လံာ်ယဃ့းစက့လး 20:38 - Sgaw Karen Common Bible

³⁸ ယကဟံးထီၣ်ကွံာ်ပှၤတဖၣ်လၢအပူထီၣ်တၢ်ဒီးမၤတၢ်ဒဲးဘးလၢသု ကျါန့ၣ်လီၤ. ယကထုးထီၣ်ကွံာ်အဝဲသ့ၣ်တဖၣ်လၢကီၢ်တဖၣ်လၢအဝဲသ့ၣ်အိၣ်ဆိးဝဲ လၢအပူၤခဲကနံၣ်အံၤ, ဘၣ်ဆၣ်ယတပျဲအဝဲသ့ၣ်က့ၤကဒါက့ၤဆူကီၢ်အံၣ်စရ့လးလၢၤဘၣ်. အန့ၣ်ဒီးသုကသ့ၣ်ညါလၢယၤ, ယမ့ၢ်ယွၤန့ၣ်လီၤ.”

လံာ်ယဃ့းစက့လး 20:38 Iomraidhean Croise

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

စံးထီၣ်ပတြၢၤ 95:11

ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး, “သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ် တၢ်အိၣ်ဘှံးအပူၤန့ၣ်နီတစုဘၣ်.”

လံာ်ယံးရမံယၤ 29:32

အဝဲအစၢၤအသွဲၣ်တဖၣ် တဘၣ်အိၣ်လၢသုကျါနီတဂၤဘၣ်. အဝဲတအိၣ်မူထံၣ်ဘၣ်တၢ်အဂ့ၤ တဖၣ်လၢ ယကမၤအီၤလၢ ယပှၤဂီၢ်မုၢ်အဂီၢ်ဘၣ်, မ့ၢ်လၢအဝဲတဲဘၣ် အဝဲသ့ၣ်လၢကပူ ထီၣ်တၢ်ထီဒါယၤအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 44:14

ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီးဟဲဆူကီၢ် အဲၤကူပတူးလၢ ကအိၣ်ကဆိးဝဲအဂီၢ်တဖၣ်, တထူၣ်ဖျဲး ဘၣ်မ့ၢ်ဂ့ၤ, တအိၣ်မူလီၤတဲာ်ဘၣ်မ့ၢ်ဂ့ၤ, နီတဂၤဘၣ်. အဝဲသ့ၣ်တက့ၤကဒါက့ၤဘၣ် ဆူကီၢ်ယူဒၤ, ဖဲအဝဲသ့ၣ်သးအိၣ် အိၣ်ဆိးကဒီၤဘၣ်ဝဲန့ၣ်, နီတဂၤဘၣ်. မ့တမ့ၢ်ဘၣ်လၢ ပှၤဃ့ၢ်ပူၤဖျဲးအသးစှၤဂၤဘၣ်ဒီး, ပှၤတက့ၤကဒါက့ၤဘၣ် နီတဂၤဘၣ်.”

လံာ်ယဃ့းစက့လး 11:21

ဘၣ်ဆၣ်ဒီးယကစံၣ်ညီၣ်ပှၤဂီၢ်မုၢ်လၢအအဲၣ်ဘူၣ်ထီၣ်ဘါထီၣ်တၢ်ဂီၤ တၢ်ဖီၣ်တဖၣ်လၢအဘၣ်အၢဘၣ်သီဒီးအလီၤသးဘၣ်အၢန့ၣ်လီၤ. ယကစံၣ်ညီၣ်အဝဲသ့ၣ်လၢတၢ်လၢအဝဲသ့ၣ်မၤတ့ၢ်ဝဲအဃိလီၤ. ယွၤပၢဘၣ်တၢ်ခဲလၢာ်ကစၢ်, ကတိၤလံတၢ်လံ.’ ”

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ယဃ့းစက့လး 15:7

ဒီးယကစံၣ်ညီၣ်အဝဲသ့ၣ်န့ၣ်လီၤ. အဝဲသ့ၣ်ထူၣ်ဖျဲးထီၣ်တ့ၢ်လံ လၢမ့ၣ်အူတဘျီ, ဘၣ်ဆၣ်ဒီးခဲအံၤမ့ၣ်အူကအီၣ်ကွံာ်အဝဲသ့ၣ် န့ၣ်လီၤ. ဖဲယစံၣ်ညီၣ်အဝဲသ့ၣ်န့ၣ်, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 20:15

လၢတၢ်န့ၣ်အဃိ, ယမၤတ့ၢ်တၢ်ဆိၣ်တမံၤလၢပှၢ်မုၢ်ကနၢအပူၤ, လၢယတဒုးလဲၤနုာ်ဘၣ်အဝဲသ့ၣ်ဆူကီၢ်တဘ့ၣ်လၢယဟ့ၣ်လီၤတ့ၢ် အဝဲသ့ၣ်, ကီၢ်တဘ့ၣ်လၢအထူးဝဲတီၤဝဲဒီးဟီၣ်ခိၣ်ညၣ်ထ့ၣ်လၢ အဂ့ၤ, ကီၢ်အဂ့ၤကတၢၢ်တဘ့ၣ်လၢကီၢ်တဖၣ်အကျါန့ၣ်ဘၣ်.

လံာ်ယဃ့းစက့လး 20:16

ယမၤတ့ၢ်တၢ်ဆိၣ်န့ၣ်, မ့ၢ်လၢအဝဲသ့ၣ်စူးကွံာ်ညိကွံာ်ယတၢ်မၤ လိာ်တဖၣ်, လုၢ်သ့ၣ်ခါပတာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးမၤတရီတပါမုၢ်အိၣ်ဘှံးနံၤ, ဒီးအဝဲသ့ၣ်ဘၣ်သူၣ်ဘၣ် သးလၢကဘူၣ်ထီၣ်ဘါထီၣ်အဝဲသ့ၣ်အတၢ်ဂီၤတၢ်ဖီၣ်တဖၣ်အဃိန့ၣ် လီၤ.

လံာ်ယဃ့းစက့လး 20:34

ယကဒုးနဲၣ်သုလၢယစိကမီၤဒီးယတၢ်သးဒိၣ်ထီၣ်ဖဲယပာ်ဖှိၣ်က့ၤ သုတပူၤဃီဒီးဟဲက့ၤစိာ်ကဒါက့ၤသုလၢကယဲၢ်ထံကီၢ်တဖၣ်ဖဲ သုဘၣ်တၢ်မၤလီၤပြံလီၤပြါတ့ၢ်သုန့ၣ်လီၤ.

လံာ်ယဃ့းစက့လး 23:49

ဒီးသုဝဲပှၤဒီပုၢ်ဝဲၢ်မုၣ်ခံဂၤဧၢ, ယကစံၣ်ညီၣ်သုလၢသုလုၢ် အၢလၢ်သီဒီးသုတၢ်ဒဲးဘးလၢအမ့ၢ်တၢ်ဘါထီၣ်တၢ်ဂီၤတၢ်ဖီၣ် တဖၣ်အဃိလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ်န့ၣ်လီၤ.”

လံာ်ယဃ့းစက့လး 6:7

ပှၤဂီၢ်မုၢ်ကဘၣ်တၢ်မၤသံအီၤလၢတၢ်လီၢ်ကိးပူၤဒဲး, ဒီးပှၤတဖၣ်လၢအအိၣ်လီၤတဲာ်တၢ်န့ၣ်, ကသ့ၣ်ညါအၢၣ်လီၤအီလီၤဝဲ လၢယမ့ၢ်ယွၤန့ၣ်လီၤ.

လံာ်မၤလကံ 3:3

ဒီးကဟဲဝဲဒ်သိးကစံၣ်ညီၣ်တၢ်လီၤဂာ်ဒီးပှၤတဂၤလၢအမၤ စီဒီးမၤကဆှီထီၣ်စ့န့ၣ်လီၤ. ဒ်ပှၤသိတၢ်ဖိတဂၤမၤကဆှီထီၣ်စ့ ဒီးထူအသိးန့ၣ်, ယွၤအပှၤစိာ်တၢ်ကစီၣ်ကမၤကဆှီထီၣ်ပှၤလုၢ်တၢ် အခိၣ်တဖၣ်, ဒ်သိးအဝဲသ့ၣ်ကဟဲစိာ်တၢ်လုၢ်လၢအဘၣ် ဆူယွၤအအိၣ်န့ၣ်လီၤ.

လံာ်မးသဲ 3:12

ကီၢ်လဲၢ်အိၣ်လၢအစုပူၤလၢအကပညၢကွံာ်ဖ့တဖၣ်ဒီး အဝဲကမၤပျီအကြဲၢ်ဒီးဂၢ်ဖှိၣ်က့ၤအဘုလၢဖီပူၤလီၤ. မ့မ့ၢ်ဖ့တဖၣ်န့ၣ်ကဆူးထီၣ်ကွံာ်ဝဲလၢမ့ၣ်အူလၢ အတလီၤပံာ်နီတဘျီဘၣ်န့ၣ်လီၤ.”

1 ကရံၣ်သူး 10:5

ဘၣ်ဆၣ်ဒီးအန့ၣ်ဒၣ်လဲာ်, ကစၢ်ယွၤတဘၣ်သူၣ်ဘၣ်သးအဝဲသ့ၣ်အါဒၣ်တၢ်တက့ၢ်, ဒီးလၢတၢ်န့ၣ်အဃိ, အဝဲသ့ၣ်အစိၣ်တဖၣ်အိၣ်ပြံပြါလၢပှၢ်မုၢ် ကနၢအပူၤလီၤ.

ဧ့ၤဘြံၤ 4:3

လၢတၢ်အံၤအဃိပဝဲလၢအအိၣ်ဒီးတၢ်နာ်တဖၣ်ကဒိးန့ၢ်ဘၣ်တၢ် အိၣ်ဘှံးလၢကစၢ်ယွၤစံးပာ်တ့ၢ်လံဝဲန့ၣ်လီၤ. တၢ်မၤအသးဒ် အစံးတ့ၢ်ဝဲအသိး, “ယသးဒိၣ်ထီၣ်ဒီးဆိၣ်လီၤယသးသပှၢ်ကတၢၢ်လၢ, ‘အဝဲသ့ၣ်တလဲၤနုာ်ဘၣ်ဆူယတၢ်အိၣ်ဘှံးအပူၤလ့ၤတက့ၤဘၣ် န့ၣ်လီၤ.’ ” တၢ်ဖံးတၢ်မၤဝံၤတ့ၢ်လံဝဲလၢအတ့လီၤဟီၣ်ခိၣ်အကတီၢ်လံၤလံၤ သနာ်က့စံးတ့ၢ်ဝဲတၢ်အံၤလီၤ.

ဧ့ၤဘြံၤ 4:6

ပှၤလၢအနၢ်ဟူဆိတၢ်သးခုအကစီၣ်တဖၣ်န့ၣ်တဒိးန့ၢ်ဘၣ်တၢ် အိၣ်ဘှံးန့ၣ်ဘၣ်. အဂ့ၢ်မ့ၢ်လၢအတစူၢ်တနာ်တၢ်အဃိလီၤ. ပှၤအိၣ်ဒံးဝဲတနီၤလၢအဘၣ်တၢ်ဒုးနုာ်အီၤဆူတၢ်အိၣ်ဘှံး အံၤအပူၤလီၤ.

ယူဒၤ 1:5

သုသ့ၣ်ညါတၢ်အံၤခဲလၢာ်သနာ်က့, ယသးအိၣ်ဒုးသ့ၣ်နီၣ်ထီၣ် သုလၢတဘျီန့ၣ်, ကစၢ်ဒုးထူၣ်ဖျဲးထီၣ်ပှၤအံၣ်စရ့လးဖိလၢကီၢ် အဲၤကူပတူး, ဘၣ်ဆၣ်လၢခံက့ၤန့ၣ်မၤဟးဂီၤကွံာ်ပှၤလၢ အတနာ်တၢ်တဖၣ်န့ၣ်လီၤ.