လံာ်ယဃ့းစက့လး 23:35 - Sgaw Karen Common Bible

³⁵ “ခဲကနံၣ်အံၤ, တၢ်အံၤမ့ၢ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ် စံးဝဲဒၣ်န့ၣ်လီၤ.” လၢနသးပ့ၤနီၣ်ကွံာ်ယၤဒီးဃၣ်ဒူချၢနသးလၢယၤအဃိဒီးနကတူၢ် ဘၣ်တၢ်လၢနတၢ်သးကတၢဒီးနတၢ်မၤပှၤဃဲသဲမုၣ်အတၢ်မၤအဃိန့ၣ် လီၤ.

လံာ်ယဃ့းစက့လး 23:35 Iomraidhean Croise

လံာ်စီၤပၤအခီၣ်ထံးတဘ့ၣ် 14:9

နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ် အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

တၢ်ကတိၤဒိ. 30:9

ယတၢ်အီၣ်မ့ၢ်အါကဲၣ်ဆိးဒီး, ယကစံးဘၣ်ဖုးလၢယတလိၣ်ဘၣ်နၤ န့ၣ်လီၤ. ဘၣ်ဆၣ်ယမ့ၢ်ဖှီၣ်ဒီး, ယကဟုၣ်ဘၣ်ဖုးတၢ်ဒီးဒုးလီၤဘၣ် တၢ်မဲာ်ဆှးလၢယကစၢ်ယွၤန့ၣ်လီၤ.

လံာ်ယၡါယၤ 17:10

ကီၢ်အံၣ်စရ့လးဧၢ, နသးပ့ၤနီၣ်ကစၢ်ယွၤလၢအအုၣ်က့ၤခီၣ် က့ၤနၤဒီးဒီဒၣ်အိၣ်ပှိၤနၤဒ်လၢၢ်မုၢ်လ့တီလၢအဂံၢ်ဆူၣ်ဘါဆူၣ် တဖျၢၣ်အသိးန့ၣ်လီၤ. အခိၣ်တလိာ်, နသူၣ်လီၤဖီကရၢၢ်စီဆှံ တဖၣ်လၢနကဘူၣ်ထီၣ်ဘါထီၣ်တခီဘီမုၢ်အကစၢ်အဂီၢ်လီၤ.

လံာ်ယံးရမံယၤ 13:25

အဝဲဒၣ်စံးတ့ၢ်ဝဲလၢတၢ်အံၤကမ့ၢ်နတၢ်ဘူၣ်တၢ်တီၢ်လီၤ. အအံၤမ့ၢ်တၢ်လၢအဝဲစံၣ်ညီၣ်တဲာ်တ့ၢ်လံဝဲလၢကမၤနၤဒ်လဲၣ် အဂ့ၢ်န့ၣ်လီၤ. အဂ့ၢ်ဒ်အံၤ, နသးပ့ၤနီၣ်ကွံာ် အီၤနသန့ၤတ့ၢ်နသးလၢကစၢ်တတီတလိၤတဖၣ်အဃိလီၤ.

လံာ်ယံးရမံယၤ 2:27

သုဝဲခဲလၢာ်သုဝဲလၢအစံးသ့ၣ်တထူၣ်မ့ၢ်သုပၢ်ဒီးလၢၢ်တထူၣ်မ့ၢ် သုမိၢ်န့ၣ်ကဘၣ်တၢ်မၤမဲာ်ဆှးအီၤန့ၣ်လီၤ. တၢ်အံၤကမၤအသးမ့ၢ်လၢသုဃၣ်ကွံာ် သုသးလၢယၤဒီးသုတဃၣ်ဃီၤဘၣ်သုသးဆူ ယအိၣ်ဘၣ်အဃိလီၤ. ဘၣ်ဆၣ်ဒီးဖဲသုဘၣ်တၢ်ကီတၢ်ခဲန့ၣ်, သုဃ့ကညးလၢယကဟဲဒီးအုၣ်က့ၤခီၣ်က့ၤသုအဂီၢ်န့ၣ်လီၤ.

လံာ်ယံးရမံယၤ 2:32

ပိာ်မုၣ်သးစၢ်တဂၤသးပ့ၤနီၣ်အတၢ်မျၢ်ပလဲမ့ၢ်ဂ့ၤ, တလးမူးပိာ်မုၣ် တဂၤသးပ့ၤနီၣ်အတၢ်တ့တၢ်ဖျီအတၢ်ကူတၢ်ကၤမ့ၢ်ဂ့ၤကသ့ဧါ. ဘၣ်ဆၣ်ဒီး, ယပှၤဂီၢ်မုၢ်သးပ့ၤနီၣ်တ့ၢ်ယၤလၢမုၢ်နံၤတဖၣ်လၢ တၢ်ဂံၢ်အီၤတသ့ဘၣ်ဒၣ်လဲာ်အပူၤန့ၣ်လီၤ.

လံာ်ယံးရမံယၤ 2:7

ယဟဲစိာ်ထီၣ်အဝဲသ့ၣ်ဆူကီၢ်တဘ့ၣ်လၢ ဟီၣ်ခိၣ်ညၣ်ထ့ၣ်ဂ့ၤအပူၤ, ဒ်သိးအဝဲသ့ၣ်ကမုာ်လၤသးခုဘၣ်လၢကီၢ်န့ၣ် အတၢ်ကူးက့ၤအတၤသၣ်တဖၣ်ဒီးအတၢ်ဂ့ၤအဂၤတဖၣ်န့ၣ်လီၤ. ဘၣ်ဆၣ်ဒီးအဝဲသ့ၣ်မၤဟးဂီၤကွံာ်ယထံယကီၢ်, ဒီးမၤဘၣ်အၢထံကီၢ်လၢယဟ့ၣ်လီၤအီၤန့ၣ်လီၤ.

လံာ်ယံးရမံယၤ 23:27

အဝဲသ့ၣ်ဆိကမိၣ်ဝဲလၢတၢ်မံမီၢ်တဖၣ်လၢအဝဲသ့ၣ်တဲဝဲန့ၣ်, ကဒုးသးပ့ၤနီၣ်ကွံာ်ယပှၤဂီၢ်မုၢ်လၢယၤ, ဒ်အဝဲသ့ၣ်အပၢ်တဖၣ်သးပ့ၤ နီၣ်ကွံာ်ယၤဒီးဃၣ်ဃီၤအသးဆူ, ဘဧၤလးအအိၣ်အသိးန့ၣ်လီၤ.

လံာ်ယံးရမံယၤ 3:21

တၢ်ကလုၢ်တမံၤဘၣ်တၢ်နၢ်ဟူတ့ၢ်အီၤ လၢတၢ်လူၢ်တဖၣ်အဒီခိၣ်လီၤ. မ့ၢ်ကီၢ်အံၣ်စရ့လးအပှၤဂီၢ်မုၢ်အတၢ်ဟီၣ်တၢ်ယၢၤဒီးအတၢ်ဃ့သ ကွံၢ်ကညးတၢ်, မ့ၢ်လၢအဝဲသ့ၣ်အိၣ်မူတ့ၢ်လၢတၢ်ဒဲးဘးအပူၤ, ဒီးသးပ့ၤနီၣ်တ့ၢ်ယွၤ, အဝဲသ့ၣ်အကစၢ်ယွၤ အဃိန့ၣ်လီၤ.

လံာ်ယံးရမံယၤ 32:33

အဂ့ၢ်ဒ်အံၤ, အဝဲသ့ၣ်ဃၣ်ဒူချၢကွံာ် အသးလၢယၤ, ဒီးယသိၣ်လိ ဒံးအဝဲသ့ၣ်ဒၣ်လဲာ်န့ၣ်, အဝဲသ့ၣ်တဒိကနၣ်ဝဲဒီး တမၤလိတၢ်ဘၣ်.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 44:10

ယွၤစံးဘၣ်ယၤ, “ယစံၣ်ညီၣ်ပှၤလ့ၤဝံဖိတဖၣ်န့ၣ်လၢအဟးသဒၣ် ကွံာ်ယၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်ဃုာ်ဒီး ကီၢ်အံၣ်စရ့လးအပှၤဂီၢ်မုၢ်အဂၤတဖၣ်န့ၣ်လီၤ.

လံာ်ယဃ့းစက့လး 7:4

ယတဒုးပူၤဖျဲးနၤမ့ၢ်ဂ့ၤ, ဒုးနဲၣ်နၤတၢ်သးကညီၤတမံၤဂ့ၤတမံၤဂ့ၤန့ၣ်ဘၣ်. ယကစံၣ်ညီၣ်နၤလၢတၢ်လီၤသးဘၣ်အၢတဖၣ်လၢနမၤတ့ၢ်နဲအဃိ, ဒ်သိးနကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ဟိၤၡ့ 13:6

ဘၣ်ဆၣ်ဖဲနနုာ်လီၤဆူကီၢ်လၢအဂ့ၤဝဲအပူၤန့ၣ်, နဘျဲးအီၣ်ဘျဲးအီဒီးသးမံနဲဒၣ်, ဒီးနသးထီၣ်ထီနဲဒီးသးပ့ၤနီၣ်ကွံာ်ယၤန့ၣ်လီၤ.

လံာ်ဟိၤၡ့ 8:14

ကီၢ်အံၣ်စရ့လးအပှၤဂီၢ်မုၢ်သူၣ်ထီၣ်နူၢ်ဧိၤစီၤဧိၤတဖၣ်ဘၣ်ဆၣ် အဝဲသ့ၣ်သးပ့ၤနီၣ်ကွံာ်ပှၤတဂၤလၢအတ့အဝဲသ့ၣ်လၢအနီၢ် ကစၢ်ဒၣ်ဝဲန့ၣ်လီၤ. ကီၢ်ယူဒၤအပှၤဂီၢ်မုၢ်သူၣ်ထီၣ်ဝ့ၢ်တဖၣ်လၢ အအိၣ်ဒီးအတိာ်ခၢၣ်သနၢၣ်န့ၣ်လီၤ. ဘၣ်ဆၣ်ယကဆှၢလီၤမ့ၣ်အူ လၢကအီၣ်ကွံာ်အဝဲသ့ၣ်အနူၢ်ဧိၤစီၤဧိၤဒီးအဝဲသ့ၣ်အဝ့ၢ်တဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 24:15

ဒီးနဘၣ်စံးဘၣ်ပှၤအံၣ်စရ့လးဖိ, ဖဲဒၣ်ပှၤလၢအဆိၣ်အၢကစၢ်ယွၤန့ၣ်ကတူၢ်ဘၣ်အတၢ်ဒဲးဘးန့ၣ်လီၤ.

လံာ်တၢ်ဂံၢ် 14:33

သုဖိတဖၣ်ကဟးဝ့ၤဝီၤတၢ်လၢပှၢ်မုၢ်ကနၢအပူၤအနံၣ်လွံၢ်ဆံ, ကတူၢ်ဘၣ်တၢ်လၢသုတၢ်သးတတီတလိၤအဃိ, တုၤလၢပှၤလၢသုကျါလၢခံကတၢၢ်တဂၤသံဝဲတစုန့ၣ်လီၤ.

လံာ်တၢ်ဂံၢ် 14:34

သုကတူၢ်ဘၣ်တၢ်လၢအကြၢးဝဲဘၣ်ဝဲဒီးသုတၢ်ဒဲးဘးလၢအနံၣ် လွံၢ်ဆံအတီၢ်ပူၤ, တနံၣ်လၢအသီလွံၢ်ဆံစုာ်စုာ်အဂီၢ်လၢသုသူတ့ၢ်အီၤလၢတၢ်ဃု ထံၣ်သ့ၣ်ညါကီၢ်အဂီၢ်န့ၣ်လီၤ. သုကသ့ၣ်ညါယဘၣ်ထီဒါသုအခီပညီဒ်လဲၣ်န့ၣ်လီၤ.

လံာ်တၢ်ဂံၢ် 18:22

ပှၤအံၣ်စရ့လးဖိအဂၤတဖၣ်တဘၣ်သုးဘူးအသးဆူဒဲစီဆှံ အအိၣ်နီတစုလၢၤဘၣ်. လၢကျဲဒ်အံၤအဃိန့ၣ်အဝဲသ့ၣ်ကဒုးလီၤဘၣ်တၢ်စံၣ်ညီၣ်သံလၢအဖီ ခိၣ်ဒၣ်ဝဲန့ၣ်လီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.