လံာ်ယဃ့းစက့လး 21:3 - Sgaw Karen Common Bible

³ လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယဃ့းစက့လး 21:3 Iomraidhean Croise

လံာ်စီၤယိၤဘး 9:22

လၢတၢ်န့ၣ်အဃိ, ယစံးလၢမ့ၢ်ဒၣ်တၢ်ဒ်သိးသိးခဲလၢာ်လီၤ. အဝဲမၤဟးဂီၤကွံာ်ပှၤလၢ တၢ်ပာ်တၢ်ကမၣ်အလီၢ်တအိၣ်ဒီး ပှၤတတီတလိၤန့ၣ်လီၤ.

စံးထီၣ်ပတြၢၤ 17:13

ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး, မၤနၢၤအဝဲသ့ၣ်န့ၣ်တက့ၢ်. မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ် လၢနနးန့ၣ်တက့ၢ်.

စံးထီၣ်ပတြၢၤ 80:17

ပာ်မူဒီးကဟုဘံၣ်ကယာ်ဘၢ ပှၤဂီၢ်မုၢ်လၢနဃုထၢတ့ၢ်လံအီၤ, ပှၤကလုာ်လၢနမၤဆူၣ်ထီၣ်အဂံၢ်အဘါန့ၣ်တက့ၢ်.

စံးထီၣ်ပတြၢၤ 83:15

လူၤထွဲအဝဲသ့ၣ်လၢနကလံၤမုၢ်တွၤ, ဒီးမၤပျံၤအဝဲသ့ၣ်လၢနကလံၤ မုၢ်လၢအအူတပျုာ်တပျီၤတၢ် တက့ၢ်.

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:2

တၢ်လီၤဆီတအိၣ်နီတမံၤဘၣ်. တၢ်ဘူၣ်တၢ်တီၢ်တမံၤဃီတုၤအိၣ်ပှၤ တီပှၤလိၤဒီးပှၤတတီတလိၤ, ပှၤအဂ့ၤဒီးပှၤအတဂ့ၤ, ပှၤတဖၣ်လၢအအဲၣ်တၢ်ဘူၣ်တၢ်ဘါဒီးပှၤတဖၣ်လၢအတအဲၣ်ဘၣ်, ပှၤတဖၣ်လၢအလုၢ်ထီၣ်တၢ်ဒီးပှၤတဖၣ်လၢအတလုၢ်ထီၣ်တၢ်န့ၣ်လီၤ. ပှၤအဂ့ၤတဂၤတဂ့ၤဒိၣ်န့ၢ်ပှၤတၢ်ဒဲးဘးဖိတဂၤဘၣ်. ပှၤလၢအဆိၣ်လီၤအသးတဂၤ, တဂ့ၤဒိၣ်န့ၢ်ပှၤလၢအတမၤဝဲတဂၤန့ၣ် ဘၣ်.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 34:5

ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယၡါယၤ 57:1

ပှၤအဂ့ၤတဖၣ်သံဝဲ, ဒီးပှၤတသ့ၣ်ညါနၢ်ပၢၢ်ဒီးပာ်သူၣ်ပာ်သး လၢအဂ့ၢ်နီတဂၤဒၣ်လဲာ်ဘၣ်. ဘၣ်ဆၣ်ဖဲအဝဲသ့ၣ်သံဝဲန့ၣ်, တၢ်တတၢးတနါမၤဘၣ်ဒိဘၣ်ထံးအဝဲသ့ၣ်တသ့နီတမံၤဘၣ်.

လံာ်ယံးရမံယၤ 17:27

ဘၣ်ဆၣ်ဒီးအဝဲသ့ၣ်ကဘၣ်စူၢ်ယၤဒီးတိၢ်န့ၢ်ဖံးဃာ်မုၢ်အိၣ်ဘှံးနံၤန့ၣ် ဒ်မုၢ်နံၤစီဆှံတနံၤအသိးန့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ် တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်ဘၣ်. အဝဲသ့ၣ်မ့ၢ်မၤဝဲဒီး, ယကဒွဲၣ်အူထီၣ်ဝ့ၢ်ယရူၤၡလ့ၣ်အတြဲၤတ ဖၣ်လၢမ့ၣ်အူလီၤ. မ့ၣ်အူကအီၣ်ကွံာ်ဝ့ၢ်ယရူၤၡ လ့ၣ်အနူၢ်အစီၤတဖၣ်, ဒီးပှၤမၤလီၤပံာ်ကွံာ်အီၤတန့ၢ်နီတဂၤဘၣ်.”

လံာ်ယံးရမံယၤ 21:13

နဲဒၣ်, ဝ့ၢ်ယရူၤၡလ့ၣ်ဧၢ, နဆ့ၣ်နီၤနဲလၢတၢ်လီၢ်ထီၣ်ထီလၢ တၢ်လူၢ်တၢ်တြီၤအဖီခိၣ်, လီၤဂာ်ဒ်လၢၢ်တဖျၢၣ်လၢအအိၣ်ထီၣ် ထီလၢပျီတဘ့ၣ်အဖီခိၣ်အသိးန့ၣ်လီၤ. ဘၣ်ဆၣ်ဒီးယကဒုးတၢ်ထီဒါ နၤလီၤ. နစံးလၢပှၤဟဲထီၣ်ဒုးနၤမ့ၢ်ဂ့ၤ, ပှၤဟဲနုာ်ခီဖျိနတၢ်ပၢၢ် ဆၢအလီၢ်တဖၣ်မ့ၢ်ဂ့ၤ, တသ့နီတဂၤဘၣ်.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:31

ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.

လံာ်ယံးရမံယၤ 51:20

ယွၤစံးဝဲဒၣ်, “ကီၢ်ဘၤဘူၤလိၣ်ဧၢ, နမ့ၢ်ယခံၣ်ခူၣ်, ယတၢ်ဒုးသုး အစုကဝဲၤလီၤ. ယသူတ့ၢ်နၤလၢ တၢ်မၤသဘှံးပှၤကလုာ် တဖၣ်ဒီးဘီဧိၤမုၢ်ဧိၤတဖၣ်,

လံာ်ယံးရမံယၤ 51:25

ကီၢ်ဘၤဘူၤလိၣ်ဧၢ, နမၤနသးဒ်ကစၢၢ်တဖျၢၣ်လၢ အမၤဟးဂီၤဟီၣ်ခိၣ်ဒီဘ့ၣ်, ဘၣ်ဆၣ်ယၤ, ယွၤအံၤ, မ့ၢ်နဒုၣ်နဒါန့ၣ်လီၤ. ယကဟံးဃာ်နၤ, တလ့ၣ်လီၤနၤလၢ တၢ်လီၢ်ထီၣ်ထီဆူဟီၣ်ခိၣ်အလိၤ, ဒီးဒုးကဲထီၣ်နၤလၢဖၣ် ဆါန့ၣ်လီၤ.

လံာ်ယဃ့းစက့လး 13:8

လၢတၢ်န့ၣ်အဃိဒီး, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်, “သုတၢ်ကတိၤတဖၣ်န့ၣ်မ့ၢ်တၢ်လၢအတတီဘၣ်ဒီးသုတၢ်ထံၣ်လၢညါခီ သ့ၣ်တဖၣ်န့ၣ်မ့ၢ်တၢ်လီတၢ်ဝ့ၤလီၤ. ယထီဒါသုန့ၣ်လီၤ.

လံာ်ယဃ့းစက့လး 14:17

မ့တမ့ၢ်ယကဒုးဘၣ်ထံကီၢ်န့ၣ်လၢတၢ်ဒုးတၢ်ယၤဒီးဆှၢလီၤတၢ် စုကဝဲၤမၤဟးဂီၤတၢ်တဖၣ်လၢကတြူာ်ကွံာ်ပှၤဂီၢ်မုၢ်ဒီးဆၣ်ဖိ ကီၢ်ဖိတဖၣ်ဒ်သိးသိး,

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 24:9

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ယနီၢ်ကစၢ်ဒၣ်ယဲယကပူၣ်ထီၣ်သ့ၣ်မုၣ်တဖၣ်န့ၣ်လီၤ.

လံာ်ယဃ့းစက့လး 26:3

အန့ၣ်ဝံၤဒီး, ခဲကနံၣ်အံၤ, အအံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ဝ့ၢ်ထါယၢၣ်ဧၢ, ယမ့ၢ်နဒုၣ်နဒါလီၤ. ယကဟဲစိာ်ပှၤကလုာ်အါကလုာ် လၢကဟဲဒုးတၢ်, ဒီးအဝဲသ့ၣ်ကဟဲဝဲဒၣ်ဒ်လပီတဖၣ်လၢ ပီၣ်လဲၣ်ပူၤအသိးန့ၣ်လီၤ.

လံာ်ယဃ့းစက့လး 29:10

မ့ၢ်လၢနစံးလၢထံကျိနံၤ လါမ့ၢ်နတၢ်ဒီးနမၤအီၤလၢ ကစၢ်ဒၣ်နဲအဃိ, ယမ့ၢ်နဒုၣ်နဒါဒီးနထံကျိနံၤလါ အဒုၣ်အဒါန့ၣ်လီၤ. ယကဒုးကဲထီၣ် ကီၢ်အဲၤကူပတူးဒီဘ့ၣ်လၢ တၢ်လီၢ်တတီၤလၢအအိၣ်လီၤဃီ, စးထီၣ်လၢ ဝ့ၢ်မံးကဒိးလးလၢ ကလံၤစိးတကပၤတုၤဆူစဝ့နၤလၢကလံၤထံးတခီ, ဒီကျဲညါပၢၢ်တုၤလၢပှၤကူၤၡးဖိတဖၣ်အထံဆၢကီၢ်ဆၢန့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:8

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်နၤလၢယမ့ၢ်နဒုၣ်နဒါလီၤ. ယကစံၣ်ညီၣ်နၤဖဲပှၤကလုာ်ခဲ လၢာ်ထံၣ်ဘၣ်ဝဲကသ့န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်ဧၤမိၣ် 5:6

ဃုယွၤတက့ၢ်ဒီးသုကမူလီၤ. သုမ့ၢ်တဃုအီၤဘၣ်ဒီးအဝဲကမၤပျီကွံာ်သုဒ်မ့ၣ်အူအီၣ်ကွံာ်ကီၢ် အံၣ်စရ့လးအပှၤဂီၢ်မုၢ်အသိးန့ၣ်လီၤ. မ့ၣ်အူကအီၣ်ကွံာ်ဝ့ၢ် ဘ့ၤသ့လးအပှၤဂီၢ်မုၢ်, ဒီးပှၤလၢကမၤလီၤပံာ်ကွံာ်အီၤတအိၣ်နီတဂၤဘၣ်.

လံာ်ဧၤမိၣ် 7:4

ယအိၣ်ဒီးတၢ်ထံၣ်လၢညါခီအဂၤတမံၤလၢတၢ်စိတၢ်ကမီၤခဲလၢာ် အယွၤန့ၣ်လီၤ. လၢတၢ်ထံၣ်လၢညါခီအံၤအပူၤယထံၣ်အဝဲအိၣ်ကတဲာ်ကတီၤအသးလၢ ကစံၣ်ညီၣ်အပှၤဂီၢ်မုၢ်လၢမ့ၣ်အူန့ၣ်လီၤ. မ့ၣ်အူအီၣ်ကွံာ်တ့ၢ်ပီၣ်လဲၣ်ဖးဒိၣ်လၢအအိၣ်လၢဟီၣ်ခိၣ်အဖီလာ် ဒီးစးထီၣ်အီၣ်ဟီၣ်ခိၣ်န့ၣ်လီၤ.

လံာ်နၤဃူၣ် 2:13

ယွၤသ့တၢ်လၢာ်စံးဝဲဒၣ်, “ယမ့ၢ်နဒုၣ်နဒါလီၤ. ယကဒွဲၣ်အူကွံာ်နလ့ၣ်ကဟၣ်ဒုးသုးတဖၣ်လီၤ. နပှၤသုးဖိတဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤ, ဒီးယကဟံးထီၣ်ကွံာ်ကယဲၢ်တၢ်ခဲလၢာ်လၢန ဟံးန့ၢ်လၢပှၤဂၤတဖၣ်အအိၣ်န့ၣ်လီၤ. ဒီးနပှၤဃ့ၢ်စိာ်ဆှၢတၢ်ကစီၣ်အကလုၢ်န့ၣ်, တၢ်တနၢ်ဟူလၢၤဘၣ်အီၤနီတစုဘၣ်.”

လံာ်နၤဃူၣ် 3:5

ယွၤသ့တၢ်လၢာ်စံးဝဲဒၣ်, “ဝ့ၢ်နံၤနဝ့ဧၢ, ယကစံၣ်ညီၣ်နၤလီၤ. ယကမၤအိၣ်ဘ့ၣ်ဆ့နၤ ဒီးပျဲပှၤကလုာ်တဖၣ်ကွၢ်နၤ ဒီးထံၣ်နၤလၢနတၢ်မဲာ်ဆှးခဲလၢာ်အပူၤန့ၣ်လီၤ.

လံာ်စဖါနယၤ 2:12

ယွၤကမၤသံကွံာ်စ့ၢ်ကီးပှၤကူၤၡးဖိတဖၣ်န့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.