လံာ်ယဃ့းစက့လး 22:21 - Sgaw Karen Common Bible

²¹ မ့ၢ်လီၤ. ယကပာ်ဖှိၣ်က့ၤအဝဲသ့ၣ်တဖၣ်ဆူဝ့ၢ်ယရူၤၡလ့ၣ်အပူၤ, မၤကဲၤထီၣ်မ့ၣ်အူလၢအဝဲသ့ၣ်အဖီလာ်ဒီးမၤပှံၢ်ထီၣ်အဝဲသ့ၣ် လၢယတၢ်သးကဲၤထီၣ်န့ၣ်လီၤ.

လံာ်ယဃ့းစက့လး 22:21 Iomraidhean Croise

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

စံးထီၣ်ပတြၢၤ 112:10

ပှၤတတီတလိၤထံၣ်ဘၣ်ဝဲတၢ်အံၤဒီး အသးဒိၣ်ထီၣ်လီၤ. အ့ၣ်စဃံးအမဲဒီးပှံၢ်လီၤကွံာ်ဝဲဒၣ်န့ၣ်လီၤ. ပှၤတတီတလိၤအတၢ်ဆၢန့ၢ်ဘၣ်တဖၣ်န့ၣ် တုၤဝဲဆူတၢ်ဟးဂီၤလီၤထူလီၤယိာ်လီၤ.

စံးထီၣ်ပတြၢၤ 21:9

တုၤအအိၣ်ဖျါထီၣ်ဒီး ကမၤဟးဂီၤကွံာ်အဝဲသ့ၣ်ဒ် မ့ၣ်အူအီၣ်ကွံာ်တၢ်အသိးန့ၣ်လီၤ. ယွၤကမၤဟးဂီၤကွံာ်အဝဲသ့ၣ်လၢအတၢ်သးဒိၣ်အပူၤ ဒီးမ့ၣ်အူကအီၣ်ကွံာ်အဝဲသ့ၣ်လီၤ.

စံးထီၣ်ပတြၢၤ 50:3

ပကစၢ်ယွၤဟဲ, ဘၣ်ဆၣ်တမ့ၢ်လၢတၢ်ဘှ့ၣ်တၢ်ဘှီၣ်အပူၤဘၣ်. မ့ၣ်အူအီၣ်တၢ်လၢအမဲာ်ညါဒီး ကလံၤမုၢ်တွၤဆူၣ်ဆူၣ်ကလဲာ်အိၣ်ဝးတရံးအီၤလီၤ.

စံးထီၣ်ပတြၢၤ 68:2

ဒ်မ့ၣ်အူလုၣ်ဒံကွံာ်အသိးန့ၣ်ဟီထီၣ်ကွံာ်အဝဲသ့ၣ်, ဒီးဒ်ဃိးပှံၢ်ဝဲလၢမ့ၣ်အူအမဲာ်ညါအသိးန့ၣ် မ်ပှၤတတီတလိၤဟးဂီၤကွံာ်လၢ ကစၢ်ယွၤအမဲာ်ညါန့ၣ်တက့ၢ်.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 64:2

အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 8:13

ဒ်ပှၤတဂၤပာ်ဖှိၣ်အတၢ်ကူးက့ၤအသိးန့ၣ်, ယသးအိၣ်ပာ်ဖှိၣ်က့ၤ ယပှၤဂီၢ်မုၢ်လီၤ. ဘၣ်ဆၣ်ဒီးအဝဲသ့ၣ်လီၤဂာ်ဒီးစပံးမုၢ်တမုၢ်လၢ စပံးသၣ်တအိၣ်ဘၣ်အသိး, ချၢၣ်ဒၢတထူၣ်လၢချၢၣ်ဒၢသၣ်တအိၣ် ဘၣ်အသိး, ဒီးအသၣ်တဖၣ်ဒၣ်လဲာ်ဃ့ထီကွံာ်ဝဲလံန့ၣ်လီၤ. လၢတၢ်န့ၣ်အဃိ, ယပျဲတ့ၢ်ပှၤလၢတၢ်ချၢတဖၣ်ကဟံးန့ၢ်ကွံာ် ထံကီၢ်လီၤ.

လံာ်ယံးရမံယၤ 9:7

လၢတၢ်အံၤအဃိယွၤသ့တၢ်လၢာ်စံးဝဲဒၣ်, “ယကပှံၢ်ယပှၤဂီၢ်မုၢ်ဒ်တိၢ်စ့ထးအသိး, ဒီးမၤကွၢ်အဝဲသ့ၣ်န့ၣ်လီၤ. ယပှၤဂီၢ်မုၢ်မၤတ့ၢ်တၢ်အၢတၢ်သီလံ. ယသူအဝဲသ့ၣ်လၢတၢ်အဂုၤအဂၤအဂီၢ်ကသ့ဒ်လဲၣ်.

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်သိၣ်လီၤသီလီၤတၢ် 29:20

ယွၤတပျၢ်ကွံာ်ပှၤဒ်န့ၣ်အသိးတဂၤအတၢ်ကမၣ်ဘၣ်, အခိၣ်တလိာ်, ယွၤအတၢ်သးကဲၤထီၣ်ကကဲၤကပျီၤထီၣ်ဘၣ်ထီဒါအီၤ, ဒီးကယဲၢ်တၢ်တတၢးတနါတဖၣ်လၢအအိၣ်ကွဲးအသးလၢလံာ်အံၤအပူၤ ကလီၤဘၣ်လၢအလိၤ, တုၤလၢယွၤမၤဟးဂီၤကွံာ်အီၤလၢာ်လၢာ်ဆ့ဆ့တစုန့ၣ်လီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.