လံာ်ယဃ့းစက့လး 20:8 - Sgaw Karen Common Bible

⁸ ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်ယဃ့းစက့လး 20:8 Iomraidhean Croise

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

စံးထီၣ်ပတြၢၤ 106:23

ဖဲကစၢ်ယွၤစံးလၢ ကမၤဟးဂီၤကွံာ် အပှၤဂီၢ်မုၢ်န့ၣ်, အခ့အပှၤလၢအဃုထၢဝဲစီၤမိၤၡ့ ဂဲၤဆၢထၢၣ်ထီဒါကစၢ်ယွၤ, ဒီးတြီဃာ်အတၢ်သးထီၣ်လၢ ကမၤဟးဂီၤအဝဲသ့ၣ်န့ၣ်လီၤ.

စံးထီၣ်ပတြၢၤ 69:24

လူလီၤနတၢ်သးထီၣ်လၢအလိၤတက့ၢ်. ဒီးမ်နတၢ်သးဒိၣ်အတၢ်ကဲၤထီၣ်ချုးန့ၢ်အီၤတက့ၢ်.

စံးထီၣ်ပတြၢၤ 78:17

ဘၣ်ဆၣ်အဝဲသ့ၣ်မၤကမၣ်တၢ်ထီဒါကစၢ်ယွၤအါထီၣ် ဒီးပူထီၣ်တၢ်ထီကတၢၢ်တဂၤလၢ မဲးမုၢ်ခိၣ်အပူၤန့ၣ်လီၤ.

စံးထီၣ်ပတြၢၤ 78:8

အဝဲသ့ၣ်တမ့ၢ်ကလီၤဂာ်ဒီးအပၢ်သ့ၣ်တဖၣ် လၢအပူထီၣ်တၢ်ဒီးအတၢ်ဒိကနၣ်တအိၣ်, ပှၤတစိၤလၢအတၢ်နာ်ယွၤတဂၢၢ်တကျၢၤ, ဒီးတအိၣ်လၢၤလၢတၢ်သးတီဒီးယွၤန့ၣ်ဘၣ်လီၤ.

စံးထီၣ်ပတြၢၤ 81:12

အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

လံာ်တၢ်ဟးထီၣ်ကွံာ် 32:1

ဖဲပှၤဂီၢ်မုၢ်ထံၣ်ဝဲလၢစီၤမိၤၡ့တဟဲက့ၤလီၤလၢကစၢၢ်ဒီ ခိၣ်ဘၣ်မ့မ့ၢ်အိၣ်ဝဲဖဲန့ၣ်ယံာ်ဒိၣ်မးန့ၣ်, အဝဲသ့ၣ်ပာ်ဖှိၣ်အသးဝးတရံးစီၤအၤဟရိၣ်ဒီးစံးဘၣ်အီၤ, “တၢ်မၤအသးဒီးစီၤမိၤၡ့လၢအဆှၢထီၣ်ပှၤလၢကီၢ်အဲၤကူပတူး တဂၤဒ်လဲၣ်န့ၣ်ပတသ့ၣ်ညါဘၣ်. လၢတၢ်န့ၣ်အဃိမၤန့ၢ်ပှၤလၢကစၢ်ထူတဂၤလၢကဆှၢပှၤတက့ၢ်.”

လံာ်ယၡါယၤ 63:10

ဘၣ်ဆၣ်ဒီးအဝဲသ့ၣ်ပူထီၣ်တ့ၢ်တၢ်ထီဒါအီၤဒီးဒုးသးအုးတ့ၢ် အသးစီဆှံန့ၣ်လီၤ. လၢတၢ်န့ၣ်အဃိ, ယွၤကဲထီၣ်အဝဲသ့ၣ် အဒုၣ်အဒါဒီးဒုးတၢ်ထီဒါအဝဲသ့ၣ်န့ၣ်လီၤ.

လံာ်ယံးရမံယၤ 11:8

ဘၣ်ဆၣ်ဒီး, အဝဲသ့ၣ်တဒိကနၣ်တၢ်မ့ၢ်ဂ့ၤတစူၢ်တၢ်မ့ၢ်ဂ့ၤဘၣ်. အခိၣ်တလိာ်, ပှၤကိးဂၤဒဲးအခိၣ်ကိၤဒံးဒၣ်တၢ်ဒီးအၢဒံးသီဒံး ဒၣ်ဒ်လၢညါအဃိန့ၣ်လီၤ. ယမၤလိာ်တ့ၢ်အဝဲသ့ၣ်ကတိၢ်န့ၢ်ဖံး ဃာ်တၢ်အၢၣ်လီၤအီလီၤဘၣ်ဆၣ်ဒီးအဝဲသ့ၣ်တဒိကနၣ်ဝဲဘၣ်. လၢတၢ်န့ၣ်အဃိ, ယဒုးလီၤဘၣ်ကယဲၢ်တၢ်စံၣ်ညီၣ်တဖၣ်လၢ တၢ်ပာ်ဖျါက့ၤအီၤလၢတၢ်အၢၣ်လီၤအီလီၤအပူၤ, လၢအဝဲသ့ၣ်အလိၤန့ၣ်လီၤ.”

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယဃ့းစက့လး 20:16

ယမၤတ့ၢ်တၢ်ဆိၣ်န့ၣ်, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤ လိာ်တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးမၤတရီတပါမုၢ်အိၣ်ဘှံးနံၤ, ဒီးအဝဲသ့ၣ်ဘၣ်သူၣ်ဘၣ် သးလၢကဘူၣ်ထီၣ်ဘါထီၣ်အဝဲသ့ၣ်အတၢ်ဂီၤတၢ်ဖီၣ်တဖၣ်အဃိန့ၣ် လီၤ.

လံာ်ယဃ့းစက့လး 20:21

ဘၣ်ဆၣ်ပှၤတစိၤန့ၣ်ခီၣ်ဆၢစ့ၢ်ကီးယၤန့ၣ်လီၤ. အဝဲသ့ၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါတဖၣ်ဒီးတတိၢ်န့ၢ်ဖံးဃာ် ယတၢ်မၤလိာ်တဖၣ်လၢအဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤ အအိၣ်န့ၣ်ဘၣ်. အဝဲသ့ၣ်မၤတရီတပါမုၢ်အိၣ်ဘှံးနံၤန့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်ယဃ့းစက့လး 20:7

ယတဲဘၣ်တ့ၢ်အဝဲသ့ၣ်လၢကစူးကွံာ်ညိကွံာ်တၢ်ဂီၤတၢ်ဖီၣ်တဖၣ်လၢ အလီၤသးဘၣ်အၢလၢအဝဲသ့ၣ်အဲၣ်ဝဲဒီးသုတမၤဘၣ်အၢအသးဒီးကီၢ် အဲၤကူပတူးအယွၤတဖၣ်လၢအကဘျံးကဘျၣ်န့ၣ်တဂ့ၤ. ယမ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်ယဃ့းစက့လး 22:22

လၢဝ့ၢ်ယရူၤၡလ့ၣ်အပူၤန့ၣ်, အဝဲသ့ၣ်တဖၣ်ကဘၣ်တၢ်မၤပှံၢ်ထီၣ်အီၤ ဒ်စ့ဘၣ်တၢ်မၤပှံၢ်ထီၣ်အီၤလၢဖၣ်ကပူၤတခါအပူၤအသိးန့ၣ်, ဝံၤဒီးအဝဲသ့ၣ်ကသ့ၣ်ညါဝဲလၢအကလၢၢ်ဘၣ်လံယွၤအတၢ်သးဒိၣ်ထီၣ် န့ၣ်လီၤ.”

လံာ်ယဃ့းစက့လး 5:13

သုကကလၢၢ်ဘၣ်ယတၢ်သးဒိၣ်ဒီးသးကဲၤထီၣ်အသဟီၣ်တုၤယသးမံယဲ တစုလီၤ. ဖဲတၢ်ခဲလၢာ်အံၤမၤအသးန့ၣ်, သုကနာ်နီၢ်နီၢ်လၢယၤ, ယွၤအံၤ, ကတိၤလံတၢ်ဒီးသုမ့ၢ်လၢယကသး ကဲၤထီၣ်ဘၣ်သုတၢ်သူၣ်တတီသးတလိၤအဃိန့ၣ်လီၤ.

လံာ်ယဃ့းစက့လး 7:8

ခဲအံၤ, တယံာ်လၢၤဘၣ်, နကကလၢၢ်ဘၣ်ယတၢ်သးဒိၣ်ထီၣ်အသဟီၣ်လီၤ. ယစံၣ်ညီၣ်နၤလၢတၢ်လၢနမၤတ့ၢ်နဲအဃိ, ဒီးလၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤလီၤ.

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 18:3

မၤဒ်အဲၤကူပတူးဖိလၢသုအိၣ် သုဆိးတ့ၢ်လၢအသိးန့ၣ်တဂ့ၤ. ဒီးမၤဒ်ပှၤကနၤဧၣ်ဖိ လၢယဒုးလဲၤနုာ်သုဆူအကီၢ်အပူၤအသိးန့ၣ်တဂ့ၤ.

လံာ်သိၣ်လီၤသီလီၤတၢ် 9:24

စးထီၣ်လၢယသ့ၣ်ညါသုလံၤလံၤန့ၣ်သုပူထီၣ်တ့ၢ်တၢ်ထီဒါယွၤ န့ၣ်လီၤ.

လံာ်သိၣ်လီၤသီလီၤတၢ် 9:7

သုမၤသးဒိၣ်ထီၣ်တ့ၢ်ယွၤသုကစၢ်ယွၤလၢပှၢ်မုၢ်ကနၢအပူၤန့ၣ် သးပ့ၤနီၣ်ကွံာ်အီၤနီတစုတဂ့ၤ. စးထီၣ်မုၢ်တနံၤလၢသု ဟးထီၣ်ကွံာ်လၢကီၢ်အဲၤကူပတူးတုၤလၢဖဲအံၤအမုၢ်တနံၤန့ၣ်, သုပူထီၣ်တၢ်ထီဒါအီၤအခါန့ၣ်လီၤ.