လံာ်ယဃ့းစက့လး 20:49 - Sgaw Karen Common Bible

⁴⁹ ဘၣ်ဆၣ်ယကတိၤဂ့ၢ်လိာ်ဒီးစံး, “ယွၤပၢဘၣ်တၢ်ခဲလၢာ်ကစၢ်ဧၢ, တဘၣ်မၢယမၤတၢ်န့ၣ်တဂ့ၤ. ပှၤကိးဂၤဒဲးကဒူးကဒ့ၣ်လံတၢ်ဒီးစံးလၢထီဘိယကတိၤ တၢ်လၢတၢ်ပှိၤပှီၢ်တဖၣ်အပူၤန့ၣ်လီၤ.”

လံာ်ယဃ့းစက့လး 20:49 Iomraidhean Croise

လံာ်ယဃ့းစက့လး 12:9

အဝဲစံးဝဲ, “ပှၤကညီလၢအသံသ့ဧၢ, ခဲကနံၣ်အံၤ, မ့ၢ်လၢပှၤအံၣ်စရ့လးဖိလၢအပူထီၣ်တၢ်တဖၣ်သံကွၢ်နၤလၢနမၤ တၢ်မနုၤလဲၣ်, အဃိန့ၣ်,

လံာ်ယဃ့းစက့လး 21:1

ယွၤကတိၤတၢ်ဒီးယၤလီၤ. အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢဝ့ၢ်ယရူၤၡလ့ၣ် ဂ့ၤဘၣ်တၢ်စံၣ်ညီၣ်တက့ၢ်. စံးလၢတၢ်လီၢ်တဖၣ်လၢပှၤဂီၢ်မုၢ်ဘူၣ်ထီၣ်ဘါထီၣ်တၢ်ဂ့ၤဘၣ်တၢ် စံၣ်ညီၣ်တက့ၢ်. ဟ့ၣ်ပလီၢ်ကီၢ်အံၣ်စရ့လး,

လံာ်ယဃ့းစက့လး 24:3

တဲဘၣ်ယပှၤဂီၢ်မုၢ်လၢအပူထီၣ်တၢ်လၢတၢ်ကတိၤဒိအံၤ, လၢယၤ, ယွၤပၢဘၣ်တၢ်ခဲလၢာ်ကစၢ်စံးလၢအဝဲသ့ၣ်အဂီၢ်န့ၣ်တက့ၢ်. ပာ်ထီၣ်သပၢၤတဖျၢၣ်လၢမ့ၣ်အူအဖီခိၣ်ဒီးမၤပှဲၤအီၤလၢထံတက့ၢ်.

လံာ်ယဃ့းစက့လး 37:18

တုၤနပှၤဂီၢ်မုၢ်နၤလၢဃ့နကတဲဘၣ်အဝဲသ့ၣ်လၢတၢ်အံၤ အခီပညီန့ၣ်,

လံာ်ယဃ့းစက့လး 4:14

ဘၣ်ဆၣ်ဒီးယစံးဆၢအီၤ, “တမ့ၢ်ဘၣ်, ယွၤပၢဘၣ်တၢ်ခဲလၢာ်ကစၢ်ဧၢ, ယတမၤဘၣ်အၢဘၣ်သီယသးနီတစုဘၣ်. လၢယဖိသၣ်လံၤလံၤဒီးတုၤခဲအံၤန့ၣ်, ယတအီၣ်ဆၣ်ဖိကီၢ်ဖိလၢအသံဒၣ်တၢ်အညၣ်မ့ၢ်ဂ့ၤ, ဘၣ်တၢ်မၤသံအီၤလၢဆၣ်ဖိကီၢ်ဖိလၢအမံၤတဖၣ်အညၣ်မ့ၢ်ဂ့ၤ, နီတစုဘၣ်. တၢ်အီၣ်လၢတၢ်ပာ်အီၤလၢအတကဆှီဘၣ်န့ၣ်, ယတအီၣ်အီၤနီတစုဘၣ်.”

လံာ်ဟိၤၡ့ 12:10

ယကတိၤတၢ်ဒီးဝံတဖၣ်ဒီးဟ့ၣ်တ့ၢ်အဝဲသ့ၣ်လၢတၢ်ထံၣ်လၢညါခီ တဖၣ်အါမးဒီးခီဖျိဝံတဖၣ်န့ၣ်, ယဟ့ၣ်ပလီၢ်တ့ၢ်ယပှၤဂီၢ်မုၢ်လီၤ.

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.