လံာ်ယဃ့းစက့လး 23:27 - Sgaw Karen Common Bible

²⁷ ယကမၤကတၢၢ်ကွံာ်နတၢ်သူၣ်ကတၢသးကတၢ, နတၢ်ကလုာ်ကလိၤအတၢ်မၤလၢအလီၤသးဘၣ်အၢတဖၣ်လၢနမၤတ့ၢ်နဲ စးထီၣ်လၢနအိၣ်ဆိးတ့ၢ်လၢကီၢ်အဲၤကူပတူးအပူၤလံၤလံၤန့ၣ် လီၤ. နတကွၢ်ကဒီးလၢၤတၢ်ဂီၤတၢ်ဖီၣ်တဖၣ်မ့ၢ်ဂ့ၤ, ဆိကမိၣ်ထီၣ်က့ၤကဒီးကီၢ်အဲၤကူပတူးအဂ့ၢ်မ့ၢ်ဂ့ၤနီတဘျီ လၢၤဘၣ်.”

လံာ်ယဃ့းစက့လး 23:27 Iomraidhean Croise

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယဃ့းစက့လး 16:41

အဝဲသ့ၣ်ကဒွဲၣ်အူထီၣ်ကွံာ်နဟံၣ်တဖၣ်ဒီးပျဲပှၤပိာ်မုၣ်ဂီၢ် မုၢ်တဖုထံၣ်ဘၣ်တၢ်စံၣ်ညီၣ်နၤန့ၣ်လီၤ. ယကဒုးဆိကတီၢ်နၤလၢနတၢ်မ့ၢ်ပှၤဃဲသဲမုၣ်တဂၤ, ဒီးဆိကတီၢ်နၤလၢနတၢ်ဟ့ၣ်တဖၣ်ဆူပှၤလၢနအဲၣ်အီၤတဖၣ်န့ၣ်လီၤ.

လံာ်ယဃ့းစက့လး 22:15

ယကမၤလီၤပြံလီၤပြါနပှၤဂီၢ်မုၢ်ဆူထံကီၢ်ကိးဘ့ၣ်ဒဲးဒီး ပှၤကိးကလုာ်ဒဲးအကျါဒီးယကမၤကတၢၢ်ကွံာ်နတၢ်မၤအအၢအသီတဖၣ် န့ၣ်လီၤ.

လံာ်ယဃ့းစက့လး 23:19

အဝဲကဲထီၣ်ပှၤဃဲသဲမုၣ်တဂၤနးန့ၢ်ဒံးအလီၢ်, မၤဒံးဒၣ်တၢ်ဒ်အမၤတ့ၢ်ဝဲအသိးဖဲအမ့ၢ်ဒံးဖိသၣ်မုၣ်တဂၤအခါ, ဖဲအဝဲမ့ၢ်တ့ၢ်ပှၤဃဲသဲမုၣ်တဂၤလၢကီၢ်အဲၤကူပတူးအပူၤန့ၣ်လီၤ.

လံာ်ယဃ့းစက့လး 24:11

ခဲကနံၣ်အံၤပာ်ထီၣ်သပၢၤတိၢ်ဘီအအိၣ်ကလီတဖျၢၣ်န့ၣ်လၢမ့ၣ်အူ အ့ၣ်တဖၣ်အဖီခိၣ်ဒီးပျဲအကိၢ်တုၤအဂီၤထီၣ်တက့ၢ်. အန့ၣ်ဝံၤဒီးသပၢၤန့ၣ်ကကဆှီထီၣ်က့ၤကဒီးဒ်တၢ်ဘူၣ်တၢ်ဘါ အလုၢ်အလၢ်အိၣ်ဝဲအသိး, ဖဲမ့ၣ်အူအီၣ်ကွံာ်တၢ်ထီၣ်အ့ၣ်ဝံၤအလီၢ်ခံ,

လံာ်ဟိၤၡ့ 6:9

ပှၤလုၢ်တၢ်အခိၣ်တဖၣ်လီၤဂာ်ဒ်တမျာ်အဖုတဖၣ်လၢအခိးခူ သူၣ်တၢ်ဒ်သိးကဒုးပှၤတဂၤန့ၣ်လီၤ. လၢကျဲလၢအလဲၤဆူတၢ်လီၢ်စီဆှံ ၡက့ၣ်ဒၣ်လဲာ်န့ၣ်အဝဲသ့ၣ်မၤသံတၢ်လီၤ. ဒီးအဝဲသ့ၣ်ခဲလၢာ်မၤတၢ်အၢတၢ်သီတဖၣ်အံၤအိၣ်ဒီးအတၢ်ကူၣ် ထီၣ်ဖးလီၤန့ၣ်လီၤ.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.