လံာ်ယဃ့းစက့လး 24:25 - Sgaw Karen Common Bible

²⁵ ယွၤစံးဝဲဒၣ်, ခဲကနံၣ်အံၤ, “ပှၤကညီလၢအသံသ့ဧၢ, ယွၤအတၢ်လုၢ်ဟံၣ်လၢအဂံၢ်ဆူၣ်ဘါဆူၣ်လၢအမ့ၢ်အဝဲသ့ၣ်အတၢ်ပာ် ကဖၢလၢသးဒီးတၢ်သးခု, လၢအဝဲသ့ၣ်အဲၣ်ဒိးကွၢ်ဃီၤဝဲဒီးလဲၤဝဲဆူ အအိၣ်န့ၣ်, ယကဟံးထီၣ်ကွံာ်လၢအဝဲသ့ၣ်အအိၣ်လီၤ. ယကစိာ်ထီၣ်ကွံာ်အဝဲသ့ၣ်အဖိခွါတဖၣ်ဒီးအဖိမုၣ်တဖၣ်န့ၣ်လီၤ.

လံာ်ယဃ့းစက့လး 24:25 Iomraidhean Croise

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 50:2

လၢစံယိၣ်အတၢ်ဃံတၢ်လၤအလၢအပှဲၤအပူၤန့ၣ်, ကစၢ်ယွၤကပီၤထီၣ်ဝဲလီၤ.

လံာ်ယံးရမံယၤ 11:22

မၤသးဒ်န့ၣ်ဒီးယွၤသ့တၢ်လၢာ်စံးဝဲဒၣ်, “ယကစံၣ်ညီၣ်အဝဲသ့ၣ် လီၤ. အပှၤပိာ်ခွါသးစၢ်တဖၣ်ကသံဝဲလၢတၢ်ဒုးတၢ်ယၤအပူၤ, ဒီးအဖိတဖၣ်ကသံဝဲလၢတၢ်သၣ်ဝံၤလီၤဒိအဃိန့ၣ်လီၤ.

လံာ်ယံးရမံယၤ 52:10

ဖဲဝ့ၢ်ရံးဘလးန့ၣ်, အဝဲမၤသံကွံာ် စီၤစံးဒကံယၤအဖိခွါ တဖၣ်လၢ အမဲာ်ညါဒၣ်ဝဲ, ဒီးအဝဲမၢသံစ့ၢ်ကီးကီၢ်ယူဒၤ ပဒိၣ်ပပှၢ်တဖၣ်န့ၣ်လီၤ.

လံာ်ယံးရမံယၤ 7:4

ဆိကတီၢ်သုတၢ်နာ်တၢ်လီတၢ်ဝ့ၤအတၢ်ကတိၤလီၤတၢ်တဖၣ်လၢ အစံးဝဲ, ပပူၤဖျဲးပဝဲလီၤ. အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ်, အဝဲအံၤမ့ၢ်ယွၤအတၢ်လုၢ်ဟံၣ် လီၤ,’ န့ၣ်တက့ၢ်.

လံာ်သးသယုၢ်တၢ် 2:4

ပညိၣ်ဃီၤတ့ၢ်ဝဲအပျၢ်တဖၣ်ဆူပအိၣ်ဒ်ဒုၣ်ဒါတဂၤအသိးလီၤ. မၤသံကွံာ်ဝဲကယဲၢ်ပှၤလၢအမ့ၢ်ပတၢ်သးခုဒီးပတၢ်သးမုာ်တဖၣ် န့ၣ်လီၤ. ဖဲအံၤလၢဝ့ၢ်ယရူၤၡလ့ၣ်အပူၤန့ၣ်ပကလၢၢ်ဘၣ်တ့ၢ်အသးဒိၣ်ကဲၤ ထီၣ်န့ၣ်လီၤ.

လံာ်ယဃ့းစက့လး 24:21

ယကဟ့ၣ်လီၤတၢ်ကစီၣ်အံၤဆူသုဝဲပှၤအံၣ်စရ့လးဖိတဖၣ် အအိၣ်န့ၣ်လီၤ. သုပာ်ထီၣ်ထီသုသးလၢယွၤအတၢ်လုၢ်ဟံၣ်အတၢ်ဂံၢ်တၢ်ဘါ အဃိလီၤ. သုအဲၣ်ဒိးကွၢ်ဃီၤအီၤဒီးလဲၤဆူအအိၣ်, ဘၣ်ဆၣ်ယွၤကမၤဘၣ်အၢကွံာ်အီၤန့ၣ်လီၤ. ဒီးသုပှၤဟံၣ်ဖိလၢ အသးစၢ်တဖၣ်လၢအအိၣ်လီၤတဲာ်လၢဝ့ၢ်ယရူၤၡလ့ၣ်အပူၤန့ၣ် ကဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ယဃ့းစက့လး 33:22

မုၢ်တဟါလၢတချုးအဝဲဟဲန့ၣ်, ယကလၢၢ်ဘၣ်ယွၤအတၢ်အိၣ်ဝဲ အတၢ်စိတၢ်ကမီၤန့ၣ်လီၤ. ဖဲပှၤတဂၤန့ၣ်ဟဲတုၤဝဲလၢလီၢ်ခံတ ဂီၤန့ၣ်, ယွၤဟ့ၣ်ကဒါက့ၤယၤစိကမီၤလၢယကကတိၤက့ၤတၢ်န့ၣ်လီၤ.

လံာ်သိၣ်လီၤသီလီၤတၢ် 28:32

သုဖိခွါတဖၣ်ဒီးဖိမုၣ်တဖၣ်ကဘၣ်တၢ်ဟ့ၣ်လီၤကွံာ်အီၤဆူပှၤ ထံဂၤကီၢ်ဂၤတဖၣ်အစုပူၤဒ်ကုၢ်တဖၣ်အသိးဖဲသုကွၢ်အီၤအဖၢမုၢ်ဒၣ်လဲာ်လီၤ. ကိးမုၢ်နံၤဒဲးန့ၣ်သုမဲာ်ချံတဖၣ်ကလီၤဘှံးကွံာ်ကလီကလီလၢ တၢ်ခိးကွၢ်တၢ်ကလီကလီလၢသုဖိတဖၣ်အတၢ်ဟဲက့ၤကဒါက့ၤအဂီၢ် န့ၣ်လီၤ.