လံာ်ယဃ့းစက့လး 23:23 - Sgaw Karen Common Bible

²³ ယကဟဲကိးကယဲၢ်ပှၤဘၤဘူၤလိၣ်ဖိတဖၣ်ဒီးပှၤက့ၤစ့းဖိတဖၣ်, ပှၤပိာ်ခွါတဖၣ်လၢပကိး, ၡိအၤဒီးကိအၤဒီးကယဲၢ်ပှၤအၤၡူၢ် ဖိခဲလၢာ်န့ၣ်လီၤ. ယကပာ်ဖှိၣ်ထီၣ်ကယဲၢ်တူၢ်ဒိၣ်ကီၤဒိၣ်သးစၢ်ခွါလၢအက့ၢ်ဘၣ်ဂီၤ ဂ့ၤခဲလၢာ်ဒီးပဒိၣ်ပပှၢ်တဖၣ်, ကယဲၢ်ပှၤကိးဂၤဒဲးလၢအမ့ၢ်ပှၤခိၣ်ပှၤနၢ်အကါဒိၣ်တဖၣ်ဒီးပှၤ ဒိးကသ့ၣ်ဒုးသုးအခိၣ်တဖၣ်လၢအအိၣ်ဒီးလီၢ်ဒိၣ်လၤထီန့ၣ်လီၤ.

လံာ်ယဃ့းစက့လး 23:23 Iomraidhean Croise

လံာ်တၢ်ကဲထီၣ်အခီၣ်ထံး 2:14

ထံကျိသၢဘိတဘိမ့ၢ်ဝဲထံကျိဃံးဒက့လးလၢအယွၤလီၤဆူကီၢ်အၤၡူၢ်အမုၢ်ထီၣ်, ဒီးထံကျိလွံၢ်ဘိတဘိမ့ၢ်ဝဲထံကျိဖရၤသးလီၤ.

လံာ်တၢ်ကဲထီၣ်အခီၣ်ထံး 25:18

စီၤယံးၡမၤဧ့လးအစၢၤအသွဲၣ်တဖၣ်အိၣ်ဝဲဆိးဝဲလၢတၢ်လီၢ်လၢ ကီၢ်ဃဝံလၤဒီးကီၢ်ၡူၢ်အဘၢၣ်စၢၤဒီးပၢၢ်လၢကီၢ်အဲၤကူပတူး အမုၢ်ထီၣ်ဒီးဆူကီၢ်အၤၡူၢ်န့ၣ်လီၤ. အဝဲသ့ၣ်အိၣ်လီၤဖးဒီးစီၤအၤဘြၤဟၣ်အစၢၤအသွဲၣ်အဂၤတဖၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 24:2

ယွၤမၢလီၤသုးဖိအဖုတဖၣ်လၢအမ့ၢ်, ပှၤဘၤဘူၤလိၣ်ဖိ, ပှၤစူၤရံဖိ, ပှၤမိၤအးဖိဒီးပှၤဧၣ်မိၣ်ဖိထီဒါစီၤယဟိၤယါ ကံၣ်လၢတၢ်ကမၤဟးဂီၤကွံာ်ကီၢ်ယူဒၤအဂီၢ်, ဒ်ယွၤစံးတ့ၢ်ခီဖျိအခ့အပှၤဝံတဖၣ်, လၢကမၤဝဲအသိးန့ၣ်လီၤ.

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤယိၤဘး 1:17

ဖဲအဝဲကတိၤတၢ်အဖၢမုၢ်န့ၣ်, အခ့အပှၤအဂၤတဂၤဟဲဝဲဒီး စံးဝဲဒၣ်, “ပှၤက့ၤစ့းဖိလၢအပှၤဂုာ်ဆူၣ်ပျီဆူၣ်တၢ်သၢဖု ဟဲဒုး ပှၤဒီးစိာ်ကွံာ်ကီၤလၤအူးတဖၣ်ဒီးမၤသံကွံာ်နခ့နပှၤခဲလၢာ် ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်ယၡါယၤ 23:13

(ပှၤလၢအပျဲလီၤဆၣ်ဖိကီၢ်ဖိအမံၤတဖၣ်လၢကဃ့ၢ်မၤနၢၤကွံာ်ဝ့ၢ် ထါယၢၣ်န့ၣ်မ့ၢ်ဒၣ်ပှၤဘၤဘူၤလိၣ်ဖိတဖၣ်, ဒီးတမ့ၢ်ပှၤအၤၡူၢ်ဖိ တဖၣ်ဘၣ်လီၤ. ပှၤလၢအဘှီထီၣ်ပၢၤတၢ်အလီၢ်တဖၣ်လၢ ကဒုးတၢ်ဒီး, မၤလီၤပှီၢ်ကွံာ်ဝ့ၢ်ထါယၢၣ်အတိာ်ခၢၣ်သနၢၣ်တဖၣ်, ဒီးပာ်တ့ၢ်အီၤလၢတၢ်ဟးဂီၤတဖၣ်အပူၤန့ၣ်, မ့ၢ်တ့ၢ်ဝဲပှၤဘၤဘူၤလိၣ်ဖိတဖၣ်လီၤ.)

လံာ်ယံးရမံယၤ 50:21

ယွၤစံးဝဲဒၣ်, “လဲၤထီၣ်ဒုးကီၢ်မရၤသဲၣ်ဒီးကီၢ်ပကိး အပှၤဂီၢ်မုၢ်န့ၣ်တက့ၢ်. မၤသံဒီးမၤဟးဂီၤအဝဲသ့ၣ်တက့ၢ်. မၤတၢ်ခဲလၢာ်လၢ ယမၤလိာ်နၤန့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယဃ့းစက့လး 16:1

ယွၤကတိၤတၢ်ဒီးယၤလီၤ. အဝဲစံးဝဲ, “ပှၤကညီလၢအသံသ့ဧၢ, ဒုးနဲၣ်ဝ့ၢ်ယရူၤၡလ့ၣ်လၢ တၢ်လီၤသးဘၣ်အၢတဖၣ်လၢအမၤတ့ၢ်လံဝဲတက့ၢ်.

လံာ်ယဃ့းစက့လး 23:12

အဝဲစ့ၢ်ကီးလၢပှဲၤဝဲဒီးတၢ်သးကတၢလၢကီၢ်အၤၡူၢ်အပှၤတူၢ် ဒိၣ်ကီၤဒိၣ်တဖၣ်, သုးခိၣ်သုးနၢ်တဖၣ်, သုးဖိတဖၣ်လၢအိၣ်ဒီးတၢ်ကူ တၢ်သိးဒ်သိးသိးလၢအလွဲၢ်ဖျါဆှံဒီးပှၤဒိးကသ့ၣ်သုးဖိအခိၣ်အနၢ်တဖၣ်, လၢအမ့ၢ်ကယဲၢ်ပှၤဒိၣ်တၢ်ဂ့ၤဖိၣ်သၣ်ခွါသးစၢ်ကိးဂၤဒဲးအဂီၢ်န့ၣ်လီၤ.

လံာ်ယဃ့းစက့လး 23:14

အဝဲလီၤဘျၢယိာ်ထီၣ်လၢအတၢ်လုၢ်အၢလၢ်သီအပူၤန့ၣ်လီၤ. အဝဲဘၣ်တၢ်ထုးသူၣ်ထုးသးအီၤလၢ, ကီၢ်ဘၤဘူၤလိၣ်အပဒိၣ်ပပှၢ်လၢ အအိၣ်ဒီးလီၢ်ဒိၣ်လၤထီတဖၣ်, အက့ၢ်အဂီၤတဖၣ်လၢအဘၣ်တၢ်စိာ်ပျၤဃာ်အီၤလၢတၢ်ဒူၣ်အလိၤဒီးဖှူ အီၤလၢကသံၣ်အလွဲၢ်ဂီၤဆှုၣ်,

လံာ်ယဃ့းစက့လး 23:22

အန့ၣ်ဒီး, ခဲကနံၣ်အံၤနီၢ်အိၤဟိလံဘၤဧၢ, တၢ်အံၤမ့ၢ်တၢ်လၢယၤ, ယွၤ, ပၢဘၣ်တၢ်ခဲလၢာ်အကစၢ်စံးဘၣ်နၤန့ၣ်လီၤ. “နလီၤဘှံးလီၤတီၤလၢပှၤတဖၣ်လၢနအဲၣ်အီၤအဃိ, ဘၣ်ဆၣ်ဒီးယကမၢအဝဲသ့ၣ်သးထီၣ်ဘၣ်နၤဒီးဟဲကိးအဝဲသ့ၣ်လၢ ကအိၣ်ဝးတရံးနၤအဂီၢ်န့ၣ်လီၤ.

လံာ်ယဃ့းစက့လး 23:6

အဝဲသ့ၣ်မ့ၢ်ပှၤသုးဖိတဖၣ်လၢအအိၣ်ဒီးတၢ်ကူတၢ်သိးဒ်သိးသိး လၢအလွဲၢ်လုးတကုာ်, ပှၤတူၢ်ဒိၣ်ကီၤဒိၣ်တဖၣ်ဒီးပဒိၣ်ပပှၢ်လၢအအိၣ်ဒီးအလီၢ်ဒိၣ်အလၤ ထီတဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤက့ၢ်ဘၣ်ဂီၤဂ့ၤ, သးစၢ်တဖၣ်လၢအမ့ၢ်ပှၤဒိးကသ့ၣ်ဒုးသုးဖိအခိၣ်တဖၣ်န့ၣ်လီၤ.

မၤတၢ် 7:4

အန့ၣ်သတးဒီး, အဝဲဒၣ်ဟးထီၣ်ကွံာ်လၢကီၢ်က့ၤစ့းဒီးလဲၤအိၣ်လဲၤ ဆိးဝဲလၢဝ့ၢ်ဃၤရၣ်လီၤ. အဝဲဒၣ်အပၢ်သံဝံၤအလီၢ်ခံန့ၣ်, ကစၢ်ယွၤမၢအသုးအလီၢ်ဆူကီၢ်လၢသုအိၣ်လၢအပူၤခဲ ကနံၣ်အံၤတဘ့ၣ်န့ၣ်လီၤ.