လံာ်ယဃ့းစက့လး 23:37 - Sgaw Karen Common Bible

³⁷ အဝဲသ့ၣ်မၤတ့ၢ်တၢ်မၤကမၣ်မုၣ်ကမၣ်ခွါအတၢ်မၤဒီးတၢ်မၤသံလၢ အမ့ၢ်တၢ်မၤကမၣ်မုၣ်ကမၣ်ခွါဒီးတၢ်ဂီၤတၢ်ဖီၣ်တဖၣ်ဒီးတၢ်မၤ သံကွံာ်ဖိခွါတဖၣ်လၢအအိၣ်ဖျဲၣ်ထီၣ်န့ၢ်ယၤန့ၣ်လီၤ. အဝဲသ့ၣ်လုၢ်ထီၣ်ယဖိခွါတဖၣ်ဆူတၢ်ဂီၤတၢ်ဖီၣ်တဖၣ်အအိၣ်န့ၣ် လီၤ.

လံာ်ယဃ့းစက့လး 23:37 Iomraidhean Croise

လံာ်စီၤပၤခံဘ့ၣ်တဘ့ၣ် 17:17

အဝဲသ့ၣ်လုၢ်ထီၣ်ပာ်ထီၣ်အဖိခွါတဖၣ်ဒီးအဖိမုၣ်တဖၣ်ဒ်တၢ်ဆိၣ် ကဲၤနၢမူဆူပှၤတစူၢ်တနာ်ယွၤအကစၢ်တဖၣ်အအိၣ်လီၤ. အဝဲသ့ၣ်သံကွၢ်တၢ်လၢပှၤသံအကလၤဒီး, ပှၤဖးတၢ်ဟဲဝံဟဲစိာ် တဖၣ်အအိၣ်ဒီးအဝဲသ့ၣ်ဟ့ၣ်လီၤအသးလၢာ်လၢာ်ဆ့ဆ့ဆူတၢ်မၤတၢ် လၢအကမၣ်လၢယွၤအမဲာ်ညါ, သတးဒီးထိၣ်ဂဲၤအဝဲအတၢ်သးထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:6

အဝဲလုၢ်ထီၣ်အဖိခွါဒ်တၢ်လုၢ်မ့ၣ်အူအသိးန့ၣ်လီၤ. အဝဲမၤတၢ်ဒုၣ်တၢ်အဆၢအကတီၢ်, ဒီးတၢ်မၤကဒါမဲာ်ဒီးသံကွၢ်တၢ် လၢပှၤဖးတၢ်ဟဲဝံဟဲစိာ်တဖၣ်ဒီးပှၤသံအကလၤတဖၣ်, န့ၣ်လီၤ. အဝဲမၤဒဲးဘးတၢ်ထီဒါယွၤဒိၣ်မးဒီးထိၣ်ဂဲၤထီၣ် ယွၤအတၢ်သးကဲၤထီၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:10

ပှၤတစူၢ်တနာ်ယွၤအတၢ်လုၢ်လီၢ်စီဆှံတိဖ့းလၢအမ့ၢ်အဝဲသ့ၣ် အတၢ်ဘူၣ်ထီၣ်ဘါထီၣ်အလီၢ်လၢအအိၣ်လၢဃံနိၣ်အတၢ်တြီၤပူၤန့ၣ်, စီၤပၤယိၤၡံယၤမၤဘၣ်အၢဘၣ်သီကွံာ်အီၤ, ဒ်သိးပှၤလုၢ်ထီၣ်အဖိခွါမ့ၢ်ဂ့ၤ, အဖိမုၣ်မ့ၢ်ဂ့ၤဒ်တၢ်လုၢ်မ့ၣ်အူအသိး, ဆူကစၢ်မိလးအအိၣ်အသုတသ့လၢၤနီတဂၤတဂ့ၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယံးရမံယၤ 32:35

အဝဲသ့ၣ် သူၣ်ထီၣ်ဘှီထီၣ်တ့ၢ် တၢ်လုၢ်လီၢ်တဖၣ် လၢ ဘဧၤလး အဂီၢ်လၢဟံၣ်နိၣ်အတြီၤပူၤလၢ ကလုၢ်ထီၣ်အဖိခွါ တဖၣ်ဒီးအဖိမုၣ်တဖၣ်ဆူ ကစၢ်မိလးအဂီၢ်န့ၣ်လီၤ. ယတမၤလိာ်တ့ၢ် အ ဝဲသ့ၣ်လၢ ကမၤတၢ်အံၤအဂီၢ်ဘၣ်, ဒီးအဝဲသ့ၣ် ကမၤတၢ်ဒ်သိးအံၤ ဒီးဒုးမၤကီၢ်ယူဒၤအပှၤဂီၢ်မုၢ် လၢတၢ်ဒဲးဘးန့ၣ်, ယတဆိကမိၣ်ထီၣ်ဒၣ်လဲာ် အီၤဘၣ်လီၤ.”

လံာ်ယံးရမံယၤ 7:31

လၢဟံၣ်နိၣ်အတြီၤပူၤန့ၣ်, အဝဲသ့ၣ်သူၣ်ထီၣ်ဘှီထီၣ်တၢ်လုၢ် လီၢ်တတီၤလၢတၢ်ကိးအီၤလၢတိဖ့းဒ်သိးအဝဲသ့ၣ်လုၢ်ထီၣ်ပာ်ထီၣ် အဖိခွါတဖၣ်ဒီးအဖိမုၣ်တဖၣ်လၢမ့ၣ်အူအပူၤကသ့ဝဲအဂီၢ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤဘၣ်. တၢ်ဂ့ၢ်အံၤတဟဲနုာ်လၢတၢ်ဆိကမိၣ်အပူၤဒၣ်လဲာ်ဘၣ်.

လံာ်ယံးရမံယၤ 7:6

ဆိကတီၢ်သုတၢ်ဃုဘၣ်ဘျုးလၢပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်, ဒီးမုၣ်ကမဲတဖၣ်အဖီခိၣ်တက့ၢ်. ဆိကတီၢ်မၤသံပှၤလၢအတၢ်ကမၣ်တအိၣ်တဖၣ်လၢထံကီၢ် တဘ့ၣ်အံၤအပူၤတက့ၢ်. ဆိကတီၢ်တၢ်ဘူၣ်ထီၣ်ဘါထီၣ်ကစၢ် အဂၤတဖၣ်တက့ၢ်. တၢ်န့ၣ်တဖၣ်ကမၤဟးဂီၤသုလီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ယဃ့းစက့လး 16:32

နလီၤဂာ်ဒီးပိာ်မုၣ်တဂၤလၢအမၤကမၣ်မုၣ်ကမၣ်ခွါဒီးပှၤစီစၣ်တဖၣ်, လၢကအဲၣ်အဝၤဒၣ်ဝဲအလီၢ်န့ၣ်လီၤ.

လံာ်ယဃ့းစက့လး 16:36

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. “နဘ့ၣ်ကွံာ်နကူနသိးခဲလၢာ်ဒီးဒ်ပှၤဃဲသဲမုၣ်အသိးန့ၣ်, နဟ့ၣ်လီၤနသးဆူပှၤလၢနအဲၣ်အီၤတဖၣ်ဒီးဆူနတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်အအိၣ်, ဒီးနမၤသံနဖိတဖၣ်ဒ်တၢ်လုၢ်တၢ်ပာ်တဖၣ်အသိးဒီးလုၢ်ထီၣ်အီၤ ဆူတၢ်ဂီၤတၢ်ဖီၣ်န့ၣ်လီၤ.

လံာ်ယဃ့းစက့လး 16:38

ယကစံၣ်ညီၣ်ဃၣ်နၤလၢတၢ်မၤကမၣ်မုၣ်ကမၣ်ခွါဒီးတၢ်မၤသံတၢ် အဃိ, ဒီးလၢယတၢ်သးဒိၣ်ဒီးသးကဲၤထီၣ်အပူၤန့ၣ်, ယကစံၣ်ညီၣ်နၤလၢတၢ်သံန့ၣ်လီၤ.

လံာ်ယဃ့းစက့လး 16:45

နမ့ၢ်နီၢ်နီၢ်နမိၢ်အဖိမုၣ်န့ၣ်လီၤ. အဝဲသးဟ့အဝၤဒီးအဖိ တဖၣ်လီၤ. နလီၤဂာ်ဒီးနဒီပုၢ်ဝဲၢ်မုၣ်တဖၣ်လၢအသးဟ့ အဝၤတဖၣ်ဒီးအဖိတဖၣ်န့ၣ်လီၤ. နၤဒီးနဒီပုၢ်ဝဲၢ်မုၣ်ဝ့ၢ်တဖၣ်အိၣ်ဒီးမိၢ်တဂၤလၢအမ့ၢ်ပှၤ ဃ့ၤသးဖိဒီးသုပၢ်မ့ၢ်ပှၤအမိၢ်ဖိတဂၤန့ၣ်လီၤ.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်ယဃ့းစက့လး 20:31

မုၢ်တနံၤအံၤဒၣ်လဲာ်န့ၣ်သုလုၢ်ထီၣ်, တၢ်ဟ့ၣ်တမံၤဃီတဖၣ်, ဒီးမၤဘၣ်အၢသုသးဒီးတၢ်ဂီၤတၢ်ဖီၣ်တမံၤဃီတဖၣ်, ခီဖျိသုလုၢ်ထီၣ်သုဖိတဖၣ်ဆူအဝဲသ့ၣ်အအိၣ်လၢမ့ၣ်အူပူၤ န့ၣ်လီၤ. အန့ၣ်ဝံၤဒီးသုဝဲ ပှၤအံၣ်စရ့လးဖိတဖၣ်ဟဲဒံးဆူယအိၣ်ဒီးသံကွၢ်လၢယတၢ်ဘၣ်ယသး မ့ၢ်တၢ်ဒ်လဲၣ်န့ၣ်လီၤ. ဒ်ယၤ, ယွၤပၢဘၣ်တၢ်ခဲလၢာ်ကစၢ်, မ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးယစံးယဲ, ယတပျဲ သုသံကွၢ်ယၤတၢ်နီတမံၤလၢၤဘၣ်.

လံာ်ယဃ့းစက့လး 23:39

ဖဲမုၢ်တနံၤဃီလၢအဝဲသ့ၣ်မၤသံယဖိတဖၣ်ဒ်တၢ်လုၢ်တၢ်ပာ်တဖၣ် ဆူတၢ်ဂီၤတၢ်ဖီၣ်တဖၣ်အဂီၢ်အသိးန့ၣ်, အဝဲသ့ၣ်ဟဲဆူယတၢ်လုၢ်ဟံၣ်ဒီးမၤတရီတပါအတၢ်စီတၢ်ဆှံန့ၣ်လီၤ.

လံာ်ယဃ့းစက့လး 23:45

ပှၤပိာ်ခွါအတီအလိၤတဖၣ်ကစံၣ်ညီၣ်ဃၣ်အဝဲသ့ၣ်မ့ၢ်လၢပှၤပာ်တၢ် ကမၣ်လၢအဝဲသ့ၣ်အလိၤလၢအမၤကမၣ်မုၣ်ကမၣ်ခွါဒီးမၤသံတၢ်အ ဃိ, မ့ၢ်လၢအဝဲသ့ၣ်မၤတၢ်မၤကမၣ်မုၣ်ကမၣ်ခွါအတၢ်မၤဒီးအစုတဖၣ် ဘၣ်အၢဝဲဒီးတၢ်သွံၣ်အဃိန့ၣ်လီၤ.”

လံာ်ဟိၤၡ့ 1:2

ဖဲယွၤကတိၤတၢ်အဆိကတၢၢ်ဒီးအံၣ်စရ့လးခီဖျိစီၤဟိၤၡ့န့ၣ်, အဝဲစံးဘၣ်စီၤဟိၤၡ့, “လဲၤဒီးဒိးတ့ဒိးဖျီနသးတက့ၢ်. နမါကမ့ၢ်ပှၤဃဲသဲမုၣ်တဂၤ, ဒီးနဖိတဖၣ်ကမ့ၢ်ဒ်သိးအီၤန့ၣ်လီၤ. ဒ်န့ၣ်အသိးယပှၤဂီၢ်မုၢ်ကပာ်တ့ၢ်ယၤဒီးကကဲထီၣ်ပှၤအကလုၢ်တတီဘၣ် န့ၣ်လီၤ.”

လံာ်ဟိၤၡ့ 3:1

ယွၤစံးဘၣ်ယၤ, လဲၤကဒီးတက့ၢ်. ဒီးဒုးနဲၣ်နတၢ်အဲၣ်ဆူ ပိာ်မုၣ်တဂၤလၢအမၤတၢ်မၤကမၣ်မုၣ်ကမၣ်ခွါဒီးအတၢ်အဲၣ် တဂၤန့ၣ်တက့ၢ်. နဘၣ်အဲၣ်ဒံးဒၣ်အီၤဒ်ယအဲၣ်ကီၢ်အံၣ်စရ့လးအပှၤဂီၢ်မုၢ် ဖဲအဃၣ်ဃီၤအသးဆူကစၢ်အဂၤတဖၣ်ဒီးအဲၣ်ဒိးလဲၤစိာ်စပံးသၣ် အဃ့အတၢ်လုၢ်တဖၣ်ဆူတၢ်ဂီၤတၢ်ဖီၣ်တဖၣ်အအိၣ်အခါန့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:21

ဟ့ၣ်နဖိနီတဂၤလၢတၢ်ကဆူးကဲၤထီၣ်အီၤလၢတၢ်ဘါထီၣ်မိလး အဂီၢ်တဂ့ၤ. အဂ့ၢ်ဒ်အံၤ, ကကဲထီၣ်တၢ်မဲာ်ဆှးလၢကစၢ်ယွၤ အမံၤအဂီၢ်န့ၣ်လီၤ.

လံာ်မံကၤ 3:10

သုသူၣ်ထီၣ်ကစၢ်ယွၤအဝ့ၢ်ယရူၤၡလ့ၣ်လၢတၢ်မၤသံမၤဝီ ဒီးတၢ်စံၣ်ညီၣ်လီအခီၣ်ထံးအဖီခိၣ်လီၤ.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

လံာ်သိၣ်လီၤသီလီၤတၢ် 12:31

ဘူၣ်ထီၣ်ဘါထီၣ်ယွၤသုကစၢ်ယွၤလၢကျဲတဘိဃီဒ်အဝဲသ့ၣ်ဘါထီၣ် အကစၢ်တဖၣ်အသိးန့ၣ်တဂ့ၤ. အဂ့ၢ်ဒ်အံၤ, လၢအဝဲသ့ၣ်အတၢ်ဘါထီၣ်အကစၢ်တဖၣ်အပူၤန့ၣ်, အဝဲသ့ၣ်မၤတၢ်သးဘၣ်အၢတဖၣ်လၢယွၤသးဟ့ဝဲန့ၣ်လီၤ. အဝဲသ့ၣ်လုၢ်ထီၣ်ဒၣ်လဲာ်အဖိတဖၣ်လၢမ့ၣ်အူအပူၤလၢတၢ်လုၢ်လီၢ် တဖၣ်အဖီခိၣ်န့ၣ်လီၤ.