လံာ်ယဃ့းစက့လး 23:14 - Sgaw Karen Common Bible

¹⁴ အဝဲလီၤဘျၢယိာ်ထီၣ်လၢအတၢ်လုၢ်အၢလၢ်သီအပူၤန့ၣ်လီၤ. အဝဲဘၣ်တၢ်ထုးသူၣ်ထုးသးအီၤလၢ, ကီၢ်ဘၤဘူၤလိၣ်အပဒိၣ်ပပှၢ်လၢ အအိၣ်ဒီးလီၢ်ဒိၣ်လၤထီတဖၣ်, အက့ၢ်အဂီၤတဖၣ်လၢအဘၣ်တၢ်စိာ်ပျၤဃာ်အီၤလၢတၢ်ဒူၣ်အလိၤဒီးဖှူ အီၤလၢကသံၣ်အလွဲၢ်ဂီၤဆှုၣ်,

လံာ်ယဃ့းစက့လး 23:14 Iomraidhean Croise

လံာ်ယၡါယၤ 46:1

တၢ်အံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ. ဘ့လးဒီးနဘိတဖၣ်, တဘျီဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဘၣ်ဆၣ်ဒီးခဲအံၤန့ၣ်ဘၣ်တၢ်ပဒၢးထီၣ်အီၤလၢကသ့ၣ်ယီၤတဖၣ် အလိၤ ဒီးမ့ၢ်တၢ်ဝံဃၢလၢဆၣ်ဖိကီၢ်ဖိလၢအလီၤဘှံးလီၤတီၤတဖၣ် အဂီၢ်န့ၣ်လီၤ.

လံာ်ယံးရမံယၤ 22:14

ပှၤတဂၤလၢအစံးဝဲ, “ယကသူၣ်ထီၣ်ဟံၣ်ဒိၣ်ကျိၤသွါတဖျၢၣ်လၢယဂီၢ်ဒၣ်ယဲ အိၣ်ဒီးဒၢးဖးလဲၢ်တဖၣ်လၢအဖီခိၣ်တကထၢန့ၣ်လီၤ. ဝံၤဒီးအဝဲဒၣ်မၤထီၣ်ပဲတြီဖိတဖၣ်လၢအဟံၣ်အပူၤ, မၤထီၣ်ဂီၤပၤတဖၣ်လၢသ့ၣ်ဆှိအ့ရ့း ဒီးဖှူအီၤလၢကသံၣ်အဂီၤန့ၣ်လီၤ. ပှၤတဂၤအံၤဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်ယံးရမံယၤ 50:2

တဲဘၣ်ပှၤကလုာ်တဖၣ်လၢ တၢ်ကစီၣ်တက့ၢ်. “တဲဖျါထီၣ်အီၤတက့ၢ်. ဟ့ၣ်လီၤတၢ်ပနီၣ်ဒီးဘိးဘၣ်သ့ၣ်ညါတၢ်ကစီၣ် တဖၣ်တက့ၢ်. တဘၣ်ပာ်အီၤဒ်တၢ်ခူသူၣ်တမံၤအသိးတဂ့ၤ. ကီၢ်ဘၤဘူၤလိၣ်အတၢ်ဂီၤတၢ်ဖီၣ်တဖၣ်ဘၣ်တၢ်မၤမဲာ်ဆှးကွံာ်အီၤလံ. အတၢ်ဂီၤတၢ်ဖီၣ်လၢ အလီၤသးဘၣ်အၢတဖၣ်ဘၣ် တၢ်မၤလီၤသဘှံးကွံာ်အီၤလီၤ.

လံာ်ယဃ့းစက့လး 16:29

နမ့ၢ်စ့ၢ်ကီးပှၤဃဲသဲမုၣ်တဂၤလၢပှၤဘၤဘူၤလိၣ်ဖိတဖၣ် အဂီၢ်, ပှၤတကလုာ်န့ၣ်လၢအမ့ၢ်ပှၤကူၣ်တၢ်ကၤတၢ်တဖၣ်, ဘၣ်ဆၣ်ဒီးအဝဲသ့ၣ်စ့ၢ်ကီးတမၤသးမံဒံးနၤဘၣ်.”

လံာ်ယဃ့းစက့လး 23:13

ယထံၣ်ဘၣ်လၢအဝဲမ့ၢ်ပှၤတဂၤလၢအလုၢ်အလၢ်တဂ့ၤဝဲလ့ၤ တက့ၤဘၣ်, ဒီးလၢဒီပုၢ်ဝဲၢ်မုၣ်ခံဂၤတဂၤအံၤအၢဝဲဒ်သိးဒၣ်အခီၣ်ထံး တဂၤန့ၣ်လီၤ.

လံာ်ယဃ့းစက့လး 23:15

ဒီးအိၣ်ဒီးယီၢ်တကိးတဖၣ်လၢအယီၢ်ဒ့လိၤဒီးခိၣ်ဖၢၣ်တဖၣ်လၢ အအိၣ်ဒီးတၢ်ကယၢကယဲလၢအဝဲသ့ၣ်အခိၣ်တဖၣ်အလိၤန့ၣ်လီၤ.

လံာ်ယဃ့းစက့လး 23:23

ယကဟဲကိးကယဲၢ်ပှၤဘၤဘူၤလိၣ်ဖိတဖၣ်ဒီးပှၤက့ၤစ့းဖိတဖၣ်, ပှၤပိာ်ခွါတဖၣ်လၢပကိး, ၡိအၤဒီးကိအၤဒီးကယဲၢ်ပှၤအၤၡူၢ် ဖိခဲလၢာ်န့ၣ်လီၤ. ယကပာ်ဖှိၣ်ထီၣ်ကယဲၢ်တူၢ်ဒိၣ်ကီၤဒိၣ်သးစၢ်ခွါလၢအက့ၢ်ဘၣ်ဂီၤ ဂ့ၤခဲလၢာ်ဒီးပဒိၣ်ပပှၢ်တဖၣ်, ကယဲၢ်ပှၤကိးဂၤဒဲးလၢအမ့ၢ်ပှၤခိၣ်ပှၤနၢ်အကါဒိၣ်တဖၣ်ဒီးပှၤ ဒိးကသ့ၣ်ဒုးသုးအခိၣ်တဖၣ်လၢအအိၣ်ဒီးလီၢ်ဒိၣ်လၤထီန့ၣ်လီၤ.

လံာ်ယဃ့းစက့လး 8:10

အန့ၣ်ဒီး, ယလဲၤနုာ်ဒီးကွၢ်တၢ်လီၤ. တၢ်အဒူၣ်တဖၣ်ဘၣ်တၢ်ကးဘၢ အီၤလၢပှၤတ့ဃာ်တၢ်ဂီၤလၢအမ့ၢ်ဂုၢ်သ့ၣ်တဖၣ်ဒီးဆၣ်ဖိကီၢ်ဖိလၢ အတကဆှီဘၣ်အဂၤတဖၣ်အဂီၤ, ဒီးတၢ်အဂၤတဖၣ်လၢပှၤအံၣ် စရ့လးဖိတဖၣ်ဘူၣ်ထီၣ်ဘါထီၣ်တ့ၢ်ဝဲန့ၣ်လီၤ.

လံာ်နၤဃူၣ် 2:3

ဒုၣ်ဒါအသုးဖိသ့ၣ်တဖၣ်စိာ်ဝဲကတီၤဂီၤဒီးကူသိးဝဲဆ့ကၤဂီၤတဖၣ်, ဒီးအိၣ်ကတဲာ်ကတီၤအသးလၢကထီၣ်ဒုးတၢ် အဂီၢ်လီၤ. အလ့ၣ်ကဟၣ်ဒုးသုးသ့ၣ်တဖၣ်ကပီၤကပြုၢ်ထီၣ်ဒ် မ့ၣ်အူအသိး ဒီးအကသ့ၣ်တဖၣ်အခီၣ်ပတ့ၤပတိၤအသးလီၤ.