လံာ်ယဃ့းစက့လး 23:45 - Sgaw Karen Common Bible

⁴⁵ ပှၤပိာ်ခွါအတီအလိၤတဖၣ်ကစံၣ်ညီၣ်ဃၣ်အဝဲသ့ၣ်မ့ၢ်လၢပှၤပာ်တၢ် ကမၣ်လၢအဝဲသ့ၣ်အလိၤလၢအမၤကမၣ်မုၣ်ကမၣ်ခွါဒီးမၤသံတၢ်အ ဃိ, မ့ၢ်လၢအဝဲသ့ၣ်မၤတၢ်မၤကမၣ်မုၣ်ကမၣ်ခွါအတၢ်မၤဒီးအစုတဖၣ် ဘၣ်အၢဝဲဒီးတၢ်သွံၣ်အဃိန့ၣ်လီၤ.”

လံာ်ယဃ့းစက့လး 23:45 Iomraidhean Croise

လံာ်စီၤပၤခံဘ့ၣ်တဘ့ၣ် 21:16

စီၤမနၤၡ့ၤမၤသံပှၤလၢအတၢ်ကမၣ်တအိၣ်ဘၣ်တဖၣ်အါဂၤတုၤဒၣ်လဲာ် ဝ့ၢ်ယရူၤၡလ့ၣ်အကျဲတဖၣ်, ယွၤဝဲဒီးတၢ်သွံၣ်န့ၣ်လီၤ. လၢတၢ်ဆှၢဃီၤကီၢ်ယူဒၤအပှၤဂီၢ်မုၢ်ဆူတၢ်ဘါထီၣ်တၢ်ဂီၤတၢ် ဖီၣ်အပူၤဒီးဒုးမၤအဝဲသ့ၣ်တၢ်ဒဲးဘးထီဒါယွၤ, အမဲာ်ညါန့ၣ်, အဝဲမၤအါထီၣ်တၢ်အံၤန့ၣ်လီၤ.

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်ယံးရမံယၤ 5:14

ယွၤ, သ့တၢ်လၢာ်ကစၢ်ယွၤစံးဘၣ်တ့ၢ်ယၤ, “စီၤယံးရမံယၤဧၢ, မ့ၢ်လၢပှၤသ့ၣ်တဖၣ်အံၤစံးတ့ၢ်တၢ်ဒ်သိးအံၤအဃိ, ယတၢ်ကတိၤတဖၣ်လၢနကိာ်ပူၤန့ၣ်, ယကဒုးကဲထီၣ်အီၤဒ်မ့ၣ်အူအသိးန့ၣ်လီၤ. ပှၤဂီၢ်မုၢ်အံၤကမၤအသးဒ်သ့ၣ်မုၣ်အသိးဒီးမ့ၣ်အူကအီၣ်ကွံာ် အဝဲသ့ၣ်န့ၣ်လီၤ.”

လံာ်သးသယုၢ်တၢ် 4:14

အပှၤခိၣ်နၢ်တဖၣ်လဲၤဟးဝ့ၤဝီၤလၢကျဲတဖၣ်အပူၤဒ်ပှၤမဲာ်ဘျီၣ် တဖၣ်အသိးလီၤ. အဝဲသ့ၣ်ဘၣ်အၢဘၣ်သီလၢတၢ်သွံၣ်အါအါကလဲာ်တုၤပှၤ ကထိးဘၣ်အီၤတအိၣ်ဘၣ်နီတဂၤဘၣ်.

လံာ်ယဃ့းစက့လး 22:3

တဲဘၣ်ဝ့ၢ်လၢတၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တ က့ၢ်. မ့ၢ်လၢနမၤသံတ့ၢ်နပှၤဂီၢ်မုၢ်ဒၣ်နဲအါအါဂီၢ်ဂီၢ်ဒီးနမၤဘၣ် အၢလီၤက့ၤနသးဒၣ်နဲလၢတၢ်ဘါတၢ်ဂီၤတၢ်ဖီၣ်တဖၣ်အဃိ, ဆၢကတီၢ်ဟဲလံဝဲလံ.

လံာ်ယဃ့းစက့လး 23:24

အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 23:44

အဝဲသ့ၣ်က့ၤကဒါက့ၤဆူပှၤဃဲသဲမုၣ်တဖၣ်အံၤအအိၣ်တဘျီဘၣ် တဘျီန့ၣ်လီၤ. အဝဲသ့ၣ်က့ၤကဒါက့ၤဆူနီၢ်အိၤဟိလၤဒီးနီၢ်အိၤဟိလံဘၤ, ပိာ်မုၣ်တဖၣ်အံၤလၢအလုၢ်တဂ့ၤလၢ်တဝါအအိၣ်န့ၣ်လီၤ.

လံာ်ယဃ့းစက့လး 24:7

တၢ်မၤသံအိၣ်ဝဲလၢဝ့ၢ်ပူၤ, ဘၣ်ဆၣ်တၢ်သွံၣ်တလီၤဂၢ်ဘၣ်လၢဟီၣ် ခိၣ်လိၤ, တၢ်လီၢ်ဖဲဖၣ်ကမူၣ်မၤဘၢအီၤသ့ဝဲန့ၣ်ဘၣ်. တၢ်သွံၣ်န့ၣ်လီၤဂၢ်လၢလၢၢ်လ့ၤကဒိတဖျၢၣ်အလိၤန့ၣ်လီၤ.

လံာ်ဟိၤၡ့ 2:2

ယဖိသ့ၣ်ဧၢ, ဃ့ကညးတၢ်ဒီးသုမိၢ်တက့ၢ်. အဝဲတမ့ၢ်လၢၤယမါဘၣ်ဒီးယတမ့ၢ်စ့ၢ်ကီးလၢၤအဝၤဘၣ်. သနာ်က့, ဃ့ကညးတၢ်ဒီးအီၤဒ်သိးကပာ်တ့ၢ်ကွံာ်အ တၢ်ကမၣ်မုၣ်ကမၣ်ခွါန့ၣ်ဒီးအတၢ်မၤဃဲသဲမုၣ်အတၢ်တက့ၢ်.

လံာ်ဟိၤၡ့ 6:5

လၢတၢ်န့ၣ်အဃိ, ယဘၣ်ဆှၢလီၤတ့ၢ်ယဝံတဖၣ်ဆူသုအိၣ်ဃုာ်ဒီး ယတၢ်ကစီၣ်လၢအမ့ၢ်တၢ်စံၣ်ညီၣ်ဒီးတၢ်မၤဟးဂီၤန့ၣ်လီၤ. တၢ်လၢယလိၣ်ဘၣ်လၢသုအိၣ်န့ၣ်အိၣ်ဖျါၡဲၡဲဒီးဖျါတြၢၤ ကလာ်လီၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်တၢ်ဘူၣ်ထီၣ်ဘါထီၣ် 21:9

ဒီးပှၤလုၢ်တၢ်အခိၣ်တဂၤအဖိမုၣ်မ့ၢ်ကဲထီၣ်ဃဲသဲမုၣ်န့ၣ်ဒီးမ့ၢ်အ မၤမဲာ်ဆှးအပၢ်လီၤ. ဒီးကဘၣ်တၢ်ဆိၣ်ထီၣ်ကွံာ်အီၤလၢမ့ၣ်အူန့ၣ်လီၤ.

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”