လံာ်ယဃ့းစက့လး 22:29 - Sgaw Karen Common Bible

²⁹ ပှၤထူးပှၤတီၤတဖၣ်လီတၢ်ဒီးဂုာ်ဆူၣ်ပျီဆူၣ်တၢ်န့ၣ်လီၤ. အဝဲသ့ၣ်မၤနးမၤဖှီၣ်ပှၤဖှီၣ်ဖိယာ်ဖိတဖၣ်ဒီးဃုအဘျုး အဖှိၣ်ဒၣ်ဝဲလၢပှၤတခီဘီမုၢ်ဖိတဖၣ်အဖီခိၣ်န့ၣ်လီၤ.

လံာ်ယဃ့းစက့လး 22:29 Iomraidhean Croise

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

စံးထီၣ်ပတြၢၤ 94:6

အဝဲသ့ၣ်မၤသံကွံာ် ပှၤမုၣ်ကမဲတဖၣ် ပှၤဖိၣ်ဃဲတဖၣ် ဒီးမၤသံပှၤတခီဘီမုၢ်လၢ အအိၣ်ဆိးလၢ ပထံပကီၢ်အပူၤန့ၣ်လီၤ.

လံာ်တၢ်ဟးထီၣ်ကွံာ် 22:21

မၤတရီတပါမ့တမ့ၢ်မၤနးမၤဖှီၣ်ပှၤတခီဘီမုၢ်ဖိတဂၤန့ၣ်တဂ့ၤ. သ့ၣ်နီၣ်ထီၣ်လၢသုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ် အဲၤကူပတူးအပူၤန့ၣ်တက့ၢ်.

လံာ်တၢ်ဟးထီၣ်ကွံာ် 23:9

မၤတရီတပါပှၤတခီဘီမုၢ်တဂၤတဂ့ၤ. တၢ်မ့ၢ်ပှၤတခီ ဘီမုၢ်ဖိတဂၤန့ၣ်မၤသးဒ်လဲၣ်, သုသ့ၣ်ညါလီၤ. အဂ့ၢ်ဒ်အံၤ, သုမ့ၢ်တ့ၢ်ပှၤတခီဘီမုၢ်ဖိတဖၣ်လၢကီၢ်အဲၤကူပတူးအပူၤလီၤ.

လံာ်ယၡါယၤ 10:2

အန့ၣ်မ့ၢ်ကျဲလၢသုတြီပှၤဖှီၣ်ဖိယာ်ဖိတဖၣ်လၢကဒိးန့ၢ်ဘၣ် အတၢ်ခွဲးတၢ်ယာ်တဖၣ်ဒီးလၢကဒိးန့ၢ်ဘၣ်တၢ်စံၣ်ညီၣ်တီအဂီၢ်လီၤ. လၢကျဲဒ်န့ၣ်န့ၣ်, သုဟံးန့ၢ်တၢ်စုလီၢ်ခီၣ်ခိၣ်လၢအဘၣ်ဃးဒီးမုၣ် ကမဲဒီးဖိၣ်ဃဲတဖၣ်လီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်ယံးရမံယၤ 5:31

ဝံတဖၣ်တကတိၤတၢ်အဂၤဘၣ်မ့ၢ်ဒၣ်ထဲတၢ်လီတၢ်ဝ့ၤ, ပှၤလုၢ်တၢ်အခိၣ်တဖၣ်ပၢတၢ်ဒ်ဝံတဖၣ်အံၤဟ့ၣ်လီၤအကလုၢ်အသိး, ဒီးယပှၤဂီၢ်မုၢ်တဒုးနဲၣ်ဘၣ်အတၢ်သးတလီၤပလိာ်လၢတၢ်ဂ့ၢ်တဖၣ် အံၤအဖီခိၣ်နီတမံၤဘၣ်. ဘၣ်ဆၣ်, ဖဲတၢ်အံၤခဲလၢာ်အကတၢၢ် ဟဲတုၤလံန့ၣ်အဝဲသ့ၣ်ကမၤတၢ်မနုၤလဲၣ်.”

လံာ်ယံးရမံယၤ 6:13

ပှၤကိးဂၤဒဲးဆံးမ့ၢ်ဂ့ၤ, ဒိၣ်မ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 22:7

ပှၤအိၣ်လၢဝ့ၢ်ပူၤတယူးယီၣ်အမိၢ်အပၢ်နီတဂၤဘၣ်. သုလီန့ၢ်ပှၤတခီဘီမုၢ်ဖိတဖၣ်ဒီးသုဟံးန့ၢ်တၢ်အခွဲး အယာ်လၢပှၤမုၣ်ကမဲတဖၣ်ဒီးပှၤဖိၣ်ဃဲတဖၣ်အဖီခိၣ်လီၤ.

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:13

သုတအီၣ်ကဘျံးကဘျၣ်ပှၤလၢသုဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ. ပှၤလၢအဒိးလဲအသးတဂၤအဘူးအလဲ န့ၣ်ဒုးအိၣ်ဒီးနၤသီတနၤကျၢၤတုၤမုၢ်ဆ့ၣ်ထီၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:33

မၤနးမၤဖှီၣ်ပှၤတခီဘီမုၢ်ဖိတဖၣ်လၢအအိၣ်လၢသုကီၢ်ပူၤန့ၣ်တဂ့ၤ.

လံာ်ဧၤမိၣ် 3:10

ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်မံကၤ 3:3

သုအီၣ်ကွံာ်ယပှၤဂီၢ်မုၢ်, အုၣ်ကွံာ်အဖံး, မၤကၢ်ကွံာ်အဃံတဖၣ်, ဒီးကျီပြံအီၤဒ်တၢ်ညၣ်လၢသပၢၤအဂီၢ်အသိးန့ၣ်လီၤ.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်မးသဲ 25:43

ယမ့ၢ်ပှၤသမှံၤဘၣ်ဆၣ် သုတတူၢ်လိာ်ယၤလၢသုဟံၣ်သုဃီဘၣ်. ယအိၣ်ဘ့ၣ်ဆ့ဘၣ်ဆၣ်သုတဒုးကူဒုးသိးယၤဘၣ်. ယဘၣ်ဆူးဘၣ်ဆါဒီးအိၣ်လၢဃိာ်ပူၤဘၣ်ဆၣ်သု တအံးက့ၤကွၢ်က့ၤယၤဘၣ်.’

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.