လံာ်ယဃ့းစက့လး 21:25 - Sgaw Karen Common Bible

²⁵ နဲဒၣ်ကီၢ်အံၣ်စရ့လးအပှၤပၢတၢ်လၢအအၢအသီဒီးတစီတဆှံ တဂၤဧၢ, နမုၢ်တနံၤ, မုၢ်တနံၤလၢနတၢ်စံၣ်ညီၣ်လၢခံကတၢၢ်အဂီၢ် န့ၣ်ဟဲတုၤဃီၤဝဲလံ.

လံာ်ယဃ့းစက့လး 21:25 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 37:13

ဘၣ်ဆၣ်ယွၤနံၤဘၣ်ပှၤအၢပှၤသီ, အဂ့ၢ်မ့ၢ်လၢအဝဲထံၣ်သ့ၣ်ညါဝဲလၢ အမုၢ်နံၤဟဲလံလီၤ.

စံးထီၣ်ပတြၢၤ 48:13

တိၢ်နီၣ်တၢ်ဒူၣ်တဖၣ်ဒီးဃုသ့ၣ်ညါတိာ်တဖၣ် ဒ်သိးနကစံးဘၣ်ပှၤလၢခံတစိၤ,

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

လံာ်ယံးရမံယၤ 24:8

မ့မ့ၢ်လၢကီၢ်ယူဒၤအစီၤပၤစံးဒကံယၤ, ပှၤလူၤထံဂ့ၢ်ကီၢ် ဂ့ၢ်တဖၣ်လၢအအိၣ်ဝးတရံးအီၤ, ဒီးဝ့ၢ်ယရူၤၡလ့ၣ်အပှၤဂီၢ်မုၢ်အဂၤလၢအအိၣ်လၢကီၢ်အံၤအပူၤ မ့ၢ်ဂ့ၤ, သုးအသးဆူကီၢ်အဲၤကူပတူးအပူၤမ့ၢ်ဂ့ၤအဂီၢ်န့ၣ်, ယၤ, ယွၤအံၤယကမၤဘၣ်အဝဲသ့ၣ်ခဲလၢာ်ဒ်ချၢၣ်ဒၢသၣ်လၢအတဂ့ၤတ ဖၣ်, တဂ့ၤဝဲတုၤဒၣ်လဲာ်နအီၣ်အီၤတသ့ဘၣ်အသိးန့ၣ်လီၤ.

လံာ်ယံးရမံယၤ 49:1

အအံၤမ့ၢ် တၢ်လၢယွၤစံးတ့ၢ်ဘၣ်ဃးကီၢ်ဧၣ်မိၣ်အဂ့ၢ်န့ၣ်လီၤ. “ကီၢ်အံၣ်စရ့လးအပှၤပိာ်ခွါတဖၣ် အိၣ်ဖဲလဲၣ်. ပှၤလၢ အကဟုကယာ်အကီၢ်တအိၣ်နီတဂၤလၢၤဘၣ်ဧါ. ဘၣ်မနုၤအဃိအဝဲသ့ၣ် ပျဲပှၤဂီၢ်မုၢ်လၢအဘါထီၣ် မိၤလးဟံးန့ၢ်ကွံာ်ပှၤကး အဒူၣ်အလီၢ်ကဝီၤဒီး အိၣ်ဆိးဝဲဖဲန့ၣ်, န့ၣ်လဲၣ်.

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်ယံးရမံယၤ 51:13

ထံကီၢ်အဝဲန့ၣ်အိၣ်ဒီးအထံကျိတဖၣ်ဒီး အတၢ်ထူးတၢ်တီၤတဖၣ် အါမးဘၣ်ဆၣ်, အတၢ်ဆၢကတီၢ်လၢာ်ကွံာ်လံ, ဒီးအသးသမူအလုၣ်ဖျ့ဘၣ်တၢ်မၤထီၣ်တဲာ်ကွံာ်အီၤလံ.

လံာ်ယံးရမံယၤ 52:2

စီၤပၤစံးဒကံယၤမၤတ့ၢ်တၢ်ဒဲးဘးထီဒါယွၤ, ဒ်စီၤယဟိၤယါကံၣ်မၤတ့ၢ်ဝဲအသိးန့ၣ်လီၤ.

လံာ်ယဃ့းစက့လး 17:19

ယွၤပၢဘၣ်တၢ်ခဲလၢာ်ကစၢ်စံးဝဲ, “ဒ်ယမ့ၢ်ကစၢ်ယွၤလၢအမူဝဲ နီၢ်နီၢ်တဂၤအသိး, ယစံးယဲလၢယကစံၣ်ညီၣ်အီၤ, မ့ၢ်လၢအမၤဟးဂီၤလံာ်ဃံၤဃာ်အတၢ်ဆိၣ်လၢအဝဲဆိၣ်လီၤအသးလၢ ယမံၤအပူၤလၢကဟံးဃာ်ဝဲအဃိန့ၣ်လီၤ.

လံာ်ယဃ့းစက့လး 21:12

ဟီၣ်တၢ်ယၢၤတၢ်လၢတၢ်သူၣ်အုးသးအုးအပူၤပှၤကညီလၢ အသံသ့ဧၢ, နးအံၤမ့ၢ်လၢယပှၤဂီၢ်မုၢ်ဒီးပှၤအံၣ်စရ့လးဖိအခိၣ် အနၢ်ခဲလၢာ်အဂီၢ်န့ၣ်လီၤ. အဝဲသ့ၣ်ကဘၣ်တၢ်မၤသံအီၤဃုာ်ဒီးယပှၤဂီၢ်မုၢ်လၢအအိၣ်လီၤတဲာ် တ့ၢ်ခဲလၢာ်န့ၣ်လီၤ. ဒဲလီၤနသးနါပှၢ်လၢတၢ်သူၣ်ဟးဂီၤသးဟးဂီၤအပူၤန့ၣ်တက့ၢ်.

လံာ်ယဃ့းစက့လး 21:24

အန့ၣ်တစု, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံး ဝဲန့ၣ်လီၤ. သုတၢ်ဒဲးဘးတဖၣ်ဘၣ်တၢ်လီၣ်ဖျါထီၣ်အီၤလံ. ပှၤကိးဂၤဒဲးသ့ၣ်ညါဝဲလၢသုတၢ်ဒဲးဘးအိၣ်ဝဲဆံးအါလဲၣ်န့ၣ်လီၤ. သုပာ်ဖျါထီၣ်သုတၢ်ဒဲးဘးတဖၣ်လၢသုတၢ်ဟူးတၢ်ဂဲၤခဲလၢာ် အပူၤန့ၣ်လီၤ. သုဘၣ်ဆၢထၢၣ်လၢတၢ်စံၣ်ညီၣ်ဃၣ်အဂီၢ်ဒီးယကဟ့ၣ် လီၤသုဆူသုဒုၣ်သုဒါတဖၣ်အစုပူၤန့ၣ်လီၤ.

လံာ်ယဃ့းစက့လး 21:29

တၢ်ထံၣ်လၢညါတဖၣ်လၢသုထံၣ်ဘၣ်န့ၣ်မ့ၢ်တၢ်ကဘျံး ကဘျၣ်ဒီးတၢ်ကတိၤဆိပာ်စၢၤတဖၣ်လၢသုမၤအီၤန့ၣ်မ့ၢ်တၢ်လီ တၢ်ဝ့ၤတဖၣ်လီၤ. သုမ့ၢ်ပှၤတတီတလိၤဒီးပှၤအၢပှၤသီ, ဒီးသုမုၢ်နံၤမုၢ်သီန့ၣ်ဟဲဝဲ, မုၢ်တနံၤလၢသုတၢ်စံၣ်ညီၣ်လၢခံ ကတၢၢ်အဂီၢ်န့ၣ်လီၤ. နးတဘ့ၣ်ကလီၤလၢသုကိာ်တဖၣ်အလိၤန့ၣ်လီၤ.

လံာ်ယဃ့းစက့လး 25:5

ယကဒုးကဲထီၣ်ကွံာ်ဝ့ၢ်ရးဘးဆူတၢ်လီၢ်တတီၤလၢပှၤကပာ်ကီၤလၤ အူးတဖၣ်အဂီၢ်, ဒီးကီၢ်ဧၣ်မိၣ်ဒီတကီၢ်န့ၣ်, ယကဒုးကဲထီၣ်အီၤလၢတၢ်လီၢ်တတီၤလၢပှၤကပာ်သိအဂီၢ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 30:3

မုၢ်တနံၤန့ၣ်ဘူးထီၣ်လံ. မုၢ်တနံၤဖဲယွၤကမၤတၢ်, မုၢ်တနံၤလၢ အပှဲၤဒီးတၢ်အၢၣ်တဖၣ်ဒီး တၢ်ကိၢ်တၢ်ဂီၤလၢပှၤကလုာ်တဖၣ်အဂီၢ်န့ၣ်လီၤ.

လံာ်ယဃ့းစက့လး 35:5

သုမ့ၢ်တ့ၢ်ကီၢ်အံၣ်စရ့လးအဒုၣ်အဒါတပယူာ်ဃီဒီးပျဲအပှၤဂီၢ်မုၢ် ဘၣ်တၢ်မၤသံမၤဝီအီၤလၢတၢ်ဟးဂီၤအမုၢ်တနံၤ, လၢတၢ်တတၢးတနါအဆၢကတီၢ်, တၢ်ဆၢကတီၢ်ဖဲတၢ်စံၣ်ညီၣ်လၢ ခံကတၢၢ်လၢအဝဲအတၢ်ဒဲးဘးတဖၣ်အဂီၢ်န့ၣ်လီၤ.

လံာ်ယဃ့းစက့လး 7:3

ကီၢ်အံၣ်စရ့လးဧၢ, တၢ်အကတၢၢ်ဟဲလံဝဲလံ. နကကလၢၢ်ဘၣ်ယတၢ်သး ဒိၣ်ထီၣ်လီၤ. အဂ့ၢ်ဒ်အံၤ, ယစံၣ်ညီၣ်နၤလၢတၢ်လၢနမၤတ့ၢ်အီၤ အဃိန့ၣ်လီၤ. လၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤန့ၣ်လီၤ.

လံာ်ယဃ့းစက့လး 7:6

တၢ်မၤအသးဝံၤခဲလၢာ်လံ. တၢ်အံၤမ့ၢ်တၢ်အကတၢၢ်န့ၣ်လီၤ. နဝံၤတၢ်လၢာ်လံ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.