လံာ်ယဃ့းစက့လး 21:27 - Sgaw Karen Common Bible

²⁷ တၢ်ဟးဂူာ်ဟးဂီၤ, တၢ်ဟးဂူာ်ဟးဂီၤ, မ့ၢ်လီၤ. ယကဒုးကဲထီၣ်ဝ့ၢ်ဆူတၢ်ဟးဂီၤတမံၤန့ၣ်လီၤ. ဘၣ်ဆၣ်တၢ်အံၤတချုးဒံးလၢပှၤတဂၤလၢယဃု ထၢအီၤလၢကမၤဟးဂီၤဝ့ၢ်အံၤဟဲတုၤဒံးဘၣ်န့ၣ်တမၤ ဘၣ်အသးဘၣ်. အန့ၣ်ဝံၤဒီးယကဟ့ၣ်လီၤအီၤဆူအဝဲ အစုပူၤန့ၣ်လီၤ.

လံာ်ယဃ့းစက့လး 21:27 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

လံာ်ယံးရမံယၤ 30:21

အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 33:21

ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယံးရမံယၤ 52:4

ဒီးလၢတၢ်န့ၣ်အဃိ, စီၤနဘူၤကးန့စၢ်ဟဲဝဲဒီး အသုးမုၢ်ခဲလၢာ်ဒီး ထီၣ်ဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ပှဲၤထီၣ် ခွံနံၣ်တနံၣ်, ဆံဆဲလါတလါ, လါထီၣ်ဆံဆဲၣ်သီတသီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, ဒီးသူၣ်ထီၣ်တိာ်အဒူၣ်တဖၣ်ဝးတရံးအီၤ,

လံာ်ယဃ့းစက့လး 21:13

ယမၤကွၢ်ယပှၤဂီၢ်မုၢ်ဒီးအဝဲသ့ၣ်မ့ၢ်ဂ့ၢ်လိာ်လၢကသ့ၣ်နီၣ်ပီၢ် ယၢ်လီၤက့ၤအသးဒီးတၢ်သ့ၣ်တဖၣ်အံၤခဲလၢာ်ကမၤအသးဒီး အဝဲသ့ၣ်န့ၣ်လီၤ.

လံာ်ယဃ့းစက့လး 34:23

ယကဟ့ၣ်အဝဲသ့ၣ်လၢစီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံး ဒ်သိးကကဲထီၣ်အဝဲသ့ၣ်အပှၤကွၢ်သိတဂၤဒီးအဝဲကကဟုကယာ် အဝဲသ့ၣ်န့ၣ်လီၤ.

လံာ်ယဃ့းစက့လး 34:24

ယၤ, ယွၤ, ကမ့ၢ်အဝဲသ့ၣ်အကစၢ်ယွၤ, ဒီးစီၤပၤတဂၤလၢအလီၤဂာ် ဒီးယခ့ယပှၤစီၤဒၤဝံးကမ့ၢ်အဝဲသ့ၣ်အပှၤပၢတၢ်တဂၤလီၤ. ယကတိၤလံတၢ်လံ.

လံာ်ယဃ့းစက့လး 4:2

ဝံၤဒီး, လၢတၢ်ဒုးနဲၣ်တၢ်ကဝီၤဃာ်တၢ်အဂီၢ်န့ၣ်, ခူၣ်လီၤတၢ်ကျိၤတဖၣ်, ပူၣ်ထီထီၣ်ဟီၣ်ခိၣ်တဖၣ်, သူၣ်ဒဲတဖၣ်, ဒီးပာ်လီၤစုကဝဲၤလၢအဆဲးတိၢ်လီၤပှီၢ်တၢ်တဖၣ် ဝးတရံးအီၤတက့ၢ်.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်တၢ်ဂံၢ် 24:19

ကီၢ်အံၣ်စရ့လးအပှၤကလုာ်ကယီၢ်တံၢ်လီၤကွံာ် အဝဲသ့ၣ်, ဒီးမၤပျီကွံာ်ပှၤအိၣ်မူတ့ၢ်ဒံးလၢခံတဖၣ်န့ၣ်လီၤ.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်လူၤကၣ် 1:32

အဝဲဒၣ်ကမ့ၢ်ပှၤအဒိၣ်ကစၢ်ယွၤတဂၤဒီးကဘၣ်တၢ်ကိးအီၤလၢ ယွၤလၢအမ့ၢ်တၢ်ထီကတၢၢ်တဂၤအဖိခွါလီၤ. ယွၤကစၢ်ယွၤကဒုးကဲအီၤလၢစီၤပၤဒ်ပှၤလၢအဝဲဒၣ်ဟဲလီၤစၢၤ ဝဲလၢအီၤ, စီၤဒၤဝံးတဂၤအသိး

လံာ်လူၤကၣ် 1:69

အဝဲဒၣ်ဒုးအိၣ်ထီၣ်တၢ်အုၣ်က့ၤခီၣ်က့ၤကစၢ် အဂံၢ်ဆူၣ်ဘါဆူၣ်တဂၤလၢပဂီၢ်, လၢအမ့ၢ် အခ့အပှၤစီၤဒၤဝံးအစၢၤအသွဲၣ်တဂၤလီၤ.

လံာ်လူၤကၣ် 2:11

တနံၤအံၤ, လၢစီၤဒၤဝံးအဝ့ၢ်ပူၤန့ၣ်, ပှၤအုၣ်က့ၤခီၣ်က့ၤတၢ်အကစၢ်တဂၤ အိၣ်ဖျဲၣ်ထီၣ်ဝဲလၢသုဂီၢ်လၢအမ့ၢ်ခရံာ်ကစၢ်န့ၣ်လီၤ.

လံာ်ယိၤဟၣ် 1:4

တၢ်ကလုၢ်န့ၣ်မ့ၢ်တၢ်မူအဂံၢ်ခီၣ်ထံးဒီးတၢ်မူအံၤမ့ၢ်ပှၤကညီ အတၢ်ကပီၤန့ၣ်လီၤ.

လံာ်ယိၤဟၣ် 1:9

တၢ်ကပီၤနီၢ်နီၢ်အံၤမ့ၢ်တၢ်ကပီၤလၢအဟဲနုာ်ဆူဟီၣ်ခိၣ်ချၢဒီး ကပီၤထီၣ်လၢပှၤဟီၣ်ခိၣ်ဖိခဲလၢာ်အဂီၢ်န့ၣ်လီၤ.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.