လံာ်ယဃ့းစက့လး 21:20 - Sgaw Karen Common Bible

²⁰ တၢ်ပနီၣ်တမံၤန့ၣ်ကဒုးနဲၣ်စီၤပၤအကျဲဆူပှၤဧၤမိၣ်ဖိအဝ့ၢ် ရးဘးအပူၤ, ဒီးအဂၤတမံၤန့ၣ်မ့ၢ်ဆူကီၢ်ယူဒၤ, ဆူဝ့ၢ်အိၣ်ဒီးအတိာ်ခၢၣ်သနၢၣ်ယရူၤၡလ့ၣ်န့ၣ်လီၤ.

လံာ်ယဃ့းစက့လး 21:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:26

အခါဖဲန့ၣ်, စီၤယိၤအာ်ထီၣ်ဒုးထွဲဒံးတၢ်ထီဒါပှၤဧၣ်မိၣ်ဖိ အဝ့ၢ်ခိၣ်ဝ့ၢ်ရးဘါဒီးဘူးတ့ၢ်လၢကမၤန့ၢ်အီၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 5:9

ဖဲအမၤန့ၢ်တိာ်န့ၣ်ဝံၤဒီး, စီၤဒၤဝံးအိၣ်ဆိးဝဲလၢအပူၤ ဒီးယုၢ်န့ၢ်အမံၤလၢ, “စီၤဒၤဝံးအဝ့ၢ်” န့ၣ်လီၤ. အဝဲသူၣ်ထီၣ်ဝ့ၢ်ဝးတရံးတၢ်လီၢ်န့ၣ်, စးထီၣ်လၢတၢ်လီၢ်လၢဟီၣ်ခိၣ်ဘၣ်တၢ်မၤပှဲၤအီၤ, လၢအအိၣ်ဝဲဖဲတၢ်လူၢ်အမုၢ်ထီၣ်တခီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:9

စီၤဧူးစံယါမၤဂၢၢ်ထီၣ်ကျၢၤထီၣ်ဝ့ၢ်ယရူၤၡလ့ၣ်အတိာ်ဧိၤတာ် ဧိၤတဖၣ်ခီဖျိသူၣ်ထီၣ်ဘှီထီၣ်ပှၤပၢၤတၢ်အလီၢ်တဖၣ်ဖဲတၢ်အနၢၣ် အတြဲၤ, ဖဲကစၢၢ်ကဆူးအတြဲၤဖးဒိၣ်, ဒီးဖဲတၢ်အခိၣ်ဒူ အသနၢၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:5

စီၤပၤမၤခၢၣ်သနၢၣ်ထီၣ်က့ၤဝ့ၢ်အတၢ်တြီဆၢဒုၣ်ဒါအလီၢ်တဖၣ်, ခီဖျိတၢ်ဘှီဂ့ၤက့ၤဝ့ၢ်ခိၣ်ဒူ, ဘှီထီၣ်ပှၤခိးတၢ်အလီၢ်တဖၣ်လၢအဖီခိၣ်, ဒီးဘှီထီၣ်ကဒီးတၢ်ဒူၣ်လၢတၢ်ချၢတဒူၣ်န့ၣ်လီၤ. တကးဒံးဘၣ်, အဝဲဘှီဂ့ၤက့ၤတၢ်တြီဆၢဒုၣ်ဒါအလီၢ်တဖၣ်လၢအဘၣ် တၢ်ဘှီထီၣ်တ့ၢ်အီၤဖဲဝ့ၢ်ယရူၤၡလ့ၣ်အတၢ်လီၢ်လၢအလီၢ်လံၤတကပၤ အမုၢ်ထီၣ်, တၢ်လီၢ်လၢတၢ်မၤဃူမၤပှဲၤက့ၤအီၤအပူၤန့ၣ်လီၤ. အဝဲမၢပှၤမၤစ့ၢ်ကီးဘီတဖၣ်ဒီးကတီၤတဖၣ်အါအါဂီၢ်ဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:14

တၢ်မၤအသးအံၤဝံၤအလီၢ်ခံန့ၣ်, စီၤမနၤၡ့ၤမၤထီၣ်စီၤဒၤဝံး အဝ့ၢ်ခိၣ်ဒူလၢအချၢတတီၤလၢမုၢ်ထီၣ်တကပၤ, စးထီၣ်လၢကံဃိၣ်အထံထီၣ်ပၢၢ်တုၤလၢညၣ်အတြဲၤအကလံၤစိး, ဝ့ၢ်အလီၢ်ကဝီၤလၢတၢ်ကိးအီၤလၢဧိၤဖ့လးန့ၣ်လီၤ. အဝဲပာ်စ့ၢ်ကီးသုးမုၢ်တဖုအခိၣ်တဂၤလၢတၢ်ပၢဆှၢသုးဖိ တဖုအဂီၢ်, လၢကီၢ်ယူဒၤအဝ့ၢ်လၢအအိၣ်ဒီးတိာ်ဧိၤတာ်ဧိၤတဝ့ၢ် စုာ်စုာ်အပူၤန့ၣ်လီၤ.

လံာ်ယၡါယၤ 22:10

သုကွၢ်ထံက့ၤဟံၣ်ကိးဖျၢၣ်ဒဲးလၢဝ့ၢ်ယရူၤၡလ့ၣ်အပူၤဒီးဂုၤ လီၤပှီၢ်အီၤတနီၤလၢသုကမၤန့ၢ်လၢၢ်တဖၣ်လၢတၢ်ကဘှီက့ၤ ဝ့ၢ်အခိၣ်ဒူအဂီၢ်လီၤ. လၢတၢ်ကပဒၢးဖှိၣ်ထံအဂီၢ်,

လံာ်ယံးရမံယၤ 49:2

ဘၣ်ဆၣ်ဒီး တၢ်ဆၢကတီၢ်ဟဲလံဝဲလၢ ယကဒုးနၢ်ဟူပှၤဂီၢ်မုၢ်အိၣ်လၢ ဝ့ၢ်ခိၣ်ရးဘး အပူၤလၢ တၢ်ဒုးတၢ်ယၤအသီၣ်, ဒီးဝ့ၢ်န့ၣ် ကဟးဂီၤကွံာ်ဒီး အသဝီတဖၣ်မ့ၣ်အူကအီၣ် ကွံာ်အီၤန့ၣ်လီၤ. အန့ၣ်ဒီး, ကီၢ်အံၣ်စရ့လးကဟံး န့ၢ်ကဒါက့ၤအကီၢ်လၢ ပှၤတဖၣ်လၢ အဟံးန့ၢ်ကွံာ် အီၤလၢ အဝဲသ့ၣ်အစုပူၤအအိၣ်န့ၣ်လီၤ.

လံာ်သးသယုၢ်တၢ် 4:12

ပှၤအိၣ်လၢတၢ်လီၢ်တပူၤဂ့ၤတပူၤဂ့ၤ, ပှၤပၢတၢ်လၢတခီဘီ မုၢ်အထံကီၢ်တဖၣ်ဒၣ်လဲာ်မ့ၢ်ဂ့ၤ လၢအနာ်တ့ၢ်ဝဲလၢဒုၣ်ဒါတဖုဖုနုာ်လီၤဝ့ၢ်ယရူၤၡလ့ၣ် အတြဲၤတဖၣ်ကန့ၢ်န့ၣ်, တအိၣ်ဘၣ်.

လံာ်ယဃ့းစက့လး 25:5

ယကဒုးကဲထီၣ်ကွံာ်ဝ့ၢ်ရးဘးဆူတၢ်လီၢ်တတီၤလၢပှၤကပာ်ကီၤလၤ အူးတဖၣ်အဂီၢ်, ဒီးကီၢ်ဧၣ်မိၣ်ဒီတကီၢ်န့ၣ်, ယကဒုးကဲထီၣ်အီၤလၢတၢ်လီၢ်တတီၤလၢပှၤကပာ်သိအဂီၢ်, ဒ်သိးသုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)