လံာ်ယဃ့းစက့လး 22:11 - Sgaw Karen Common Bible

¹¹ အဝဲသ့ၣ်တနီၤမၤတၢ်မၤကမၣ်မုၣ်ကမၣ်ခွါ, ဒီးအဂၤတနီၤ ကလံာ်န့ၢ်အဒဲၣ်မုၣ်ဒၣ်ဝဲမ့ၢ်ဂ့ၤအဒီပုၢ်ဝဲၢ်မုၣ်လၢအမ့ၢ်အပၢ် အဖိမုၣ်ဘၣ်ဆၣ်အမိၢ်တမ့ၢ်တဂၤဃီဒီးအဝဲအမိၢ်ဘၣ်မ့ၢ်ဂ့ၤန့ၣ်လီၤ.

လံာ်ယဃ့းစက့လး 22:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:1

စီၤဒၤဝံးအဖိခွါစီၤအးဘၡါလိၣ်အိၣ်ဒီးအဒီပုၢ်ဝဲၢ်မုၣ်, မုၣ်ကနီၤဃံလၤတဂၤလၢအမံၤမ့ၢ်ဝဲနီၢ်တၤမၢ်န့ၣ်လီၤ. စီၤဒၤဝံးအဖိခွါအဂၤတဂၤလၢအမံၤမ့ၢ်ဝဲစီၤအၤမနိၣ် အဲၣ်ဘၣ်ဝဲဒၣ်ပိာ်မုၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:11

ဖဲအဝဲဟ့ၣ်အီၤလၢကိၣ်တဖၣ်အခါန့ၣ်, စီၤအၤမနိၣ်စှီၤတံၢ်ဃးအီၤဒီးစံးဝဲဒၣ်, “ဟဲမံဃုာ်ဒီးယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 13:14

ဘၣ်ဆၣ်ဒီးအဝဲတကနၣ်ဘၣ်ပိာ်မုၣ်န့ၣ်ဘၣ်. ဒီးမ့ၢ်လၢအဝဲအဂံၢ်အဘါဆူၣ်န့ၢ်ပိာ်မုၣ်န့ၣ်အဃိ အဝဲမၤနၢၤကွံာ်အီၤဒီးမၤဆူၣ်မၤစိးအီၤန့ၣ်လီၤ.

လံာ်ယံးရမံယၤ 29:23

တၢ်အံၤကမ့ၢ်အဝဲသ့ၣ်အဘူၣ်အတီၢ်မ့ၢ်လၢ အဝဲသ့ၣ်အတၢ် ကမၣ် အိၣ်လၢ အမၤတၢ်ဒဲးဘးလၢ အလီၤပျံၤလီၤဖုးတဖၣ် အဃိန့ၣ်လီၤ. အဝဲသ့ၣ်မၤကမၣ်မုၣ်ကမၣ်ခွါဒီး တဲတၢ်လီတၢ်ဝ့ၤတဖၣ် လၢယွၤအမံၤအပူၤန့ၣ်လီၤ. တၢ်အံၤမ့ၢ်တၢ်ထီဒါယွၤအတၢ် ဘၣ်အသးန့ၣ်လီၤ. ယွၤသ့ၣ်ညါတၢ်လၢဝဲသ့ၣ်မၤတ့ၢ်ဝဲ, ဒီးအဝဲမ့ၢ်ပှၤအုၣ်အသးထီဒါအဝဲသ့ၣ်န့ၣ်လီၤ.”

လံာ်ယံးရမံယၤ 9:2

ယသးအိၣ်မးလၢယကအိၣ်ဒီးတၢ်လီၢ်တတီၤလၢမဲးမုၢ်ခိၣ်ဖဲ ယအိၣ်ယံၤကွံာ်ဒီးယပှၤဂီၢ်မုၢ်ကသ့ဝဲလီၤ. အဝဲသ့ၣ်ခဲလၢာ်တသူၣ်တီသးရၤဘၣ်. ဒီးမ့ၢ်ပှၤပူထီၣ်လီထီၣ်တၢ်တဖုန့ၣ်လီၤ.

လံာ်ယဃ့းစက့လး 18:11

တၢ်လၢအပၢ်တမၤနီတမံၤနီတစုဘၣ်န့ၣ်လီၤ. အဝဲအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤဆူ တၢ်လုၢ်လီၢ်တဖၣ်လၢတၢ်တြီအီၤဒီးကလံာ်န့ၢ်ပိာ်ခွါအဂၤ အမါတဖၣ်န့ၣ်လီၤ.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 33:26

သုသန့ၤထီၣ်သုသးလၢသုနးတဖၣ်န့ၣ်လီၤ. သုတၢ်ဖံးတၢ်မၤ တဖၣ်လီၤသးဘၣ်အၢန့ၣ်လီၤ. ပှၤကိးဂၤဒဲးမၤတၢ်မၤကမုၣ် ကမၣ်ခွါန့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သု တၢ်န့ၣ်လဲၣ်.

လံာ်တၢ်ဘူၣ်ထီၣ်ဘါထီၣ် 18:15

သုတမံဃုာ်ဒီးနဒဲၣ်မုၣ်တဂ့ၤ. အဝဲန့ၣ်မ့ၢ်နဖိခွါအမါလီၤ.

လံာ်တၢ်ဘူၣ်ထီၣ်ဘါထီၣ် 18:20

သုတမံဃုာ်ဒီးပှၤလၢနဃၢၤအမါန့ၣ်တဂ့ၤ. တၢ်န့ၣ်ကမၤတ ကဆှီနၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:6

ဒီးယွၤဟ့ၣ်လီၤတၢ်သိၣ်တၢ်ဘျၢတဖၣ်ဒ်လၢလာ်အသိးန့ၣ်လီၤ. မံဃုာ်ဒီးပှၤတဂၤလၢ်လၢ်လၢအမ့ၢ်သုဘူးသုတံၢ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 18:9

နဒီပုၢ်ဝဲၢ်မုၣ်တံၢ်နီၢ်မ့တမ့ၢ်နပၢ်အဖိမုၣ်မ့ တမ့ၢ်နမိၢ်အဖိမုၣ်, နဒီပုၢ်ဝဲၢ်မုၣ်ယၢ်လၢအအိၣ်ဖျဲၣ်ထီၣ်ဒီး နၤတဟံၣ်ဃီမ့ၢ်ဂ့ၤ, လၢအအိၣ်ဖျဲၣ်လၢတၢ်လီၢ်အဂၤမ့ၢ်ဂ့ၤ န့ၣ်သုတမံဃုာ်ဒီးအီၤတဂ့ၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်တၢ်ဘူၣ်ထီၣ်ဘါထီၣ် 20:12

ဒီးပှၤလၢအမံဃုာ်ဒီးအဒဲၣ်မုၣ်န့ၣ်, ကဘၣ်တၢ်မၤသံကွံာ်အီၤခံဂၤလိာ်န့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:17

ပှၤလၢအဟံးန့ၢ်အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့တမ့ၢ်အမိၢ်အဖိ မုၣ်မ့ၢ်ဂ့ၤကဘၣ်တၢ်မၤမဲာ်ဆှးအီၤလၢကမျၢၢ်အမဲာ်ညါဒီးကဘၣ် တၢ်နီၣ်ဟးထီၣ်ကွံာ်အီၤလၢကမျၢၢ်အကျါန့ၣ်လီၤ. မ့ၢ်လၢအမံဃုာ်ဒီးအဒီပုၢ်ဝဲၢ်မုၣ်အဃိကဘၣ် တူၢ်အတၢ်ဒဲးဘးအဘူးအလဲန့ၣ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

ကလၤတံ 5:19

တၢ်လၢတၢ်ဖံးတၢ်ညၣ်အတၢ်မၤန့ၣ်, အိၣ်ဖျါဝဲဒၣ်ဆှံဆှံလီၤ. အိၣ်ဖျါဝဲဒၣ်ခီဖျိတၢ်မၤကမၣ်မုၣ်ကမၣ်ခွါ, တၢ်အိၣ်မူတကဆှီ, တၢ်ကလုာ်ကလိၤတဖၣ်,

လံာ်သိၣ်လီၤသီလီၤတၢ် 22:22

ပိာ်ခွါတဂၤမ့ၢ်ဘၣ်တၢ်ဖီၣ်န့ၢ်အီၤလၢအမံဃုာ်ဒီးပှၤအဂၤတဂၤ အမါအဃိန့ၣ်, အဝဲသ့ၣ်ခံဂၤလိာ်ကဘၣ်တၢ်မၤသံကွံာ်အီၤန့ၣ်လီၤ. လၢကျဲဒ်သိးအံၤန့ၣ်သုကပူၤဖျဲးဒီးတၢ်အၢတၢ်သီ အံၤန့ၣ်လီၤ.

လံာ်သိၣ်လီၤသီလီၤတၢ် 27:22

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမံဃုာ်ဒီးအဒီပုၢ်ဝဲၢ်မုၣ်ဒၣ်ဝဲမ့ၢ်ဂ့ၤ, အဒီပုၢ်ဝဲၢ်မုၣ်လၢအမ့ၢ်အမိၢ်အဖိမုၣ်မ့တမ့ၢ်အပၢ်အဖိမုၣ်မ့ၢ် ဂ့ၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.