လံာ်ယဃ့းစက့လး 22:16 - Sgaw Karen Common Bible

¹⁶ ဒီးလၢတၢ်န့ၣ်အဃိ, ပှၤကလုာ်တဖၣ်ကဒုၣ်ဒွဲၣ်စံးအၢနၤ, ဘၣ်ဆၣ်နကသ့ၣ်ညါနဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 22:16 Iomraidhean Croise

လံာ်စီၤပၤအခီၣ်ထံးတဘ့ၣ် 20:13

အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

စံးထီၣ်ပတြၢၤ 83:18

မ်အဝဲသ့ၣ်, သ့ၣ်ညါလၢထဲနၤတဂၤဧိၤန့ၣ်နမ့ၢ်ယွၤ, ပှၤပၢတၢ်အဒိၣ်ကတၢၢ်လၢဟီၣ်ခိၣ်ချၢန့ၣ်တက့ၢ်.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

စံးထီၣ်ပတြၢၤ 9:17

ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

လံာ်တၢ်ဟးထီၣ်ကွံာ် 8:22

ဘၣ်ဆၣ်ယကပျဲပူၤကီၢ်ကိၡ့ၣ်ဖဲယပှၤဂီၢ်မုၢ်တဖၣ်အိၣ်ဝဲဆိးဝဲဒ် သိးသၣ်ဘုလါသုတအိၣ်ဖဲန့ၣ်နီတဘ့ၣ်တဂ့ၤန့ၣ်လီၤ. ယကမၤတၢ်အံၤဒ်သိးနကသ့ၣ်ညါလၢ, ယၤ, ယွၤအံၤယမ့ၢ်ပှၤလၢအမၤတၢ်အံၤလၢကီၢ်အံၤအပူၤလီၤ.

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 43:28

ဒီးနပှၤပၢတၢ်တဖၣ်မၤတရီတပါယလီၢ်စီဆှံလီၤ. လၢတၢ်န့ၣ်အဃိ, ယဟဲစိာ်တ့ၢ်တၢ်ဟးဂီၤလၢ ကီၢ်အံၣ်စရ့လးအဖီခိၣ် ဒီးယပျဲယပှၤဂီၢ်မုၢ်ဒၣ်ယဲဘၣ်တၢ်မၤအီၤ တရီတပါလီၤ.”

လံာ်ယၡါယၤ 47:6

ယသးဒိၣ်သးထီၣ်တ့ၢ်ဘၣ်ယပှၤဂီၢ်မုၢ်လီၤ. ယတပာ်အဝဲသ့ၣ်ဒ်အမ့ၢ် ယတၢ်ဒၣ်ယဲအသိးလၢၤဘၣ်. ယပာ်အဝဲသ့ၣ်လၢနစိကမီၤအဖီလာ် ဒီးနတဒုးနဲၣ်တၢ်သးကညီၤလၢအဝဲသ့ၣ်နီတစဲးဘၣ်. ပှၤသူၣ်က့သးပှၢ်တဖၣ်ဒၣ်လဲာ် နမၤအီၤဆူၣ်ဆူၣ်ကိၤကိၤလီၤ.

လံာ်ယဃ့းစက့လး 22:17

ယွၤစံးဘၣ်ယၤ, “ပှၤကညီလၢအသံသ့ဧၢ, ပှၤအံၣ်စရ့လးဖိတဖၣ်အဘျုးတအိၣ်လၢယဂီၢ် နီတမံၤဘၣ်. အဝဲသ့ၣ်တဖၣ်လီၤဂာ်ဒီးတိၢ်ဂီၤ, ပှာ်ဝါ, ထးဒီးပှာ်သူတဖၣ်လၢအတဂိာ်တသီၣ်ဘၣ်တၢ်, လၢအမ့ၢ်တၢ်လၢအအိၣ်လီၤတဲာ်တ့ၢ်ဖဲစ့န့ၣ်ဘၣ်တၢ်ပှံၢ်အီၤလၢဖၣ် ကပူၤအခါဝံၤအလီၢ်ခံန့ၣ်လီၤ.

လံာ်ယဃ့းစက့လး 25:3

တဲဘၣ်အဝဲသ့ၣ်လၢကဒိကနၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်တက့ၢ်. သုဘၣ်သူၣ်ဘၣ်သးတ့ၢ်လၢသုထံၣ်ဘၣ်ယတၢ်လုၢ်ဟံၣ်ဘၣ်တၢ်မၤ တရီတပါအီၤ, သုထံၣ်ဘၣ်ကီၢ်အံၣ်စရ့လးဘၣ်တၢ်မၤဟးဂီၤဒီးမၤအိၣ်သယုၢ်အီၤ, သုထံၣ်ဘၣ်ကီၢ်ယူဒၤအပှၤဂီၢ်မုၢ်လဲၤဆူတၢ်စိာ်မၢကဲကုၢ်အပူၤ အဃိန့ၣ်လီၤ.

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်ယဃ့းစက့လး 6:7

ပှၤဂီၢ်မုၢ်ကဘၣ်တၢ်မၤသံအီၤလၢတၢ်လီၢ်ကိးပူၤဒဲး, ဒီးပှၤတဖၣ်လၢအအိၣ်လီၤတဲာ်တၢ်န့ၣ်, ကသ့ၣ်ညါအၢၣ်လီၤအီလီၤဝဲ လၢယမ့ၢ်ယွၤန့ၣ်လီၤ.

လံာ်ယဃ့းစက့လး 7:24

ယကဒုးဟဲနုာ်ပှၤကလုာ်လၢအအၢကတၢၢ်တဖၣ်ဖဲအံၤဒီးပျဲ အဝဲသ့ၣ်မၤန့ၢ်ကွံာ်သုဟံၣ်သုဃီတဖၣ်န့ၣ်လီၤ. ဖဲယပျဲပှၤကလုာ်တဖၣ်မၤတကဆှီတၢ်လီၢ်တဖၣ်လၢသုဘူၣ်ထီၣ်ဘါထီၣ် တၢ်န့ၣ်, သုပှၤတဖၣ်လၢအဂံၢ်ဆူၣ်ဘါဆူၣ်ကတၢၢ်န့ၣ်အတၢ် နာ်န့ၢ်လီၤသးကလီၤမၢ်ကွံာ်ဝဲန့ၣ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.