လံာ်ယဃ့းစက့လး 22:20 - Sgaw Karen Common Bible

²⁰ ဒ်ကျဲတဘိဃီလၢထးသံကိၣ်လိၣ်လၢအမ့ၢ်စ့, တိၢ်ဂီၤ, ထး, စၢၢ်ဒီးပှာ်ဝါဘၣ်တၢ်ဒၢနုာ်အီၤဆူဖၣ်ကပူၤတခါလၢအမၤ ကဆှီထီၣ်တၢ်အပူၤအသိးန့ၣ်လီၤ. ယတၢ်သးဒိၣ်ဒီးယတၢ်သးကဲၤထီၣ်ကမၤပှံၢ်ထီၣ်အဝဲသ့ၣ်ဒ်မ့ၣ်အူ မၤပှံၢ်ထီၣ်ထးသံကိၣ်လိၣ်အသိးန့ၣ်လီၤ.

လံာ်ယဃ့းစက့လး 22:20 Iomraidhean Croise

လံာ်ယၡါယၤ 1:25

ယကမၤတၢ်ထီဒါသုလီၤ. ယကမၤကဆှီသုဒ်တိၢ်ဧိၤထးဧိၤဘၣ်တၢ်မၤဆှံထီၣ်အီၤအသိး ဒီးသုးကွံာ်ကယဲၢ်သုတၢ်တကဆှီခဲလၢာ်န့ၣ်လီၤ.

လံာ်ယၡါယၤ 54:16

ယတ့လီၤပာ်လီၤပှၤပိာ်ထးလၢအမၤကဲၤထီၣ်မ့ၣ်အူဒီးပိာ်စု ကဝဲၤတဖၣ်လီၤ. ယတ့လီၤစ့ၢ်ကီးပှၤသုးဖိလၢအသူတၢ်စုကဝဲၤ တဖၣ်န့ၣ်လၢကမၤသံတၢ်အဂီၢ်လီၤ.

လံာ်ယံးရမံယၤ 4:20

တၢ်တတၢးတနါတမံၤပိာ်ထွဲအဂၤတမံၤအခံလီၤ. ထံကီၢ်ဒီဘ့ၣ်အိၣ်လီၤတဲာ်လၢတၢ်ဟးဂီၤတဖၣ် အပူၤလီၤ. သတူၢ်ကလာ်ပအိၣ်ဆိးအဒဲတဖၣ်ဘၣ် တၢ်မၤဟးဂီၤအီၤ ဒီးအယၣ်ဘျးသဒၢတဖၣ်ဘၣ်တၢ်ဖှီယာ်ကွံာ်အီၤ အက့က့အခီခီန့ၣ်လီၤ.

လံာ်ယံးရမံယၤ 8:13

ဒ်ပှၤတဂၤပာ်ဖှိၣ်အတၢ်ကူးက့ၤအသိးန့ၣ်, ယသးအိၣ်ပာ်ဖှိၣ်က့ၤ ယပှၤဂီၢ်မုၢ်လီၤ. ဘၣ်ဆၣ်ဒီးအဝဲသ့ၣ်လီၤဂာ်ဒီးစပံးမုၢ်တမုၢ်လၢ စပံးသၣ်တအိၣ်ဘၣ်အသိး, ချၢၣ်ဒၢတထူၣ်လၢချၢၣ်ဒၢသၣ်တအိၣ် ဘၣ်အသိး, ဒီးအသၣ်တဖၣ်ဒၣ်လဲာ်ဃ့ထီကွံာ်ဝဲလံန့ၣ်လီၤ. လၢတၢ်န့ၣ်အဃိ, ယပျဲတ့ၢ်ပှၤလၢတၢ်ချၢတဖၣ်ကဟံးန့ၢ်ကွံာ် ထံကီၢ်လီၤ.

လံာ်ယဃ့းစက့လး 22:19

အဃိခဲကနံၣ်အံၤယၤယွၤပၢဘၣ်တၢ်ခဲလၢာ်အကစၢ်တဲဘၣ်အဝဲသ့ၣ်လၢ အဝဲသ့ၣ်တဖၣ်အဘျုးတအိၣ်ဘၣ်ဒ်န့ၣ်အသိးလီၤ. ယကဟဲစိာ်အဝဲသ့ၣ်တပူၤဃီဆူဝ့ၢ်ယရူၤၡလ့ၣ်အပူၤ

လံာ်ယဃ့းစက့လး 22:21

မ့ၢ်လီၤ. ယကပာ်ဖှိၣ်က့ၤအဝဲသ့ၣ်တဖၣ်ဆူဝ့ၢ်ယရူၤၡလ့ၣ်အပူၤ, မၤကဲၤထီၣ်မ့ၣ်အူလၢအဝဲသ့ၣ်အဖီလာ်ဒီးမၤပှံၢ်ထီၣ်အဝဲသ့ၣ် လၢယတၢ်သးကဲၤထီၣ်န့ၣ်လီၤ.

လံာ်ယဃ့းစက့လး 22:31

လၢတၢ်န့ၣ်အဃိယကလူလီၤဂာ်လီၤယတၢ်သးထီၣ်လၢအဝဲသ့ၣ် တဖၣ်အဖီခိၣ်ဒီးဒ်မ့ၣ်အူအသိးယကမၤဟးဂီၤကွံာ်အဝဲသ့ၣ် လၢတၢ်လၢအဝဲသ့ၣ်တဖၣ်မၤတ့ၢ်ဝဲအဃိန့ၣ်လီၤ.” ယွၤပၢဘၣ်တၢ်ခဲလၢာ်အကစၢ်ကတိၤလံတၢ်လံ.

လံာ်ယဃ့းစက့လး 24:13

ဝ့ၢ်ယရူၤၡလ့ၣ်ဧၢ, နလုၢ်အၢလၢ်သီအတၢ်မၤတဖၣ်မၤဘၣ်အၢတ့ၢ်နၤ န့ၣ်လီၤ. ယမ့ၢ်ဂုာ်ကျဲးစၢးမၤကဆှီထီၣ်နၤဘၣ်ဆၣ်, နအိၣ်ဒံးဒၣ်လၢတၢ်ဘၣ်အၢဘၣ်သီအပူၤန့ၣ်လီၤ. တချုးလၢနကလၢၢ်ဘၣ်ယတၢ်သးထီၣ်ဆူၣ်အသဟီၣ်ဒံးဘၣ်န့ၣ်, နတကဆှီထီၣ်က့ၤကဒီးတဘျီဘၣ်န့ၣ်လီၤ.

လံာ်ယဃ့းစက့လး 36:18

ယဒုးကလၢၢ်ဘၣ်အဝဲသ့ၣ်လၢယတၢ်သးကဲၤထီၣ်အသဟီၣ်အဆူၣ်, လၢတၢ်မၤသံတဖၣ်လၢအဝဲသ့ၣ်မၤတ့ၢ်ဝဲလၢကီၢ်ပူၤဒီးလၢတၢ်ဂီၤ တၢ်ဖီၣ်တဖၣ်လၢအဝဲသ့ၣ်မၤဘၣ်အၢကီၢ်အဃိန့ၣ်လီၤ.

လံာ်ဟိၤၡ့ 8:10

ဘၣ်ဆၣ်ခဲကနံၣ်အံၤယကပာ်ဖှိၣ်အဝဲသ့ၣ်ခဲလၢာ်ဒီးစံၣ်ညီၣ် အဝဲသ့ၣ်တဖၣ်လီၤ. တယံာ်ဘၣ်ဒီးအဝဲသ့ၣ်ကဝံာ်ပကံးအသးလၢတၢ်ဆူးတၢ်ဆါအပူၤဖဲ ကီၢ်အၤၡူၢ်အစီၤပၤဖးဒိၣ်မၤနးမၤဖှီၣ်အီၤအခါန့ၣ်လီၤ.