လံာ်ယဃ့းစက့လး 21:22 - Sgaw Karen Common Bible

²² ခဲကနံၣ်အံၤ, အဝဲအစုထွဲဖီၣ်ဃာ်ပျၢ်တဘိလၢတၢ်မၤနီၣ်အီၤ, ‘ဝ့ၢ်ယရူၤၡလ့ၣ်’ အဂီၢ်န့ၣ်လီၤ. တၢ်န့ၣ်တဲအီၤလၢအဝဲကလဲၤ ဒီးပာ်လီၤနီၣ်ဘၢၣ်ဖျိတၢ်တဖၣ်, ကကိးသတြီထီၣ်တၢ်ဒုးတၢ်ယၤအတၢ်ကိးပသူ, ကပာ်လီၤနီၣ်ဘၢၣ်ဖျိတၢ်တဖၣ်ထီဒါတြဲၤတဖၣ်ဒီးကမၤကစီၤထီၣ် ဟီၣ်ခိၣ်ပူၣ်တဖၣ်ဒီးကခူၣ်လီၤတၢ်ကျိၤတဖၣ်န့ၣ်လီၤ.

လံာ်ယဃ့းစက့လး 21:22 Iomraidhean Croise

လံာ်စီၤပၤခံဘ့ၣ်တဘ့ၣ် 25:1

စီၤစံးဒကံယၤပူထီၣ်တၢ်ထီဒါကီၢ်ဘၤဘူၤလိၣ်အစီၤပၤနဘူး ကးန့စၢ်, ဒီးလၢတၢ်န့ၣ်အဃိစီၤနဘူၤကးန့စၢ်ဟဲဝဲဒီးကယဲၢ်အသုးမုၢ် ခဲလၢာ်ဒီးဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ခွံနံၣ်တနံၣ်အပူၤ, လါဆံဆဲၣ်လါတလါထီၣ်ဆံဆဲၣ်သီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, မၤထီၣ်တၢ်ဒူၣ်ဝးတရံးအီၤ,

လံာ်စီၤယိၤဘး 39:25

လၢကွဲၤအသီၣ်ထီၣ်တဘီဘၣ်တဘီန့ၣ်သါသဖှိထီၣ်ဝဲဖြူၤဖြူၤ, ဒီးနၢဘၣ်တၢ်ဒုးသုးအသဝံလၢအယံၤ, ဒီးနၢ်ဟူသုးခိၣ်တဖၣ် ကိးပသူထီၣ်ဟ့ၣ်လီၤအကလုၢ်တဖၣ်န့ၣ်လီၤ.

လံာ်ယံးရမံယၤ 32:24

ပှၤဘၤဘူၤလိၣ်ဖိတဖၣ် မၤထီၣ်တ့ၢ်ဟီၣ်ခိၣ်ထီၣ် စိကဝီၤဃာ်တၢ်တဖၣ်, ဝးတရံးဝ့ၢ်လၢ ကဒုးန့ၢ်ဝဲအဂီၢ်, ဒီးအဝဲသ့ၣ်လဲၤထီၣ် ဒုးဝဲန့ၣ်လီၤ. တၢ်ဒုးတၢ်ယၤ, တၢ်သၣ်ဝံၤလီၤဒိဒီး တၢ်ဆူးတၢ်ဆါ ကဒုးလီၤဝ့ၢ်အံၤဆူ အဝဲသ့ၣ်တဖၣ် အစုပူၤန့ၣ်လီၤ. နကထံၣ်ဘၣ်လၢ တၢ်လၢ နစံးတ့ၢ်အီၤ ခဲလၢာ်န့ၣ်, မၤအသးလံန့ၣ်လီၤ.

လံာ်ယံးရမံယၤ 33:4

ယၤ, ယွၤ, အံၣ်စရ့လးအကစၢ်ယွၤစံး, လၢဝ့ၢ်ယရူၤၡလ့ၣ် အဟံၣ်တဖၣ်ဒီး ကီၢ်ယူဒၤအစီၤပၤအနူၢ်အစီၤကဘၣ်တၢ်ရူၢ် လီၤကွံာ်အီၤခီဖျိတၢ်ကဝီၤဃာ်ဒီး တၢ်ဟဲထီၣ်ဒုးအီၤအဃိန့ၣ်လီၤ.

လံာ်ယံးရမံယၤ 4:16

အဝဲသ့ၣ်ဟဲတ့ၢ်ဝဲလၢကဟ့ၣ်ဒုးပလီၢ်ပှၤကလုာ်တဖၣ်ဒီးကတဲဘၣ် ဝ့ၢ်ယရူၤၡလ့ၣ်လၢဒုၣ်ဒါတဖၣ်ဟဲလံဝဲလၢထံကီၢ်လၢအယံၤတဘ့ၣ် န့ၣ်လီၤ. ဒုၣ်ဒါတဖၣ်အံၤကကိးထီၣ်တၢ်ထီဒါကီၢ်ယူဒၤအဝ့ၢ်တဖၣ် န့ၣ်လီၤ.

လံာ်ယံးရမံယၤ 51:14

ယွၤသ့တၢ်လၢာ်ဆိၣ်တၢ်လၢ အကစၢ်ဒၣ်ဝဲအမံၤအပူၤလၢ အဝဲကပျဲပှၤအါဂၤ ကဟဲထီၣ်ဒုးကီၢ်ဘၤဘူၤလိၣ်ဒ် ဒွဲၣ်အဖုအဂီၢ်အသိး, ဒီးအဝဲသ့ၣ်ကကိးထီၣ်အိၣ်ဒီးတၢ်မၤနၢၤန့ၣ်လီၤ.

လံာ်ယံးရမံယၤ 52:4

ဒီးလၢတၢ်န့ၣ်အဃိ, စီၤနဘူၤကးန့စၢ်ဟဲဝဲဒီး အသုးမုၢ်ခဲလၢာ်ဒီး ထီၣ်ဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ပှဲၤထီၣ် ခွံနံၣ်တနံၣ်, ဆံဆဲလါတလါ, လါထီၣ်ဆံဆဲၣ်သီတသီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, ဒီးသူၣ်ထီၣ်တိာ်အဒူၣ်တဖၣ်ဝးတရံးအီၤ,

လံာ်ယဃ့းစက့လး 26:8

ပှၤတဖၣ်လၢအအိၣ်လၢဝ့ၢ်တဖၣ်အပူၤလၢကီၢ်မိၢ်ပှၢ်န့ၣ်ကဘၣ် တၢ်မၤသံအီၤလၢတၢ်ဒုးအပူၤန့ၣ်လီၤ. ဒုၣ်ဒါတဖၣ်ကခူၣ်ဝဲ တၢ်ကျိၤတဖၣ်, ကမၤထီထီၣ်ဟီၣ်ခိၣ်တဖၣ်, ဒီးမၤထီၣ်တၢ်ဒူၣ်ခၢၣ်သနၢၣ်တခါဒ်အမ့ၢ်ကတီၤတဖၣ်န့ၣ်လီၤ.

လံာ်ယဃ့းစက့လး 26:9

အဝဲသ့ၣ်ကဆုလီၤနခိၣ်ဒူတဖၣ်လၢနီၣ်ဘၢၣ်ဖျိတၢ်တဖၣ်ဒီးကမၤ လီၤပှီၢ်ကွံာ်နတိာ်ဧိၤတာ်ဧိၤလၢထးဘိတဖၣ်န့ၣ်လီၤ.

လံာ်ယဃ့းစက့လး 4:2

ဝံၤဒီး, လၢတၢ်ဒုးနဲၣ်တၢ်ကဝီၤဃာ်တၢ်အဂီၢ်န့ၣ်, ခူၣ်လီၤတၢ်ကျိၤတဖၣ်, ပူၣ်ထီထီၣ်ဟီၣ်ခိၣ်တဖၣ်, သူၣ်ဒဲတဖၣ်, ဒီးပာ်လီၤစုကဝဲၤလၢအဆဲးတိၢ်လီၤပှီၢ်တၢ်တဖၣ် ဝးတရံးအီၤတက့ၢ်.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်စီၤယိၤၡူ 6:10

ဘၣ်ဆၣ်ဒီး, စီၤယိၤၡူမၤလိာ်အပှၤဂီၢ်မုၢ်, “မ့တမ့ၢ်လၢယ ခါလီၤယကလုၢ်ဘၣ်ဒီး, သုတဘၣ်ကိးပသူထီၣ်ဒီးမၤသီၣ်မၤသဲတၢ်ဘၣ်, သုတဘၣ်ကတိၤတၢ်နီတဘီဘၣ်. တုၤယခါလီၤယကလုၢ်ဒီးသုကဘၣ်ကိးပသူထီၣ်လီၤ.”

လံာ်စီၤယိၤၡူ 6:20

သတးဒီးပှၤလုၢ်တၢ်အခိၣ်တဖၣ်အူထီၣ်အကွဲၤန့ၣ်လီၤ. တုၤပှၤဂီၢ်မုၢ်နၢ်ဟူကွဲၤအသီၣ်ဒီး, အဝဲသ့ၣ်ကိးပသူထီၣ်လၢအကလုၢ်ဖးဒိၣ်ဒီးဝ့ၢ်အခိၣ်ဒူတဖၣ် လီၤပှီၢ်ကွံာ်ဝဲန့ၣ်လီၤ. အန့ၣ်ဒီး, သုးမုၢ်သံၣ်ဘိဒီဖုလဲၤထီၣ်လိၤလိၤဆူဝ့ၢ်ပူၤဒီးမၤန့ၢ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:20

စီၤဒၤဝံးဂဲၤဆၢထၢၣ်လၢမုၢ်ဆ့ၣ်ထီၣ်တနံၤန့ၣ်ဂီၤဂီၤ, ပာ်တ့ၢ်ပှၤတဂၤလၢကဟံးန့ၢ်မူဒါဒီးကွၢ်ထွဲသိတဖၣ်, ဟံးထီၣ်တၢ်အီၣ်တၢ်အီဒီးလဲၤတၢ်ဒ်စီၤယံးၡဲစံးတ့ၢ်အီၤ အသိးလီၤ. အဝဲလဲၤတုၤဆူတၢ်သူၣ်ထီၣ်ဒဲအလီၢ်ဖဲပှၤအံၣ်စရ့လးဖိ တဖၣ်လဲၤထီၣ်ဆူတၢ်ဒုးတၢ်ယၤအလီၢ်, ကိးထီၣ်တၢ်ဒုးတၢ်ယၤ အကလုၢ်အကတီၢ်န့ၣ်လီၤ.