လံာ်ယဃ့းစက့လး 20:47 - Sgaw Karen Common Bible

⁴⁷ တဲဘၣ်သ့ၣ်ပှၢ်လၢကလံၤထံးတခီလၢကနၢ်ဟူယွၤပၢဘၣ်တၢ်ခဲလၢာ် ကစၢ်စံးတၢ်အံၤတက့ၢ်. ကွၢ်တက့ၢ်. ယမၤကဲၤထီၣ်မ့ၣ်အူတခါဒီးတၢ်န့ၣ်ကအီၣ်ကွံာ်ကယဲၢ် သ့ၣ်ကိးထံးဒီးလၢအအိၣ်လၢနပူၤအသံကစဲာ်ဂ့ၤအဃ့ထီဂ့ၤန့ၣ်လီၤ. တၢ်မၤပံာ်ကွံာ်အီၤတန့ၢ်နီတမံၤဘၣ်. ကရၤလီၤအသးလၢကလံၤထံး ဆူကလံၤစိးဒီးပှၤကိးဂၤဒဲးကကလၢၢ်ဘၣ်မ့ၣ်အူလၣ်တဖၣ် အတၢ်ကိၢ်န့ၣ်လီၤ.

လံာ်ယဃ့းစက့လး 20:47 Iomraidhean Croise

လံာ်ယၡါယၤ 13:8

အဝဲသ့ၣ်ခဲလၢာ်ကပျံၤတၢ်ဖုးတၢ်ဒီးတၢ်ဆိးကဲးကလုၣ်ဘၢအီၤ, ဒ်တၢ်ဆိးကဲးအိၣ်ဒီးပိာ်မုၣ်အဟုးဆါတဂၤအသိးန့ၣ်လီၤ. ကကွၢ်လိာ်အသးတဂၤဒီးတဂၤလၢတၢ်ပျံၤတၢ်ဖုးအပူၤ, ဒီးအမဲာ်သၣ်တဖၣ်ကကိၢ်ဝဲဒီးတၢ်မဲာ်ဆှးလီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 66:24

“ဖဲအဝဲသ့ၣ်ဟးထီၣ်အဖၢမုၢ်န့ၣ်, အဝဲသ့ၣ်ကထံၣ်ဘၣ်ပှၤတဖၣ် လၢအပူထီၣ်တၢ်ထီဒါတ့ၢ်ယၤအစိၣ်န့ၣ်လီၤ. လၢၣ်တဖၣ်လၢအအီၣ်အဝဲ သ့ၣ်န့ၣ်တသံနီတစုဘၣ်, ဒီးမ့ၣ်အူလၢအအီၣ်အဝဲ သ့ၣ်န့ၣ်တၢ်တမၤလီၤပံာ်ကွံာ်အီၤနီတစုဘၣ်. တၢ်ထံၣ်ဘၣ် တၢ်တဖၣ်အံၤကမ့ၢ်တၢ်လီၤသးဘၣ်အၢလၢပှၤဟီၣ်ခိၣ်ဖိ ခဲလၢာ်အဂီၢ်န့ၣ်လီၤ.”

လံာ်ယံးရမံယၤ 17:27

ဘၣ်ဆၣ်ဒီးအဝဲသ့ၣ်ကဘၣ်စူၢ်ယၤဒီးတိၢ်န့ၢ်ဖံးဃာ်မုၢ်အိၣ်ဘှံးနံၤန့ၣ် ဒ်မုၢ်နံၤစီဆှံတနံၤအသိးန့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ် တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်ဘၣ်. အဝဲသ့ၣ်မ့ၢ်မၤဝဲဒီး, ယကဒွဲၣ်အူထီၣ်ဝ့ၢ်ယရူၤၡလ့ၣ်အတြဲၤတ ဖၣ်လၢမ့ၣ်အူလီၤ. မ့ၣ်အူကအီၣ်ကွံာ်ဝ့ၢ်ယရူၤၡ လ့ၣ်အနူၢ်အစီၤတဖၣ်, ဒီးပှၤမၤလီၤပံာ်ကွံာ်အီၤတန့ၢ်နီတဂၤဘၣ်.”

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 21:14

ဘၣ်ဆၣ်ဒီးယကစံၣ်ညီၣ်နၤလၢတၢ်လၢနမၤတ့ၢ်အီၤတဖၣ်အဃိလီၤ. ယကဒွဲၣ်အူထီၣ်နနူၢ်ဧိၤစီၤဧိၤလၢမ့ၣ်အူ, ဒီးမ့ၣ်အူန့ၣ်ကအီၣ်ကွံာ်တၢ်ခဲလၢာ်လၢအအိၣ်ဝးတရံးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:35

မ့မ့ၢ်ဒ်န့ၣ်ဒီးခဲကနံၣ်အံၤ, ဝ့ၢ်ယရူၤၡလ့ၣ်, ပှၤဃဲသဲမုၣ်ဧၢ, ကနၣ်တၢ်လၢယွၤစံးဝဲန့ၣ်တက့ၢ်.

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

လံာ်ယဃ့းစက့လး 19:14

စပံးမုၢ်အထူၣ်မ့ၣ်အူအီၣ်အီၤလီၤ. အဒ့ဒီးအသၣ်တဖၣ်မ့ၣ် အူအီၣ်ကွံာ်အီၤန့ၣ်လီၤ. အဒ့တဖၣ်အဂံၢ်တဆူၣ်ကဒီးလၢၤနီတစု ဘၣ်. တကဲထီၣ်လၢၤစီၤပၤအနီၣ်ထိးဘိတဖၣ်နီတစုလၢၤဘၣ်. အအံၤမ့ၢ်တၢ်သူၣ်အုးသးအုးအတၢ်သးဝံၣ်တယုၢ်န့ၣ်လီၤ. တၢ်အံၤဘၣ်တၢ်သးဝံၣ်အီၤတဘျီဘၣ်တဘျီန့ၣ်လီၤ.

လံာ်ယဃ့းစက့လး 21:10

ဘၣ်တၢ်ကျ့အ့ၣ်အီၤလၢကမၤဝံၤတၢ်အဂီၢ်, ဘၣ်တၢ်ထူးကတြ့ၣ်အီၤလၢကကပြုၢ်ထီၣ်ဒ်လီဝၢ်ဒံး အသိးအဂီၢ်န့ၣ်လီၤ. တၢ်သူၣ်ဖှံသးညီအိၣ်ဖဲန့ၣ်တသ့ဘၣ်, မ့ၢ်လၢယပှၤဂီၢ်မုၢ်တဖၣ်တပးကဲကယဲၢ်တၢ်ဟ့ၣ် ပလီၢ်ဒီးတၢ်စံၣ်ညီၣ်အဃိန့ၣ်လီၤ.

လံာ်ယဃ့းစက့လး 21:32

သုကဘၣ်တၢ်မၤဟးဂီၤကွံာ်သုလၢမ့ၣ်အူန့ၣ်လီၤ. သုသွံၣ်ကဂၢ်လီၤအသးလၢသုထံသုကီၢ်ဒၣ်နဲအပူၤဒီးပှၤ တသ့ၣ်နီၣ်ထီၣ်လၢၤသုနီတဘျီလၢၤဘၣ်.” ယွၤကတိၤတ့ၢ်တၢ်လံ.

လံာ်ယဃ့းစက့လး 24:5

သူသိအဂ့ၤကတၢၢ်အညၣ်တက့ၢ်. ဖှိၣ်ထီၣ်သ့ၣ်မုၣ်လၢသပၢၤအဖီလာ်တက့ၢ်. ပျဲထံချီကလာ်ထီၣ်တက့ၢ်. ချီတၢ်အဃံတဖၣ်ဒီးတၢ်ညၣ်တက့ၢ်.”

လံာ်လူၤကၣ် 23:31

အဂ့ၢ်ဒ်အံၤ, တၢ်မ့ၢ်မၤအသးလၢသ့ၣ်သံကစဲာ်အခါဒ်အံၤဒီး ဖဲသ့ၣ်ဃ့ထီအခါတၢ်ကမၤသးဒ်လဲၣ်.”

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.