လံာ်ယဃ့းစက့လး 23:4 - Sgaw Karen Common Bible

⁴ အဒိၣ်တဂၤအမံၤမ့ၢ်ဝဲနီၢ်အိၤဟိလၤ (အဝဲမ့ၢ်ဝ့ၢ်ၡၤမရံအခၢၣ် စး) ဒီးအဆံးတဂၤအမံၤမ့ၢ်ဝဲနီၢ်အိၤဟိလံဘၤ (အဝဲမ့ၢ်ဝ့ၢ်ယရူၤ ၡလ့ၣ်အခၢၣ်စး) န့ၣ်လီၤ. ယဖျီတ့ၢ်ယသးဒီးအဝဲသ့ၣ်ခံဂၤလၢာ်ဒီးအဝဲသ့ၣ်ဆံးစၢ်န့ၢ်ယၤ ဖိတဖၣ်န့ၣ်လီၤ.

လံာ်ယဃ့းစက့လး 23:4 Iomraidhean Croise

လံာ်စီၤပၤအခီၣ်ထံးတဘ့ၣ် 12:20

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ, ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး အစၢၤအသွဲၣ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:29

အံးလီၤကွၢ်လီၤယွၤအတၢ်လုၢ်ဟံၣ်အံၤလၢမုၢ်ဆါဆဲးလၢမုၢ်နၤ, တၢ်လီၢ်အံၤလၢနဃုထၢတ့ၢ်အီၤလၢတၢ်ဘူၣ်ထီၣ်ဘါထီၣ်နၤအဂီၢ် န့ၣ်တက့ၢ်. ဒိကနၣ်ယၤ, ဖဲယဃၣ်ဃီၤယမဲာ်ဆူယွၤအတၢ်လုၢ်ဟံၣ်အံၤဒီးဘါထု ကဖၣ်အခါန့ၣ်တက့ၢ်.

စံးထီၣ်ပတြၢၤ 76:2

အဝဲအိၣ်ဒီးအဟံၣ်လၢဝ့ၢ်ယရူၤၡလ့ၣ်အပူၤ, ဒီးအိၣ်ဝဲဆိးဝဲလၢကစၢၢ်စံယိၣ်လီၤ.

လံာ်ယံးရမံယၤ 3:6

ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 3:7

ယဆိကမိၣ်တ့ၢ်လၢ, ဖဲအဝဲမၤတ့ၢ်တၢ်အံၤခဲလၢာ်ဝံၤန့ၣ်, အဝဲ ကဟဲက့ၤကဒါက့ၤဆူယအိၣ်သပှၢ်ကတၢၢ်လီၤ. ဘၣ်ဆၣ်ဒီး အဝဲတဟဲက့ၤကဒါက့ၤဘၣ်, ဒီးအဒီပုၢ်ဝဲၢ်မုၣ်ကီၢ်ယူဒၤ လၢအသးတတီဘၣ်, ထံၣ်တၢ်အံၤခဲလၢာ်န့ၣ်လီၤ.

လံာ်ယဃ့းစက့လး 16:20

ဝံၤဒီး, နဟံးန့ၢ်ဖိခွါတဖၣ်ဒီးဖိမုၣ်တဖၣ်လၢနဆံးစၢ်ထီၣ်န့ၢ်ယၤ, ဒီးလုၢ်ထီၣ်အဝဲသ့ၣ်ဒ်တၢ်လုၢ်တၢ်ပာ်တဖၣ်အသိးဆူတၢ်ဂီၤတၢ်ဖီၣ် ဖၣ်န့ၣ်လီၤ. ထဲနတၢ်သးတတီဒီးယၤန့ၣ်, တအၢတ့ၢ်မးလံ.

လံာ်ယဃ့းစက့လး 16:40

အဝဲသ့ၣ်ကထိၣ်ဂဲၤထီၣ်ပှၤဂီၢ်မုၢ်တဖုလၢကကွံာ်နၤလၢလၢၢ်, ဒီးအဝဲသ့ၣ်ကကျီကွံာ်နၤအကူာ်အကူာ်လၢအနးတဖၣ်န့ၣ်လီၤ.

လံာ်ယဃ့းစက့လး 16:46

နဝဲၢ်မုၣ်မ့ၢ်ၡၤမရံဒီးအဒူအသဝီတဖၣ်လၢကလံၤစိးတခီန့ၣ် လီၤ. နပုၢ်မုၣ်ဃုာ်ဒီးအဒူသဝီတဖၣ်မ့ၢ်ဝဲဝ့ၢ်စဒိၣ်လၢကလံၤထံး န့ၣ်လီၤ.

လံာ်ယဃ့းစက့လး 16:8

ဖဲယလဲၤတြူာ်ကဒီးတၢ်န့ၣ်, ယထံၣ်ဘၣ်လၢအကတီၢ်ဘၣ်လံ ဝဲလၢနကအဲၣ်တၢ်ကွံတၢ်အဂီၢ်လီၤ. ယမၤဘၢနနီၢ်ခိလၢအအိၣ်ဘ့ၣ် ဆ့န့ၣ်ဒီးယဆ့ကၤဖီခိၣ်ဒီးအၢၣ်လီၤလၢယကအဲၣ်နၤန့ၣ်လီၤ. မ့ၢ်လီၤ, ယမၤတၢ်တ့တၢ်ဖျီအတၢ်အၢၣ်လီၤတမံၤဒီးနၤ, ဒီးနကဲထီၣ်ယတၢ်န့ၣ်လီၤ. အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်ယဃ့းစက့လး 23:36

ယွၤစံးဘၣ်ယၤ, “ပှၤကညီလၢအသံသ့ဧၢ, မ့ၢ်နအိၣ်ကတဲာ်ကတီၤလံ နသးလၢနကစံၣ်ညီၣ်နီၢ်အိၤဟိလၤဒီးနီၢ်အိၤဟိလံဘၤလံဧါ. လိာ်ဘၢလိာ်ကွီၢ်အဝဲသ့ၣ်လၢတၢ်လီၤသးဘၣ်အၢတဖၣ်လၢအဝဲသ့ၣ်မၤ တ့ၢ်အီၤအဃိန့ၣ်တက့ၢ်.

လံာ်ယဃ့းစက့လး 23:44

အဝဲသ့ၣ်က့ၤကဒါက့ၤဆူပှၤဃဲသဲမုၣ်တဖၣ်အံၤအအိၣ်တဘျီဘၣ် တဘျီန့ၣ်လီၤ. အဝဲသ့ၣ်က့ၤကဒါက့ၤဆူနီၢ်အိၤဟိလၤဒီးနီၢ်အိၤဟိလံဘၤ, ပိာ်မုၣ်တဖၣ်အံၤလၢအလုၢ်တဂ့ၤလၢ်တဝါအအိၣ်န့ၣ်လီၤ.

လံာ်ယဃ့းစက့လး 23:5

အဝဲမ့ၢ်ယတၢ်, နာ်သက့, နီၢ်အိၤဟိလၤမၤဒံးဒၣ်ပှၤဃဲသဲမုၣ် အတၢ်မၤဒီးပှဲၤဝဲဒီးတၢ်သးကတၢလၢအတၢ်အဲၣ်တဖၣ်အဂီၢ်, လၢကီၢ်အၤၡူၢ်န့ၣ်လီၤ.

လံာ်ဟိၤၡ့ 1:3

လၢတၢ်န့ၣ်အဃိစီၤဟိၤၡ့ဒိးတ့ဒိးဖျီအသးဒီးပိာ် မုၣ်တဂၤလၢအမံၤမ့ၢ်ဝဲနီၢ်ကိမၢၤ, စီၤဒံးဘလဲၣ်အဖိမုၣ်န့ၣ် လီၤ. အဖိခွါအခီၣ်ထံးတဂၤအိၣ်ဖျဲၣ်ဝံၤအလီၢ်ခံ,

လံာ်ဟိၤၡ့ 2:7

အဝဲကဃ့ၢ်လူၤပိာ်ပှၤလၢအအဲၣ်ဝဲသ့ၣ်တဖၣ်အခံ, ဘၣ်ဆၣ်တချုးန့ၢ်ဝဲဘၣ်. ကဃုအဝဲသ့ၣ်တဖၣ်, ဘၣ်ဆၣ်တထံၣ်န့ၢ်ဘၣ်ဝဲဘၣ်. အန့ၣ်ဒီးအဝဲကစံးဝဲ, ယကက့ၤကဒါက့ၤဆူယဝၤအခီၣ်ထံးတဂၤအအိၣ်လီၤ. အဂ့ၢ်ဒ်အံၤ, အကတီၢ်ဖဲန့ၣ်ဂ့ၤန့ၢ်ဒံးအကတီၢ်ခဲအံၤလၢယဂီၢ်န့ၣ်လီၤ.

လံာ်ယိၤဟၣ် 4:22

သုဝဲပှၤၡၤမရံဖိတဖၣ်သုဘူၣ်ထီၣ်ဘါထီၣ်မတၤလဲၣ်န့ၣ်သု တသ့ၣ်ညါဘၣ်. မ့မ့ၢ်ပဝဲပှၤယူဒၤဖိတဖၣ်ပသ့ၣ်ညါပှၤလၢ ပဘူၣ်ထီၣ်ဘါထီၣ်အီၤ, မ့ၢ်လၢတၢ်အုၣ်က့ၤခီၣ်က့ၤန့ၣ်ဟဲထီၣ် လၢပှၤယူဒၤဖိတဖၣ်အအိၣ်အဃိန့ၣ်လီၤ.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.