လံာ်ယဃ့းစက့လး 2:9 - Sgaw Karen Common Bible

⁹ ယထံၣ်ဘၣ်စုတခီယူာ်ဃီၤအသးဆူယအိၣ်, ဒီးဟံးဃာ်လံာ်ထူ တထူလီၤ.

လံာ်ယဃ့းစက့လး 2:9 Iomraidhean Croise

လံာ်ယံးရမံယၤ 1:9

အန့ၣ်ဝံၤဒီး, ယွၤယူာ်ထီၣ်အစု, ထိးဘၣ်ယနိးဖံးဒီးစံးဘၣ်ယၤ, “ဒိကနၣ်တက့ၢ်. ယဟ့ၣ်လံနၤတၢ်ကတိၤတဖၣ် လၢနကဘၣ်ကတိၤအီၤလီၤ.

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ယံးရမံယၤ 36:4

လၢတၢ်န့ၣ်အဃိ, ယကိးန့ၢ် စီၤန့ၤရံယၤအဖိခွါ စီၤဘၤရူးဒီး ကိးထီၣ်န့ၢ်အီၤတၢ်ခဲလၢာ်လၢယွၤ စံးဘၣ်တ့ၢ်ယၤလီၤ. ဒီးစီၤဘၤရူးကွဲးလီၤအီၤ ခဲလၢာ်လၢလံာ်ထူတထူအလိၤန့ၣ်လီၤ.

လံာ်ယဃ့းစက့လး 3:1

ကစၢ်ယွၤစံးဝဲဒၣ်, “ပှၤကညီလၢ အသံသ့ဧၢ, အီၣ်လံာ်ထူအံၤ တက့ၢ်. ဝံၤဒီး လဲၤကတိၤတၢ်ဒီး ကီၢ်အံၣ်စရ့လးအပှၤဂီၢ်မုၢ် န့ၣ်တက့ၢ်.”

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်ဒၤနံးယ့လး 10:10

ဒီးကွၢ်ကွၢ်, စုတခီဟံးထီၣ်ယၤဒီးဝံၣ်ဆၢထၢၣ်ယၤလၢယစုဒီး ယခီၣ်လ့ၢ်ခိၣ်အဖီခိၣ်လီၤ. ယကနိးကစုာ်ဒံးယဲအဖၢမုၢ်လီၤ.

လံာ်ဒၤနံးယ့လး 5:5

ဒီးတၢ်မၤအသးသတူၢ်ကလာ်လၢပှၤကညီအစုတခီအိၣ်ဖျါ ထီၣ်ဝဲဒီးကွဲးတၢ်လၢစီၤပၤအနူၢ်ပူၤဖဲဂီၤပၤကျံးဘျ့သးအလိၤ ဒီးမ့ၣ်အူဒၢတဖၣ်အတၢ်ကပီၤဆဲးလီၤကပြုၢ်ဘၣ်ဝဲအလီၢ်န့ၣ်လီၤ. ဒီးစီၤပၤထံၣ်ဘၣ်တ့ၢ်စုန့ၣ်ဖဲအကွဲးတၢ်လၢဂီၤပၤအလိၤန့ၣ်လီၤ.

လံာ်စကၤရယၤ 5:1

ယကွၢ်ကဒီးတၢ်ဒီးတဘျီအံၤယထံၣ်လံာ် ထူတထူယူၤဝဲဒၣ်လၢကလံၤကျါန့ၣ်လီၤ.

လံာ်စကၤရယၤ 5:3

အန့ၣ်ဒီးကလူးန့ၣ်စံးဘၣ်ယၤ, “လၢလံာ်ထူလိၤန့ၣ်, တၢ်ဆိၣ်အၢလၢကလီၤဘၣ်ထံကီၢ်ဒီတဘ့ၣ်န့ၣ်အိၣ် ကွဲးလီၤအသးလီၤ. လၢလံာ်ထူတကပၤန့ၣ်, တၢ်ကွဲးအသးစံးဝဲလၢကယဲၢ်တၢ်ဘျၣ်တဂၤလၢ် လၢ်န့ၣ်, ကဘၣ်တၢ်မၤဟးဂီၤကွံာ်အီၤလၢထံကီၢ်အပူၤ, ဒီးလၢအဂၤတကပၤန့ၣ်, တၢ်ကွဲးအသးစံးဝဲလၢပှၤလၢအကတိၤကဘျံး ကဘျၣ်တၢ်လၢတၢ်ဆိၣ်လီၤသးအပူၤတဂၤလၢ်လၢ်န့ၣ်, တၢ်ကမၤဟးဂီၤကွံာ်အီၤစ့ၢ်ကီးလီၤ.

ဧ့ၤဘြံၤ 10:7

လၢတၢ်န့ၣ်အဃိယစံးယဲ, ‘ကွၢ်ကွၢ်ကစၢ်ယွၤဧၢ, ယဟဲယဲဒ်သိးယကမၤတၢ်ဘၣ်နသး ဒ်တၢ်ကွဲးအသးလၢလံာ်တၢ်သိၣ်တၢ်သီ အလံာ်ထူပူၤအသိးန့ၣ်လီၤ.’ ”