လံာ်ယဃ့းစက့လး 20:6 - Sgaw Karen Common Bible

⁶ မ့ၢ်အခါဖဲန့ၣ်လၢယအၢၣ်လီၤတ့ၢ်အဝဲသ့ၣ်လၢယကထုးထီၣ်ကွံာ် အဝဲသ့ၣ်လၢကီၢ်အဲၤကူပတူးအပူၤဒီးဆှၢအဝဲသ့ၣ်ဆူကီၢ်တဘ့ၣ်လၢ ယဃုထၢထီၣ်တ့ၢ်လၢအဝဲသ့ၣ်အဂီၢ်, ကီၢ်တဘ့ၣ်လၢအထူးတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ, ကီၢ်အဂ့ၤကတၢၢ်လၢကီၢ်ခဲလၢာ်အကျါန့ၣ်လီၤ.

လံာ်ယဃ့းစက့လး 20:6 Iomraidhean Croise

လံာ်စီၤနဃ့မယၤ 9:12

ဒီးလၢမုၢ်ဆါန့ၣ်နဆှၢအဝဲသ့ၣ်လၢတၢ်အၢၣ်ဒီးလၢမုၢ်နၤန့ၣ် နမၤကပီၤထီၣ်အကျဲဒီးမ့ၣ်အူန့ၣ်လီၤ.

လံာ်စီၤနဃ့မယၤ 9:9

နထံၣ်တ့ၢ်လံပမိၢ်ပၢ်ဖံဖုလၢပျၢၤတဖၣ်တူၢ်ဘၣ်တၢ်လၢကီၢ်အဲၤ ကူပတူးအပူၤ, ဒီးနနၢ်ဟူတ့ၢ်လံအဝဲသ့ၣ်အတၢ်ကိးထီၣ်လၢတၢ်မၤစၢၤအဂီၢ်လၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 106:24

အန့ၣ်ဝံၤဒီး, အဝဲသ့ၣ်ညိကွံာ်ထံမုာ်ကီၢ်ပၢၤမ့ၢ်လၢ အဝဲသ့ၣ်တနာ်ကစၢ်ယွၤအတၢ်အၢၣ်လီၤအီလီၤအဃိလီၤ.

စံးထီၣ်ပတြၢၤ 47:5

ကစၢ်ယွၤက့ၤထီၣ်ဆူအလီၢ်ပစိာ်လီၤ. တၢ်သူၣ်ဖှံသးညီအတၢ်ကိးထီၣ်တဖၣ် ဒီးကွဲၤတဖၣ်သီၣ်ထီၣ်ဝဲ ဖဲယွၤက့ၤထီၣ်ဆူထးန့ၣ်လီၤ.

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

လံာ်တၢ်ဟးထီၣ်ကွံာ် 13:5

ယွၤအၢၣ်လီၤအီလီၤတ့ၢ်တၢ်လီၤတံၢ်လီၤဆဲးဒီးသုမိၢ်ပၢ်ဖံ ဖုလၢပျၢၤတဖၣ်လၢအကဟ့ၣ်သုလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤဃ့ၤဝံဖိဒီးပှၤယဘူၣ်ဖိတဖၣ်အကီၢ်န့ၣ်လီၤ. တုၤအဝဲဆှၢသုဆူကီၢ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ် ဂ့ၤဝဲတဘ့ၣ်အပူၤန့ၣ်သုကဘၣ်မၤဘူၣ်အံၤလၢလါအခီၣ်ထံး ကတၢၢ်တလါအပူၤကိးနံၣ်ဒဲးန့ၣ်လီၤ.

လံာ်တၢ်ဟးထီၣ်ကွံာ် 3:17

ဒီးယပာ်လီၤတ့ၢ်လံယသးလၢယကထုးထီၣ်ကွံာ်အဝဲသ့ၣ်လၢကီၢ် အဲၤကူပတူး, တၢ်လီၢ်ဖဲအဝဲသ့ၣ်ဘၣ်တၢ်မၤအၢမၤနးအီၤ နးမးဒီးကဆှၢအီၤဆူပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အကီၢ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 33:3

သုကလဲၤဆူကီၢ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ တဘ့ၣ်အပူၤလီၤ. ဘၣ်ဆၣ်ဒီးယနီၢ်ကစၢ်ဒၣ်ယဲယတလဲၤဃုာ်တၢ်ဒီးသုဘၣ်. အဂ့ၢ်ဒ်အံၤ, သုမ့ၢ်ပှၤဂီၢ်မုၢ်တဖုလၢအခိၣ်ကိၤ, ဒီးယကမၤဟးဂီၤဘၣ်ဖုးသုလၢကျဲန့ၣ်လီၤ.”

လံာ်တၢ်ဟးထီၣ်ကွံာ် 6:8

ဒီးယကဒုးလဲၤနုာ်သုဆူကီၢ်တဘ့ၣ်လၢယအၢၣ်အီလီၤလၢ ယကဟ့ၣ်စီၤအၤဘြၤဟၣ်, စီၤအံၤစဲးဒီးစီၤယၤကိာ်, ဒီးယကဟ့ၣ်လီၤသုဒ်သုတၢ်န့ၢ်သါအသိးန့ၣ်လီၤ. ယဲဒၣ်အံၤယမ့ၢ်ယွၤလီၤ.’ ”

လံာ်ယံးရမံယၤ 11:5

အန့ၣ်ဒီး, ယကဟံးဃာ်ကျၢၤတၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်, လၢယကဟ့ၣ်လီၤအဝဲသ့ၣ်လၢကီၢ်တဘ့ၣ်လၢခဲအံၤအဝဲသ့ၣ်အိၣ်ဆိး ဝဲလၢအပူၤလၢအမ့ၢ်ကီၢ်တဘ့ၣ်လၢအထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.” ယစံး “မ့ၢ်လီၤ. ယွၤဧၢ.”

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယံးရမံယၤ 32:22

နဟ့ၣ်လီၤတ့ၢ် အဝဲသ့ၣ်လၢ ကီၢ်တဘ့ၣ်လၢ အထူးဝဲတီၤဝဲဒီး အဟီၣ်ခိၣ်ညၣ်ထ့ၣ်ဂ့ၤဝဲ, ဒ်နအၢၣ်လီၤတ့ၢ် အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

လံာ်ယဃ့းစက့လး 20:23

လၢတၢ်န့ၣ်အဃိ, ယမၤကဒီးတၢ်ဆိၣ်အဂၤတမံၤလၢပှၢ်မုၢ်ကနၢ အပူၤန့ၣ်လီၤ. ယဆိၣ်တၢ်လၢယကမၤလီၤပြံလီၤပြါအဝဲသ့ၣ်လၢဟီၣ်ခိၣ်ဒီ ဘ့ၣ်ညါန့ၣ်လီၤ.

လံာ်ယဃ့းစက့လး 20:42

တုၤယဆှၢကဒါက့ၤသုဆူကီၢ်အံၣ်စရ့လး, ကီၢ်တဘ့ၣ်လၢယအၢၣ်လီၤတ့ၢ်လၢယကဟ့ၣ်လီၤသုမိၢ်ပၢ်ဖံဖု လၢပျၢၤတဖၣ်န့ၣ်ဒီး, အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 20:5

တဲဘၣ်အဝဲသ့ၣ်လၢ, တၢ်လၢယစံးယဲန့ၣ်တက့ၢ်. ဖဲယဃုထၢထီၣ်အံၣ်စရ့လးန့ၣ်ယမၤတ့ၢ်တၢ်အၢၣ်လီၤအီလီၤတမံၤ ဒီးအဝဲသ့ၣ်န့ၣ်လီၤ. ယလီၣ်ဖျါထီၣ်ယသးဒီးအဝဲသ့ၣ်လၢကီၢ်အဲၤကူပတူးအပူၤဒီးတဲ ဘၣ်အဝဲသ့ၣ်လၢ, ယမ့ၢ်ယွၤသုကစၢ်ယွၤန့ၣ်လီၤ.

လံာ်ယဃ့းစက့လး 47:14

ယအၢၣ်လီၤတ့ၢ်တၢ်သမှံၤသပှၢ်ဒီးသုမိၢ်ပၢ်ဖံဖုလၢပျၢၤတဖၣ် လၢယကဟ့ၣ်အဝဲသ့ၣ်လၢထံကီၢ်အံၤဒ်သိးကကဲထီၣ်အဝဲသ့ၣ် အတၢ်န့ၢ်သါန့ၣ်လီၤ. ခဲကနံၣ်အံၤနီၤဖးလီၤအီၤပှဲၤသိးသိး လၢသုကျါတက့ၢ်.

လံာ်ဒၤနံးယ့လး 11:16

မ့မ့ၢ်ကီၢ်စူၤရံအသုးမုၢ်တဖၣ်ကမၤအီၤဖဲဒၣ်အသးအိၣ်မၤဝဲဒီး ပှၤကတြီဆၢအီၤတအိၣ်ဘၣ်နီတဂၤဘၣ်. ကဆၢထၢၣ်လၢ ကီၢ်တၢ်စံးပာ်အပူၤဒီးတၢ်ခဲလၢာ်ကအိၣ်လၢအစိကမီၤအဖီလာ် လၢာ်လၢာ်ဆ့ဆ့လီၤ.

လံာ်ဒၤနံးယ့လး 11:41

ကဟဲနုာ်လီၤဒုးဒၣ်လဲာ်ကီၢ်တၢ်စံးပာ်ဒီးမၤသံကွံာ်ပှၤလၢအကလး တဖၣ်လီၤ. မ့မ့ၢ်ထံကီၢ်ဒ်ကီၢ်အဒိၣ်, ကီၢ်မိၤအးဒီးတၢ်အိၣ် လီၤတဲာ်လၢကီၢ်ဧၣ်မိၣ်, တဖၣ်န့ၣ်ကပူၤဖျဲးဝဲလီၤ.

လံာ်ဒၤနံးယ့လး 8:9

လၢတၢ်အနၢၤလွံၢ်ဘိအကျါတဘိအလိၤန့ၣ်တၢ်အနၢၤဖိတ ဘိဟဲထီၣ်ဝဲဒီးအစိကမီၤလဲၢ်ထီၣ်ဆူကလံၤထံးဒီးဆူမုၢ်ထီၣ်ဒီး ဆူကီၢ်တၢ်စံးပာ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:24

ဒီးယအၢၣ်လီၤအီလီၤတၢ်ဒီးသုလၢကီၢ်လၢအယွၤဝဲဒီးတၢ်နုၢ် ထံဒီးကနဲစီန့ၣ်ကမ့ၢ်သုတၢ်န့ၢ်သါန့ၣ်လီၤ. ယဲဒၣ်အံၤယမ့ၢ်ယွၤသုကစၢ်ယွၤလၢအပာ်လီၤဆီသုဒီးပှၤကလုာ် ဂၤတဖၣ်န့ၣ်လီၤ.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”

လံာ်တၢ်ဂံၢ် 13:27

အဝဲသ့ၣ်စံးဘၣ်စီၤမိၤၡ့, “ပလဲၤဃုထံၣ်သ့ၣ်ညါတ့ၢ်ကီၢ်န့ၣ် ဒီးပထံၣ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲလီၤ. ဒီးအအံၤမ့ၢ်အတၤသူတၤသၣ်တနီၤန့ၣ်လီၤ.

လံာ်တၢ်ဂံၢ် 14:8

ယွၤမ့ၢ်ဘၣ်အသးလၢပှၤဒီးအဝဲကဆှၢပှၤဆူန့ၣ်, ဒီးဟ့ၣ်ပှၤလၢကီၢ်အထူးအတီၤဒီးကီၢ်လၢဟီၣ်ခိၣ်ညၣ်ထ့ၣ်ဂ့ၤဝဲ န့ၣ်လီၤ.

လံာ်သိၣ်လီၤသီလီၤတၢ် 11:9

ဒီးသုကအိၣ်မူဘၣ်ယံာ်ယံာ်ထၢထၢလၢကီၢ်တဘ့ၣ်လၢအထူးဝဲတီၤ ဝဲဒီးဟီၣ်ခိၣ်ညၣ်ထ့ၣ်ဂ့ၤဝဲအပူၤ, လၢယွၤအၢၣ်လီၤတ့ၢ်လၢအကဟ့ၣ်သုမိၢ်ပၢ်ဖံဖုလၢပျၢၤတဖၣ်ဒီး အဝဲသ့ၣ်အစၢၤအသွဲၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 26:15

ကွၢ်လီၤတၢ်လၢနလီၢ်စီဆှံလၢမူခိၣ်ဒီးဆိၣ်ဂ့ၤနပှၤဂီၢ်မုၢ် အံၣ်စရ့လးတက့ၢ်. ဆိၣ်ဂ့ၤစ့ၢ်ကီးကီၢ်လၢအထူးအတီၤဒီးဟီၣ်ခိၣ်ညၣ်ထ့ၣ်ဂ့ၤဝဲ လၢနဟ့ၣ်လီၤပှၤ, ဒ်နအၢၣ်လီၤတ့ၢ်ပမိၢ်ပၢ်ဖံဖုလၢပျၢၤတဖၣ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 26:9

အဝဲဆှၢဃီၤပှၤဖဲအံၤဒီးဟ့ၣ်ပှၤကီၢ်တဘ့ၣ်လၢအထူးအတီၤဒီး ဟီၣ်ခိၣ်ညၣ်ထ့ၣ်ဂ့ၤဝဲန့ၣ်လီၤ.

လံာ်သိၣ်လီၤသီလီၤတၢ် 27:3

ဒီးလၢအဝဲသ့ၣ်အလိၤန့ၣ်ကွဲးလီၤကယဲၢ်တၢ်ဘူၣ်တၢ်ဘါအတၢ်သိၣ် တၢ်သီတဖၣ်အံၤဒီးတၢ်သိၣ်လိတဖၣ်အံၤတက့ၢ်. ဖဲသုလဲၤနုာ်ဃီၤဆူထံကီၢ်လၢအထူးအတီၤဒီးအဟီၣ်ခိၣ်ညၣ်ထ့ၣ် ဂ့ၤဝဲလၢယွၤ, သုမိၢ်ပၢ်ဖံဖုလၢပျၢၤအကစၢ်ယွၤအၢၣ်လီၤတ့ၢ်သု,

လံာ်သိၣ်လီၤသီလီၤတၢ် 3:25

ယွၤဧၢ, ပျဲယခီဂာ်ထံကျိယၢ်ဒ့ၣ်ဒီးပျဲယထံၣ်ဘၣ်ကီၢ်လၢအပှဲၤ ဒီးဟီၣ်ခိၣ်ညၣ်ထ့ၣ်အဂ့ၤလၢအအိၣ်လၢထံကျိဘးခီ, တၢ်လူၢ်တၢ်တြီၤအကီၢ်ဃံလၤဒီးလဘၤနိၣ်အကစၢ်ကလိတဖၣ်န့ၣ်တက့ၢ်.

လံာ်သိၣ်လီၤသီလီၤတၢ် 31:20

ယကဆှၢနုာ်အဝဲသ့ၣ်ဆူကီၢ်လၢအထူးဝဲတီၤဝဲဒီးအဟီၣ်ခိၣ်ညၣ် ထ့ၣ်ဂ့ၤတဘ့ၣ်အံၤအပူၤ, ဒ်ယအၢၣ်လီၤတ့ၢ်အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အသိးန့ၣ် လီၤ. ဖဲန့ၣ်အဝဲသ့ၣ်ကအိၣ်ဒီး ကယဲၢ်တၢ်အီၣ်လၢအအဲၣ်ဒိးအီၣ်ဝဲ, အဝဲ သ့ၣ်ကအိၣ်ဘၣ်ဆိးဘၣ်ဘီၣ်ဘီၣ်ညီညီန့ၣ်လီၤ. ဘၣ်ဆၣ်အဝဲသ့ၣ်ကဃၣ်ကွံာ်အသးဒီးဘူၣ်ထီၣ်ဘါထီၣ်ကစၢ်အဂၤတဖၣ် န့ၣ်လီၤ. အဝဲသ့ၣ်ကစူးကွံာ်ညိကွံာ်ယၤဒီးမၤဟးဂီၤကွံာ်ယတၢ်အၢၣ်လီၤ အီလီၤ,

လံာ်သိၣ်လီၤသီလီၤတၢ် 32:40

ဒ်ယမ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးန့ၣ်, ယယူာ်ထီၣ်ယစုဒီးဆိၣ်တၢ်,

လံာ်သိၣ်လီၤသီလီၤတၢ် 32:8

တၢ်ထီကတၢၢ်တဂၤန့ၣ်ပာ်လီၤန့ၢ်တ့ၢ်ပှၤကလုာ်တဖၣ်လၢအဝဲသ့ၣ် အထံအကီၢ်တဖၣ်, ဒီးအဝဲစံၣ်ညီၣ်တဲာ်တ့ၢ်ဝဲလၢပှၤဂီၢ်မုၢ်တဖၣ်ကဘၣ်အိၣ်ဆိးဖဲ လဲၣ်န့ၣ်လီၤ. ပှၤတကလုာ်စုာ်စုာ်အဂီၢ်န့ၣ်အဝဲပာ်လီၤန့ၢ်အီၤအကလူးလၢကအံး ထွဲကွၢ်ထွဲအီၤန့ၣ်လီၤ.

လံာ်သိၣ်လီၤသီလီၤတၢ် 6:3

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်တဖၣ်န့ၣ်, ဒီးစူၢ်အီၤတက့ၢ်. အန့ၣ်တစု, တၢ်ခဲလၢာ်ကလဲၤအသးဂ့ၤဂ့ၤဘၣ် ဘၣ်လၢသုဂီၢ်, ဒီးသုကကဲထီၣ်ပှၤတကလုာ်ဖးဒိၣ်ဒီးအိၣ်ဆိးလၢကီၢ်တဘ့ၣ်အပူၤ လၢအထူးအတီၤဒီးပှဲၤဝဲဒီးဟီၣ်ခိၣ်ညၣ်ထ့ၣ်အဂ့ၤ, ဒ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤအၢၣ်လီၤတ့ၢ်ဝဲ အသိးန့ၣ်လီၤ.

လံာ်စီၤယိၤၡူ 5:6

အဂ့ၢ်မ့ၢ်လၢ, အံၣ်စရ့လးဖိတဖၣ်လဲၤတၢ်အနံၣ်လွံၢ်ဆံ လၢပှၢ်မုၢ်ကနၢအပူၤ တုၤလၢပှၤသုးဖိလၢအဟးထီၣ်လၢကီၢ်အဲၤကူပတူးသံကွံာ်ဝဲခဲလၢာ်မ့ၢ်လၢအဝဲသ့ၣ်တစူၢ်ဘၣ်ကစၢ်အကလုၢ်အဃိန့ၣ်လီၤ. ယွၤဆိၣ်လီၤအသးလၢအတပျဲအဝဲသ့ၣ်ကထံၣ်ဘၣ်ကီၢ်တဘ့ၣ်လၢအယွၤဝဲ ဒီးတၢ်နုၢ်ထံဒီးကနဲစီလၢယွၤဆိၣ်လီၤတ့ၢ်အသး လၢအကဟ့ၣ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်ဘၣ်.