လံာ်ယဃ့းစက့လး 20:21 - Sgaw Karen Common Bible

²¹ ဘၣ်ဆၣ်ပှၤတစိၤန့ၣ်ခီၣ်ဆၢစ့ၢ်ကီးယၤန့ၣ်လီၤ. အဝဲသ့ၣ်လုၢ်သ့ၣ်ခါပတာ်ယတၢ်ဘူၣ်တၢ်ဘါတဖၣ်ဒီးတတိၢ်န့ၢ်ဖံးဃာ် ယတၢ်မၤလိာ်တဖၣ်လၢအဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤ အအိၣ်န့ၣ်ဘၣ်. အဝဲသ့ၣ်မၤတရီတပါမုၢ်အိၣ်ဘှံးနံၤန့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤသံကွံာ်အဝဲသ့ၣ်ခဲလၢာ်န့ၣ်လီၤ.

လံာ်ယဃ့းစက့လး 20:21 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 34:21

“လဲၤဒီးသံကွၢ်တၢ်လၢယွၤ, လၢယဂီၢ်ဒီးလၢပှၤဂီၢ်မုၢ်လၢ အအိၣ်တ့ၢ်ဒံးဝဲလၢကီၢ်အံၣ်စရ့လးဒီးကီၢ်ယူဒၤအပူၤအဂီၢ် န့ၣ်တက့ၢ်. ဃုထံၣ်သ့ၣ်ညါလံာ်အံၤအတၢ်သိၣ်တၢ်သီတဖၣ် အဂ့ၢ်တက့ၢ်. ယွၤသးထီၣ်ပှၤ, မ့ၢ်လၢပမိၢ်ပၢ်ဖံဖုလၢပျၢၤတဖၣ်တစူၢ်ယွၤအကလုၢ်ဒီးတမၤ ဘၣ်တၢ်လၢလံာ်အံၤတဲဘၣ်အီၤလၢကဘၣ်မၤဝဲတဖၣ် အဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 34:25

အဝဲသ့ၣ်ညိကွံာ်တ့ၢ်ယၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိ, ထိၣ်ဂဲၤထီၣ်ယတၢ်သးဒိၣ်ထီၣ်ခီဖျိတၢ်လၢအဝဲသ့ၣ်မၤတ့ၢ်ဝဲ ခဲလၢာ်န့ၣ်လီၤ. ယတၢ်သးဒိၣ်ထီၣ်ထီဒါဝ့ၢ်ယရူၤၡလ့ၣ်လၢအဘၣ် တၢ်ထိၣ်ဂဲၤထီၣ်တ့ၢ်အီၤန့ၣ်, တလီၤပံာ်ကွံာ်ဝဲဘၣ်.

စံးထီၣ်ပတြၢၤ 78:10

အဝဲသ့ၣ်တတိၢ်န့ၢ်ကစၢ်ယွၤ အတၢ်အၢၣ်လီၤအီလီၤဘၣ်, မ့မ့ၢ်သမၢဝဲလၢကလဲၤတၢ်ဒ် ယွၤအတၢ်သိၣ်တၢ်သီအသိးန့ၣ်လီၤ.

လံာ်ယံးရမံယၤ 32:23

ဘၣ်ဆၣ်, ဖဲအဝဲသ့ၣ်ဟဲနုာ်လီၤဆူ ထံကီၢ်အံၤဒီး မၤန့ၢ်အီၤဝံၤန့ၣ်တစူၢ်နတၢ်မၤလိာ်တဖၣ်မ့ၢ်ဂ့ၤ, တအိၣ်မူဒ် နသိၣ်က့ၤသီက့ၤအီၤ အသိးမ့ၢ်ဂ့ၤဘၣ်. တၢ်လၢနဟ့ၣ် လီၤနကလုၢ်လၢ ကမၤဝဲန့ၣ်, အဝဲသ့ၣ်တမၤဝဲနီတမံၤဘၣ်. လၢတၢ်န့ၣ်အဃိ, နဒုးလီၤဘၣ်တၢ်ဟးဂီၤခဲလၢာ်အံၤလၢ အဝဲသ့ၣ်အလိၤန့ၣ်လီၤ.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 13:15

တၢ်ဒူၣ်ဒီးပှၤတဖၣ်လၢအဖှူဘၢအီၤလၢထူၣ်ဝါန့ၣ်, ကကလၢၢ်ဘၣ်ယတၢ်သးထီၣ်အသဟီၣ်န့ၣ်လီၤ. ဝံၤဒီးယကတဲဘၣ်သုလၢတၢ်ဒူၣ်န့ၣ်တအိၣ်လၢၤဘၣ်. ဒီးဒ်န့ၣ်အသိး, ပှၤတဖၣ်လၢအဖှူဝါအီၤ,

လံာ်ယဃ့းစက့လး 20:11

ယဟ့ၣ်လီၤအဝဲသ့ၣ်လၢယတၢ်မၤလိာ်တဖၣ်ဒီးယသိၣ်လိ အဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢ အဟဲစိာ်တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ.

လံာ်ယဃ့းစက့လး 20:13

ဘၣ်ဆၣ်လၢပှၢ်မုၢ်ကနၢအပူၤဒၣ်လဲာ်န့ၣ်အဝဲသ့ၣ်ခီၣ်ဆၢယၤလီၤ. အဝဲသ့ၣ်လုၣ်သ့ၣ်ခါပတာ်ကွံာ်ယတၢ်ဘူၣ်တၢ်ဘါအတၢ်သိၣ်တၢ် သီတဖၣ်ဒီးစူးကွံာ်ညိကွံာ်ယတၢ်မၤလိာ်တဖၣ်လၢအဟဲစိာ် တၢ်မူဆူပှၤတဂၤလၢ်လၢ်လၢအစူၢ်အီၤအအိၣ်န့ၣ်လီၤ. အဝဲသ့ၣ်မၤဘၣ်အၢဘၣ်သီမုၢ်အိၣ်ဘှံးအနံၤလၢာ်လၢာ်ဆ့ဆ့ န့ၣ်လီၤ. ယအိၣ်ကတဲာ်ကတီၤယသးလၢယကဒုးကလၢၢ်ဘၣ် အဝဲသ့ၣ်လၢယတၢ်သးဒိၣ်ထီၣ်အသဟီၣ်ဆူၣ်ဖဲန့ၣ်, လၢပှၢ်မုၢ်ကနၢအပူၤဒီးမၤဟးဂီၤကွံာ်အဝဲသ့ၣ်န့ၣ်လီၤ.

လံာ်ယဃ့းစက့လး 20:36

ခဲကနံၣ်အံၤယကစံၣ်ညီၣ်ဃၣ်သု, ဒ်သိးဒၣ်ယစံၣ်ညီၣ်ဃၣ်တ့ၢ် သုပၢ်တဖၣ်လၢကစၢၢ်စံၤနါအပှၢ်မုၢ်ကနၢပူၤအသိးန့ၣ်လီၤ.” ယွၤ, ပၢဘၣ်တၢ်ခဲလၢာ်ကစၢ်စံးတၢ်န့ၣ်လီၤ.

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်ယဃ့းစက့လး 21:31

သုကကလၢၢ်ဘၣ်ယတၢ်သးထီၣ်, ဖဲယလူလီၤအီၤလၢသုလိၤဒ်မ့ၣ်အူကဲၤတခါအသိးန့ၣ်လီၤ. ဒီးယကဟ့ၣ်လီၤကွံာ်သုဆူပှၤအၢပှၤသီအရၢၢ်အစၢၢ်တဖၣ်လၢ အမ့ၢ်ပှၤလၢအသ့လီၤတံၢ်လီၤဆဲးလၢတၢ်မၤဟးဂီၤအပူၤ အစုပူၤန့ၣ်လီၤ.

လံာ်ယဃ့းစက့လး 22:8

သုတယူးယီၣ်ပာ်ကဲဘၣ်တၢ်လီၢ်စီဆှံတဖၣ်ဘၣ်. ဒီးသုတတိၢ်န့ၢ်ဖံးဃာ်မုၢ်အိၣ်ဘှံးအနံၤဘၣ်.

လံာ်ယဃ့းစက့လး 7:8

ခဲအံၤ, တယံာ်လၢၤဘၣ်, နကကလၢၢ်ဘၣ်ယတၢ်သးဒိၣ်ထီၣ်အသဟီၣ်လီၤ. ယစံၣ်ညီၣ်နၤလၢတၢ်လၢနမၤတ့ၢ်နဲအဃိ, ဒီးလၢနသကဲာ်ပဝးလၢအလီၤသးဘၣ်အၢခဲလၢာ်အဂီၢ်န့ၣ်, ယကဟ့ၣ်ကၣ်ဆၢက့ၤနၤလီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်တၢ်ဂံၢ် 21:5

ဒီးကတိၤတၢ်ထီဒါကစၢ်ယွၤဒီးစီၤမိၤၡ့န့ၣ်လီၤ. အဝဲသ့ၣ်ကဒူးကဒ့ၣ်တၢ်စံးဝဲ, “နထုးထီၣ်ပှၤလၢကီၢ်အဲၤကူပတူးဒ်သိးပကသံလၢပှၢ်မုၢ်ကနၢ အပူၤအံၤဖဲတၢ်အီၣ်တအိၣ်ထံတအိၣ်န့ၣ်ဘၣ်မနုၤလဲၣ်. တၢ်အီၣ်တဂိာ်တသီၣ်အံၤ, ပအီၣ်တကဲလၢၤဘၣ်.”

လံာ်မးသဲ 19:17

ယ့ၣ်ၡူးစံးဆၢအီၤ, “ဘၣ်မနုၤလၢနသံကွၢ်ယၤဘၣ်ဃးဒီးတၢ်ဂ့ၤန့ၣ်လဲၣ်. ပှၤအဂ့ၤအိၣ်ဒၣ်ထဲယွၤတဂၤဧိၤလီၤ. နမ့ၢ်အဲၣ်ဒိးလဲၤနုာ်လီၤဆူတၢ်မူအထူအယိာ်အပူၤဒီး, တိၢ်န့ၢ်တၢ်မၤလိာ်တဖၣ်န့ၣ်တက့ၢ်.”

မၤတၢ် 13:18

ဒီးလၢအနံၣ်လွံၢ်ဆံအတီၢ်ပူၤန့ၣ်, ဆှၢအီၤလၢတၢ်သူၣ်စူၤသးစူၤအပူၤဖဲပှၢ်မုၢ်ကနၢန့ၣ်လီၤ.

လံာ်သိၣ်လီၤသီလီၤတၢ် 31:27

ယသ့ၣ်ညါလၢအဝဲသ့ၣ်မ့ၢ်ပှၤအခိၣ်ကိၤဒီးပူထီၣ်ထီဒါတၢ်ထဲ လဲၣ်န့ၣ်လီၤ. အဝဲသ့ၣ်ပူထီၣ်ထီဒါတ့ၢ်ယွၤလၢယအိၣ်မူအစိၤ, ဒီးအဝဲသ့ၣ်ကပူထီၣ်တၢ်အါန့ၢ်ဒံးအလီၢ်ဖဲယသံဝံၤအလီၢ်ခံ န့ၣ်လီၤ.

လံာ်လီၣ်ဖျါ 16:1

တုၤနုၤတစုယနၢ်ဟူတၢ်ကလုၢ်ဖးဒိၣ်သီၣ်ထီၣ်လၢတၢ်လုၢ်ဟံၣ် ပူၤဒီးစံးဘၣ်ကလူးနွံဂၤ “လဲၤ ဒီးဂၢ်လီၤကစၢ်ယွၤအတၢ်သးထီၣ်အသလၢနွံဖျၢၣ် လၢဟီၣ်ခိၣ်ချၢတက့ၢ်.”