လံာ်ယဃ့းစက့လး 21:28 - Sgaw Karen Common Bible

²⁸ ပှၤကညီလၢအသံသ့ဧၢ, ကတိၤတၢ်လၢဝံအကျိာ်တက့ၢ်. ဘိးဘၣ်သ့ၣ်ညါတၢ်လၢယၤ, ယွၤပၢဘၣ်တၢ်ခဲလၢာ်ကစၢ်ယွၤကစံးဘၣ် ပှၤဧၤမိၣ်ဖိတဖၣ်, ပှၤတဖၣ်လၢအကတိၤဒုၣ်ဒွဲၣ်ပှၤအံၣ်စရ့လးဖိန့ၣ် တက့ၢ်. စံးဘၣ်အဝဲသ့ၣ်ဒ်အံၤတက့ၢ်. နးတဘ့ၣ်အိၣ်ကတဲာ်ကတီၤလံအသးလၢကမၤဟးဂီၤကွံာ်တၢ် အဂီၢ်လံ. ဘၣ်တၢ်ထူးကတြ့ၣ်ထီၣ်အီၤလၢမၤသံတၢ်အဂီၢ်, လၢကကပြုၢ်ထီၣ်ဒ်လီဝၢ်ဒံးအသိးအဂီၢ်န့ၣ်လီၤ.

လံာ်ယဃ့းစက့လး 21:28 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

လံာ်ယၡါယၤ 31:8

ကီၢ်အၤၡူၢ်ကဘၣ်တၢ်မၤဟးဂီၤအီၤလၢတၢ်ဒုးအပူၤ, ဘၣ်ဆၣ်တမ့ၢ်လၢပှၤကညီအတၢ်စိကမီၤဘၣ်. ပှၤအၤၡူၢ်ဖိတဖၣ်ကထွးထီၣ်ဃ့ၢ်ကွံာ်လၢတၢ်ဒုးဒီးအဝဲသ့ၣ် အပှၤသးစၢ်တဖၣ်ကဘၣ်တၢ်ဒုးကဲထီၣ်အီၤလၢကုၢ်တဖၣ်န့ၣ်လီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 46:14

“တဲဖျါထီၣ်တၢ်အံၤ လၢကီၢ်အဲၤကူပတူးအဝ့ၢ်တဖၣ်လၢ အမ့ၢ်မံးကဒိးလး, မဲဖံး, ဒီးဝ့ၢ်တၤပါန့ၤအပူၤတက့ၢ်. ကတဲာ်ကတီၤထီၣ်သုသးလၢ နကဒီဒၣ်လီၤသုသးအဂီၢ်တက့ၢ်. တၢ်လၢအအိၣ်ဒီး သုခဲလၢာ်န့ၣ် ကဘၣ်တၢ်မၤဟးဂီၤကွံာ်အီၤလၢ တၢ်ဒုးတၢ်ယၤအပူၤန့ၣ်လီၤ.

လံာ်ယဃ့းစက့လး 17:13

အဝဲက့ၤကိးစီၤပၤအဒူၣ်ဖိထၢဖိအကျါတဂၤဒီးမၤလံာ်ဃံၤဃာ် တဘ့ၣ်ဒီးအီၤ, ဒီးမၢအဆိၣ်လီၤအသးလၢကတီဒီးအီၤန့ၣ်လီၤ. အဝဲက့ၤကိးပှၤလၢအကါဒိၣ်တဖၣ်ဒ်ပှၤဘၣ်တၢ်ဟ့ၣ်ကီၤလၢတၢ်အုၣ် ခီၣ်အဂီၢ်တဖၣ်အသိး,

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ယဃ့းစက့လး 21:20

တၢ်ပနီၣ်တမံၤန့ၣ်ကဒုးနဲၣ်စီၤပၤအကျဲဆူပှၤဧၤမိၣ်ဖိအဝ့ၢ် ရးဘးအပူၤ, ဒီးအဂၤတမံၤန့ၣ်မ့ၢ်ဆူကီၢ်ယူဒၤ, ဆူဝ့ၢ်အိၣ်ဒီးအတိာ်ခၢၣ်သနၢၣ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 36:15

အလီၢ်တအိၣ်လၢကီၢ်န့ၣ်ကဒိကနၣ်ပှၤကလုာ်တဖၣ်အတၢ်နံၤဘၣ် ဖၣ်လဲအီၤမ့ၢ်ဂ့ၤ, ထံၣ်ဘၣ်ပှၤဂီၢ်မုၢ်တဖၣ်အတၢ်မၤကလိာ်ကလာ် အီၤမ့ၢ်ဂ့ၤန့ၣ်လၢၤဘၣ်. ကီၢ်န့ၣ်တဂုာ်န့ၢ်ဆူၣ်လၢၤဘၣ်ပှၤကလုာ် တဖၣ်အဖိတဖၣ်လၢၤဘၣ်. ယၤ, ယွၤပၢဘၣ်တၢ်ခဲလၢာ်ကစၢ် ကတိၤလံတၢ်လံ.”

လံာ်ဟိၤၡ့ 9:9

တၢ်လၢအဝဲသ့ၣ်မၤဝဲန့ၣ်မ့ၢ်ဒၣ်တၢ်အၢတၢ်သီလၢအတၢ်မုၢ်လၢ် တအိၣ်ဘၣ်ဒ်သိးဒၣ်လၢအဝဲသ့ၣ်အိၣ်တ့ၢ်လၢဝ့ၢ်ကံးဘဧးအခါန့ၣ် လီၤ. ကစၢ်ယွၤကသ့ၣ်နီၣ်ထီၣ်အဝဲသ့ၣ်အတၢ်ဒဲးဘးတဖၣ်ဒီးစံၣ်ညီၣ် အဝဲသ့ၣ်လၢတၢ်အံၤအဃိန့ၣ်လီၤ.