လံာ်ယဃ့းစက့လး 20:37 - Sgaw Karen Common Bible

³⁷ “ယကပၢၤဃာ်သုဂၢၢ်ဂၢၢ်ကျၢၤကျၢၤ, ဒီးဒုးစူၢ်သုလၢယတၢ်အၢၣ်လီၤန့ၣ်လီၤ.

လံာ်ယဃ့းစက့လး 20:37 Iomraidhean Croise

လံာ်ယံးရမံယၤ 33:13

လၢဝ့ၢ်လၢ အအိၣ်လၢတၢ်လူၢ်တၢ်တြီၤတဖၣ်အပူၤ, လၢတၢ်လီၢ်တဖၣ်လၢ တၢ်လူၢ်အခီၣ်ထံးဒီး လၢကီၢ် ယူဒၤကလံၤထံးအပူၤ, လၢဘံၣ်ယၤမံၣ်အဒူၣ်အလီၢ် ကဝီၤပူၤ, လၢဝ့ၢ်ယရူၤၡလ့ၣ်အခိၣ်အဃၢၤဒူသဝီတဖၣ်အပူၤ, ဒီးလၢကီၢ်ယူဒၤအဝ့ၢ်တဖၣ် အပူၤန့ၣ်, ပှၤကွၢ်သိတဖၣ် ကဂံၢ်ကဒီး အသိတဖၣ်အသီတဘျီလီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:62

ယကမၤသီထီၣ်က့ၤယတၢ်အၢၣ်လီၤအီလီၤဒီးနၤ, ဒီးနကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 34:17

ဒီးခဲကနံၣ်အံၤယသိတဖုဧၢ, ယၤ, ယွၤပၢဘၣ်တၢ်ခဲလၢာ်ကစၢ် တဲဘၣ်သုလၢယကစံၣ်ညီၣ်သုဝဲတဂၤစုာ်စုာ်ဒီးနီၤဖးတၢ်အဂ့ၤဒီး အအၢ, သိတဖၣ်ဒီးမဲာ်တဲးလဲးတဖၣ်န့ၣ်လီၤ.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:25

ဒီးယကဟဲစိာ်တၢ်ဒုးတၢ်ယၤလၢအမ့ၢ်တၢ်စံၣ်ညီၣ်သုလၢသု လုၢ်သ့ၣ်ခါပတာ်ယတၢ်အၢၣ်လီၤအီလီၤအဃိန့ၣ်လီၤ. ဒီးသုမ့ၢ်ပာ်ဖှိၣ်ထီၣ်သုသးလၢသုဝ့ၢ်တဖၣ်အပူၤလၢ တၢ်ပူၤဖျဲးအဂီၢ်ဒီးယကဆှၢလီၤတၢ်ဆါသံသတြိာ်လၢသုကျါဒီး သုကဘၣ်တၢ်မၤဆူၣ်သုဒီးဟ့ၣ်လီၤကွံာ်သုဆူသုဒုၣ်သုဒါအစုပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 27:32

ဒီးဆၣ်ဖိကီၢ်ဖိအဒၢကိးမံၤဒဲးဆံဆဲၣ်ဒု တဒုန့ၣ်ဘၣ်ဃးဒီးယွၤလီၤ. ဖဲဆၣ်ဖိကီၢ်ဖိတဖၣ်ဘၣ်တၢ်ဂံၢ်အီၤန့ၣ်ဆံ ဆဲၣ်ဒုတဒုန့ၣ်ဘၣ်ဃးဒီးယွၤန့ၣ်လီၤ.

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”