လံာ်ယဃ့းစက့လး 23:19 - Sgaw Karen Common Bible

¹⁹ အဝဲကဲထီၣ်ပှၤဃဲသဲမုၣ်တဂၤနးန့ၢ်ဒံးအလီၢ်, မၤဒံးဒၣ်တၢ်ဒ်အမၤတ့ၢ်ဝဲအသိးဖဲအမ့ၢ်ဒံးဖိသၣ်မုၣ်တဂၤအခါ, ဖဲအဝဲမ့ၢ်တ့ၢ်ပှၤဃဲသဲမုၣ်တဂၤလၢကီၢ်အဲၤကူပတူးအပူၤန့ၣ်လီၤ.

လံာ်ယဃ့းစက့လး 23:19 Iomraidhean Croise

လံာ်တၢ်ကဲထီၣ်အခီၣ်ထံး 38:24

သၢလါဝံၤအလီၢ်ခံန့ၣ်, ပှၤတဂၤစံးဘၣ်စီၤယူဒၤ, “နဒဲၣ်မုၣ်နီၢ်တၤမၢ်မၤအသးဒ်ပှၤဃဲသဲမုၣ်တဂၤအသိးဒီးခဲ ကနံၣ်အံၤဒၢထီၣ်ဝဲလံ.” စီၤယူဒၤဟ့ၣ်လီၤအကလုၢ်, “ဟံးထီၣ်အီၤဒီးဒွဲၣ်သံကွံာ် အီၤလၢမ့ၣ်အူတက့ၢ်.”

လံာ်ယဃ့းစက့လး 16:22

ဖဲနအိၣ်မူတၢ်အိၣ်မူလီၤသးဘၣ်အၢဒ်ပှၤဃဲသဲမုၣ်တဂၤ အသိးအကတီၢ်န့ၣ်, နတသ့ၣ်နီၣ်ထီၣ်က့ၤနဖိသၣ်အမုၢ်နံၤတဖၣ်နီတဘျီ, ဖဲနအိၣ်ဘ့ၣ်ဆ့ဒီးတလ့ၣ်ကံးကူးနသးလၢနသွံၣ်ဒၣ်နဲအပူၤ အကတီၢ်န့ၣ်ဘၣ်.”

လံာ်ယဃ့းစက့လး 16:25

နကွံာ်လီၤနတၢ်ဃံတၢ်လၤလၢကပံာ်ကျါလီၤ. နဟ့ၣ်လီၤနသး ဆူပှၤကိးဂၤဒဲးလၢအဟဲတြူာ်ဝဲန့ၣ်လီၤ. ဒီးတနံၤဘၣ်တနံၤန့ၣ်, နလီၤဂာ်ဒီးပှၤဃဲသဲမုၣ်ဒံးယံာ်ဒံးအါထီၣ်လီၤ.

လံာ်ယဃ့းစက့လး 16:29

နမ့ၢ်စ့ၢ်ကီးပှၤဃဲသဲမုၣ်တဂၤလၢပှၤဘၤဘူၤလိၣ်ဖိတဖၣ် အဂီၢ်, ပှၤတကလုာ်န့ၣ်လၢအမ့ၢ်ပှၤကူၣ်တၢ်ကၤတၢ်တဖၣ်, ဘၣ်ဆၣ်ဒီးအဝဲသ့ၣ်စ့ၢ်ကီးတမၤသးမံဒံးနၤဘၣ်.”

လံာ်ယဃ့းစက့လး 16:51

ဝ့ၢ်ၡၤမရံတမၤတၢ်ဒဲးဘးထဲသိးဒီးနမၤတ့ၢ်အီၤတဝာ်ဒၣ်လဲာ်ဘၣ်. နမၤတၢ်လီၤသးဘၣ်အၢအါန့ၢ်အဝဲမၤတ့ၢ်ဝဲတက့ၢ်လီၤ. ဖဲတၢ်ထိၣ်သတြီၤကွၢ်အီၤဒီး, နတၢ်မၤတတီတတြၢ်တၢ်န့ၣ်ဒုးကဲ ထီၣ်နပုၢ်မုၣ်တဖၣ်လၢပှၤလၢအဖျါလၢအတၢ်သရူးကမၣ်တအိၣ်န့ၣ်လီၤ.

လံာ်ယဃ့းစက့လး 20:7

ယတဲဘၣ်တ့ၢ်အဝဲသ့ၣ်လၢကစူးကွံာ်ညိကွံာ်တၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢလၢအဝဲသ့ၣ်အဲၣ်ဝဲဒီးသုတမၤဘၣ်အၢအသးဒီးကီၢ် အဲၤကူပတူးအယွၤတဖၣ်လၢအကဘျံးကဘျၣ်န့ၣ်တဂ့ၤ. ယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 23:14

အဝဲလီၤဘျၢယိာ်ထီၣ်လၢအတၢ်လုၢ်အၢလၢ်သီအပူၤန့ၣ်လီၤ. အဝဲဘၣ်တၢ်ထုးသူၣ်ထုးသးအီၤလၢ, ကီၢ်ဘၤဘူၤလိၣ်အပဒိၣ်ပပှၢ်လၢ အအိၣ်ဒီးလီၢ်ဒိၣ်လၤထီတဖၣ်, အက့ၢ်အဂီၤတဖၣ်လၢအဘၣ်တၢ်စိာ်ပျၤဃာ်အီၤလၢတၢ်ဒူၣ်အလိၤဒီးဖှူ အီၤလၢကသံၣ်အလွဲၢ်ဂီၤဆှုၣ်,

လံာ်ယဃ့းစက့လး 23:18

အဝဲပာ်ဖျါထီၣ်အသးလၢပှၤကမျၢၢ်အမဲာ်ညါဒီးပျဲပှၤကိးဂၤဒဲး သ့ၣ်ညါလၢအဝဲမ့ၢ်ပှၤဃဲသဲမုၣ်တဂၤန့ၣ်လီၤ. ယသးလၢာ်သးဘၣ်အၢအီၤဒ်သိးဒၣ် ယသးလၢာ်သးဘၣ်အၢတ့ၢ်အဒီပုၢ်ဝဲၢ်မုၣ်အသိးန့ၣ်လီၤ.

လံာ်ယဃ့းစက့လး 23:20

အဝဲပှဲၤဝဲဒီးတၢ်သူၣ်ကတၢသးကတၢလၢကယဲၢ်ပိာ်ခွါတဖၣ်လၢ အအိၣ်ဒီးတၢ်မုာ်ဖံးမုာ်ညၣ်အသးလုာ်ကိလုာ်ကပာ်, ပှၤတဖၣ်လၢအအိၣ်ဒီးကသ့ၣ်ယီၤတဖၣ်ဒီးကသ့ၣ်ဒုးသုးတဖၣ် အတၢ်သူၣ်ကတၢသးကတၢခဲလၢာ်အဂီၢ်န့ၣ်လီၤ.”

လံာ်ယဃ့းစက့လး 23:21

(နီၢ်အိၤဟိလံဘၤဧၢနအဲၣ်ဒိးမၤကဒီးတၢ်လုၢ်အၢလၢ် သီတလီၢ်လီၢ်, တၢ်လၢနမၤကမၣ်တ့ၢ်လံနဲဒ်ပိာ်မုၣ်ဖိသၣ်တဂၤ အသိးလၢကီၢ်အဲၤကူပတူးအပူၤ, ဖဲပိာ်ခွါတဖၣ်ဂဲၤလိာ်ကွဲ ဒီးနနုၢ်တဖၣ်ဒီးနတၢ်မ့ၢ်ပှၤမုၣ်ကနီၤန့ၣ်လီၤမၢ်ကွံာ်ဝဲဒၣ်, အခါန့ၣ်လီၤ.)

လံာ်ယဃ့းစက့လး 23:8

အဝဲမၤထွဲဒံးတၢ်လၢအစးထီၣ်မၤတ့ၢ်ဝဲဒ်ပှၤဃဲသဲမုၣ်တဂၤ အသိးလၢကီၢ်အဲၤကူပတူးအပူၤ, ဖဲအဝဲအတၢ်မ့ၢ်ပှၤမုၣ်ကနီၤလီၤမၢ်ကွံာ်ဝဲဒၣ်န့ၣ်လီၤ. စးထီၣ်လၢအဝဲမ့ၢ်ပိာ်မုၣ်ဖိသၣ်တဂၤလံၤလံၤန့ၣ်, ပိာ်ခွါတဖၣ်မံဃုာ်ဒီးအီၤဒီးပာ်အီၤဒ်ပှၤဃဲသဲမုၣ်တဂၤ အသိးန့ၣ်လီၤ.

လံာ်ဧၤမိၣ် 4:4

တၢ်စိတၢ်ကမီၤခဲလၢာ်အယွၤစံးဝဲဒၣ်, ပှၤကီၢ်အံၣ်စရ့လးဖိ သ့ၣ်ဧၢ, သုမ့ၢ်ဘၣ်မၤတၢ်ဒဲးဘးသပှၢ်ကတၢၢ်ဒီး, လဲၤဆူဘ့ၤသ့လးအတၢ်လီၢ်စီဆှံဒီးမၤတၢ်ဒဲးဘးတက့ၢ်. လဲၤဆူကံးလကၤလး, မၤတၢ်ဒဲးဘးလၢာ်သူၣ်လၢာ်သးတက့ၢ်. လဲၤ, မၤဒီးဟဲစိာ်ဆၣ်ဖိကီၢ်ဖိတဖၣ်ဒ်သိးကဘၣ်တၢ်လုၢ်ထီၣ်အီၤ တဂီၤဝံၤတဂီၤ, ဒီးဟဲစိာ်သုတၢ်ဆံဆဲၣ်ပူတပူတဖၣ်လၢကိးသၢသီတသီအနံၤန့ၣ် တက့ၢ်.