လံာ်ယဃ့းစက့လး 22:19 - Sgaw Karen Common Bible

¹⁹ အဃိခဲကနံၣ်အံၤယၤယွၤပၢဘၣ်တၢ်ခဲလၢာ်အကစၢ်တဲဘၣ်အဝဲသ့ၣ်လၢ အဝဲသ့ၣ်တဖၣ်အဘျုးတအိၣ်ဘၣ်ဒ်န့ၣ်အသိးလီၤ. ယကဟဲစိာ်အဝဲသ့ၣ်တပူၤဃီဆူဝ့ၢ်ယရူၤၡလ့ၣ်အပူၤ

လံာ်ယဃ့းစက့လး 22:19 Iomraidhean Croise

စံးထီၣ်ပတြၢၤ 119:119

ကယဲၢ်ပှၤတတီတလိၤခဲလၢာ်လၢဟီၣ်ခိၣ်ချၢန့ၣ်, နတ့ၢ်လီၤကွံာ်အီၤဒ်တၢ်ကမှံၤကမှီာ် အသိးန့ၣ်လီၤ. မၤသးဒ်န့ၣ်ဒီး ယအဲၣ်နတၢ်အုၣ်နသးတဖၣ်န့ၣ်လီၤ.

လံာ်ယၡါယၤ 1:25

ယကမၤတၢ်ထီဒါသုလီၤ. ယကမၤကဆှီသုဒ်တိၢ်ဧိၤထးဧိၤဘၣ်တၢ်မၤဆှံထီၣ်အီၤအသိး ဒီးသုးကွံာ်ကယဲၢ်သုတၢ်တကဆှီခဲလၢာ်န့ၣ်လီၤ.

လံာ်ယဃ့းစက့လး 11:7

လၢတၢ်န့ၣ်အဃိဒီး, အအံၤမ့ၢ်တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်သုန့ၣ်လီၤ. ဝ့ၢ်အံၤမ့ၢ်တၢ်တ့ၤအီၣ်ဖီအီၣ်အသပၢၤတဖျၢၣ်ကစီဒီ, ဘၣ်ဆၣ်တၢ်ညၣ်မ့ၢ်တၢ်မနုၤလဲၣ်. မ့ၢ်တၢ်အစိၣ်တဖၣ်လၢသုမၤသံ တ့ၢ်န့ၣ်လီၤ. သုတအိၣ်ဘၣ်ဖဲအံၤလၢၤဘၣ်. ယကကွံာ်ထီၣ်သုလၢဝ့ၢ်အံၤအချၢလီၤ.

လံာ်ယဃ့းစက့လး 22:20

ဒ်ကျဲတဘိဃီလၢထးသံကိၣ်လိၣ်လၢအမ့ၢ်စ့, တိၢ်ဂီၤ, ထး, စၢၢ်ဒီးပှာ်ဝါဘၣ်တၢ်ဒၢနုာ်အီၤဆူဖၣ်ကပူၤတခါလၢအမၤ ကဆှီထီၣ်တၢ်အပူၤအသိးန့ၣ်လီၤ. ယတၢ်သးဒိၣ်ဒီးယတၢ်သးကဲၤထီၣ်ကမၤပှံၢ်ထီၣ်အဝဲသ့ၣ်ဒ်မ့ၣ်အူ မၤပှံၢ်ထီၣ်ထးသံကိၣ်လိၣ်အသိးန့ၣ်လီၤ.

လံာ်မံကၤ 4:12

ဘၣ်ဆၣ်ဒီးပှၤကလုာ်တဖၣ်အံၤတသ့ၣ်ညါဝဲ တၢ်အိၣ်လၢယွၤအသးပူၤဘၣ်. အနၢ်တပၢၢ်ဘၣ်ဝဲလၢဘၣ်တၢ်ထၢဖှိၣ်အီၤတပူၤဃီလၢတၢ်စံၣ်ညီၣ် အဂီၢ်ဒ်ဘုကဒိၣ်လၢတၢ်စိာ်အီၤဒ်သိးတၢ်ကယီၢ်လီၤအီၤအသိးန့ၣ်ဘၣ်.

လံာ်မးသဲ 13:30

ပျဲအဝဲသ့ၣ်ခံကလုာ်လၢာ်ဒိၣ်ထီၣ်တပူၤဃီတက့ၢ်. တုၤကူးဘုအကတီၢ်ဘၣ်ဒီးယကစံးဘၣ်ပှၤကူးဘုဖိတဖၣ်လၢ အကထဲးထီၣ်ဆိနီၣ်စံစၣ်, စၢကဒိၣ်အီၤတကဒိၣ်ဘၣ်တကဒိၣ် ဒီးဆူးထီၣ်ကွံာ်အီၤလၢမ့ၣ်အူအပူၤလီၤ. မ့မ့ၢ်ဘုဧိၤဟုဧိၤန့ၣ်ယကမၢအထၢဖှိၣ်ဝဲဒီးဂၢ်ဖှိၣ်လၢယဖီပူၤလီၤ.’ ”