လံာ်ယဃ့းစက့လး 20:12 - Sgaw Karen Common Bible

¹² ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 20:12 Iomraidhean Croise

လံာ်တၢ်ကဲထီၣ်အခီၣ်ထံး 2:3

အဝဲဆိၣ်ဂ့ၤတ့ၢ်မုၢ်နွံနံၤတနံၤဒီးပာ်လီၤဆီဝဲဒ်အမ့ၢ်မုၢ်နံၤလီၤဆီတနံၤအသိးလီၤ. အဂ့ၢ်ဒ်အံၤ, တုၤမုၢ်နံၤအဝဲန့ၣ်န့ၣ်, အဝဲမၤဝံၤကွံာ်အတၢ်တ့လီၤပာ်လီၤဒီးဆိကတီၢ်လၢအတၢ်မၤန့ၣ်လီၤ.

လံာ်စီၤနဃ့မယၤ 9:14

နသိၣ်လိတ့ၢ်အဝဲသ့ၣ်လၢကတိၢ်န့ၢ်ဖံးဃာ်တၢ်ပာ်စီဆှံမုၢ်အိၣ် ဘှံးနံၤ, ဒီးနဟ့ၣ်လီၤအဝဲသ့ၣ်လၢနတၢ်သိၣ်တၢ်သီတဖၣ်ခီဖျိနခ့နပှၤစီၤမိၤၡ့န့ၣ်လီၤ.

လံာ်တၢ်ဟးထီၣ်ကွံာ် 16:29

သ့ၣ်နီၣ်ထီၣ်ယၤ, ယွၤအံၤဟ့ၣ်တ့ၢ်သုမုၢ်တနံၤလၢတၢ်အိၣ်ဘှံး အဂီၢ်သတးဒီး, လၢဃုနံၤတနံၤန့ၣ်ယကဟ့ၣ်သုတၢ်အီၣ်, လၢဝဲလၢခံသီအဂီၢ်န့ၣ်လီၤ. ပှၤကိးဂၤဒဲးကဘၣ်အိၣ်, ဖဲအအိၣ်ဝဲအလီၢ်လၢမုၢ်နွံနံၤတနံၤန့ၣ်ဒီးတဘၣ်ဟးထီၣ်လၢ အဟံၣ်ပူၤဘၣ်.”

လံာ်တၢ်ဟးထီၣ်ကွံာ် 35:2

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤန့ၣ်လီၤ. ဘၣ်ဆၣ်ဒီးနွံနံၤတနံၤန့ၣ်ကဘၣ်တၢ်ပာ်စီဆှံအီၤဒ်မုၢ်နံၤစီဆှံလၢတၢ်အိၣ်ဘှံးအဂီၢ်ဆူယၤ, ယွၤအအိၣ်လီၤ. ပှၤတဂၤလၢ်လၢ်လၢအမၤတၢ်မၤတမံၤမံၤလၢမုၢ်နံၤဝဲန့ၣ်အပူၤ န့ၣ်ကဘၣ်တၢ်မၤသံကွံာ်အီၤန့ၣ်လီၤ.

လံာ်ယၡါယၤ 56:2

ယကဆိၣ်ဂ့ၤပှၤတဖၣ်လၢထီဘိ တိၢ်န့ၢ်မုၢ်အိၣ်ဘှံးနံၤဒီးတသူကမၣ်ဝဲဘၣ်န့ၣ်လီၤ. ယကဆိၣ်ဂ့ၤပှၤတဖၣ်လၢတမၤတၢ်အၢ တၢ်သီနီတမံၤဘၣ်န့ၣ်လီၤ.”

လံာ်ယံးရမံယၤ 17:22

ဒီးလၢမုၢ်အိၣ်ဘှံးနံၤန့ၣ်အဝဲသ့ၣ်တဘၣ်စိာ်ထီၣ်ကွံာ်တၢ်တမံၤမံၤ လၢအဟံၣ်တဖၣ်အပူၤဘၣ်. အဝဲသ့ၣ်တဘၣ်မၤတၢ်နီတမံၤလၢ မုၢ်အိၣ်ဘှံးနံၤဘၣ်. အဝဲသ့ၣ်ကဘၣ်ပာ်အီၤဒ်မုၢ်နံၤစီဆှံ တနံၤအသိးဒ်ယမၤလိာ်တ့ၢ်အဝဲသ့ၣ်အမိၢ်ပၢ်ဖံဖုလၢပျၢၤန့ၣ်လီၤ.

လံာ်ယဃ့းစက့လး 20:20

ပာ်မုၢ်အိၣ်ဘှံးနံၤဒ်မုၢ်နံၤစီဆှံတနံၤအသိး, ဒ်သိးတၢ်န့ၣ်ကမ့ၢ်ပတၢ်အၢၣ်လီၤအီလီၤအတၢ်ပနီၣ်တမံၤဒီးကဒုး သ့ၣ်နီၣ်ထီၣ်သုလၢယမ့ၢ်ယွၤသုကစၢ်ယွၤန့ၣ်တက့ၢ်.

လံာ်ယဃ့းစက့လး 20:26

ယပျဲအဝဲသ့ၣ်လၢကမၤဘၣ်အၢလီၤက့ၤအဝဲသ့ၣ်အသးဒၣ်ဝဲလၢ အတၢ်လုၢ်တၢ်ပာ်ဒၣ်ဝဲတဖၣ်, ဒီးယပျဲအဝဲသ့ၣ်ကလုၢ်ထီၣ်ပာ်ထီၣ်အဖိဝဲၢ်ကိတဖၣ်န့ၣ်လီၤ. တၢ်အံၤမ့ၢ်ဒ်သိးတၢ်ကစံၣ်ညီၣ်အဝဲသ့ၣ်အဂီၢ်ဒီးဒုးနဲၣ်အဝဲ သ့ၣ်လၢယမ့ၢ်ယွၤန့ၣ်လီၤ.

လံာ်ယဃ့းစက့လး 37:28

တုၤမ့ၢ်ယပာ်ယတၢ်လုၢ်ဟံၣ်ဖဲန့ၣ်လၢအဝဲသ့ၣ်အကျါလီၤစိၤလီၤထီဒီး, အန့ၣ်တစုပှၤကလုာ်တဖၣ်ကသ့ၣ်ညါဝဲလၢ, ယၤ, ယွၤဃုထၢတ့ၢ်ပှၤအံၣ်စရ့လးဖိလၢကမ့ၢ်ယပှၤဂီၢ်မုၢ်ဒၣ်ယဲန့ၣ်လီၤ.”

လံာ်ယဃ့းစက့လး 44:24

တုၤမ့ၢ်တၢ်လိာ်ဘၢလိာ်ကွီၢ်တမံၤအိၣ်ထီၣ်ဝဲန့ၣ်, ပှၤလုၢ်တၢ်အခိၣ် တဖၣ်ကဘၣ်စံၣ်ညီၣ်ကွီၢ်န့ၣ်, ဒ်တၢ်ဘူၣ်တၢ်ဘါအတၢ်သိၣ်တၢ်သီ တဖၣ်အသိးန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်တၢ်ဘူၣ် တၢ်ဘါအမူးတဖၣ်ဒ်ယတၢ်သိၣ်တၢ်သီတဖၣ်ဒီးတၢ်ဘျၢတဖၣ်လၢ တၢ်ကဘၣ်မၤထွဲအီၤအသိး, ဒီးအဝဲသ့ၣ်ကဘၣ်ပာ်စီဆှံ ယမုၢ်အိၣ်ဘှံးနံၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:8

သုဘၣ်တိၢ်န့ၢ်ယတၢ်သိၣ်တၢ်သီတဖၣ်န့ၣ်လီၤ. အဂ့ၢ်ဒ်အံၤ, ယမ့ၢ်ယွၤလၢအမၤစီဆှံသုလီၤ.

လံာ်တၢ်ဘူၣ်ထီၣ်ဘါထီၣ် 21:15

မ့တမ့ၢ်ဘၣ်န့ၣ်, အဝဲအဖိတဖၣ်လၢကြၢးမ့ၢ်တၢ်စီတၢ်ဆှံ, ကတကဆှီဘၣ်ဒ်တၢ်ဘူၣ်တၢ်ဘါအလုၢ်အလၢ်အသိးလီၤ. ယမ့ၢ်ယွၤဒီးယပာ်လီၤဆီအီၤဒ်ပှၤလုၢ်တၢ်အခိၣ်အဒိၣ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 21:23

ဘၣ်ဆၣ်ဒီးမ့ၢ်လၢအအိၣ်ဒီးနီၢ်ခိက့ၢ်ဂီၤအတၢ်လီၤတူာ် လီၤကာ်အဃိဒီး, အဝဲတဘၣ်ဟဲဘူးဆူယၣ်ဘျးတဒၢစီဆှံမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲတဘၣ်မၤဘၣ်အၢတၢ်စီဆှံတဖၣ်အံၤဘၣ်. အဂ့ၢ်ဒ်အံၤ, ယမ့ၢ်ယွၤ, ဒီးယမၤစီဆှံတၢ်တဖၣ်အံၤလီၤ.”

လံာ်တၢ်ဘူၣ်ထီၣ်ဘါထီၣ် 21:8

ပှၤဂီၢ်မုၢ်ကဘၣ်ပာ်ပှၤလုၢ်တၢ်အခိၣ်ဒ်အမ့ၢ်ပှၤစီဆှံလီၤ. အဂ့ၢ်ဒ်အံၤ, လုၢ်ထီၣ်တၢ်လုၢ်မ့ၣ်အူဆူယအိၣ်လီၤ. ယမ့ၢ်ယွၤ, ယစီဆှံယဲဒီးယမၤစီဆှံယပှၤဂီၢ်မုၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:3

သုအိၣ်ဒီးမုၢ်နံၤဃုနံၤလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢနွံနံၤတနံၤန့ၣ်မ့ၢ်မုၢ် အိၣ်ဘှံးအနံၤတနံၤလၢသုကဘၣ်အိၣ်ဘှံးန့ၣ်လီၤ. သုတဘၣ်မၤတၢ်လၢမုၢ်နံၤအဝဲန့ၣ်ဘၣ်. မ့မ့ၢ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. မုၢ်အိၣ်ဘှံးနံၤန့ၣ်ဘၣ်ဃးဒီးယွၤဖဲသုအိၣ်တပူၤလၢ်လၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:32

စးထီၣ်လၢခွံနံၤတနံၤမုၢ်ဟါလီၤတုၤလီၤလၢတဆံနံၤတနံၤ မုၢ်ဟါလီၤန့ၣ်သုကဘၣ်တိၢ်န့ၢ်အီၤဒ်မုၢ်နံၤလီၤဆီတနံၤလၢတၢ်အိၣ်ဘှံး အဂီၢ်ဒီးသုတဘၣ်အီၣ်တၢ်နီတမံၤဘၣ်.”

လံာ်တၢ်ဘူၣ်ထီၣ်ဘါထီၣ် 23:39

ဖဲသုကူးဘုဝံၤဝဲအကတီၢ်န့ၣ်မၤမူးအံၤနွံနံၤ, စးထီၣ်လၢလါနွံလါတလါတဆံယဲၢ်နံၤတနံၤ န့ၣ်တက့ၢ်. မုၢ်ခီၣ်ထံးအနံၤဒီးဃိးနံၤတနံၤန့ၣ်မ့ၢ်မုၢ်အိၣ်ဘှံးအနံၤလီၤ.

လံာ်တၢ်ဘူၣ်ထီၣ်ဘါထီၣ် 25:4

မ့မ့ၢ်နွံနံၣ်တနံၣ်န့ၣ်ကဘၣ်မ့ၢ်တၢ်အိၣ်ဘှံးလၢလၢပှဲၤပှဲၤအနံၣ် တနံၣ်လၢဟီၣ်ခိၣ်အဂီၢ်, နံၣ်တနံၣ်လၢအဘၣ်တၢ်ပာ်စီဆှံအီၤဆူယွၤအအိၣ်န့ၣ်လီၤ. သူၣ်လီၤဖျးလီၤတၢ်လၢသုစံာ်ပျီပူၤတဂ့ၤ, ဒီးပဲာ်ဟိကဆှီထီၣ်သုစပံးအလီၢ်တဂ့ၤ.

ကလီးစဲ 2:16

လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,