လံာ်ယဃ့းစက့လး 21:24 - Sgaw Karen Common Bible

²⁴ အန့ၣ်တစု, တၢ်အံၤမ့ၢ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ်စံး ဝဲန့ၣ်လီၤ. သုတၢ်ဒဲးဘးတဖၣ်ဘၣ်တၢ်လီၣ်ဖျါထီၣ်အီၤလံ. ပှၤကိးဂၤဒဲးသ့ၣ်ညါဝဲလၢသုတၢ်ဒဲးဘးအိၣ်ဝဲဆံးအါလဲၣ်န့ၣ်လီၤ. သုပာ်ဖျါထီၣ်သုတၢ်ဒဲးဘးတဖၣ်လၢသုတၢ်ဟူးတၢ်ဂဲၤခဲလၢာ် အပူၤန့ၣ်လီၤ. သုဘၣ်ဆၢထၢၣ်လၢတၢ်စံၣ်ညီၣ်ဃၣ်အဂီၢ်ဒီးယကဟ့ၣ် လီၤသုဆူသုဒုၣ်သုဒါတဖၣ်အစုပူၤန့ၣ်လီၤ.

လံာ်ယဃ့းစက့လး 21:24 Iomraidhean Croise

လံာ်ယၡါယၤ 3:9

အတၢ်ကွၢ်မဲာ်လၢတၢ်ထံၣ်တဆှံတဖၣ်ကဘၣ်တၢ်ဟံးဃာ်အီၤ လၢတၢ်ထီဒါက့ၤအဝဲသ့ၣ်အဂီၢ်လီၤ. အဝဲသ့ၣ်မၤတၢ်ဒဲးဘးဖျိ ဖျိဖျါဖျါဒ်ပှၤအိၣ်လၢဝ့ၢ်စဒိၣ်တဖၣ်မၤတ့ၢ်ဝဲအသိးလီၤ. အဝဲသ့ၣ်ဘၣ်တၢ်စံၣ်ညီၣ်ဃါမနၤလီၤ. အဝဲ သ့ၣ်ဟဲစိာ်တၢ်အံၤလၢအဖီခိၣ်ဒၣ်ဝဲလီၤ.

လံာ်ယံးရမံယၤ 15:2

ဖဲအဝဲသ့ၣ်သံကွၢ်နၤလၢအဝဲသ့ၣ်ကဘၣ်လဲၤဖဲလဲၣ်န့ၣ်, တဲဘၣ် အဝဲသ့ၣ်လၢယစံးယဲဒ်အံၤတက့ၢ်. အဝဲသ့ၣ်တနီၤလၢကသံလၢတၢ်ဆူးတၢ်ဆါအဃိဃါမနၤန့ၣ်, ကလဲၤဆူတၢ်ဆူးတၢ်ဆါအအိၣ်, ပှၤအဂၤတဖၣ်လၢကသံလၢတၢ်ဒုးတၢ်ယၤအပူၤ ဃါမနၤန့ၣ်, ကလဲၤဆူတၢ်ဒုးတၢ်ယၤအပူၤ, ပှၤအဂၤတနီၤလၢကသံလၢတၢ်သၣ်ဝံၤလီၤဒိအဃိ ဃါမနၤန့ၣ်, ကလဲၤဆူတၢ်သၣ်ဝံၤလီၤဒိအအိၣ်, ပှၤအဂၤတဖၣ်လၢကဘၣ်တၢ်စိာ်မၢကဲကုၢ်အီၤဒ်ပှၤဘၣ်တၢ်စၢဃာ် တဖၣ်ဃါမနၤန့ၣ်, ကလဲၤဆူတၢ်စိာ်မၢကဲကုၢ်အလီၢ်န့ၣ်လီၤ.

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်ယံးရမံယၤ 3:2

ကွၢ်ထီၣ်တၢ်ဆူတၢ်လူၢ်တဖၣ်အဒီခိၣ်န့ၣ်တက့ၢ်. မ့ၢ်တၢ်လီၢ် အိၣ်ဒံးတတီၤတီၤဖဲနတမၤနသးဒ်ပှၤဃဲသဲမုၣ်တဂၤအ သိးကစီဒီဧါ. နခိးတ့ၢ်ပှၤလၢကအဲၣ်နၤတဖၣ်လၢကျဲကပၤ, ဒ်ပှၤဧ့ရ့းဖိတဂၤအိၣ်ခိးပှၤလၢအကမၤနၢၤဝဲတဖၣ်လၢမဲး မုၢ်ခိၣ်ပူၤအသိးန့ၣ်လီၤ. နမၤဘၣ်အၢတ့ၢ်ထံကီၢ်ခီဖျိနဃဲသဲမုၣ်အတၢ်မၤအံၤန့ၣ်လီၤ.

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 21:23

ဝ့ၢ်ယရူၤၡလ့ၣ်အပှၤဂီၢ်မုၢ်တမ့ၢ်ကနာ်တၢ်ဂ့ၢ်အံၤဘၣ်, မ့ၢ်လၢလံာ်ဃံၤဃာ်တဖၣ်လၢအဝဲသ့ၣ်မၤတ့ၢ်အီၤအဃိန့ၣ်လီၤ. ဘၣ်ဆၣ်ဝံအတၢ်ကတိၤဆိပာ်အံၤမ့ၢ်တၢ်လၢကဒုးသ့ၣ်နီၣ်ထီၣ် အဝဲသ့ၣ်လၢအဝဲသ့ၣ်အတၢ်ဒဲးဘးတဖၣ်ဒီးဟ့ၣ်ပလီၢ် အဝဲသ့ၣ်လၢအဝဲသ့ၣ်ကဘၣ်တၢ်ဖီၣ်န့ၢ်အီၤန့ၣ်လီၤ.

လံာ်ယဃ့းစက့လး 21:25

နဲဒၣ်ကီၢ်အံၣ်စရ့လးအပှၤပၢတၢ်လၢအအၢအသီဒီးတစီတဆှံ တဂၤဧၢ, နမုၢ်တနံၤ, မုၢ်တနံၤလၢနတၢ်စံၣ်ညီၣ်လၢခံကတၢၢ်အဂီၢ် န့ၣ်ဟဲတုၤဃီၤဝဲလံ.

လံာ်ယဃ့းစက့လး 23:23

ယကဟဲကိးကယဲၢ်ပှၤဘၤဘူၤလိၣ်ဖိတဖၣ်ဒီးပှၤက့ၤစ့းဖိတဖၣ်, ပှၤပိာ်ခွါတဖၣ်လၢပကိး, ၡိအၤဒီးကိအၤဒီးကယဲၢ်ပှၤအၤၡူၢ် ဖိခဲလၢာ်န့ၣ်လီၤ. ယကပာ်ဖှိၣ်ထီၣ်ကယဲၢ်တူၢ်ဒိၣ်ကီၤဒိၣ်သးစၢ်ခွါလၢအက့ၢ်ဘၣ်ဂီၤ ဂ့ၤခဲလၢာ်ဒီးပဒိၣ်ပပှၢ်တဖၣ်, ကယဲၢ်ပှၤကိးဂၤဒဲးလၢအမ့ၢ်ပှၤခိၣ်ပှၤနၢ်အကါဒိၣ်တဖၣ်ဒီးပှၤ ဒိးကသ့ၣ်ဒုးသုးအခိၣ်တဖၣ်လၢအအိၣ်ဒီးလီၢ်ဒိၣ်လၤထီန့ၣ်လီၤ.

လံာ်ယဃ့းစက့လး 24:7

တၢ်မၤသံအိၣ်ဝဲလၢဝ့ၢ်ပူၤ, ဘၣ်ဆၣ်တၢ်သွံၣ်တလီၤဂၢ်ဘၣ်လၢဟီၣ် ခိၣ်လိၤ, တၢ်လီၢ်ဖဲဖၣ်ကမူၣ်မၤဘၢအီၤသ့ဝဲန့ၣ်ဘၣ်. တၢ်သွံၣ်န့ၣ်လီၤဂၢ်လၢလၢၢ်လ့ၤကဒိတဖျၢၣ်အလိၤန့ၣ်လီၤ.

လံာ်ဟိၤၡ့ 4:2

အဝဲသ့ၣ်မၤတၢ်အၢၣ်လီၤတဖၣ်ဒီးမၤဟးဂီၤကွံာ်ဝဲလီၤ. အဝဲသ့ၣ်လီတၢ်, မၤသံတၢ်, ဟုၣ်တၢ်ဒီးမၤတၢ်မၤကမၣ်မုၣ် ကမၣ်ခွါအတၢ်မၤန့ၣ်လီၤ. တၢ်လုၢ်သ့ၣ်ခါပတာ်တၢ်သိၣ်တၢ်သီဒီးတၢ်မၤသရူးကမၣ်သ့ၣ်တဖၣ်အါ ထီၣ်ဝဲဒီး, ပှၤမၤသံလိာ်သးတဂၤဝံၤတဂၤန့ၣ်လီၤ.