လံာ်ယဃ့းစက့လး 23:12 - Sgaw Karen Common Bible

¹² အဝဲစ့ၢ်ကီးလၢပှဲၤဝဲဒီးတၢ်သးကတၢလၢကီၢ်အၤၡူၢ်အပှၤတူၢ် ဒိၣ်ကီၤဒိၣ်တဖၣ်, သုးခိၣ်သုးနၢ်တဖၣ်, သုးဖိတဖၣ်လၢအိၣ်ဒီးတၢ်ကူ တၢ်သိးဒ်သိးသိးလၢအလွဲၢ်ဖျါဆှံဒီးပှၤဒိးကသ့ၣ်သုးဖိအခိၣ်အနၢ်တဖၣ်, လၢအမ့ၢ်ကယဲၢ်ပှၤဒိၣ်တၢ်ဂ့ၤဖိၣ်သၣ်ခွါသးစၢ်ကိးဂၤဒဲးအဂီၢ်န့ၣ်လီၤ.

လံာ်ယဃ့းစက့လး 23:12 Iomraidhean Croise

လံာ်ယဃ့းစက့လး 16:28

မ့ၢ်လၢပှၤဂၤတဖၣ်တမၤသးမံဒံးနၤဘၣ်အဃိ, နဃ့ၢ်လူၤပိာ်ထွဲ ပှၤအၤၡူၢ်ဖိတဖၣ်အခံန့ၣ်လီၤ. နမ့ၢ်တ့ၢ်အဝဲသ့ၣ်အပှၤဃဲသဲ မုၣ်, ဘၣ်ဆၣ်ဒီးအဝဲသ့ၣ်စ့ၢ်ကီးတမၤသးမံဒံးနၤဘၣ်.

လံာ်ယဃ့းစက့လး 23:13

ယထံၣ်ဘၣ်လၢအဝဲမ့ၢ်ပှၤတဂၤလၢအလုၢ်အလၢ်တဂ့ၤဝဲလ့ၤ တက့ၤဘၣ်, ဒီးလၢဒီပုၢ်ဝဲၢ်မုၣ်ခံဂၤတဂၤအံၤအၢဝဲဒ်သိးဒၣ်အခီၣ်ထံး တဂၤန့ၣ်လီၤ.

လံာ်ယဃ့းစက့လး 23:23

ယကဟဲကိးကယဲၢ်ပှၤဘၤဘူၤလိၣ်ဖိတဖၣ်ဒီးပှၤက့ၤစ့းဖိတဖၣ်, ပှၤပိာ်ခွါတဖၣ်လၢပကိး, ၡိအၤဒီးကိအၤဒီးကယဲၢ်ပှၤအၤၡူၢ် ဖိခဲလၢာ်န့ၣ်လီၤ. ယကပာ်ဖှိၣ်ထီၣ်ကယဲၢ်တူၢ်ဒိၣ်ကီၤဒိၣ်သးစၢ်ခွါလၢအက့ၢ်ဘၣ်ဂီၤ ဂ့ၤခဲလၢာ်ဒီးပဒိၣ်ပပှၢ်တဖၣ်, ကယဲၢ်ပှၤကိးဂၤဒဲးလၢအမ့ၢ်ပှၤခိၣ်ပှၤနၢ်အကါဒိၣ်တဖၣ်ဒီးပှၤ ဒိးကသ့ၣ်ဒုးသုးအခိၣ်တဖၣ်လၢအအိၣ်ဒီးလီၢ်ဒိၣ်လၤထီန့ၣ်လီၤ.

လံာ်ဟိၤၡ့ 2:7

အဝဲကဃ့ၢ်လူၤပိာ်ပှၤလၢအအဲၣ်ဝဲသ့ၣ်တဖၣ်အခံ, ဘၣ်ဆၣ်တချုးန့ၢ်ဝဲဘၣ်. ကဃုအဝဲသ့ၣ်တဖၣ်, ဘၣ်ဆၣ်တထံၣ်န့ၢ်ဘၣ်ဝဲဘၣ်. အန့ၣ်ဒီးအဝဲကစံးဝဲ, ယကက့ၤကဒါက့ၤဆူယဝၤအခီၣ်ထံးတဂၤအအိၣ်လီၤ. အဂ့ၢ်ဒ်အံၤ, အကတီၢ်ဖဲန့ၣ်ဂ့ၤန့ၢ်ဒံးအကတီၢ်ခဲအံၤလၢယဂီၢ်န့ၣ်လီၤ.