လံာ်ယဃ့းစက့လး 21:6 - Sgaw Karen Common Bible

⁶ ပှၤကညီလၢအသံသ့ဧၢ, ကအုကစွါဒ်နသးသ့ၣ်ဖးလၢ တၢ်သူၣ်လီၤဘှံးသးလီၤဘှါအဃိအသိးန့ၣ်တက့ၢ်. ကအုကစွါလၢတၢ်သူၣ်အုးသးအုးအပူၤ, တၢ်လီၢ်ဖဲပှၤကိးဂၤကွၢ် နၤသ့ဝဲန့ၣ်တက့ၢ်.

လံာ်ယဃ့းစက့လး 21:6 Iomraidhean Croise

လံာ်ယၡါယၤ 16:11

ယကအုလၢတၢ်သးအုးအပူၤလၢကီၢ်မိၤအးအဂီၢ်, ဒီးယကအုလၢတၢ်ကိၢ်တၢ်ဂီၤအပူၤလၢဝ့ၢ်ကံၢ်ဃ့ရ့းအဂီၢ်လီၤ.

လံာ်ယၡါယၤ 21:3

တၢ်လၢယထံၣ်ဒီးနၢ်ဟူတ့ၢ်လၢတၢ်ထံၣ်လၢညါခီအပူၤတဖၣ် မၤပှဲၤယသးဒီးတၢ်ပျံၤတၢ်ဖုးဒီးတၢ်ဆူးတၢ်ဆါ, တၢ်ဆူးတၢ်ဆါလၢအလီၤဂာ်ဒီးပိာ်မုၣ်အဟုးဆါထီၣ်န့ၣ်လီၤ.

လံာ်ယၡါယၤ 22:4

ခဲကနံၣ်အံၤ, ပာ်လီၤတဲာ်ယၤထဲတဂၤဧိၤဒ်သိးယကဟီၣ်ယၢၤ နးနးကျံးကျံးလၢယပှၤဂီၢ်မုၢ်ခဲလၢာ်လၢအသံတ့ၢ် တဖၣ်အဂီၢ်န့ၣ်တက့ၢ်. ဂုာ်ကျဲးစၢးမၤမုာ်ထီၣ်က့ၤယၤတဂ့ၤ.

လံာ်ယံးရမံယၤ 19:10

အန့ၣ်ဒီး, ယွၤတဲဘၣ်ယၤလၢယကမၤသ့ၣ်ဖးသပၢၤဟီၣ်ခိၣ်လၢ ပှၤလၢအလဲၤဃုာ်တၢ်ဒီးယၤတဖၣ်အမဲာ်ညါလီၤ.

လံာ်ယံးရမံယၤ 30:6

ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယဃ့းစက့လး 21:12

ဟီၣ်တၢ်ယၢၤတၢ်လၢတၢ်သူၣ်အုးသးအုးအပူၤပှၤကညီလၢ အသံသ့ဧၢ, နးအံၤမ့ၢ်လၢယပှၤဂီၢ်မုၢ်ဒီးပှၤအံၣ်စရ့လးဖိအခိၣ် အနၢ်ခဲလၢာ်အဂီၢ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤဃုာ်ဒီးယပှၤဂီၢ်မုၢ်လၢအအိၣ်လီၤတဲာ် တ့ၢ်ခဲလၢာ်န့ၣ်လီၤ. ဒဲလီၤနသးနါပှၢ်လၢတၢ်သူၣ်ဟးဂီၤသးဟးဂီၤအပူၤန့ၣ်တက့ၢ်.

လံာ်ယဃ့းစက့လး 21:5

ပှၤကိးဂၤကသ့ၣ်ညါဝဲလၢယၤ, ယွၤအံၤထုးထီၣ်တ့ၢ်အနးလၢ အတြိးပူၤဒီးတပာ်နုာ်ကဒါက့ၤဝဲဘၣ်န့ၣ်လီၤ.

လံာ်ယဃ့းစက့လး 21:7

တုၤအဝဲသ့ၣ်သံကွၢ်နၤ, ဘၣ်မနုၤအဃိလၢနကအုကစွါလဲၣ်န့ၣ်, တဲဘၣ်အဝဲသ့ၣ်လၢတၢ်န့ၣ်မ့ၢ်လၢတၢ်ကစီၣ်လၢအကဟဲဝဲ အဃိန့ၣ်လီၤ. ဖဲအဟဲတုၤန့ၣ်အဝဲသ့ၣ်အသးတဖၣ်ကပှဲၤဝဲဒီး တၢ်ပျံၤတၢ်ဖုး, အဝဲသ့ၣ်အစုတဖၣ်ကလီၤဘျ့ကွံာ်, အဝဲသ့ၣ်အတၢ်သူၣ်ဒူသးဒူကလီၤမၢ်ကွံာ်ဒီးအဝဲသ့ၣ်အခီၣ်လ့ၢ်ခိၣ် တဖၣ်ကကနိးကစုာ်ဝဲန့ၣ်လီၤ. တၢ်ဆၢကတီၢ်တုၤဃီၤလံ. မ့ၢ်ခဲကနံၣ်အံၤလီၤ. ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 32:18

အဝဲစံးဝဲဒၣ်, “ပှၤကညီလၢအသံသ့ဧၢ, ဘၣ်မိၣ်ဘၣ်မးလၢ ကယဲၢ်ပှၤကီၢ်အဲၤကူပတူးဖိအါဂၤအဂီၢ်တက့ၢ်. ဆှၢလီၤ အဝဲသ့ၣ်ဃုာ်ဒီးပှၤကလုာ်ဂံၢ်ဆူၣ်ဘါဆူၣ်အဂၤတဖၣ်ဆူတၢ်သံ အကီၢ်ပူၤန့ၣ်တက့ၢ်.

လံာ်ယဃ့းစက့လး 37:20

ဖီၣ်ဃာ်သ့ၣ်ခံဘိအံၤလၢနစုပူၤဒီးပျဲပှၤဂီၢ်မုၢ်ထံၣ်ဘၣ်အီၤန့ၣ်တက့ၢ်.

လံာ်ယဃ့းစက့လး 4:12

နကဘၣ်မၤထီၣ်မ့ၣ်အူလၢပှၤကညီအအ့ၣ်ကိၢ်ဃ့, ကုၢ်ကိၣ်လၢမ့ၣ်အူန့ၣ်အဖီခိၣ်, ဒီးအီၣ်အီၤဖဲပှၤကိးဂၤဒဲး ထံၣ်ဘၣ်နၤသ့ဝဲန့ၣ်လီၤ.”

လံာ်ယဃ့းစက့လး 6:11

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, တၢၤပံာ်ထီၣ်နစုခိၣ်ဒီး ယူာ်ထီၣ်အီၤတက့ၢ်. ဆဲးထူနခီၣ်တက့ၢ်. ဟီၣ်တၢ်ယၢၤတၢ်လၢတၢ်သးအုးအပူၤ, လၢတၢ်အၢတၢ်သီခဲလၢာ်ဒီးတၢ်လီၤသးဘၣ်အၢတဖၣ်လၢပှၤအံၣ်စရ့ လးဖိတဖၣ်မၤတ့ၢ်ဝဲအဃိန့ၣ်တက့ၢ်. အဝဲသ့ၣ်ကဘၣ်သံဝဲလၢတၢ်ဒုးတၢ်ယၤအပူၤ, မ့တမ့ၢ်လၢတၢ်သၣ် ဝံၤလီၤဒိအဃိ, မ့တမ့ၢ်လၢတၢ်ဆူးတၢ်ဆါအဃိန့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ဒၤနံးယ့လး 5:6

တုၤနုၤတစု, စီၤပၤအမဲာ်သၣ်လီၤဝါဒီးအသူၣ်ပျံၤသးဖုးနးနးကလဲာ်လီၤ. တၢ်မၤအသးဒ်အဆၢတဖၣ်လီၤဖျုကွံာ်ဝဲအသိးဒီးအခီၣ် လ့ၢ်ခိၣ်တဖၣ်ကနိးကစုာ်ဝဲဒၣ်န့ၣ်လီၤ.

လံာ်ဒၤနံးယ့လး 8:27

ဒီးယဲဒၣ်စီၤဒၤနံးယ့လးအံၤ, ယသးလီၤဘှါဒီးယဆူးယဆါ တ့ၢ်တဘျုးသီန့ၣ်လီၤ. အန့ၣ်ဝံၤဒီးယဆၢထၢၣ်ဒီးက့ၤကဒါ က့ၤဆူတၢ်မၤလၢစီၤပၤဟ့ၣ်မူဟ့ၣ်ဒါယၤန့ၣ်လီၤ. ဘၣ်ဆၣ်ဒီးယသးအိၣ်တတုၤလီၤတတီၤဘၣ်လၢတၢ်ထံၣ်လၢ ညါခီလၢတၢ်နၢ်ပၢၢ်အီၤတသ့ဘၣ်အဃိန့ၣ်လီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.