒီးတၢ်ဒီးယၤ, ဒီးသံကွၢ်ဝဲ, “နထံၣ်တၢ်အဂၤမနုၤဒံးလဲၣ်.” ယစံးဆၢအီၤ, “ယထံၣ်သပၢၤတဖျၢၣ်ကလာ်ထီၣ်လၢကလံၤစိးတခီ, ဒီးမၤအသးဒ်ကတကျၢၢ်လီၤအသးဆူအံၤတကပၤအသိးန့ၣ်လီၤ.”

လံာ်ယံးရမံယၤ 1:14

အဝဲစံးဘၣ်ယၤ, “တၢ်မၤဟးဂီၤကကလာ်ထီၣ် လၢကလံၤစိးတခီဒီးပုာ်ထီၣ်ယွၤလီၤဘၣ်ပှၤလၢအအိၣ်လၢ ထံကီၢ်တဘ့ၣ်အပူၤခဲလၢာ်လီၤ.

လံာ်ယဃ့းစက့လး 11:11

ဝ့ၢ်အံၤတဒီဒၣ်အိၣ်ပှိၤသုဒ်သပၢၤတဖျၢၣ်ဒီဒၣ်အိၣ်ပှိၤတၢ်ညၣ်လၢ အိၣ်လၢအပူၤအသိးန့ၣ်ဘၣ်. ယကစံၣ်ညီၣ်သုဖဲသုအိၣ်တပူၤဂ့ၤတပူၤဂ့ၤလၢကီၢ်အံၣ်စရ့လး အပူၤန့ၣ်လီၤ.

လံာ်ယဃ့းစက့လး 11:3

အဝဲသ့ၣ်စံးလၢ, တယံာ်လၢၤဘၣ်န့ၣ်ပကသူၣ်ထီၣ်ဘှီထီၣ်ကဒီးဟံၣ် တဖၣ်လီၤ. ဝ့ၢ်အံၤလီၤဂာ်ဒီးတၢ်ဖီအီၣ်တ့ၤအီၣ်သပၢၤတဖျၢၣ်, ဒီးပလီၤဂာ်ဒီးတၢ်ညၣ်အိၣ်လၢအပူၤ, ဘၣ်ဆၣ်ဒီးအစှၤကတၢၢ်န့ၣ် ပဘၣ်တၢ်ဒီဒၣ်ပှၤလၢမ့ၣ်အူကစီဒီန့ၣ်လီၤ.

လံာ်ယဃ့းစက့လး 11:7

လၢတၢ်န့ၣ်အဃိဒီး, အအံၤမ့ၢ်တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်သုန့ၣ်လီၤ. ဝ့ၢ်အံၤမ့ၢ်တၢ်တ့ၤအီၣ်ဖီအီၣ်အသပၢၤတဖျၢၣ်ကစီဒီ, ဘၣ်ဆၣ်တၢ်ညၣ်မ့ၢ်တၢ်မနုၤလဲၣ်. မ့ၢ်တၢ်အစိၣ်တဖၣ်လၢသုမၤသံ တ့ၢ်န့ၣ်လီၤ. သုတအိၣ်ဘၣ်ဖဲအံၤလၢၤဘၣ်. ယကကွံာ်ထီၣ်သုလၢဝ့ၢ်အံၤအချၢလီၤ.

လံာ်ယဃ့းစက့လး 12:25

ယၤ, ယွၤအံၤ, ကတိၤတၢ်ဒီးအဝဲသ့ၣ်, ဒီးတၢ်လၢယစံးန့ၣ်ကဘၣ်တၢ်မၤအီၤန့ၣ်လီၤ. တၢ်မၤယံာ်မၤနီၢ်တအိၣ်လၢၤဘၣ်. သုဝဲပှၤပူထီၣ်တၢ်ဖိသ့ၣ်ဧၢ, လၢသုတၢ်အိၣ်မူအမုၢ်နံၤဒၣ်ဝဲအပူၤန့ၣ်, ယကမၤတၢ်လၢယဟ့ၣ်ပလီၢ်တ့ၢ်သုလၢယကမၤအီၤန့ၣ်လီၤ. ယကတိၤလံတၢ်လံ.” ယွၤပၢဘၣ်တၢ်ခဲလၢာ်ကစၢ်စံးဝဲ.

လံာ်ယဃ့းစက့လး 2:2

ဖဲတၢ်ကလုၢ်ကတိၤဒံးတၢ်အဖၢမုၢ်န့ၣ်, ကစၢ်ယွၤအသးဟဲနုာ်လၢ ယပူၤဒီးဒုးဆၢထၢၣ်ယၤလၢယခီၣ်ဒီးယနၢ်ဟူတၢ်ကလုၢ်သီၣ်စံး ဝဲ,

လံာ်ယဃ့းစက့လး 2:3

“ပှၤကညီလၢအသံသ့ဧၢ, ယမၢလီၤနၤဆူကီၢ်အံၣ်စရ့လးအပှၤဂီၢ် မုၢ်အအိၣ်လီၤ. အဝဲသ့ၣ်ပူထီၣ်တၢ်ဒီးဃၣ်ကွံာ်အသးထီဒါယၤ, ဒီးမ့ၢ်ဒံးဒၣ်ပှၤပူထီၣ်တၢ်ဖိတဖၣ်ဒ်သိးဒၣ်အမိၢ်ပၢ်ဖံဖု လၢပျၢၤတဖၣ်မ့ၢ်တ့ၢ်ဝဲန့ၣ်လီၤ.

လံာ်ယဃ့းစက့လး 2:5

ပှၤပူထီၣ်တၢ်ဖိတဖၣ်န့ၣ်, ဒိကနၣ်နၤမ့ၢ်ဂ့ၤ, တဒိကနၣ်နၤမ့ၢ်ဂ့ၤ, အဝဲသ့ၣ်ကသ့ၣ်ညါဝဲလၢဝံတဂၤအိၣ်လံလၢအဝဲသ့ၣ်အကျါလံန့ၣ်လီၤ.

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်ယဃ့းစက့လး 2:8

ပှၤကညီလၢအသံသ့ဧၢ, ဒိကနၣ်တၢ်လၢယတဲဘၣ်နၤတက့ၢ်. ပူထီၣ်တၢ်ဒ်အဝဲသ့ၣ်အသိးတဂ့ၤ. အိးထီၣ်နကိာ်ပူၤဒီးအီၣ်တၢ် လၢယကဟ့ၣ်လီၤနၤန့ၣ်တက့ၢ်.”

လံာ်ယဃ့းစက့လး 20:49

ဘၣ်ဆၣ်ယကတိၤဂ့ၢ်လိာ်ဒီးစံး, “ယွၤပၢဘၣ်တၢ်ခဲလၢာ်ကစၢ်ဧၢ, တဘၣ်မၢယမၤတၢ်န့ၣ်တဂ့ၤ. ပှၤကိးဂၤဒဲးကဒူးကဒ့ၣ်လံတၢ်ဒီးစံးလၢထီဘိယကတိၤ တၢ်လၢတၢ်ပှိၤပှီၢ်တဖၣ်အပူၤန့ၣ်လီၤ.”

လံာ်ယဃ့းစက့လး 24:6

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ဝ့ၢ်န့ၣ်လီၤဂာ်ဒ်သပၢၤတဖျၢၣ်လၢအထီၣ်အ့ၣ်လၢတၢ်တမၤကဆှဲ ကဆှီထီၣ်အီၤနီတဘျီဘၣ်န့ၣ်လီၤ. တၢ်ညၣ်တကူာ်ဘၣ်တကူာ်ဘၣ်တၢ်ထုးထီၣ်ကွံာ်အီၤဒီးတအိၣ်လီၤ တဲာ်တ့ၢ်နီတကူာ်ဘၣ်.

လံာ်ယဃ့းစက့လး 3:9

ယကဒုးကဲထီၣ်နၤ ပှၤဂၢၢ်ဝဲကျၢၤဝဲ ဒ်လၢၢ်တဖျၢၣ်အသိး, ကိၤဝဲဒ်လၢၢ်တၢ်မျၢ်တဖျၢၣ်အသိးန့ၣ်လီၤ. ပျံၤဘၣ်ပှၤပူထီၣ် တၢ်ဖိတဖၣ်န့ၣ်တဂ့ၤ.”

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”

လံာ်မၢ်ကူး 12:12

ပှၤယူဒၤဖိအခိၣ်အနၢ်လၢယ့ၣ်ၡူးကတိၤတ့ၢ်တၢ်ဒီးအီၤတဖၣ်နၢ် ပၢၢ်ဝဲလၢတၢ်ကတိၤဒိအံၤမ့ၢ်တၢ်ကတိၤထီဒါအဝဲသ့ၣ်အဃိ, ဃုကျဲလၢအကဖီၣ်န့ၢ်အီၤလီၤ. ဘၣ်ဆၣ်ဒီးမ့ၢ်လၢအဝဲသ့ၣ်ပျံၤဘၣ်ပှၤဂီၢ်မုၢ်တဖၣ်အဃိ, ပာ်တ့ၢ်အီၤဒီးဟးထီၣ်ကွံာ်ဝဲဖဲန့ၣ်လီၤ.

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.