လံာ်ယဃ့းစက့လး 23:24 - Sgaw Karen Common Bible

²⁴ အဝဲသ့ၣ်ကဟဲထီၣ်ဒုးနၤလၢကလံၤစိးတခီ, ဟဲစိာ်ဃုာ်ဒီးသုး မုၢ်ဖးဒိၣ်တဖုအိၣ်ဒီးလ့ၣ်ကဟၣ်ဒုးတၢ်တဖၣ်ဒီးလ့ၣ်ကဟၣ်လၢ အစိာ်တၢ်အီၣ်တၢ်အီဒီးတၢ်အပီးအလီန့ၣ်လီၤ. အဝဲသ့ၣ်ကကဝီၤဃာ် နၤအိၣ်ဒီးကတီၤတဖၣ်, ဒီးခိၣ်သလုးထးတဖၣ်လၢအဒီသဒၢအီၤန့ၣ် လီၤ. ယကဟ့ၣ်လီၤကွံာ်နၤဆူအဝဲသ့ၣ်အစုပူၤဒီးအဝဲသ့ၣ်ကစံၣ် ညီၣ်နၤလၢအဝဲသ့ၣ်အတၢ်သိၣ်တၢ်သီဒၣ်ဝဲတဖၣ်န့ၣ်လီၤ.

လံာ်ယဃ့းစက့လး 23:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:14

စီၤဒၤဝံးစံးဆၢဝဲဒၣ်, “ယအိၣ်လၢတၢ်စုကတၢၢ်ခီၣ်ကတၢၢ်အပူၤလီၤ. ဘၣ်ဆၣ်ဒီးယတအဲၣ်ဒိးလၢပှၤကညီကစံၣ်ညီၣ်ယၤဘၣ်. မ်ယွၤအကစၢ်ဒၣ်ဝဲမ့ၢ်ပှၤတဂၤလၢအစံၣ်ညီၣ်ပှၤတက့ၢ်. အဂ့ၢ်ဒ်အံၤ, အဝဲပှဲၤဒီးတၢ်သူၣ်ကညီၤသးကညီၤန့ၣ်လီၤ.”

လံာ်ယံးရမံယၤ 47:3

အဝဲသ့ၣ် ကနၢ်ဟူကသ့ၣ်တဖၣ်အခီၣ်မ့ၣ်ထးယီၢ်တၢ်အသီၣ်, လ့ၣ်ကဟၣ်တဖၣ် ဃ့ၢ်သဖှိအသီၣ်, ဒီးလ့ၣ်ဖံဘၣ်တဖၣ်သီၣ်ရုၢ်ရုၢ်ရၢ်ရၢ်န့ၣ်လီၤ. ပၢ်တဖၣ်တဃၣ်ကဒါက့ၤဘၣ်အသးလၢအဖိတဖၣ်အဂီၢ်ဘၣ်. အဝဲသ့ၣ်အစုတဖၣ်ကလီၤစဲၤစၢ်အဲးစၢ်အီးလၢအဝဲသ့ၣ် အကပၤန့ၣ်လီၤ.

လံာ်ယံးရမံယၤ 52:11

အန့ၣ်ဝံၤဒီး, အဝဲမၢပှၤအူခွဲးထီၣ်ကွံာ်စီၤစံးဒကံယၤအမဲာ်ချံတဖၣ်, မၢပှၤစၢဃာ်အီၤလၢထးသွဲတဖၣ်ဒီး က့ၤစိာ်ကွံာ်အီၤဆူ ကီၢ်ဘၤဘူၤလိၣ်န့ၣ်လီၤ. စီၤစံးဒကံယၤအိၣ်ဝဲလၢ ကီၢ်ဘၤဘူၤလိၣ်အဃိာ်ပူၤတုၤမုၢ်တနံၤလၢ အသံဝဲတစုန့ၣ်လီၤ.

လံာ်ယံးရမံယၤ 52:9

စီၤစံးဒကံယၤဘၣ်တၢ်က့ၤကိးအီၤဆူ စီၤပၤနဘူၤကးန့ စၢ်အအိၣ်လၢအအိၣ်ဝဲဖဲဝ့ၢ်ရံးဘလးလၢ ဃမါသးအလီၢ်ကဝီၤအပူၤ, ဒီးဖဲန့ၣ်စီၤနဘူၤကးန့စၢ် စံၣ်ညီၣ်အီၤန့ၣ်လီၤ.

လံာ်ယဃ့းစက့လး 16:38

ယကစံၣ်ညီၣ်ဃၣ်နၤလၢတၢ်မၤကမၣ်မုၣ်ကမၣ်ခွါဒီးတၢ်မၤသံတၢ် အဃိ, ဒီးလၢယတၢ်သးဒိၣ်ဒီးသးကဲၤထီၣ်အပူၤန့ၣ်, ယကစံၣ်ညီၣ်နၤလၢတၢ်သံန့ၣ်လီၤ.

လံာ်ယဃ့းစက့လး 21:23

ဝ့ၢ်ယရူၤၡလ့ၣ်အပှၤဂီၢ်မုၢ်တမ့ၢ်ကနာ်တၢ်ဂ့ၢ်အံၤဘၣ်, မ့ၢ်လၢလံာ်ဃံၤဃာ်တဖၣ်လၢအဝဲသ့ၣ်မၤတ့ၢ်အီၤအဃိန့ၣ်လီၤ. ဘၣ်ဆၣ်ဝံအတၢ်ကတိၤဆိပာ်အံၤမ့ၢ်တၢ်လၢကဒုးသ့ၣ်နီၣ်ထီၣ် အဝဲသ့ၣ်လၢအဝဲသ့ၣ်အတၢ်ဒဲးဘးတဖၣ်ဒီးဟ့ၣ်ပလီၢ် အဝဲသ့ၣ်လၢအဝဲသ့ၣ်ကဘၣ်တၢ်ဖီၣ်န့ၢ်အီၤန့ၣ်လီၤ.

လံာ်ယဃ့းစက့လး 23:45

ပှၤပိာ်ခွါအတီအလိၤတဖၣ်ကစံၣ်ညီၣ်ဃၣ်အဝဲသ့ၣ်မ့ၢ်လၢပှၤပာ်တၢ် ကမၣ်လၢအဝဲသ့ၣ်အလိၤလၢအမၤကမၣ်မုၣ်ကမၣ်ခွါဒီးမၤသံတၢ်အ ဃိ, မ့ၢ်လၢအဝဲသ့ၣ်မၤတၢ်မၤကမၣ်မုၣ်ကမၣ်ခွါအတၢ်မၤဒီးအစုတဖၣ် ဘၣ်အၢဝဲဒီးတၢ်သွံၣ်အဃိန့ၣ်လီၤ.”

လံာ်ယဃ့းစက့လး 26:10

ဖၣ်ဆါခုၣ်ထီၣ်ဒ် တၢ်အၢၣ်ခံးသူလၢအဝဲသ့ၣ်အကသ့ၣ်တဖၣ် ဒုးအိၣ်ထီၣ်ဝဲန့ၣ်ကလုၣ်ဘၢနၤလီၤ. အဝဲသ့ၣ်အကသ့ၣ်တဖၣ်တွံၢ်လ့ၣ်ကဟၣ်စိာ်တၢ်ပီးတၢ်လီတဖၣ်ဒီး လ့ၣ်ကဟၣ်ဒုးသုးတဖၣ်အသီၣ်န့ၣ်ကမၤသထြုးနခိၣ်ဒူတဖၣ်ဖဲ အဝဲသ့ၣ်လဲၤခီဂာ်ဝ့ၢ်လၢအဟးဂီၤအတြဲၤတဖၣ်အခါန့ၣ်လီၤ.

လံာ်ယဃ့းစက့လး 26:7

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကမၢလီၤစီၤပၤ အဒိၣ်ကတၢၢ်လၢစီၤပၤခဲလၢာ်အကျါ, လၢအမ့ၢ်ကီၢ်ဘၤဘူၤလိၣ် အစီၤပၤနဘူၤကးန့စၢ်လၢအကဟဲဒုးဝ့ၢ်ထါယၢၣ်အဂီၢ်န့ၣ်လီၤ. အဝဲကဟဲဝဲလၢကလံၤစိးတခီ, အိၣ်ဒီးအသုးမုၢ်ဖးဒိၣ်တဖု, အိၣ်ဒီးကသ့ၣ်တဖၣ်, လ့ၣ်ကဟၣ်တဖၣ်ဒီးပှၤဒိးကသ့ၣ်သုးဖိ တဖၣ်န့ၣ်လီၤ.