လံာ်ယဃ့းစက့လး 22:10 - Sgaw Karen Common Bible

¹⁰ အဝဲသ့ၣ်တနီၤမံဃုာ်ဒီးအပၢ်အမါန့ၣ်လီၤ. အဝဲသ့ၣ်တနီၤမၤဆူၣ်ပိာ်မုၣ်တဖၣ်လၢကမံဃုာ်ဂဲၤဃုာ်ဒီးအီၤ ဖဲအသွံၣ်ဟဲထံဟဲအဆၢကတီၢ်လီၤ.

လံာ်ယဃ့းစက့လး 22:10 Iomraidhean Croise

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 49:4

နလီၤဂာ်ဒ်ထံဒိၣ်ခိၣ်ယွၤတပျုာ်တပျီၤတမံၤအသိး, ဘၣ်ဆၣ်နတမ့ၢ်ပှၤအကါဒိၣ်ကတၢၢ်ဘၣ်. အဂ့ၢ်ဒ်အံၤ, နမံဃုာ်တ့ၢ်ဒီးယသံၣ်မါဒီးနမၤလီၤနပၢ်အလီၢ်မံ အသူးအသ့ၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:1

အအံၤမ့ၢ်စီၤယၤကိာ်အဖိခွါဝဲၢ်ကိစီၤရူၤဘ့ၣ်အစၢၤအသွဲၣ် တဖၣ်န့ၣ်လီၤ. (မ့ၢ်လၢအဝဲအိၣ်ဃုာ်ဒီးအပၢ်အသံၣ်မါတဖၣ်အကျါတဂၤအဃိ, တၢ်ခွဲးတၢ်ယာ်တဖၣ်လၢအဘၣ်ဃးဒီးဖိဝဲၢ်ကိလီၤမၢ်ကွံာ်န့ၢ် အီၤ, ဒီးတၢ်ခွဲးတၢ်ယာ်တဖၣ်န့ၣ်ဘၣ်တၢ်ဟ့ၣ်လီၤကွံာ်အီၤဆူစီၤယိၤ သးန့ၣ်လီၤ.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 18:19

သုတမံဃုာ်ဒီးပိာ်မုၣ်တဂၤလၢအသွံၣ်ဟဲန့ၣ်တဂ့ၤ. အဂ့ၢ်ဒ်အံၤ, ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်အဝဲ တကဆှီဝဲဒၣ်ဘၣ်.

လံာ်တၢ်ဘူၣ်ထီၣ်ဘါထီၣ် 18:6

ဒီးယွၤဟ့ၣ်လီၤတၢ်သိၣ်တၢ်ဘျၢတဖၣ်ဒ်လၢလာ်အသိးန့ၣ်လီၤ. မံဃုာ်ဒီးပှၤတဂၤလၢ်လၢ်လၢအမ့ၢ်သုဘူးသုတံၢ်န့ၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 20:11

ဒီးပှၤလၢအမံဃုာ်ဒီးအပၢ်အမါတဂၤန့ၣ်မ့ၢ်အမၤမဲာ်ဆှးအပၢ်လီၤ. ဒီးကဘၣ်တၢ်မၤသံကွံာ်အီၤခံဂၤလိာ်န့ၣ်လီၤ. အဝဲသ့ၣ်အိၣ်ဒီးတၢ်ကမၣ်လၢကြၢးဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:18

ပှၤလၢအမံဃုာ်ဒီးပိာ်မုၣ်တဂၤဖဲအသွံၣ်ဟဲအကတီၢ် န့ၣ်အဝဲသ့ၣ်ခံဂၤလိာ်ကဘၣ်တၢ်နီၣ်ဟးကွံာ်အီၤလၢကမျၢၢ် အကျါလီၤ. အဂ့ၢ်ဒ်အံၤ, မ့ၢ်လၢအခီပတာ်တၢ်သိၣ်တၢ်သီဘၣ်ဃးဒီးတၢ်တ ကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးအဃိန့ၣ်လီၤ.

လံာ်ဧၤမိၣ် 2:7

အဝဲသ့ၣ်ယီၢ်တံၢ်လီၤပှၤဂံၢ်စၢ်ဘါစၢ်ဒီးပှၤလၢတၢ်မၤစၢၤအီၤ တအိၣ်ဒီးဆီၣ်ဖျိးကွံာ်ပှၤဖှီၣ်ဖိယာ်ဖိလၢအကျဲန့ၣ်လီၤ. ပှၤတဂၤဒီးအပၢ်မံဃုာ်ဒီးကုၢ်ပိာ်မုၣ်တဂၤဃီဒီးမၤဘၣ် အၢဘၣ်သီယမံၤစီဆှံန့ၣ်လီၤ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

လံာ်သိၣ်လီၤသီလီၤတၢ် 27:20

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမၤမဲာ်ဆှးအပၢ်ခီဖျိမံဃုာ်ဒီးအပၢ်အမါတဖၣ်အကျါတဂၤ ဂၤန့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

လံာ်သိၣ်လီၤသီလီၤတၢ် 27:23

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢအမံဃုာ်ဒီးအမံၤပှၢ်ပိာ်မုၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”