လံာ်ယဃ့းစက့လး 23:29 - Sgaw Karen Common Bible

²⁹ ဒီးမ့ၢ်လၢအဝဲသ့ၣ်သးဟ့နၤအဃိ, ဒီးဘ့ၣ်ကွံာ်နကူနသိးဒီး ပာ်တ့ၢ်နၤအိၣ်ဘ့ၣ်ဆ့, အိၣ်ဖျါဒ်ပှၤဃဲသဲမုၣ်တဂၤအသိးန့ၣ်လီၤ. နတၢ်သးကတၢဒီးနတၢ်မၤပှၤဃဲသဲမုၣ်အတၢ်မၤ, ဒုးလီၤဘၣ်တၢ်အံၤလၢနလိၤန့ၣ်လီၤ.

လံာ်ယဃ့းစက့လး 23:29 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:15

တၢ်န့ၣ်အလီၢ်ခံ, စီၤအၤမနိၣ်ပှဲၤဒီးတၢ်သးဟ့ပိာ်မုၣ်န့ၣ်ဒိၣ်မးလီၤ. အဝဲအတၢ်သးဟ့အီၤခဲအံၤန့ၣ်, အါန့ၢ်ဒံးအဝဲအတၢ်အဲၣ်တ့ၢ်အီၤ လၢညါန့ၣ်လီၤ. အဝဲစံးဘၣ်ပိာ်မုၣ်န့ၣ်, “ဟးထီၣ်ကွံာ်တက့ၢ်.”

လံာ်ယံးရမံယၤ 13:26

ယွၤအကစၢ်ဒၣ်ဝဲကဘ့ၣ်ကွံာ်နကူနကၤတဖၣ်ဒီးပာ်ဖျါနတၢ် အိၣ်ဘ့ၣ်ဆ့လၢနတၢ်မၤမဲာ်ဆှးနၤအဂီၢ်န့ၣ်လီၤ.

လံာ်သးသယုၢ်တၢ် 1:8

အလၤကပီၤလီၤမၢ်ကွံာ်, အိၣ်ဘ့ၣ်ဆ့ဒၢဒီးလီၤသးဘၣ်အၢလံ. ကအုကစွါဝဲဒီးပာ်သဒၢအမဲာ်လၢတၢ်မဲာ်ဆှးအပူၤလီၤ. ဝ့ၢ်ယရူၤၡလ့ၣ်မၤဘၣ်အၢဘၣ်သီတ့ၢ်အသးဒီး တၢ်ဒဲးဘးအအၢအသီန့ၣ်လီၤ.

လံာ်ယဃ့းစက့လး 16:39

ယကပာ်နၤလၢအဝဲသ့ၣ်အတၢ်စိတၢ်ကမီၤအဖီလာ်, ဒီးအဝဲသ့ၣ်ကမၤလီၤပှီၢ်ကွံာ်တၢ်လီၢ်တဖၣ်ဖဲနမၤပှၤဃဲသဲမုၣ် အတၢ်မၤဒီးဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်လီၤ. အဝဲသ့ၣ်ကစိာ်ကွံာ်နကူနသိးတဖၣ်ဒီးတၢ်မျၢ်ပလဲတဖၣ်ဒီးကပာ် လီၤတဲာ်နၤအိၣ်ဘ့ၣ်ဆ့လၢာ်လၢာ်ဆ့ဆ့န့ၣ်လီၤ.

လံာ်ယဃ့းစက့လး 22:9

သုပှၤဂီၢ်မုၢ်အကျါတနီၤကတိၤလီတၢ်ဘၣ်ဃးဒီးပှၤအဂၤတဖၣ် အဂ့ၢ်, မ့ၢ်ဒ်သိးကမၤသံအဝဲသ့ၣ်တဖၣ်အဂီၢ်န့ၣ်လီၤ. အဝဲသ့ၣ်တနီၤအီၣ်တၢ်လုၢ်တၢ်ပာ်တဖၣ်လၢတၢ်လုၢ်ထီၣ်အီၤ ဆူတၢ်ဂီၤတၢ်ဖီၣ်တဖၣ်န့ၣ်လီၤ. အဂၤတနီၤထီဘိမၤလၢပှဲၤအတၢ်သူၣ်ကတၢသးကတၢဒၣ်ဝဲန့ၣ်လီၤ.

လံာ်ယဃ့းစက့လး 23:18

အဝဲပာ်ဖျါထီၣ်အသးလၢပှၤကမျၢၢ်အမဲာ်ညါဒီးပျဲပှၤကိးဂၤဒဲး သ့ၣ်ညါလၢအဝဲမ့ၢ်ပှၤဃဲသဲမုၣ်တဂၤန့ၣ်လီၤ. ယသးလၢာ်သးဘၣ်အၢအီၤဒ်သိးဒၣ် ယသးလၢာ်သးဘၣ်အၢတ့ၢ်အဒီပုၢ်ဝဲၢ်မုၣ်အသိးန့ၣ်လီၤ.

လံာ်မံကၤ 1:11

ပှၤဂီၢ်မုၢ်လၢဝ့ၢ်ၡၤဖံၣ်ဧၢ, လဲၤဆူတၢ်စိာ်မၢကဲကုၢ်အပူၤလၢတၢ်အိၣ်ဘ့ၣ်ဆ့ဒီးတၢ်မဲာ်ဆှးတက့ၢ်. ပှၤတဖၣ်လၢအအိၣ်ဝဲဆိးဝဲလၢဝ့ၢ်စၤနၣ်အပူၤန့ၣ်ဟဲထီၣ်ဆူဝ့ၢ်အချၢ တဘူၣ်ဘၣ်. ဖဲသုနၢ်ဟူဝ့ၢ်ဘ့ၤစသ့လးအပှၤဂီၢ်မုၢ်ဟီၣ်တၢ်ယၢၤ တၢ်န့ၣ်, သုကသ့ၣ်ညါလၢတၢ်ပူၤဖျဲးအလီၢ်တအိၣ်ဘၣ်ဖဲန့ၣ်ဘၣ်.