လံာ်ယဃ့းစက့လး 20:3 - Sgaw Karen Common Bible

³ အဝဲစံးဝဲဒၣ်, “ပှၤကညီလၢအသံသ့ဧၢ, ကတိၤတၢ်ဒီးပှၤတဖၣ် အံၤဒီးတဲဘၣ်အဝဲသ့ၣ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်, သုဟဲဒ်သိးသုကသံကွၢ်ယတၢ်ဘၣ်သး, မ့ၢ်စ့ၢ်ဧါ. ဒ်ယမ့ၢ်သပှၢ်ကတၢၢ်ကစၢ်ယွၤလၢအမူဝဲတဂၤအသိး, ယစံးယဲ, ယတမၢသုသံကွၢ်ယၤလၢတၢ်နီတမံၤဘၣ်. ယၤ, ယွၤ, ပၢဘၣ်တၢ်, ကစၢ်ကတိၤလံတၢ်လံ.

လံာ်ယဃ့းစက့လး 20:3 Iomraidhean Croise

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

တၢ်ကတိၤဒိ. 28:9

နမ့ၢ်တဒိကနၣ်တၢ်သိၣ်တၢ်သီဘၣ်ဒီး, ကစၢ်ယွၤကထံၣ်ဝဲလၢနတၢ် ထုကဖၣ်တဖၣ်န့ၣ်လီၤသးဘၣ်အၢနးမးလၢတၢ်ကဒိကနၣ်အီၤအဂီၢ်လီၤ.

လံာ်ယၡါယၤ 1:12

မ့ၢ်မတၤမၢသုလၢသုကဘၣ်ဟဲစိာ်တၢ်သ့ၣ်တဖၣ် အံၤဖဲသုဟဲဘူၣ်ထီၣ်ဘါထီၣ်ယၤအကတီၢ်န့ၣ်လဲၣ်. မ့ၢ်မတၤမၢသုလၢသုကဝ့ၤဝီၤဟးထီၣ်ဟးလီၤတၢ်လၢ ယတၢ်လုၢ်ဟံၣ်ပူၤအံၤန့ၣ်လဲၣ်.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယၡါယၤ 58:2

အဝဲသ့ၣ်ဘူၣ်ထီၣ်ဘါထီၣ်ယၤကိးနံၤဒဲး, စံးလီၤအသးလၢ အသးဆူၣ်လၢကသ့ၣ်ညါဘၣ်ယကျဲတဖၣ်ဒီးစူၢ်ယတၢ်သိၣ် တၢ်သီတဖၣ်အဂီၢ်လီၤ. အဝဲသ့ၣ်စံးဝဲလၢအအဲၣ်ဒိးယက ဟ့ၣ်အဝဲသ့ၣ်ထဲဒၣ်တၢ်သိၣ်တၢ်သီတဖၣ်ဒီးကသူၣ်မံသးမုာ် လၢအဘူၣ်ထီၣ်ဘါထီၣ်ဘၣ်ယၤန့ၣ်လီၤ.”

လံာ်ယဃ့းစက့လး 14:1

ပှၤအံၣ်စရ့လးဖိအခိၣ်အနၢ်တနီၤဟဲဃ့တၢ်ဟ့ၣ်ကူၣ်ဟ့ၣ်ဖးလၢ ယၤ, ဘၣ်ဃးဒီးယွၤအတၢ်ဘၣ်အသးအဂ့ၢ်န့ၣ်လီၤ.

လံာ်ယဃ့းစက့လး 20:2

တုၤနုၤတစုယွၤကတိၤတၢ်ဒီးယၤန့ၣ်လီၤ.

လံာ်ယဃ့းစက့လး 20:31

မုၢ်တနံၤအံၤဒၣ်လဲာ်န့ၣ်သုလုၢ်ထီၣ်, တၢ်ဟ့ၣ်တမံၤဃီတဖၣ်, ဒီးမၤဘၣ်အၢသုသးဒီးတၢ်ဂီၤတၢ်ဖီၣ်တမံၤဃီတဖၣ်, ခီဖျိသုလုၢ်ထီၣ်သုဖိတဖၣ်ဆူအဝဲသ့ၣ်အအိၣ်လၢမ့ၣ်အူပူၤ န့ၣ်လီၤ. အန့ၣ်ဝံၤဒီးသုဝဲ ပှၤအံၣ်စရ့လးဖိတဖၣ်ဟဲဒံးဆူယအိၣ်ဒီးသံကွၢ်လၢယတၢ်ဘၣ်ယသး မ့ၢ်တၢ်ဒ်လဲၣ်န့ၣ်လီၤ. ဒ်ယၤ, ယွၤပၢဘၣ်တၢ်ခဲလၢာ်ကစၢ်, မ့ၢ်နီၢ်နီၢ်ကစၢ်ယွၤလၢအမူဝဲတဂၤအသိးယစံးယဲ, ယတပျဲ သုသံကွၢ်ယၤတၢ်နီတမံၤလၢၤဘၣ်.

လံာ်ယဃ့းစက့လး 33:30

ယွၤစံးဝဲဒၣ်, “ပှၤကညီလၢအသံသ့ဧၢ, နပှၤဂီၢ်မုၢ်ကတိၤတၢ်ဘၣ် ဃးဒီးနဂ့ၢ်ဖဲအဝဲသ့ၣ်ထံၣ်လိာ်အသးလၢဝ့ၢ်ခိၣ်ဒူတဖၣ်မ့ၢ်ဂ့ၤ, လၢအဝဲသ့ၣ်အဟံၣ်တဖၣ်အတြဲၤအကျဲစၢၤတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စံးလိာ်သကိးအသးတဂၤဒီးတဂၤလၢ, ခဲအံၤပကလဲၤဒီးဒိ ကနၣ်တၢ်ကတိၤမနုၤဟဲလၢယွၤအအိၣ်လဲၣ်န့ၣ်လီၤ.

လံာ်ဧၤမိၣ် 8:12

ဒီးပှၤဂီၢ်မုၢ်ကဟးဝ့ၤဝီၤလၢပီၣ်လဲၣ်တပူၤဆူပီၣ်လဲၣ်တပူၤဒၣ်, ဒီးဃ့ၢ်ဝ့ၤဝီၤတၢ်လၢကလံၤစိးတခီဆူမုၢ်ထီၣ်တခီဒ်သိး အကဃုထံၣ်န့ၢ်တၢ်ကစီၣ်တမံၤဟဲလၢယွၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဝဲဘၣ်.

လံာ်မံကၤ 3:7

ပှၤလၢအဖးဆိပာ်တၢ်လၢခါဆူညါအဂီၢ်တဖၣ်န့ၣ်ကဘၣ် တၢ်မၤမဲာ်ဆှးအီၤလၢအတၢ်လီၤတူၢ်လီၤကာ်အဃိလီၤ. အဂ့ၢ်ဒ်အံၤ, ကစၢ်ယွၤတစံးဆၢဘၣ်အဝဲသ့ၣ်အဃိဒီးအဝဲသ့ၣ်ခဲလၢာ်ကဘၣ် တၢ်မၤမဲာ်ဆှးအီၤလီၤ.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်လူၤကၣ် 3:7

ပှၤဂီၢ်မုၢ်ဂီၢ်ပၤဟဲဆူစီၤယိၤဟၣ်အအိၣ်, ဒ်သိးအကဘၣ်တၢ်ဘျၢအီၤလၢထံလီၤ. အဝဲဒၣ်စံးဘၣ်အဝဲသ့ၣ် “ဂုၢ်ဘီၣ်အီးသ့ၣ်ဧၢ, မ့ၢ်မတၤစံးဘၣ်တဲဘၣ်သုလၢသုပူၤဖျဲးဒီး တၢ်စံၣ်ညီၣ်လၢကစၢ်ယွၤသါကဆှၢလီၤဝဲန့ၣ်သ့ဝဲတဂၤလဲၣ်.

လံာ်ယိၤဟၣ် 4:24

ကစၢ်ယွၤမ့ၢ်သူၣ်မ့ၢ်သးဒီးပှၤလၢအဘူၣ်ထီၣ်ဘါထီၣ်အီၤ တဖၣ်, ဘၣ်ဘူၣ်ထီၣ်ဘါထီၣ်အီၤလၢသူၣ်လၢသး ဒီးလၢတၢ်မ့ၢ်တၢ်တီလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 28:6

မၤသးဒ်န့ၣ်ဒီး, အဝဲသံကွၢ်ယွၤလၢကဘၣ်မၤတၢ်မနုၤလဲၣ်န့ၣ်လီၤ. ဘၣ်ဆၣ်ဒီးလၢတၢ်မံမီၢ်မ့ၢ်ဂ့ၤ, လၢအူရံၣ်ဒီးတူမံၢ်မ့ၢ်ဂ့ၤ, ခီဖျိဝံတဖၣ်မ့ၢ်ဂ့ၤန့ၣ်, ယွၤတစံးဆၢအီၤနီတမံၤဘၣ်.