လံာ်ယဃ့းစက့လး 21:7 - Sgaw Karen Common Bible

⁷ တုၤအဝဲသ့ၣ်သံကွၢ်နၤ, ဘၣ်မနုၤအဃိလၢနကအုကစွါလဲၣ်န့ၣ်, တဲဘၣ်အဝဲသ့ၣ်လၢတၢ်န့ၣ်မ့ၢ်လၢတၢ်ကစီၣ်လၢအကဟဲဝဲ အဃိန့ၣ်လီၤ. ဖဲအဟဲတုၤန့ၣ်အဝဲသ့ၣ်အသးတဖၣ်ကပှဲၤဝဲဒီး တၢ်ပျံၤတၢ်ဖုး, အဝဲသ့ၣ်အစုတဖၣ်ကလီၤဘျ့ကွံာ်, အဝဲသ့ၣ်အတၢ်သူၣ်ဒူသးဒူကလီၤမၢ်ကွံာ်ဒီးအဝဲသ့ၣ်အခီၣ်လ့ၢ်ခိၣ် တဖၣ်ကကနိးကစုာ်ဝဲန့ၣ်လီၤ. တၢ်ဆၢကတီၢ်တုၤဃီၤလံ. မ့ၢ်ခဲကနံၣ်အံၤလီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 21:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:10

အန့ၣ်ဒီးပှၤအဒူကတၢၢ်လၢတပျံၤဘၣ်တၢ်ဒ်ခ့ယုၢ်တဖၣ်အသိးဒၣ်လဲာ်န့ၣ်ကပျံၤတၢ်လီၤ. အဂ့ၢ်ဒ်အံၤ, ပှၤကိးဂၤဒဲးလၢကီၢ်အံၣ်စရ့လးအပူၤန့ၣ်သ့ၣ်ညါ ဝဲလၢနပၢ်န့ၣ်မ့ၢ်ပှၤသုးဖိစဲၣ်နီးတဂၤဒီးအဝဲအပှၤတဖၣ်မ့ၢ် ပှၤဒုးတၢ်ဆူၣ်မးန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:12

လၢတၢ်န့ၣ်အဃိယၤ, ယွၤအံၣ်စရ့လးအကစၢ်ယွၤ, ယကဒုးဟဲဘၣ်တၢ်တတၢးတနါဒ်န့ၣ်တမံၤလၢဝ့ၢ်ယရူၡလ့ၣ်ဒီးကီၢ်ယူ ဒၤအလိၤလၢကယဲၢ်ပှၤလၢအနၢ်ဟူဘၣ်တဖၣ်အသးကလီၤကတုၤဝဲန့ၣ်လီၤ.

စံးထီၣ်ပတြၢၤ 58:7

မ်အဟါမၢ်ကွံာ်ဒ်ထံလၢအယွၤကွံာ်အသိး, ဒီးနီၣ်လၢအဘၣ်တၢ်ယီၢ်တံၢ်ဒီး ဃ့ထီၣ်ကွံာ်လၢကျဲအသိးန့ၣ်တက့ၢ်.

လံာ်တၢ်ဟးထီၣ်ကွံာ် 15:15

ခိၣ်နၢ်တဖၣ်လၢကီၢ်အဒိၣ်အပူၤန့ၣ်ပျံၤတၢ်နးနးကလဲာ်, ကီၢ်မိၤအးအပှၤဂံၢ်ဆူၣ်ဘါဆူၣ်တဖၣ်ကနိးကစုာ်ဝဲ, ဒီးပှၤဂီၢ်မုၢ်လၢကီၢ်ကနၤဧၣ်အတၢ်သူၣ်ဒူသးဒူ လီၤမၢ်ကွံာ်လီၤ.

လံာ်ယၡါယၤ 13:7

ပှၤကိးဂၤဒဲးအစုတဖၣ်ကလီၤစၢ်လီၤစဲၤဒီးပှၤကိးဂၤဒဲးအတၢ် သးဒူကဟးမၢ်ကွံာ်ဝဲလီၤ.

လံာ်ယၡါယၤ 28:19

ကမၤဘၣ်ဒိဘၣ်ထံးသုတဘျီဝံၤတဘျီ, တဂီၤဝံၤတဂီၤလီၤ. သုကဘၣ်တူၢ်အီၤမုၢ်ဆါဆဲးလၢမုၢ်နၤလီၤ. တၢ်ကစီၣ်အသီတမံၤဘၣ်တမံၤလၢကစၢ်ယွၤအအိၣ်ကဟဲစိာ် တၢ်ပျံၤတၢ်ဖုးအသီန့ၣ်လီၤ.

လံာ်ယၡါယၤ 35:3

စုတဖၣ်လၢအလီၤဘှံးလီၤတီၤဝဲ ဒီးခီၣ်လ့ၣ်ခိၣ်တဖၣ်လၢအကနိးကစုာ်လၢတၢ်ဂံၢ်စၢ်ဘါစၢ်အဃိန့ၣ်, ဒုးဆူၣ်ဝဲလီၤ.

လံာ်ယၡါယၤ 7:2

ဖဲတၢ်ကစီၣ်ဟဲတုၤဆူကီၢ်ယူဒၤအစီၤပၤအအိၣ်လၢကီၢ်စူၤရံ အသုးမုၢ်သံၣ်ဘိတဖၣ်အိၣ်တ့ၢ်လံလၢအံၣ်စရ့လးအကီၢ်ပူၤန့ၣ်, အဝဲဒီးအပှၤဂီၢ်မုၢ်တဖၣ်ပျံၤတၢ်ဒိၣ်မးတုၤဒၣ်လဲာ်အဝဲသ့ၣ် ကနိးကစုာ်ဝဲဒ်သ့ၣ်တဖၣ်ဟူးဝးလၢကလံၤအူတၢ်အဃိအသိးလီၤ.

လံာ်ယံးရမံယၤ 26:12

အန့ၣ်ဒီးယစံး, “ကယဲၢ်တၢ်ခဲလၢာ်လၢ သုနၢ်ဟူတ့ၢ်ယစံးကတိၤ ထီဒါတၢ်လုၢ်ဟံၣ်အံၤဒီး ထီဒါဝ့ၢ်အံၤန့ၣ်, မ့ၢ်တၢ်လၢယွၤမၢ ယတဲဖျါအီၤန့ၣ်လီၤ.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

လံာ်ယံးရမံယၤ 50:43

ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ. တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ အဟုးဆါဝဲအသိးန့ၣ်လီၤ.

လံာ်ယံးရမံယၤ 8:18

ယတၢ်သးအုးဘၣ်တၢ်မၤမုာ်ထီၣ်အီၤတန့ၢ်ဘၣ်. ယသးလီၤဘှါလၢယပူၤလီၤ.

လံာ်သးသယုၢ်တၢ် 5:17

ပဆိးက့လၢပသူၣ်ကံၢ်သးလဲနီၢ်နီၢ်ဒီးပမဲာ်ထံတဖၣ် လီၤဆှု တုၤပထံၣ်တၢ်တသ့လၢၤဘၣ်.

လံာ်ယဃ့းစက့လး 20:49

ဘၣ်ဆၣ်ယကတိၤဂ့ၢ်လိာ်ဒီးစံး, “ယွၤပၢဘၣ်တၢ်ခဲလၢာ်ကစၢ်ဧၢ, တဘၣ်မၢယမၤတၢ်န့ၣ်တဂ့ၤ. ပှၤကိးဂၤဒဲးကဒူးကဒ့ၣ်လံတၢ်ဒီးစံးလၢထီဘိယကတိၤ တၢ်လၢတၢ်ပှိၤပှီၢ်တဖၣ်အပူၤန့ၣ်လီၤ.”

လံာ်ယဃ့းစက့လး 21:15

နးန့ၣ်ဒုးလီၤမၢ်ကွံာ်ယပှၤဂီၢ်မုၢ်အတၢ်သူၣ်ဒူသးဒူဒီးမၤ ဘၣ်တိၢ်အခီၣ်န့ၣ်လီၤ. ယမၤပျံၤမၤဖုးအဝဲသ့ၣ်အဝ့ၢ်တဖၣ်လၢနးတဘ့ၣ်လၢအကပြုၢ် ထီၣ်ဝဲဒ်လီဝၢ်ဒံးအသိး, ဒီးအိၣ်ကတဲာ်ကတီၤအသးလၢကမၤသံတၢ် အဂီၢ်န့ၣ်လီၤ.

လံာ်ယဃ့းစက့လး 21:6

ပှၤကညီလၢအသံသ့ဧၢ, ကအုကစွါဒ်နသးသ့ၣ်ဖးလၢ တၢ်သူၣ်လီၤဘှံးသးလီၤဘှါအဃိအသိးန့ၣ်တက့ၢ်. ကအုကစွါလၢတၢ်သူၣ်အုးသးအုးအပူၤ, တၢ်လီၢ်ဖဲပှၤကိးဂၤကွၢ် နၤသ့ဝဲန့ၣ်တက့ၢ်.

လံာ်ယဃ့းစက့လး 21:8

ယွၤစံးဘၣ်ယၤ,

လံာ်ယဃ့းစက့လး 22:14

မ့ၢ်နဆိကမိၣ်လၢနတၢ်သူၣ်ဒူသးဒူကအိၣ်တ့ၢ်ဒံးမ့ၢ်ဂ့ၤ နအိၣ်ဒံးဒီးတၢ်ဂံၢ်တၢ်ဘါအလၢအပှဲၤမ့ၢ်ဂ့ၤလၢနကယူာ်ထီၣ် နစုဖဲမုၢ်တနံၤလၢယတကနၣ်ဃုာ်လၢၤနၤန့ၣ်ဧါ. ယၤ, ယွၤကတိၤတ့ၢ်တၢ်ဒီးယဟံးဃာ်ဂၢၢ်ကျၢၤယတၢ်ကတိၤန့ၣ်လီၤ.

လံာ်ယဃ့းစက့လး 24:19

ပှၤဂီၢ်မုၢ်သံကွၢ်ယၤ, “ဘၣ်မနုၤလၢနမၤတၢ်ဒ်အံၤအသိးန့ၣ်လဲၣ်.”

လံာ်ယဃ့းစက့လး 7:17

ပှၤကိးဂၤဒဲးအစုတဖၣ်ကလီၤစၢ်ဝဲ, ဒီးအခီၣ်လ့ၣ်ခိၣ်တဖၣ်ကကနိး ဝဲလီၤ.

လံာ်ယဃ့းစက့လး 7:26

တၢ်တတၢးတနါတမံၤကပိာ်ထွဲထီၣ်အဂၤတမံၤအခံ, ဒီးတၢ်သးအုးအကစီၣ်ကတုၤအိၣ်သုတထံၣ်ဃီလီၤ. သုကဃ့ကညးဝံတဖၣ်လၢကလီၣ်ဖျါန့ၢ်သုတၢ်လၢအဝဲသ့ၣ်ထံၣ် ဆိဝဲလီၤ. ပှၤလုၢ်တၢ်အခိၣ်တဖၣ်ကသိၣ်လိပှၤဂီၢ်မုၢ်အဂီၢ် တၢ်တအိၣ်ဒီးအီၤနီတမံၤဘၣ်, ဒီးပှၤသးပှၢ်တဖၣ်တမ့ၢ်ကအိၣ်ဒီးတၢ်ဟ့ၣ်ကူၣ်လၢကဟ့ၣ်ဝဲနီတမံၤဘၣ်.

လံာ်ဒၤနံးယ့လး 5:6

တုၤနုၤတစု, စီၤပၤအမဲာ်သၣ်လီၤဝါဒီးအသူၣ်ပျံၤသးဖုးနးနးကလဲာ်လီၤ. တၢ်မၤအသးဒ်အဆၢတဖၣ်လီၤဖျုကွံာ်ဝဲအသိးဒီးအခီၣ် လ့ၢ်ခိၣ်တဖၣ်ကနိးကစုာ်ဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်လူၤကၣ် 21:26

ပှၤဂီၢ်မုၢ်ကသံတ့ၢ်မးလၢတၢ်ပျံၤတၢ်ဖုးအဃိ, ဖဲအဝဲသ့ၣ်အိၣ်ခိးတၢ်လၢအကဟဲဘၣ်ဟီၣ်ခိၣ်ဒီဘ့ၣ်ညါန့ၣ်လီၤ. အဂ့ၢ်ဒ်အံၤ, တၢ်စိတၢ်ကမီၤလၢမူဖးဖီတဖၣ် ဘၣ်တၢ်နီၣ်ထီၣ်ကွံာ်အီၤလၢအကျိၤဒၣ်ဝဲအပူၤလီၤ.

လံာ်သိၣ်လီၤသီလီၤတၢ် 20:8

သုးခိၣ်သုးနၢ်တဖၣ်ကဘၣ်စံးဘၣ်စ့ၢ်ကီးအပှၤတဖၣ်လၢ, ဖဲအံၤမ့ၢ်ပှၤအိၣ်တဂၤဂၤလၢအသဒံပှံၢ်လီၤမ့ၢ်ဂ့ၤ, အပျံၤတၢ်ဖုးတၢ်မ့ၢ်ဂ့ၤန့ၣ်ဧါ. မ့ၢ်အိၣ်ဒီး, အဝဲကဘၣ်က့ၤဆူဟံၣ်လီၤ. မ့တမ့ၢ်ဘၣ်န့ၣ်, အဝဲကမၤဟးဂီၤကွံာ် ပှၤအဂၤတဖၣ်အသးအဂံၢ်အဘါန့ၣ်လီၤ.

ဧ့ၤဘြံၤ 12:12

စုလၢအလီၤဘှါတဖၣ်ဒီးခီၣ်လ့ၢ်ခိၣ်လၢအကနိးတဖၣ်န့ၣ်မၤ ဆူၣ်ထီၣ်အီၤတက့ၢ်.

လံာ်စီၤယိၤၡူ 5:1

ဖဲပှၤအမိၢ်ဖိအစီၤပၤခဲလၢာ်လၢ အအိၣ်လၢထံကျိယၢ်ဒ့ၣ်အမုၢ်နုာ်, ဒီးပှၤကနၤဧၣ်ဖိအစီၤပၤခဲလၢာ်လၢအအိၣ်လၢပီၣ်လဲၣ်ဖးဒိၣ် မဲးဒံးထၢၣ်ရ့နယၢၣ်အနံၤ, နၢ်ဟူဝဲလၢကစၢ်မၤလီၤသံးကွံာ်ယၢ်ဒ့ၣ်အထံတုၤလၢပှၤအံၣ်စရ့ လးဖိခဲလၢာ်ခီဂာ်တၢ်သ့သတးဒီး, အဝဲသ့ၣ်အသးလီၤစၢ်ဝဲဒီးတၢ်သူၣ်ဒူ သးဒူတအိၣ်လၢၤလၢအပူၤလၢပှၤအံၣ်စရ့လးဖိ တဖၣ်အဃိန့ၣ်လီၤ.

လံာ်စီၤယိၤၡူ 7:5

ပှၤဝ့ၢ်ဂဲဖိတဖၣ်စးထီၣ်လူၤအီၤလၢဝ့ၢ်အတြဲၤတုၤလၢၡဘၤရံၣ် ဒီးမၤသံကွံာ်ပှၤသၢဆံဃုဂၤဃၣ်ဃၣ်လၢကျဲလဲၤလီၤလၢကစၢၢ် အလိၤန့ၣ်လီၤ. ဒီးပှၤဂီၢ်မုၢ်အသးပှံၢ်လီၤကွံာ်, ဒီးမၤအသးဒ်ထံအသိးန့ၣ်လီၤ.

၁ ပ့းတရူး 4:7

တၢ်ခဲလၢာ်အကတၢၢ်ဘူးထီၣ်လံ. သုကဘၣ်ပၢၤသုသးဒီးဆိးသီဒ်သိးသုဃ့ဘါထုကဖၣ်တၢ်ကသ့ အဂီၢ်န့ၣ်လီၤ.